悠閑閣餐廳 (Closed)

今日Lunch突然想食「德國鹹豬手」，就搵下附近有冇豬手食，最後找到一間社企「悠閑閣餐廳」，一於幫襯及支持一下，見到餐廳門外嘅菜單有焗德國鹹豬手 (晩市)，就入去問一問服務員，服務員幫我入去廚房問下廚師👨‍🍳，話可以幫我做，但可能需要等30分鐘1️⃣ 烤咸豬手配酸椰菜 $1282️⃣ 外賣盒 $23️⃣ 外賣自取八五折 -$19.5 價格💰：$111 ($128 + 外賣盒 $2 - 外賣自取 $19.5)味道😋：OK

這間社企餐廳位置有點偏僻，變相若不是細心留意，就很容易選擇了外面的餐廳進食，去過屯門建生附近的便會明白我的意思。😂.我們選擇了「二人超值優惠套餐」$238.跟餐的煙鴨胸田園沙律、蘑菇湯及餐包🍽：餐包很細心地已預先塗上牛油，若不喜歡牛油的朋友要預先通知職員了。蘑菇湯內充滿粒粒的蘑菇肉，沙律的份量亦算多。.「焗德國鹹豬手蜜糖芥末汁」🍽：豬手size算大，唯獨豬手表皮焗得不夠脆，醬汁只吃到蜜糖的味道，沒有芥末⋯意粉若可以加點蒜蓉去煮會更好，味道很淡。.「西冷牛扒拼香煎鴨肝紅酒汁」另加$20🍽：牛扒味道不錯，但鴨肝煎得不夠香，偏油膩。.甜品可和職員查詢，有雪糕/蛋糕。🍽：很有心思，圖案精美，蛋糕就明顯地雪得太凍。.食物質素一般，但餐廳環境舒適及寧靜，很適合想在餐廳逗留耐一點的朋友，職員的態度友善，亦主動。😊

同男朋友試一試呢間餐廳。入到餐廳都覺得好舒服，比想像中大。叫咗兩個餐，鮮茄牛脷焗意粉同煙三文魚菠菜忌廉汁意粉。兩個意粉都唔錯。會再光顧，想試下佢既下午茶同晚餐👍🏻餐廳值得一試😋

呢間餐廳我同太太及朋友幫襯過好多次，早餐，午餐，下午茶及晚餐都有黎食過。磨菇湯和南瓜湯用新鮮材料拌打而成，夠香濃，足料，幾乎每次幫襯都會點（當然要看看當日餐湯係乜）各款意粉，豬手，牛尾等等煮得好食，個豬手配上特製蜜糖，同豬手既鹹味互相調和，食落唔覺膩，可以食多好多舊，我太太話係女士喜訊咖啡都唔錯，幾年前去食就係俾佢杯咖啡吸引左最重要係，價錢超值！出面食一定唔會咁平環境夠靜夠寬敞，同小朋友一齊黎夠位放BB車，又可以坐耐啲。員工有禮貌

第一次去幫襯，店內環境好舒適又唔多人而且啲食物幾好味價錢又經濟同埋服務態度好好！！加上甜品蛋糕個度間鋪既店員好有心思，會根據個客既喜好之後設計，總之個人覺得好抵食 下次有機會一定會再去

由朋友發板黎呢一間社企餐廳，果然冇介紹錯。呢度價錢都好大眾化，有$40樓下嘅特價午餐。但由於當半慶祝完Sem，所以食好少少，即使係正價午餐都好抵食。我叫咗咗L4 紐西蘭西冷扒配飯，跟餐有湯同埋餐包。咁啱餐包得返好少，錯有錯着，轉左多士，仲好。蘑菇湯好一般，蘑菇粒太大粒，影響口感。另外個湯好似冇落忌廉，完全係冇滑、濃口嘅感覺。肉眼扒對挽回我對呢間餐廳嘅評價。一上菜就被佢嘅size所驚嘆，足足長過我手掌同埋厚身過我手背。只係食扒都夠飽。切開更驚嘆，入面仲帶粉紅色，不專業評價應該係七成熟，煎得好好。食落亦重牛味，口感適中，絕對唔係每日好似喺茶餐廳食嗰啲牛扒咁落咗勁多鬆肉粉。CP值好高！！雖然間餐廳係唔係眼嘅地方，但係好旺，好快full。人手相對比較少，落單、上菜都慢，甚至有溝通不足嘅問題。但希望都支持一下社企。

想食扒既一晚，睇左幾間屯門既西餐廳，見到呢間環境舒適，餐牌有岩口味，便去一試...2人點左個豬鞍扒和印式雞扒配龍蝦，賣相已相當吸引，味道亦有水準，最後甜品還有驚喜，價錢亦合理，如果想試一間有質素既西餐廳，極力推介

之前食過兩次呢間餐廳嘅午餐，覺得價錢合理，味道ok... 所以今晚嚟試下食晚餐假期晚上唔算多人，坐得幾舒服，侍應姨姨好nice 睇睇晚餐餐牌，價錢比較費，一個意粉$80-90,如果食扒要$130起，最後選擇咗扒大蝦龍蝦汁野菜燴飯$108。 南瓜湯無乜特別 燴飯上枱賣相ok, 滿心歡喜，大蝦入口無咩味... 龍蝦汁味道唔特出，整個菜式唔算難食，但亦稱唔上好食;可能因為同腦海裡意粉屋嘅龍蝦汁飯相差太遠，所以失望；亦可能因為呢個價錢我覺得唔值......希望下次再有機會嚟試其他菜式

位於溱柏Fantastic Cafe 休閒閣餐廳，是我經常去的餐廳🍴，它在近家🏠附近不遠，只穿著簡單悠閒服飾，便可吃到早餐或午餐🥣。今天我又來到吃了一個茄汁蝦🦐天使麵，濃濃的蕃茄香，感覺開胃好味，雖然份量不算多，但配有餐湯、餐包和飲品，剛好😋

想揾抵又好食的下午茶，行行下就見到轉角呢間社企經營的西餐廳，一於支持佢哋。點了“黑椒牛脷野菜炒意粉”，一杯熱咖啡個人覺得佢哋落得太多黑椒，整到成個意粉都好辣。牛脷切條狀，似是炒好意粉後加上，所以一點點熱都沒有。咖啡飲落不是一般茶餐廳的味道，可見佢哋係用心制作。地方座位唔逼，餐廳內燈光唔太暗，播放緊Beatles懷舊歌，感覺好輕鬆可以慢慢歎。讚的是材料十足，而且份量不似是下午茶，令我好飽腹的一餐呢。下次會試食晚餐。

找地方在屯門吃晚餐，看到這間社企餐廳環境及食物相片都幾吸引，當然要支持一下。餐廳裝飾佈置得很有情調和氣氛，食物方面選擇又頗多，我和朋友兩人原先只點了兩份晚餐，但菜式實在太吸引，有點選擇困難症，幸好朋友食量不細，所以最後決定點三份晚餐😵😅一個天使麵😋，一個薈意大利粉，一個蛋包飯😍，餐還包括餐湯，沙律，飲品及甜品。食物好味，賣相精美，環境舒適，價錢合理，服務又好，真的相當值得支持的一間社企餐廳。

難得一天假期，來到這間位於寶怡商場的咖啡廳吃午餐。果然名副其實，給了我一個悠閒的假日時光。☕️因為整體裝飾設計都是以黑白色為主▪️▫️，給人高級的感覺。最喜歡黑白格子地板，十分漂亮。餐廳內有很多座位，歡迎不同人數的客人。當時下午十二時左右，餐廳內居然沒有客人，有點驚訝！ (不過後來一時左右就開始有客人進店)餐廳藝術感高，在設計上一定花了不少心思。一些座位上還放有cushion，很悠閒舒適的感覺！午餐會附送餐湯和麵包。當天是粟米忌廉湯和牛油餐包。(餐牌上是寫附送蒜蓉包的哦，不過不是特別想吃所以也沒有問店員。)我們各叫了一個餐(一飯一麵)這碟天使麵($58)色香味俱全，而且很足料，有很多海鮮e.g. 蜆肉、魷魚，再加上青紅淑、洋蔥等，每一口都吃到很多配料，口感十分豐富。一吃這個天使麵就心想:「嘩！太辣了吧！」從來也沒在類似的餐廳吃過這個味道，原本以為是以番茄味為主，再加微辣，但原來是以辣為主的🌶蓋過了番茄味，幾乎一點番茄味也沒有，但味道是好吃的，完全不膩，開胃。(其實也不是太辣，只是完全想不到是這個辣度而已！ ) 朋友點了這個牛脷飯($55)，味道中規中矩，不難食，只是燒汁稍為有點淡，牛脷太軟。

放假日當然要帶狗狗出外去，並且吃餐好的獎勵自己🤤朋友建議到寶怡花園附近覓食，眼見餐廳有分為户外及室內，而户外是可攜犬坐的🐶（只有2張枱，每張枱4個座位）食物方面都算全面：飯,意粉,薯菜,漢堡包,甚至all day breakfast都可供選擇。💰價錢亦算是便宜！🍞西洋菜忌廉湯 + 餐包少在餐廳可見的款式，連平日不喝普通忌廉湯的我都感興趣嘗試。啖啖都充滿西洋菜味，亦不會太鹹或膩口使人感到清新健康👅🍝香煎有骨厚豬扒配紅酒汁 意粉 $58豬扒size非常厚大（好似X大大雞扒），從圖片已可看到豬扒甚至比意粉份量更為豐富😍豬扒半肥瘦使得入口鬆化，食落有肉汁又不會太乾太韌🍝香煎龍脷柳配忌廉汁 意粉 $52朋友吃的所以不太清楚，他的意見：龍脷柳乃是屬炸的並非香煎，而忌廉汁略嫌淡味，但份量依然十分豐盛，味道亦醃得夠惹味👍🏻PS：飲品就平平冇奇，勝在夠大杯🍺

係諗緊食咩之際,   見到依間野有人食緊鐵板豬手, 而且賣相好吸引 所以就入左去試下新野.先介紹一下少少依間餐廳的背景, 佢係循理會的社企餐廳.依間社企餐廳如果無記錯, 之前佢開在寶怡個陣都有試過  唔錯餐廳的環境同裝修都唔錯,  (其實我都係比佢餐廳入面個裝修吸引入去)唔記得影餐牌,  但食物的選擇比較少, 食品整體上對我黎講比較貴  (小弟比較窮)普通野食平均80  扒餐或其他大約都要120以上 我地點左2個意粉餐  2個餐都有例湯 但只有蕃茄湯蕃茄湯個味道比較濃味少少 但可能只係因為小弟唔中意食蕃茄的關係    依個係蕃茄海鮮意粉,  個意粉的醬應該係自己打蕃茄打爛而整依樣好有心機  但味道方面可以仲需要改進少少.依個白汁帶子意粉仲有黑松露的味道依個真係可以值我食完再食  十分好味餐飲+5蚊有杯豬古力 用餐期間聽到服務員對客人的態度真係十分有禮服務員好有心機去解釋同滿足客人的要求依樣真係值得一讚合共227元結帳餐廳整體上野食的味道同價錢對小弟來說只係一般但服務的態度同社企餐廳真係值得支持

呢間鋪前身係我經常光顧既一間榮休左既點心店，後來附近開左新點心店同呢個鋪位變左西餐廳，我終於打算一嘗究竟~我地叫左2個set dinner，羅宋湯配塊包ok，叫茶係用壺沖一般巿面買到既茶包既。老公叫左雜扒配薯菜，佢話味道ok，d扒唔韌。我叫左個魚飯，條魚好似水煮咁仲好有水烚味麻麻地但個汁配飯係ok既。份量都大，勉強食得哂。其實社唔社企都有好服務，至於係咪其他人所講會貴d，我覺得都唔差得遠。埋單每人百幾蚊，試下無妨。