飯Hub (Closed)

是咁的，由於工作關係到平常嘅放飯時間出面都已經冇乜位可以堂食，所以就同同事一齊試依間外賣飯盒。首先依間鋪頭又幾方便可以電話落單，無需要到現場先可以落單，慳返唔少時間。咁我就叫左巴東牛肉飯，去該鋪飯盒已經準備好，拎到返公司都仲係暖笠笠，而且飯盒份量都唔少。飯盒間隔同埋資料幾好，雖然係紙盒但唔會俾啲汁整到軟晒爛晒。講返飯盒味道，巴東牛肉本身味道唔錯送飯都無問題，而且白飯上面仲加左飯素，但對我嚟講就有啲咸，而隻糖心蛋值得一讚。

🍴手撕雞麻醬撈麵 HKD36個面極多青瓜同蘿蔔絲 (對偏食🧜🏻‍♀️黎講係好恐怖🥲) 好細心咁挑走曬佢地比屋企人食之後會見到一邊係剩椰菜 一邊係麵😚麵量仍然係好多 麻醬比得一啲都唔孤寒 基本上完全夠你食曬啲麵同菜🙈不過手撕雞就比較上少 同埋唔夠嫩 麵嘅質感亦偏腍🤭(P.S. 屋企人話啲麵撈埋青瓜蘿蔔食個口感係好好多嘅😹)-🍴芝士蘑菇雞翼(2隻) HKD20 +日式濃厚忌廉蟹肉薯餅 (2件) HKD16芝士蘑菇雞翼無乜特別 同周圍食到嘅係一樣的 只係🧜🏻‍♀️對佢有情意結👅忌廉蟹肉薯餅就真係好重忌廉味 而且一咬係瀉出黎 味道唔錯 不過蟹肉偏少🌝-✾味道覺醒指數: 3.6/5 抵食指數: 3.5/5服務指數: 3.6/5.

到咗月尾(糧尾)，食lunch都要小心啲揀間平啲嘅食。本身見平平哋試吓諗住頹頹哋又一餐，食完估唔到比想像中有驚喜😳！ 大部分嘅餐基本上都係$40有找，只做外賣。佢哋嘅黑醋豬軟骨飯淨係$36就有得食！而且除咗主菜之外仲有麻醬沙律同溏心蛋，抵食！味道方面都做得好好，溏心蛋熟度啱啱好而且有少少甜味，比其他普通嘅溏心更為出眾；黑醋豬軟骨調味恰到好處，軟骨煮到足夠軟身口感令人非常滿足，而且黑醋汁都俾得好多，撈飯一流！依個味道依個價錢，性價比甚高！

紅磡新開便當外賣店，同區共有兩間分店，.廚房細細，但款式好多！另外仲有賣啲小食，炸物為主，便當一律$36！價錢相當可觀😍。同同事連續試左幾日不同款式，飯量好多！估計有一碗半飯，飯面仲有啲飯素加強味道😚，米粒用上珍珠米，粒粒圓潤有咬口，超驚喜。每個便當都有芝麻醬沙律、車厘茄、半隻溏心蛋，溏心蛋滷過，好入味，流心程度相當理想！幾用心喎。黑醋豬軟骨飯($36)/似鎮江骨嘅味道，酸酸地幾開，有好多黑醋汁撈飯，軟骨忟得淋，唔會硬骨骨。泰式豬頸肉飯($36)/泰式辣醬好送飯！豬頸肉爽口。手撕雞麻醬撈麵($36)/唔係好夠醬，青瓜吸哂啲汁，麵好乾，不太推薦這個