Video
Read full review
2022-05-07
760 views
Happy friday好友帶我去飲茶任食,今次嚟到佐敦長樂街。我對飲茶任食冇乜好感,一般都覺得麻麻地好食,只係價錢平囉。今次$98/位,價錢咁抵,都係諗住一般質素。但老友話呢間係做電視嗰個輝哥開嘅酒家,應該質素有保證,價錢唔貴,咪試下囉…點知話要三日前訂位喎,係咪咁多人排隊呀?!我哋叫咗好多嘢食,淨睇點心紙,果真好多嘢食,種類繁多…食唔食得曬㗎?我哋兩位靚太都唔想做大嘥鬼喎!第一輪梗係叫蝦餃燒賣腸粉呢啲例牌飲茶嘢啦;仲嗌咗秋葵,芥末涼拌四季豆,四川口水雞等等幾款冷盤,真係唔差喎!細細碟,兩個人啱啱好👍橫掂任食,食唔夠再嗌都ok。又嗌咗我至愛嘅炸雲吞,咬落去脆卜卜,好好食呀😋! 第二round再嗌碟菜芯,鳳爪,牛肉燒賣,質素真係ok喎!原來出面有個冰櫃,罐裝冷飲任飲! 仲有個大排檔口,有咖哩魚蛋,碗仔翅,糯米飯之類…因為我哋遲咗嚟,畀人食曬lu…下次要食番至得。忘記話畀大家知,一坐低就每人送一隻蒸帶子,真係意想不到嘅"抵食"。侍應推介我哋食北海道元貝餃,都好ok👍! 臨尾我見隔離枱食"法式焦糖燉蛋"…唔係掛,咁鬼馬嘅甜品呢度都有🤪?! 我去甜品舖食都至少三四十蚊啦,雖然水準冇甜品舖咁正
我對飲茶任食冇乜好感,一般都覺得麻麻地好食,只係價錢平囉。今次$98/位,價錢咁抵,都係諗住一般質素。但老友話呢間係做電視嗰個輝哥開嘅酒家,應該質素有保證,價錢唔貴,咪試下囉…點知話要三日前訂位喎,係咪咁多人排隊呀?!
我哋叫咗好多嘢食,淨睇點心紙,果真好多嘢食,種類繁多…食唔食得曬㗎?我哋兩位靚太都唔想做大嘥鬼喎!
第一輪梗係叫蝦餃燒賣腸粉呢啲例牌飲茶嘢啦;仲嗌咗秋葵,芥末涼拌四季豆,四川口水雞等等幾款冷盤,真係唔差喎!細細碟,兩個人啱啱好👍橫掂任食,食唔夠再嗌都ok。又嗌咗我至愛嘅炸雲吞,咬落去脆卜卜,好好食呀😋! 第二round再嗌碟菜芯,鳳爪,牛肉燒賣,質素真係ok喎!原來出面有個冰櫃,罐裝冷飲任飲! 仲有個大排檔口,有咖哩魚蛋,碗仔翅,糯米飯之類…因為我哋遲咗嚟,畀人食曬lu…下次要食番至得。忘記話畀大家知,一坐低就每人送一隻蒸帶子,真係意想不到嘅"抵食"。侍應推介我哋食北海道元貝餃,都好ok👍! 臨尾我見隔離枱食"法式焦糖燉蛋"…唔係掛,咁鬼馬嘅甜品呢度都有🤪?! 我去甜品舖食都至少三四十蚊啦,雖然水準冇甜品舖咁正,但都叫做合格,算係交足功課,有啲交"突"功課嘅感覺添!
講真咁多種類,食客梗係話正,但係做老細維唔維到皮㗎?唔理咁多,食咗先算,所以話今餐係性價比高嘅飲茶任食,確實係實至名歸! 我一定會encore👍
Post
