大快活 (Closed)

最近減肥中，見到有得揀紅米飯先叫，點知比到手話無紅米飯得白米飯，所以送咗個湯比我，都ok掋食，味道不錯的，粟米肉粒都多料，以快餐店質素同$35算好好了👍雖然無吃到我想吃的

宜家有不少快餐連鎖店都有網上訂餐優惠，雖然多數是九折，但省得就省，加上我覺得又好方便，預番時間去拎就得，又唔駛等，正!今日就揀了這間快餐連鎖店，真係好耐沒有食過。見佢網上登記會員計劃即送$20電子優惠劵，一張$10和兩張$5，當然唔執輸。三點三下午茶時間，下午茶都有幾多個系列，而我就選了「港式滋味」系列中的沙嗲牛肉即食麵配餐飲($31)。嗰網上點餐介面都設計得幾易用，好清晰，唔錯! 先將即食麵改咗上海粉麵，而餐飲就要了熱好立克走，再加配陳皮紅豆沙(+$9.5)，下午茶都食得咁豐富，哈! 沙嗲牛肉上海粉麵大大碗，都有五六件牛肉，仲加咗少少椰菜、紅蘿蔔和木耳，驚喜! 牛肉都幾腍嫩，弄得入味，有沙嗲香和花生香，好味! 上海粉麵就腍咗少少，但滑嘟嘟，若然沙嗲汁杰身啲就可掛在麵條上，宜家就唔太夠味。熱好立克走($0/跟餐)即是走糖，但竟然都搭了包煉奶，好細心! 不過...其實唔加煉奶都好夠味，走糖的甜度就岩晒我口味。入口暖笠笠，又唔太甜，不錯!加配陳皮紅豆沙(+$9.5)都大大碗，超飽肚。一打開蓋就聞到陳皮香，紅豆沙色澤深濃，紅豆煲至起沙，好粉綿，味道香甜，啖啖陳皮香，好吃! 提外話：本應加埋所

平時都冇咩去食大快活，今日放工成八點幾就去大快活食晚餐。餐牌都係嗰啲菜，但係見到新出左鐵板餐喎佢有兩款嘅一款係集扒餐一款係牛扒餐咁我就揀咗一款叫做海陸空雜扒鐵板餐，佢包左炸薯餅，蒜蓉包，羅宋湯同埋一杯嘢飲，價錢都係$56咋。非常之抵食！呢間大快活嘅店員非常之友善，比完錢就叫你坐低等送餐到，送到餐又會同你講返個餐係咩，仲爭啲咩嘢，仲問你夠唔夠食啊。非常之有親切感，可能只係一啲細舖先可以有咁嘅服務。上到嚟個餐真係滿晒成個鐵板喎，全部都係足料嘅，淋上黑椒汁塊板即刻渣渣聲非常之有滿足感。詳細啲講返，佢有一塊炸魚柳、一塊煎雞扒、一塊豬扒同埋有一條司華力腸，仲有一啲配菜其實真係超級抵食。食到差唔多9:00 ，成間大快活剩返我哋兩個我哋都發嗱嗱聲就食晒枱上面嘅嘢食，廢事阻住人哋收工啦。

晚餐打邊爐揀越南魚露湯底湯底無味道配料質素都比較差難食唯一好味係杯可樂….🥲牛肉質素勉強合格醬料選擇唔夠多以後唔會再食大快活打邊爐了大家樂/吉野家都好食好多🤓

前幾日去大快活食晚餐，快餐店來講大快活都算唔錯，呢一間店舖人流尚算唔多，啲職員都幾Nice。叫咗甘筍黃姜汁雞胸肉紅米飯，呢一個係偏健康嘅選擇，甘筍黃姜汁第一次食比想像中好，呢個味道比較難想像，但食落唔差，唔會有甘筍嘅草青味，雞胸肉都幾厚，但係唔乾唔柴，紅米飯比起白飯有咬口。

疫情似乎已經過去，d人係咁外出食飯行街。今日諗住去食個早餐，點知排哂長龍，我等左成十分鐘先叫到野食。攞左餐之後又無位，企係度等左成幾個字先有位，對面個呀伯仲要係咁咳。不過企到好攰我都係照坐低食。 今日食魚柳炒滑蛋配蘿白糕熱華田。都唔算係幾好食，魚柳無咩味但外皮夠脆，蘿白糕唔係好夠燶，炒蛋就幾creamy。

之前呢度裝修，開返之後，食物都加左少少價。呢度d staff都幾nice，好多食客都係街坊，亦當左呢度係飯堂，可能有機會一日幾餐都會落黎呢度食，估唔到連鎖快餐店都會感受到d人情味，我估同其中幾位收銀姐姐笑容親切可恭，同埋會留意成日黎果d熟客食野有無咩特別要求，有時都會問下或提醒。而家dinner係到收銀落order之後，佢地會俾個自動感覺牌，放座位上，等佢地送餐就可以。呢日我將餐飲轉左例湯。例湯非常重要係溫度，夠熱幾好，湯料亦十足，味道ok，唔會死咸，飲完亦唔會好口乾，而d湯料都食到。呢個例湯比好多地方好。魚香茄子雞飯，小小咸(仍可接受，始終有魚香嘛)，雞係雪雞欠鮮味，茄子煮得好淋好入味，伴碟椰菜亦夠淋同有味，算有誠意。四十幾蚊個餐其實都幾ok。飯唔太硬，都尚算軟硬適中。佢裝修之後係好食左，d dinner叫有返少少誠意，而之前係新都城間大快活好食d，而家反而係呢間好食d。

昨晚喺將軍澳是旦入左間大快活食飯，可能好耐無去連鎖店食，去到發現好多新野，本來想試D胡椒野，但狀態晤好重病病地，所以叫左個沙姜雞煲同我GF一齊食，估晤到成煲送嚟時個樣咁靚仔排得好靚，晤似有D食店是旦好hea咁上碟，份量又夠多，又有D菜食下，煲野好好味，D雞好滑，價錢算合理！所以我都估晤到自己會為連鎖店寫食評贊好！晤錯！晤錯！

今天是休假第一天，昨晚因為要工作沒有吃點什麼，今天起床梳洗後飢餓感相當強烈，第一時間想吃米飯什麼的東西，於是去了寶林的大快活先吃個飯醫下肚然後再去別的地方。近幾次去到大快活同是點了咖喱吉列魚柳飯作為午飯，因為以快餐店來說大快活的咖喱汁很好吃，先說明不是因為今天飢餓感強烈才覺得好吃。咖喱汁香濃惹味，不過稀不過結，主要著重香味多於濃厚重口味，辣味程度不高，這種香辣程度相信普遍客人也會接受到。吉列魚柳蓋上咖喱上面，size很大，外皮脆薄，唯獨魚味欠奉不黏口。飯和汁的份量充足，相比大x樂較多較大份，令人很滿意。兩粒大大粒的薯仔，Good。比起新都城，茵怡花園分店店舖面積較細，人煙較為稀少，唔駛同人迫，地舖可以透過落地玻璃觀賞一下街景也不錯。不足之處是茵怡分店沒有燒味售賣，以及沒有洗手間供給客人使用，解手要出外。

元旦日，其實也不是會有甚麼特別的好東西吃吧一家人，簡簡單單，o係屋企附近o既大快活來個快餐沒有哪一款是特別吸引的，只是吃得好一點點，就要個燒春雞餐，反正好耐無食過。$33，抵到爆吧半隻春雞仔，好乾身，不太有肉嫩或皮滑的口感……另外的牛扒還可以，有點點juicy 吧蛋炒飯沒有光采，普通的東西也弄得食落口有如乾飯……還是一杯較好的阿活香滑奶茶挽回一點點分數不讚喇

幾乎覺得只有大快活才會不斷構思新出品, 今次o既係煎叉燒加糯米飯叉燒煎得唔乾身, 肉味仍然保留, 肥瘦適中, 肉嫩, 但無o左o的蜜汁真係有少少唔慣糯米飯黏度一般, 米香幾不足, 當中o既蝦米及冬菇"殘碎"都未能挽回分數只是中規中矩之作, 賣相可以而味道有點比下去反而個中湯足料又正

颱風天不宜出遠門近近地跟母親大人到樓下的阿活打邊爐要了冬蔭公湯底和黑豚肉冬蔭公湯底顏色偏淡,沒想到味道還蠻夠的失策的是吃到中段沒有拒絕店員的好意----加水以致湯底的味道有點就調,需要多沾點醬油助味是晚的火鍋料質素不俗丸類新鮮,烏冬亦有嚼勁主角黑豚肉肥瘦勻稱,也不會有騷騷的味道,不錯山楂梅子特飲第一口喝下去有點微妙不過喝著喝著又不見有什麼大問題,有興趣的食友還是可以一試的2個人60多塊錢吃得飽飽的就價錢來說也算是驚喜之作笑面當然不能少啦

很少幫襯大快活，因爲食物麻麻。不過當天的吉列豬扒早餐，卻有意外驚喜。豬扒大大塊，厚薄適中，外表炸得金黃，吃落更是甘香鬆脆，相當不錯！奶茶入口香滑，很是提神。想不到大快活的食物進步了不少，可喜可賀！

與母親大人的quick lunch要了新推出的鮮茄燒雞翼尖長通粉(+$10跟蓮霧沙拉)蓮霧沙拉有生菜,蕃茄,玉米,蓮霧,用料還算新鮮,惜蓮霧只有兩小塊特製沙拉醬是柚子口味的,酸酸甜甜,很有夏天的感覺,為全個午餐的驚喜燒雞肉只有小小一塊,吃不出任何的肉汁,鞋口之餘雞味亦欠奉長通粉的硬度適中,口感絕不比意粉遜色,不錯醬汁的茄味不及灣仔店的濃,但油份則比前者少難道味道跟健康真的不能同時並存?

2008年4月11日，大快活我倆又忍不住要吃印度乾咖喱雞了。只有六個字, 好香、好抵、好吃。還有印水紙送,都幾靚。