輝哥私房菜 (Under Renovation)

雖然係點心放題，但點心用料都好好，新鮮好味～點完餐隔一陣就有新鮮出爐熱辣辣點心，而且仲有個檔仔可以拎菠蘿油 西多士呢d 港式小食，好值得一試😋❤️蒸點 水晶蝦餃皇+蟹籽燒賣皇都係必食!! 蝦仁大大粒新鮮彈牙，燒賣餡肉質結實又新鮮🧡腸粉 鮮蝦腸粉 蝦仁大大粒好彈牙，腸粉滑滑💛港式系列 有菠蘿油 西多士 咖喱蘿蔔魚蛋 碗仔翅等等既港式小食，最特別係有港式絲襪奶茶，可以自己沖返杯滑滑奶茶💚炸物 八味脆豆腐 好香口，外面粉漿厚薄適中，入面係超滑嫩豆腐～

今日放假同媽媽去飲茶睇到 togetda Book有優惠成人 90分鐘午巿點心放題 + 汽水任飲 星期一至五適用 只需 $98小童或長者就 $88可以選擇11:45 或者 13:30即時訂左兩位任點任食點心唔駛就住就住，食幾多就幾多，不過食得哂先好嗌，唔好眼闊肚窄，唔好浪費即叫即蒸，咁就夠哂熱辣辣有超過50款高級粵式手工點心唔想等可以自己出去大排檔拎小食XO醬炒腸粉，咖喱蘿蔔魚蛋，韭菜豬紅仲有絲襪奶茶自己沖!先來一人一隻帶子好快點心就上枱啦蟹子燒賣皇韭皇鮮蝦腸粉 腸粉好滑，蝦仁好大粒水晶蝦餃皇好飽滿，餃皮晶瑩剔透鮮蝦菜苗餃餃皮同樣好晶瑩，唔會太厚皮涼拌拍青瓜青瓜爽脆可口四川口水雞辣味刺激，衝擊味蕾，雞肉嫩滑山竹牛肉球牛肉球好爽彈最後一人一個焦糖燉蛋做甜品作結尾，好滿足!

今日約左朋友去飲杯茶食個包一間港式茶餐廳點心放題 ~ 佐敦長樂街18號18廣場2樓 ✨輝哥私房菜✨ ▶️限時90分鐘放題，有足夠時間慢慢食點心放題送一人一隻🌈蒜蓉粉絲蒸北海道帶子✅點心紙有好多選擇，即叫即蒸👍🏻 #點心 ~ 水晶蝦餃皇，鮮蝦菜苗餃👍🏻蒸蒸日上即係腸粉 ~ 蜜汁叉燒腸粉，香茜牛肉腸粉👍🏻甜品奶凍 ~ 椰汁馬荳糕，法式焦糖燉蛋👍🏻豐衣粥食即係粥 ~ 瑤柱帶子肉片粥👍🏻田園蔬就係蔬菜 ~ 蒜蓉菜心，麵醬唐生菜👍🏻巧手小食 ~ 八味脆豆腐，椒鹽魷魚鬚👍🏻精選粉麵 ~ 兩面黃肉絲炒麵，瑞士汁乾炒牛河👍🏻大排檔精美小食 ~ 臘味糯米飯菜，韭豬紅，街頭碗仔翅🌈水晶蝦餃皇 ~ 皮薄餡靚，蝦肉好大粒，好鮮甜好爽脆🌈蟹子燒賣皇 ~ 大大粒，餡料足🌈鮮蝦菜苗餃 ~ 菜苗好翠綠好新鮮，蝦肉好彈牙🌈韭皇鮮蝦腸粉 ~ 韭皇好香，蝦肉大粒🌈炸雲吞 ~ 炸到金黃香脆，口感鬆化，蝦肉鮮甜彈牙🌈山竹牛肉球🌈豉汁蒸排骨🌈四川口水雞🌈涼拌拍青瓜🌈法式焦糖燉蛋 ~ 面層焦糖好香，燉蛋相當滑宜家 ▶️ togetda Book 有優惠星期一至五 $98 一個人小童同長者就平$10。

之前見到好多人喺ig度講於是新年年頭喺網上訂咗輝哥嘅盆菜仲送咗龍蝦添印像中係夠四五個人食但佢呢個應該係多過四五個人嘅份量對面都算足料嘅但係冇想像中咁好食本身講話夜晚送到晏晝已經打電話送咗上嚟仲有埋保溫袋其實係做得幾好嘅包保鮮紙有雞有海鮮有肉蘿蔔其實都差唔多一千蚊都有啲鮑魚期望係希望份量多啲但係就可能材料都貴啦就貴精不貴多試過一次了咗心願就ok輝哥呢個名好似成日聽人講咁感覺好出名團購有成日做所以都幫襯試一試啦

首先，食物質素一般，偏鹹，選擇並無好多，menu上有好多都無⋯⋯送嘅扇貝係凍嘅⋯⋯這個價錢算了，衰在手多買咗4張飛，無得退⋯⋯先谷住去你一到坐落位度，當你要開始落單嘅時候，會有一個著住似小丑孭帶褲嘅光頭啊伯先警告全場嘅客：食幾多落幾多，否則會收30一兩！本身以為只係走下過場，好心提下顧客，唔好浪費食物，事實係，上咗兩round之後，d嘢食好耐都未來，就以為漏單，咪再剔單，點知個孭帶光頭佬即彈出來，指住你張檯大大聲話，你頭先有一張單都未幫你落，你仲叫？啊⋯⋯咩你知我有落單，仲咩晤上？佢無理，只係不停話，你地已經叫咗十幾碟了，食晤晒收30蚊一兩！我頂，我檯面得返1粒蝦餃，幾條鳳爪，半個包，你咁驚我食唔晒？我先坐落半個鐘⋯⋯咁我咪唔落住囉，直到我檯面d碟執走晒，得返40分鐘先再上比我⋯⋯期間個光頭不斷係成個場周圍睇人地食幾多，又過去警告人⋯⋯真係人生第一次遇到⋯⋯再都唔會去！！有本事就晤好比人任食啦！地方又細，又偏，又難搵！晤做低價真係會執笠⋯⋯所以用任點任食來呃人去，不過，去過嘅人相信都唔會再去！post出來希望唔好再有人俾搵笨！！！

想試慎重考慮，啲點心味道麻麻哋！嗰間舖頭細細地喺樓上鋪，兩個人埋單$242港元。價錢仲好貴，茶位12每位，仲要收+1服務費。點心嘅選擇比較少，試過一次唔會再試唔值得！呢個價錢去高級茶樓食乜嘢都得！買單嘅人又唔會話俾你知有乜嘢優惠，服務態度一般般。嗰個環境就唔適合呢個+1服務費，廣告係賣＄98加埋呢樣加埋果樣就唔止啦！份量比較少啲都可以理解，淨係覺得嗰個焦糖蛋味都OK，其他點心真係麻麻哋！想嘗試嘅可以話俾你啲知真正嘅感受！各位慎重考慮！

Dim sum & steamed food 點心、蒸品餐廳有好多傳統點心同埋蒸嘅嘢食，好似有蝦餃王🦐、蟹子燒賣王、鮮蝦菜苗餃🥦、蜜汁叉燒腸粉、迷你珍珠雞等🌯，食物嘅質素同酒樓出品嘅差唔多，而一籠三粒嘅特點可以比食下試，多啲唔通款式點心👍🏻Cooked cook & special dishes 熟食、特色小食 除咗點心任食之外，仲有唔同嘅港式小食同小菜，例如係菠蘿油、即炸西多士🍯🍞、椒鹽豆腐、椒鹽鮮魷🦑、韭菜豬紅、涼拌青瓜🥒，種類好廣泛又充滿香港特色🇭🇰Desserts & beverages 甜品、飲品 🍮呢度都有平時酒樓嘅傳統糕點啊，今次食咗椰汁馬豆糕同埋杞子圓肉桂花糕🌼，兩款冰凍嘅甜品都唔會太甜，符合現代人注重健康偏向少甜少油嘅概念！

有冇同感呀，而家飲茶叫點心係會留意下點心紙嘅特點、大點幾多錢蝦餃個價錢係兩粒定係三/四粒？而家去茶樓食得飽，冇好幾百文落樓唔得係咪好想任食點心唔使就住📝📝我誠意推介食輝哥私房菜【輝哥私房菜懷舊點心放題】更送您蒜蓉粉絲蒸北海道帶子落完點心紙即叫即蒸，唔會等好耐。🥢多達50款高級粵式手工點心有任點任叫的點心有水晶蝦餃皇、北海道元貝餃、豬膶燒賣、韭黃鮮蝦腸粉、蠔皇鮮竹卷及招牌炸雲吞等，🔍佢嘅點心水準唔錯🥢大碟粉麵 :我圖中足瑞士汁乾炒牛河、福建炒飯及兩面黃肉絲炒麵、獅城炒貴刁等🥢外出自己拎啲點心放題有咖央西多﹑菠蘿油、絲襪奶茶、咖喱蘿蔔魚蛋、韭菜豬紅、XO醬炒腸粉等🥢甜品飲品: 估唔到仲有法式焦糖燉蛋都幾好食😋。我成壺普洱茶唔係飲咗好多，我只顧住不斷飲絲襪奶茶同出面任取的冰凍蜜桃茶及可樂，奶茶水準拍得住舊式茶餐廳。🔍我嘅第一次食點心放題竟然同呢位眼闊肚窄嘅仔仔👶🤣估唔到我仔無限拎出面唔辣嘅咖喱魚蛋及香脆外皮的菠蘿油，我怕他太快飽，無限從他手中搶包🍞，他堅持全吃🤣，咖喱魚蛋好入味又彈牙，我最鍾意佢有各式各樣的懷舊點心，我覺得好有香港情懷。🥟我特別鍾意食佢比起薄餡靚嘅蝦餃(叫了兩次)，我推介食豬

一心諗住私房菜應該都會有一啲特別好味嘅 點心，但都係一般酒樓嘅味道。門口等位地方淺窄，服務員態度麻麻，特別有一位年紀比較大嘅侍應，講野好大聲，一開始已經叫人唔好浪費食物，講完又講，好似唔想畀人食咁。

Book 左個90分鐘任點任食午市點心放題, 話明放題冇可能食唔飽.....不過質素就不過不失囉煎蘿蔔糕好淋, 好似食左一舊粉咁碗仔翅味道不錯, 唔太咸, 料都夠足豆腐夠脆口腸粉唔夠滑魚蛋蘿蔔唔夠味, 只有色....太淡味, 完全沒有咖喱味反而韭菜豬紅夠入味, 好好食不過值得一讚嘅係佢出餐快, 我地order左一陣就送到, 而且冇咩點漏單,而且服務員都好有禮貌,連埋加一百零蚊一個人,...我唯一講係...你唔可以要求太高囉

經app預訂午市90分鐘點心放題，等位位置擠迫，普通酒樓格局，大部分食品經點心紙填寫，有幾十款食品。填寫完點心紙，會先來送每一人份蒜蓉粉絲蒸帶子，等了十幾分鐘，陸陸續續有食品上枱，但有五、六款無黎，好多枱食客都有食物黎唔齊情況出現，而職員只會叫你重新填寫點心紙，或者話該款食物賣晒，敷衍了事。自取嘅大排檔食物，開始幾分鐘就無晒。食物味道整體普通，不過不失。感覺上，佢整咗咩，你有就食👎🏻👎🏻。一位連茶位$125，食得飽，但唔算好吸引。

預訂5月9號11:45-1:15放題11:30到一批師奶非常鼓躁，因為門口好逼唔比入11:45入場，環境ok入場後老細周圍叫人唔好浪費食物慢慢點叫完第一輪，唔齊原來menu上大排檔一欄係要自己拎但出面煎左幾碟野就無人再煎我想食薄撐同炒腸粉都無第二、三round點心唔齊燒賣都唔到，燉蛋又唔到叫到第三次先有燉蛋，想再加呀姐話無去到12:30已經話last order, 眼都突埋乾炒牛河d牛係生嘅勁多野未到隔離枱第一round叫嘅粥都無到過佢地1點問呀姐，呀姐話1:15就要即時走粥要整5分鐘，我整得黎你地都未必食得切佢地堅持要比，最後兩分鐘出左1:10開始趕人走，我地個叉燒腸都未到老細話唔會再出Oh,我地都會同碟叉燒腸一樣唔會再出現第一round叫嘅燒賣1:00先出比我，我諗叫左燒賣嘅都係1點先有得食離晒譜話係放題，不如話係佢發板咁岩有蒸開就比你無嘅就唔整蒸點味道只能叫正常除左收$個呀姐，其他人都好有態度想試暗黑放題，可以一試P.S. 連茶芥、加一、公眾假期每人加$20，每位$143

Happy friday好友帶我去飲茶任食,今次嚟到佐敦長樂街。我對飲茶任食冇乜好感,一般都覺得麻麻地好食,只係價錢平囉。今次$98/位,價錢咁抵,都係諗住一般質素。但老友話呢間係做電視嗰個輝哥開嘅酒家,應該質素有保證,價錢唔貴,咪試下囉…點知話要三日前訂位喎,係咪咁多人排隊呀?!我哋叫咗好多嘢食,淨睇點心紙,果真好多嘢食,種類繁多…食唔食得曬㗎?我哋兩位靚太都唔想做大嘥鬼喎!第一輪梗係叫蝦餃燒賣腸粉呢啲例牌飲茶嘢啦;仲嗌咗秋葵,芥末涼拌四季豆,四川口水雞等等幾款冷盤,真係唔差喎!細細碟,兩個人啱啱好👍橫掂任食,食唔夠再嗌都ok。又嗌咗我至愛嘅炸雲吞,咬落去脆卜卜,好好食呀😋! 第二round再嗌碟菜芯,鳳爪,牛肉燒賣,質素真係ok喎!原來出面有個冰櫃,罐裝冷飲任飲! 仲有個大排檔口,有咖哩魚蛋,碗仔翅,糯米飯之類…因為我哋遲咗嚟,畀人食曬lu…下次要食番至得。忘記話畀大家知,一坐低就每人送一隻蒸帶子,真係意想不到嘅"抵食"。侍應推介我哋食北海道元貝餃,都好ok👍! 臨尾我見隔離枱食"法式焦糖燉蛋"…唔係掛,咁鬼馬嘅甜品呢度都有🤪?! 我去甜品舖食都至少三四十蚊啦,雖然水準冇甜品舖咁正

5月1日晚同朋友慶祝生日，訂了兩位$398全蟹盛宴～第一道菜鹽油焗奄仔蟹每人一隻，但size好細，那位應該是老闆還每枱同客講這些是處女蟹……老咗就唔好食喎！OK…就當奄仔蟹細隻算了……但之後花雕蟹白蒸花蟹，蒸蛋白上面只得一隻蟹，這隻花蟹比奄仔那隻更細…只計蟹蓋…像女人手掌3分1嘅size！！真係細到去街市見到都唔會買呢食！！之後還有涼瓜煮水蟹只得半隻蟹和法國羔蟹子雞煲也是得半隻蟹和6件雞（還有根本沒有什麼法國羔蟹出現過……）以上兩道菜個半隻蟹比前兩道菜大一點點（約有半隻手掌大）日式芝士焗蟹蓋每人兩隻（這個正常）和燕窩金湯蟹粉羹（沒有看到燕窩或者煮溶咗吧）金沙蟹皇菜甫炒飯呢個每人有一碗仔最後甜品就不好食唔介紹了……總括呢講餸菜味道唔錯服務很好但唔抵食，$398連埋加一要每人$500（加一是以正價$880計加每人$12茶錢）最後係食唔飽因為餸菜份量太少，真係估唔到預咗用每人$500會食唔飽，在網上看見廣告海報再加上那頭3個置頂食評，滿心歡喜和朋友一心諗住黎食好嘢慶祝生日，但食住d蟹仔全程覺得很丟臉…真係唔會再黎～

見廣告話有個蟹宴八道菜套餐特價就去試下特價計埋所有費用500一位左右黎第一道奄仔蟹 明白呢種蟹比較貴 500蚊無可能道道菜都大隻 所以一望見係bb蟹都無乜問題 味道都算好食 以為後面會有啲蟹肉食下跟住黎潮州蟹 苦瓜水蟹 雞蟹煲等味道冇乜太大意見 因為其實每道菜都冇乜蟹肉落過肚 頭兩道係嬰身蟹 之後水蟹得兩舊冇肉蟹腳 雞蟹煲就有兩個蟹鉗仔 食完我都唔覺自己有食過蟹 與其八道菜好似好多但道道都冇乜肉既 不如縮減至四道菜 或者唔駛名種蟹 正正經經比啲蟹肉人食下😔