輝記雲吞麵

Open Now

Now Closed

工廠區都有好多美食今日試左雲吞河，落左醋，但覺得個醋反應扣分，嫌太酸最欣賞係雲吞，一共有5粒，算係大粒😋食落亦爽口，豬肉蝦肉比例均衡。跟餐+錢凍飲都係$42，唔要野飲都係+$2有油菜反而杯凍鴦比想像中好，一開始飲有啲甜，放多陣等啲冰再融啲就岩岩好，亦夠濃。我覺得比呢個價錢唔會覺得唔值😌不過，最希望呀姐試下講野或者送個笑容比我，一入店追住你又唔出聲，基本上唔會有時間比你睇個餐牌。食緊麵都一路望實食客，感覺好壓迫😂

老實講我從來都無留意過這裡的每一間小店 只記得這裡曾經有一間茶飲店-陳生陳太 但都已經係過去式 當日都估到做得不會長久 不過原來這間食店歷史都好悠久 應該都有十幾年 真係估唔到 因為我見樓面都好似無咩經驗 今日因為落大雨 唔想去太遠 因為大商場集中在大馬路 所以就試一試這間小店 點解說是小店？因為餐廳真係一眼就望晒 應該都只有十多個位 我食嗰段時間 間店都坐唔滿 因為未試過 所以就試一試雲吞麵 唔好食都唔會做招牌名啦這裡價錢麵食嚟講都算合理 這裏競爭比較大 所以食店都唔敢定太高價 當然南記這些大集團就更加抵 最後我點咗雲吞河 因為怕一個麵餅會食唔晒 多青 凍檸茶少甜 真係有驚喜 佢哋真係有認真理會我嘅請求 好多韭王 雲吞麵店多數用蔥 還有佢哋將雲吞放底 都係以前舊派做法 但好多它一輩嘅老人家都話這樣才是正宗 我今次沒有加紅醋 因為都幾夠味 反而紅醋偏酸 根本唔夾 食完都無口乾感覺 應該唔會用太多師傅凍檸茶要加2蚊 味道唔太甜 茶味都可以 唔會太苦澀 這裡大部分都係在附近工作嘅基層 大家食完之後就會主動離去 所以都好快有枱 下次一個人想食雲吞麵都應該會再來

呢間小店開咗咁耐我今日先行入去，原來係好嘢嚟失敬失敬！今日閒日又係疫情所以加埋我先得兩個客，鋪仔細細但感覺乾淨企理，點咗碗雲吞麵加熱奶茶（$34），碗麵端上面前比人觀感唔錯，麵立立令未食就覺得佢爽口，有少許韭黃而唔係蔥已經要加分，雲吞放喺底亦應該係咁，有傳統專業feel; 外觀唯一美中不足係佢加咗一條唐生菜，其實加一菜尤其係生菜，菜嘅青味會影響湯嘅味道，聞上去都有影響，不放也罷。飲啖湯先，有微微大地魚味但唔夠濃，有冇放蝦殼煲呢小弟就食唔出，見佢舖外有人喺度燒大地魚但可惜佢可能佢熬湯唔夠時間，論湯底佢係不及麥子輩嘅老字號但果啲成五十蚊碗喎！到麵啦，爽，彈牙唔立口，隱約有啲豬油味，正。到雲吞，呢個係重點，扎實飽滿，蝦爽，鮮，豬肉香，唔會太重調味，size 啱啱好，咬落去唔會散晒跌啲餡出嚟，（坊間太多果啲懶大粒，落重麻油嚟遮雪味，仲一咬就散嘅雲吞），皮薄，如果拖埋條金魚尾就更優美啦，雲吞底部唔會疊埋一層厚實嘅皮，LIKE! 單論雲吞佢已經好高分。成件事呢碗雲吞麵係值得再返單。下次會外賣返屋企打邊爐。期待試埋佢嘅水餃。

晚上我在「黃大仙」光顧某茶餐廳，本來想食「咖喱牛腩飯」加上炸雞小食作為晚餐，可惜那餐裡面的炸雞小食已經售罄，所以我被迫改食「咖喱雞飯」，等到徒步回來「新蒲崗」後才食牛腩。可惜我平日在「大有街」，一直有光顧的潮州粉麵餐廳，偏偏很早就已經在我趕回來之前關門休息，我被迫在接近晚上八點的情況下，改為幫襯其他「新蒲崗」潮州粉麵食店。幸好「天無絕人之路」，我在「大有街」「新科技廣場」地下舖位位置，找到「輝記雲吞麵」這間，接近子時晚上在「新蒲崗」，還有潮州牛腩粉麵可以享用的粉麵店。我一進入「輝記雲吞麵」，確定食店仍然營業之後，立刻點了一碗，以粗麵作為麵底的「牛腩麵」食品。「輝記雲吞麵」裡面的「粗麵」，是麵質屬於薄身以及呈自然捲曲形狀的麵條。所以我享用「輝記雲吞麵」裡面的「粗麵」之後，覺得「粗麵」麵條口感彈牙之餘，還感覺到「牛腩麵」的「粗麵」麵條裡面完全沒有鹼水味。至於「輝記雲吞麵」「牛腩麵」裡面的「牛腩」，「牛腩」實際口感感覺出奇地偏向很爽脆，令我感覺「牛腩麵」裡面的「牛腩」有點像「爽腩」多過「坑腩」。再加上「牛腩麵」湯底裡面的味道，有少許的牛肉甜味味道加上鹹味，所以「輝記雲吞麵」「牛腩麵」整體味道

這間輝記雲吞麵店,超細間,坐下的位也不舒服,但他的雲吞麵味道,好有50年前的風味,一入口便想起以前叫雲吞麵做細佣,湯的味道超懷舊,雲吞味道也很懷舊,蝦和豬肉的比例剛好,可粉超薄透明也很順滑,下次會再吃。

公司附近一間平食堂我個人都幾鍾意食粉麵特別呢期跟餐單一定會食菜tim當初係門口吸引到我入去就係因為佢個餐有得揀時菜平時一碟菜啊＄10以上走唔甩佢＄30竟然連買菜真係平得太過份仲要大大碟雲吞撈麵方面一樣大大碟雲吞味道正常唔係特別話好鮮但又唔太差朋友食個冬菇牛腩飯一樣足料幾入味窮人之選😆😆

沒吃午飯。剛送小友去上課後，花數分鐘腳程走過來吃碗麵，就當成是一個brunch吧....經常路過此店，但就從未進店吃過....吃雲吞，小弟比較喜歡伴麵吃。而水餃呢，我就喜愛以河粉相陪。今天除了水餃之外，還有另一最愛牛腩加了進去....先吃一口餃，餡料說實在不多；內裡竟找不著鳳城水餃必備的木耳絲。於我來說已要俾零分；牛腩一望已知極瘦極削，不用試已估計到頗韌的....一咬底下，果是如此....好久沒吃炸魚皮。縱然醫師囑咐小弟要少食煎炸物，魚皮睇落又不太對路，最後還是忍不住口叫了....雖皮脆但全沒魚味。剩下的，只有一個偏鹹....越食越令人氣結.....

這天在新浦崗工程，午間烈日掛空，行足成條街都唔知食咩好，差0的焗暈，最後揀左呢間﹗要了一個炸魚皮雲吞麵餐，加多杯凍奶茶走甜，$27﹗雲吞細細粒，蝦同豬肉比例平均，尚算鮮甜﹔炸魚皮小半碟，脆口有餘卻欠鬆化，魚味不足咬落有像吃碎玻璃，麻麻地﹗無論進出冷氣地方均可感到夏天來了，最怕熱辣辣的天氣，看來有排受了﹗

我成日都要黎新蒲崗大有街附近工作, 經過呢間舖時發現佢 d 野好抵食.... 想唔到o係新蒲崗o既工廠區內都會有咁出色既雲吞麵鋪.....雖然依間鋪比起旁邊既細.....但佢既格局幾好.... 比一般工廠區o既茶記闊落乾淨..... 有五張卡檯, 中間有3張長檯....一 D 都唔覺得迫.....因為依間鋪係冇電視...鐘意安靜食野既人就會覺得唔錯....唔會太嘈吵......午市時間叫左一碗雲吞麵($21)跟冬0茶, 夾埋都係23蚊. 佢 d 雲吞係細粒果種...又有口感.... 作為正餐一定夠飽. , 杯冬0茶都唔錯....夠茶味又夠甜... 依家仲推出左三文治餐.....可以多一種選擇..... 證明佢地仍然有心要做好間鋪頭既.....o係呢頭返工或者居住o既朋友, 呢度係坐底休息一下或同朋友傾計o既唔錯選擇....

黎間舖既雲吞面真係好正宗雲吞係放係底咖, 依家好少舖有得食正宗既係出面都要排哂隊我估係因為冇宣傳, 所以冇咩人知值得一試, 自細愛食雲吞既我覺得, good!!我有次叫左個牛根面, 真係好足料下午荼都係十幾蚊^^