德聲酒家

Open Now

Now Closed

冇意中發現呢間茶樓，佢嘅燒鵝整得非常好食。已經幫襯過三次，發現每次都係有水準，入邊嘅服務態度都唔錯，雖然只係試過午餐，嚟緊有機會一定會試下佢嘅晚飯。 非常推介佢嘅燒味，點心食得出係新鮮手製，唔係預製食材。 見到佢有時都有啲孖寶套餐，試過食佢嘅燒雞，味道都唔錯。點心方面值得推介佢嘅豬手，好似喺出面唔係咁食到呢一樣嘢，而另外其他點心類嘅食物都不過不失，小朋友都鍾意佢嘅馬拉糕，最緊要係大件夾抵食。。。。。。。

上篇一碗肉燥食評提過，上星期舊男同事DN約我噚日食晏，改咗今日（11-3-2025 Tue）食，佢問食咩嘢？我俾咗傑志同呢間佢揀，佢揀呢間，咁佢早嚟搵定位先，我後到。我嚟到喇，張枱係出菜位出入口，我哋睇完點心紙，就要：3. 雪菜肉絲炆米估唔到呢個最快到，唔通整定好？見到都大碟，肉絲唔係肉絲，係大舊嘅肉，配料唔多，食落，都幾熱，味道係好淡，米粉都好腍吓。1分4. 百花釀魚肚 味道都係淡，口感都正常冇問題。3.5分2. 紅豆煎餅 （中點）上到嚟睇，佢係用糯米皮包住嗰種，食落，熱騰騰，糯米皮軟糯，紅豆香甜，呢個好味。5分1. 雞絲蒸粉卷（中點）都大大卷，足料，但都係淡味，一定要落豉油，粉卷就腍咗啲。3分價錢：唔太sure，好似$168.00。上次食評係2025年1月24日刊登嘅呢篇：https://www.openrice.com/zh/hongkong/review/%E6%8A%B5%E9%A3%9F-e5881237。好似$168.00。

今日（24-1-2025 Fri）部門食團年飯，老闆揀呢間，話又平又好食，我哋book咗位，嚟到揀嘢食，要咗兩個套餐，1個係$338.00嘅商務行政套餐B，1個係$168.00嘅特價孖寶B，加啲點心，有：1. 特價孖寶B中嘅脆皮燒鵝皇（例）皮已經唔脆，但油份好似多啲，都幾好食。4.5分2. 蝦腸一客六件都幾大件，蝦仁爽口。5分3. 羅漢齋腸都係一客六件，我冇食到。4. 商務行政套餐B中嘅鮑汁大鳳爪我冇食到。5. 鹹水角2碟大大隻脹卜卜，脆口，味道亦好夠。4分6. 商務行政套餐B中嘅鮮蝦菜苗餃2籠大大隻，同潮州粉粿一樣大，一夾即爛，因為蒸過籠，個皮都腍晒，餡料唔太鹹。2.5分7. 潮州粉粿2籠都係肥嘟嘟大隻，同樣因為蒸過籠而一夾即爛，個皮都腍晒，而味道都OK嘅。2.3分8 .商務行政套餐B中嘅椒鹽魷魚酥大大條，外皮脆，唔太鹹，但味道唔多夠。4分9. 商務行政套餐B中嘅蟹籽燒賣皇2籠我冇食到。10. 香煎黃金糕2碟攤凍咗已經變硬，只食到椰汁味。2.5分11. 商務行政套餐B中嘅叉燒薑蔥撈伊麵大大碟，瘦叉燒薄切，唔會係靚叉燒，伊麵夠腍。2分12. 商務行政套餐B中嘅燒汁野菌牛柳粒啲汁夠味，牛

因為要上班平時難得可以放鬆飲吓茶。我都會到樓下這間茶樓的。它是一般街方茶樓一樣。座位比較擠迫。只有一般的服務。茶水好多時要自己去攞。但係我都是喜歡到來飲茶食嘢的，因為街方生意，這裏夠人情味，可以談談笑笑。

星期日同一班朋友聚會，石門好多酒家人又多、又限制時間90分鐘就要交枱😩最後去咗碩門邨找到呢間德聲酒家，不限時，又可以book 位，點心有驚喜。當天由11:30坐到2:30才離開。開心聚餐。

每週都去飲茶食點心~今次嚟呢間屋邨酒樓(上次嚟呢間飲茶已是一年前). 整體食物都算ok. 椒鹽白飯魚味道值得一讚👍🏻. 其他點心一般~不過不失. 以前有網上訂座,現在沒有😑.

想訂枱食個飯，我講完訂今晚，個員工問幾位幾點，咪直接講完人數同時間，之後話無枱今日都無枱，咁你問我做乜，重要話，無啊無啊，cut左線🙄一定唔會再試，連訂枱都咁，坐入去食唔敢想象。

我老爺之前來訂9月24日的位，因為這天接近中秋節，所以也想知道一個2088的圍餐是否會在當晚供應，當時侍應只是塞了一張2088的餐單給我老爺，並沒有說清楚這在9月24日是不供應的，也沒有推介其他再貴一些的餐單，所以我們一直以為這晚就是訂了這個2088的圍餐，怎知今晚我們來到坐下，侍應完全不認帳，說在這時節，不會有這種平宜餐。這實在有夠奇怪，既然都已經訂了位，如果在當晚不供應平價餐，為何你們不把中秋特別餐單給老人家看，而是給他一張2088的餐單呢？這真的令我們很氣，所以我們決定改了不要圍餐，叫了小菜，不過，小菜原來都不太好，以下這個炒牛柳粒和小炒王，實在太鹹了。唉，只此一次，不會再來。

星期日晚本身諗住喺石門搵嘢食，不過人多就行咗去隔離既屋苑碩門邨，搵到呢間試吓，呢度食物質素有水準有驚喜，而且份量都大，讃👍。我特別鍾意呢款黃金蝦球，外脆內軟，配埋個汁，超正！😋😋下次一定會再嚟幫襯！

20230218--週末--德聲酒家地址: 沙田石門安睦街18號碩門商場1樓P17號舖到沙田石門賞櫻，先找地方醫肚，在開飯搜尋到碩門村有屋村酒樓，順道一試。石門站B出口，過馬路到碩門商場，扶手電梯上一樓直走就到酒樓光猛寬敞明亮，感覺舒適剛巧下午茶時段(2-4:30PM)，雖然只接近二時，侍應彈性處理安排入座被安排在近門口位置的四人桌，不用拼桌酒樓有自家印花的餐具，帶點土氣的自我風格餐具乾淨整潔下午茶點心紙正價點心價錢也算親民點餐:炸乳鴿($36.8)細細隻乳鴿，炸得乾身點心拼盤($38.8)不同食物放一起蒸，蝦餃皮、菜苗餃、粉果皮也蒸過火了，叉燒包皮厚餡少，燒賣味道較正常，燕麥糕味道更是不倫不類家鄉煎薄奉撐($19.8) 有蝦米，有蔥香，合格，略嫌未夠香脆燒腩仔飯($29.8) 燒肉皮脆，肉肥瘦相間，不太咸，價錢合理。本身想配瀨粉，傳菜員送上一碗米線，原來瀨粉售罄，後來改了白飯，白飯飯粒軟硬度適中埋單: $160點心味道麻麻，週末下午茶價錢相宜環境、服務比食物為佳

湯同水無咩分別，百幾蚊俾水我飲，職員話係因為冇落味精，所以先至咁樣，真係當我冇講過湯咁樣，想再加味精都唔會變成湯啦！我俾啲鹽我，加咗鹽都唔會變做湯，好離譜，以後都唔會幫襯，另外一味南瓜芋頭煲，太稀，反而叫個煲就好似叫湯咁。另外啲職員呢嘅態度呢就真係唔係幾好,好明顯間酒樓就因為啲湯賣晒，但係呢又想賺錢,所以呢就不停咁樣喺啲湯到加水加到啲湯稀到變咗好似水咁樣，照樣買俾啲客，客投訴又唔理，呢啲待客之道，令人側目。

有老人家生日，所以呢就近近地去屋村酒樓慶祝，見到阿拉斯長腳蟹清蒸減價$298斤，我哋都叫咗一隻阿拉斯加長腳蟹 $298/斤 約$1600 蒸之前師傅會拎出嚟俾你睇咗先，之後亦都會拎過嚟俾你影張相，然後就會幫你分開啲手手腳腳方便你哋食。整體來講，肉質唔錯，好大隻好多肉，而且都算鮮甜，唯一有少少可以改善嘅地方就係覺得使得唔夠乾淨。片皮鴨 $128 全隻 呢一個片皮鴨唔叫真係對唔住自己唔係好肥，燒得恰到好處，皮脆肉嫩。好高質素，仲要只係$128 韭黃同埋青瓜都免費refill金銀蛋莧菜，我食得多但係估唔到原來配苦瓜有幾好食整體感覺都好好，服務都唔錯♥️ 見到老人家生日，仲會更加好招呼送個甜品俾我地 係人情味~

去酒樓飲茶食飯，最怕污糟邋遢地下癡粒粒，竟然俾我發現一間飽覽河景，光猛乾淨，又近石門地鐵站嘅酒樓。看到菜牌，價錢十分親民，啱晒一家大細去食飯。當天晚上一行三人，嗌咗小炒王（$98）、沙薑雞（$78半隻）、冬瓜盅（$128）、沙巴龍躉仔（$128）。沙薑雞嘅沙薑係新鮮磨嘅，香味十足，雞肉嫩滑，生熟程度剛剛好。酒樓嘅小炒好有鑊氣，必點小炒王，配料非常充足！性價比：👍🏻👍🏻👍🏻👍🏻🎈德聲酒家 (沙田)沙田石門安睦街18號碩門商場1樓P17號舖

不經不覺石門由一個工貿區持續演變成一個住宅和學校區，當然仍然留有部份寫字樓。今日下午约咗人去石門德聲下午茶，貪佢平和静一点，他位於石門商塲一樓。2pm 開始下午茶時間，2:30pm 到,攞咗飛都要等10分鐘，被分配到近窗門的一張6人枱，3個人坐當然濶落，望晒全河境，舒服👍，開咗壺茶，即叫碗特價烧味飯和乳鸽。✨燒鹅飯$28.8 + 乳鸽$30.8鵝有6, 7 件，大部份係胸，肉質算新鮮不柴，乳鸽則偏油，皮不脆口已皺皮，但肉汁還算可口，整體ok的✨义燒腸粉$18.8長形擺碟幾大體，可惜腸粉整好已一段時間，變了啞色，义燒亦偏乾👎👎👎✨蝦餃$23.8; 燒賣$23.8即蒸貨色，上枱仲有堙出👍，蝦有弹性不梅，燒賣蒸到漲卜卜，肉質有弹性又有肉味✨山竹牛肉$17.8; 义燒包$17.8兩樣都正正常常，和一般茶楼差不多，沒有驚喜也沒有失望✨芝麻煎堆仔刚刚炸好，熱辣辣，芝麻香，不太甜，個芯煙煙韌韌，製作認真，好味道👍👍三個人平均$70, 算抵了，環境又唔錯，點心即蒸，係碟义燒腸粉太差😐😐😐

人流不算多,可能週邊多商場食肆,反而坐得更舒服,午膳不用等位,又有大玻璃窗河景,最重要的是食物質素也不錯,除了點心它的粉麵飯價錢也很實惠,而且有鑊氣,今天人多更叫了燒味拼盆等小菜,整體是滿意的。