臻.茶 (朗豪坊)

Open Now

Now Closed

叫咗一杯爆檸四季春少甜，我張單係320號，前面嗰個人同我叫同一樣飲品，但佢冇少甜，佢係319號，我行咗一陣返嚟拎飲品，見到只有一杯319號嘅飲品，咁就繼續等⋯等咗10分鐘左右見到遲過我哋Number嗰啲單都攞咗，忍唔住問女員工我哋320號嘅單做咗未？跟住個女員工就指住枱面嗰杯319號飲品就話呢杯係我哋⋯冇錯的確係爆檸四季春，但張單好明顯係上一個人，上個客人拎錯咗我哋嗰杯飲品，我哋就要攞返佢杯嘢飲？攞返都唔緊要，重點係我哋杯嘢飲有叫少甜，上個客人嗰杯嘢飲冇叫到少甜⋯嗰兩個女員工竟然可以話個杯冇寫住少甜嘅飲品嘅甜度啱我哋㗎啦～（有影到319號係冇寫少甜嘅）呢兩個女員工完全冇確認過客人係咪拎啱飲品就任由佢拎錯飲品而且嗰段時間係非繁忙時間只有一兩個人等緊，嗰兩個女員工淨係做完飲品就放出嚟，客人埋嚟拎完全冇對過嘢飲啱唔啱就由得佢攞⋯就算整好咗嘢飲個女員工從來都唔會叫號亦唔會叫客人拎嘢飲⋯只係擺晒啲嘢飲出嚟，啲客人梗係拎錯啦！喺我哋等候期間已經見到出面整嘢飲嗰位戴眼鏡紮一條辮嘅女員工，搞錯咗人哋嗰杯嘢飲上面加嘅材料，同埋差啲比錯其他嘢飲個外賣車手⋯完全係錯漏百出⋯其實果段時段真係唔多人㗎，個女員工

今日係經過朗豪坊,有少少口渴,經過臻茶, 心血來潮去買杯芝芝多多莓飲落好似用草莓雪糕打冰,應該唔係用新鮮士多啤梨,奶蓋好咸,第一次幫襯,亦係我最後一次幫襯這個價錢,真係好伏,

行經朗豪坊，又有少少口渴，見到有間茶飲店就即刻試試🤤，佢仲做緊優惠添。📣📣📣芝芝桃桃 （特價：$34）🍑厚厚嘅芝士奶蓋，加上清爽嘅水蜜桃，有粒粒果肉，簡直係完美組合。🥹呢杯做緊特價，小編又鍾意桃味，一定要試啦！芝士荔枝 （$38）🧀奶蓋同樣非常濃稠厚實，濃稠到好難先倒到落口🤣 奶蓋亦重cream cheese 味，美中不足嘅係個人覺得鹹咗少少🤏 底係荔枝沙冰，荔枝味重，但當然唔會係全天然㗎喇，甜甜哋尾段帶少少酸，唔會好甜膩，仲平衡返濃厚嘅奶蓋，好味！

嗌咗一杯芝士多多莓 微甜少冰（$38）份量都大杯，芝士奶蓋厚，濃芝士味，不過草莓奶偏甜，整體不俗。另外一杯滿杯紅柚 微甜少冰($32)紅柚份量足，不過冰偏大，似沙冰感覺，味道正常發揮。

今晚約咗朋友喺旺角食飯，食完就係朗豪坊行吓街，行過呢間嘢見到都幾多人排隊等嘢飲，好奇心驅使下走埋去下睇吓，嘢飲款式都幾多，而且見到咁岩我最愛既奶蓋飲品做緊八折優惠，緊係要買杯黎try try 喇( ´ ▽ ` )ﾉ嗌左杯芝士桑莓 $34習慣性都會叫少甜因為好怕啲嘢飲太甜，會感覺似飲糖漿最後好彩有叫少甜，少甜咗之後係平時買嘢飲嘅正常甜度，下次買我應該會醒目啲會嗌半糖🤣成杯嘢飲都係沙冰，覺得個茶底比較少，冰太多，奶蓋就鹹甜適中，整體不錯

之前試過去附近 沙灘游完水之後喺鑽石山分店試咗呢一間芝士桃桃沙冰 原價$42依家特價34飲完之後就一試難忘 芝士桃桃沙冰，好大杯而且芝士非常濃郁叫佢俾多啲職員真係會俾多啲芝士 ，職員會話盡量俾多少少試過其他出面嘅飲品店叫佢加多啲芝士呢佢會直接同我講話要加錢芝士桃桃沙冰 有好多蜜桃肉非常香甜 俾我發現咗朗豪坊原來都有分店 味道一樣咁好 不過好可惜第二次去嘅時候冇晒蜜糖所以飲咗士多啤梨芝士奶蓋， 士多啤梨味道就冇士多啤梨肉， 但係一樣都好香，我覺得個味道有少少似麥當勞嘅士多啤梨奶昔味，兩杯都好飲但係蜜桃味更加出色希望佢可以繼續開多啲分店

終於！以前一直都要去深水埗買草印仔～換野飲老實臻茶嘅奶蓋水果系列飲過咁多種都無話邊個會好伏只要記得少甜就好～不過朗豪坊分店相對其他分店活動同折扣都較少性價比沒有其他分店高這次喝的是芝士多多莓～喜歡酸甜的便十分合適～

平時最鍾意飲芝士芒芒今次嚟到朗豪坊分店，外面本都算正常，奶蓋層都幾厚。奶蓋真係好杰身，不過味道好淡，有啲失望😮‍💨試埋個芒果沙冰，居然冇芒果味，仲有啲苦🙈點解可以咁難飲架，價錢又唔係平，掉又覺得好浪費😔

🍋爆檸四季春— 微糖加珍珠 $33見呢杯有新店開張8折優惠，所以就試一試。爆檸四季春係沙冰嚟嘅，中間仲有兩粒新鮮嘅青檸。青檸嘅味道幾濃郁同新鮮，但都唔會太酸，同埋甜度都適中，唔鍾意太甜嘅人嗌微糖應該會覺得啱啱好。而啲珍珠係幾有咬口嘅，不過珍珠同呢杯嘢就唔太夾，所以買呢杯嘅話就唔推薦加珍珠啦😂 整體來講，佢味道好清新同清爽，夏天飲嘅話好消暑解渴😋🍑芝士白桃茶 —少糖少冰 $30之前聽過人推薦佢其他分店嘅芝士奶蓋茶，但唔知係咪因為分店唔同，我就覺得麻麻哋🥵芝士奶蓋嘅份量好少，雖然個奶蓋都幾杰身，但飲嘅時候都唔係好覺有芝士奶蓋，而且芝士味唔係好夠。而個白桃茶都唔係幾飲到白桃嘅味，似普通綠茶多啲，同埋啲茶有少少澀。小編一向試新嘢都會叫少糖少冰，但呢杯佢整到走糖走冰咁。個茶飲落冇甜味，而且係完全冇冰，攞上手係暖暖哋嘅添😥 可能係整錯咗。整體來講，呢間唔同飲品嘅水準有啲參差。個爆檸四季春係唔錯嘅，但個奶蓋茶就好令人失望，應該唔會再試。味道: 5/10服務: 7/10回頭率: 5/10總評: 6/10💰人均消費: $30

新店開張所以部分飲品有8折優惠, 今日就揀左芝士哈哈, 即係芝士奶蓋加 哈蜜瓜沙冰我叫左走甜, 原本以為本身個哈蜜瓜會好甜所以走甜, 估唔到係我諗多左, 不過都有少少甜味, 唔緊要啦, 主角始終都係奶蓋, 奶蓋夠杰身之餘有豐富奶味同芝士味, 實在係太完美啦