大快活 (Closed)

啱啱喺大快活快餐店花左$36食咗呢個推廣期嘅特價餐，今日每樣野冇之前咁好食，雞扒同香腸唔夠熱（應該話差不多凍的），唔知係唔係一早整定；塊多士好乾，已經缺乏麵包應有的濕氣，雪菜肉絲米的雪菜有啲酸味，呢啲明明唔係鹹酸菜！嗰個湯底好深色但係沒有味道，連鹹味都唔夠！算啦！食飽啲一陣間要開工，上午和下午都要外勤，叫咗凍奶茶黎左杯杯凍檸茶，無飲到，費事改，反正每天早上起床的時候都會飲一杯自己沖的星巴克咖啡。唔好食都算！起碼夠飽可以開工！俾咗錢唔食好嘥！

尋日早上10:30聽完新聞報告知道下午兩點打8號風球，極速落樓下買餸之餘去咗大快活快餐店求其買咗一隻糯米雞做午餐，非常震驚地無意中發現大快活的糯米雞配方改了，味道及質感及香味可以話喺香港冇乜邊間酒樓的糯米雞有得比，最令人驚嘆的是食完的時候發現底部沒有黏住任何米粒，但係又見唔到油淋淋😱😱😱😱！早兩三個月之前佢哋曾經免費派糯米雞俾長者，等我以為佢哋唔係做善事就係因為生意唔夠要做推廣，原來係秘密練兵！睇嚟係產品方面會有更多革新，值得積極留意！爸爸和我今日的午餐都想食，原來用長者咭買（收銀員不會check購買人的年齡）每隻只是$29.5，餡料比起以前多左兩粒栗子及冬菇絲😳😳😳👍👍👍！加一杯飲品$32，不過唔知道加凍飲會唔會貴番幾蚊。記住只係早餐先至有糯米雞供應，要好似我哋咁早餐時段買咗然之後下午食午餐之前隔滾水蒸熱10分鐘然之後熄火不開蓋焗2分鐘才夠熱！

今日星期日約咗朋友喺早上八點去尖沙咀美麗華酒店日本大型雜貨店激之安殿堂朝聖，所以早上七點就要來食早餐，既然係星期日，破例叫得魔鬼啲，叫了一個All day breakfast包括大香腸一條、雞扒一塊、小小茄汁焗豆、奶油豬半個及凍綠茶淡啲。呢個餐其實很高鈉，但係偶然食一次解下單思之苦也不妨。雞扒很好食，個皮好香脆金黃、雞肉有汁及雞味。煙肉都好好食，瘦肉多！凍綠茶其實淡啲仲好飲，每次都要這樣叫。奶油豬雖然麵包質感不太差，但係唔係烘完之後立刻搽奶煉奶及牛油，其實已經錯過了黃金時間，效果不及茶餐廳。用咗我爸爸張長者咭去食，減咗$3，$35，抵！

因為之前食過厚多士覺得太乾，今日叫通粉早餐的時候揀咗蘿蔔糕代替多士，有一碗火腿通粉（有兩片細火腿），加埋一件蘿蔔糕已經夠澱粉質和飽，炒蛋改烚蛋，因為要減肥，點不知烚蛋有兩隻，抵！杯凍綠茶去到水壩嗰度叫水吧綠茶要淡的，果然唔會甜死我！今次呢個早餐全部食晒！食淨一個烚蛋黃，夠晒飽又唔肥！烚蛋的溫度不會燙手，容易剝殼！用咗我老竇張長者咭去食，只係港幣$26.5，冷氣又夠，最衰趕時間，唔係呌多一陣先！真係非常之抵食！

為咗超級涼嘅冷氣，今朝我又來左大快活食早餐了！今日食的套餐是粥炒麵早餐（飲品我點左凍綠茶），用咗爸爸的長者咭找數$26:1. 皮蛋瘦肉粥 ok2. 台式肉操炒米粉（其實係撈米粉），我叫咗走肉操，因為啲肉操又唔係特別好味過人，又唔知道肥瘦的比例，為咗減低多餘的卡路里及脂肪，一於走掉肉操！味道都可以，啲芽菜乸埋一住，個presentation有啲求其。其實撈米粉係比炒米粉容易控制很多，而且出餐快，冇咗個求其look就令人感覺良好。3. 綠茶少甜 - 我飲咗三啖就冇飲，因為每天早上係屋企都沖一杯星巴克咖啡飲，比起星巴克咖啡，佢真係唔好飲，以前冇咁澀，好飲好多。早餐$26有咁多嘢食同飲，淨係嘆冷氣都抵！呢個屋村只有這裏的冷氣最好，間酒樓都有時得有時唔得！

博康邨商場的大快活快餐店早餐雖然味道麻麻，但係夏天都想經常去幫襯下，因為冷氣夠涼、地方夠寬敞、職員服務態度不錯。今朝叫咗呢個早餐：1. 烚蛋 - 原來有兩隻，抵！溫度不會太熱燙手，溫度啱啱好擺入口食就最好。2. 火腿通粉-味道比起茶餐廳迅色一點，火腿設成小塊啲邊會乾同埋捲起，切𢇁又好似功夫多咗啲同埋可能最主要驚份量唔知比多左定比少咗。做餐吧枱的服務員注入了湯之後沒有攪勻才上比客人攞走，所以我要自己將仲有少少黐埋嘅通粉搞散佢，所以外觀不夠專業及看來不夠好味。3. 多士 - 用厚的方包來去做原先是可以令多士更加好味，可惜方包不知為何很缺應有的濕氣，用坦克車路烘過之後塊面包就更加硬，其實應該要做到外脆內軟，所以我求其食咗少少芯便掉。記得早兩年大快活的方包很軟熟的，不知發生了什麼事！4. 低糖凍綠茶多冰 - 不知為何沒有以前咁好飲，好似稍為苦咗啲。攞埋我爸爸張長者咭去買比自己食，這個早餐只是$26.5，比起去茶餐廳抵很多。

我叫「因因」，自少認識「煲仔」。他從廣州來港定居，濃濃的草根味，棕黃色皮膚，短小精悍，皮膚粗糙得很 ; 但樸實貼地，平易近人。他很有義氣，古有「及時雨」，他則是「及時暖」 ; 以沙煲照顧很多兄弟，解決兄弟的開飯問題。「同撈同煲」和「沙煲兄弟」兩詞，何等豪氣，滿載多少情義。我們在廟街相識，我一點兒也不介意他的出身。他散發的香味，真是有魅力!他的哥哥都叫「煲仔」，身型健碩，穿著鐵絲衣，但肚子裏盛的是尋常的餸菜，沒有特色，「唔嗅米氣」。自此，我渴望有「打風」，因為可以食午餐肉 ; 渴望有「冷鋒」，因為可以與「煲仔」相聚。「煲仔」原本複姓「炭燒」，可惜家族沒落，我長大後，少有機會與「煲仔」再相逢。現在姓「炭燒」，多是冒認的，是先煲飯，後期階段才上炭爐。北角的「嚐喜大不同」(早已寫食記，評比傳統煲仔飯店)是他們家族寄居之地，尚有極少數隱居之所。近年愛上了「譚仔」，湖南仔的辛辣性格，有另一種無形魅惑。寒風吹送，吹醒了我，喚起我對「煲仔」的懷念。「譚仔」和「煲仔」都好有台型!喜好前者的人，每星期都食一次 ; 喜好後者的人，通常每年只有一季，可大快朵頤，我要好好珍惜呀!「煲仔」近年已加盟了此大型快餐集