FAT ANGELO'S (Closed)

Fat angelo’s 細細個已經食開，仲好懷念佢14年執笠果餐。喜歡佢個意式沙律菜，加廿蚊就可以refill ,中學時代，每當考完試，都會去食一餐。再食佢係食番個回憶⋯⋯但係回憶就無，食到好無奈😮‍💨⋯⋯菜式已經無晒意大利菜特色，只可話係普通偏貴嘅西餐，唔算係意大利菜。唔係有意大利粉就係意大利餐廳嘅。老遠由市區走入去馬鞍山，真心想回味下。現實就係殘酷。食物都算，服務差就無得幫。食唔夠一個鐘，侍應自動拎部卡機叫埋單，都未食完，奇怪同一肚氣。問佢限時？係限個半鐘。當時仲係無人等位，現場又無坐滿，真係R晒頭。比佢打斷個傾計同食野意欲。超級無奈🙄。食物幾好都係死罪。Black listed

邊個仲話馬鞍山係美食沙漠？同我出黎！🐟刁草蜜糖芥末三文魚 Dill Honey Mustard Glazed Salmon🐟三文魚幾大塊，而且煎得好金黃香脆，中間嘅肉亦唔鞋身(*ˉ︶ˉ*)同時蜜糖芥末醬都好夾三文魚嘅味！🍤辣蒜欖油蝦 Chilli Garlic Sea Prawns 🍤蝦都幾爽口，蒜片用欖油煎過，味道幾出同幾香，反而就唔會好辣，小朋友食都冇問題🥗啖啖蟹肉沙律 Crab Meat Salad🥗真係冇錯名，蟹肉份量真係好多🤣，基本食每啖沙律都會配到蟹肉一齊，建議醬可以另上，咁就可以跟自己想要嘅份量加🍟香辣炸薯條 Cajun French Fries🍟即炸即上，上到枱仲係熱辣辣🍗燒黄油雞(半）🍗雞嘅份量都幾夠，但如果雞肉質再滑身啲會好啲🍍菠蘿汁 Pineapple Juice🍍

Fat Angelo’s 一個熟悉又陌生的名字，現在捲土重來進駐馬鞍山😮。餐廳座位寬敞，圓拱形梳化位配上天花波波燈，讓人有種輕鬆舒服嘅感覺🥰。🥢啖啖蟹肉沙律🥗沙律菜新鮮爽脆，鋪滿鮮甜蟹肉，配上花生芝麻醬汁，食落清新唔會膩。🥢海鮮糙米飯海鮮有帶子、海蝦、蟹肉。帶子原粒上，肥美爽甜。龍蝦汁惹味配上糙米飯感覺好健康❣️。🥢燒豬肋骨拼燒黃油雞 半份 一次過可以品嘗到兩款肉，食肉獸表示非常滿意🥰。豬肋骨燒得軟腍無比，輕鬆一切骨肉分離，啖啖肉開心仔😛。雞髀打人牙骹軟，細細隻黃油髀用手扯黎食夠豪邁😎。

呢個慢煮紅酒牛肉意粉，肉質夠淋，夠juicy.麵質適中 有咬感。配咗少少車厘茄，少少酸，醒醒胃。當然 如果少番啲啲橄欖油就更好更mm7 (估計咁會更適合係Ladies)題外話，呢度環境坐得都幾舒服。

FAT ANGELO'S 早前經過見到開左間新餐廳係馬鞍山新港城，終於有機會經過，緊係要試下❤️❤️❤️意式焗肉丸 $68前菜叫左焗肉丸😍配肉醬同埋大量芝士！絕配，啖啖芝士，同薯蓉肉醬勁match! 而且本身肉丸已經好好味😋正依比利亞黑毛豬扒、燒意大利黃瓜、薯角配鮮果莎莎醬 $238黑毛豬扒煮得剛剛好，切開粉嫩既肉質，食落嫩滑有質感，高質豬扒😋再配埋碎果肉調配既醬汁，清新唔油膩👏🏻刁草蜜糖芥末三文魚配薯蓉及烤鮮蔬 $168香煎三文魚，配上酸甜特調醬汁，十分開胃。香蕉朱古力牛角酥窩夫伴雲呢拿雪糕 $88窩夫係牛角酥所造成，香脆可口！配雲呢拿雪糕同香蕉朱古力，真係冇得輸🤤🤤🤤All day happy hourHoegaarden $70/pint放工輕鬆一下既精選，relax❤️Mocktails Virgin colada $42如果唔想飲酒精飲品，都仲有好多選擇，其實我喜愛之一virgin colada,淡淡椰香配菠蘿汁😋😋😋地址：馬鞍山鞍祿街18號MOSTown新港城中心(4期)3樓3227-28號舖整體評分：5/5味道：5/5環境：5/5抵食：4/5

同事仔想多謝我在工作上幫左佢一個大忙係佢屋企附近食返餐都唔錯FAT ANGELO'S竟然進駐左係馬鞍山廣場環境仲靚甘多，要好好歡聚一刻海陸大餐真係好豐富，有海鮮又有肉原來係龍蝦，仲要原隻上芝士及蘑菇片mix一齊鋪在蝦身蝦肉爽口彈牙，仲有滿滿的橙色蝦膏仲有牛扒煎得好岩我食開的熟度牛扒表面的網紋格真係好吸引肉色亮澤，脂肪唔算太多，食落都重牛味蟹肉沙律配芝麻花生醬沙律菜都好大碟，兩個人食都好夠蟹肉絲鋪到好似雪山甘，勁多沙律菜有生菜，火箭菜都好新鮮醬汁酸酸地又帶點花生香味難得可以係一個甘chill環境傾計叫左兩杯mocktail飲下Iced candy有如糖果般的紅色，草莓再加上檸檬香味酸酸甜甜真係唔錯Peach blossom味道有如香桃的甜蜜，仲有橙汁的調配，果香濃郁

打完拳就梗係要食返啲嘢補充下體力㗎喇！本身打算去馬鞍山食個沙律就算，點知見到呢一間新開嘅餐廳🍴就心郁郁想試，結果就一發不可收拾！叫咗好多好邪惡嘅嘢😝睇嚟減肥無望了～呢度環境闊落，燈光明亮，令人覺得好休閒好舒服😌🦀蟹肉沙律 $138一上碟已經被佢滿滿嘅蟹肉吸引住，基本上成碟都好多蟹肉分布左喺啲生菜上邊，唔止賣相吸引，連味道都好好！😋 食落去好fresh，唔會太飽，當前菜啱啱好😎🐷豬仔骨拼燒雞 $278一道主菜滿足曬兩個願望，又可以試到豬仔骨，又可以試到佢嘅燒雞！先講豬仔骨：佢燒到啲肉嫩口，加上燒烤醬，簡直係prefect match👍🏻燒雞都唔錯，唔會太乾身，每次有雞髀都好開心🤩 除左豬仔骨同燒雞，仲配上金黃色嘅薯條，炸到好香口，唔會太油，係好豐富嘅主菜之選✨🍕小食五拼 $118有脆炸水牛芝士條🧀、香辣炸薯條🍟、辣脆水牛城雞翼🐥、意式焗肉丸🍡、脆香魷魚圈/🦑 超豐富！每樣都香口惹味🤤 呢度嘅食物質素唔錯!! ☕️咖啡軟芝士蛋糕 $58平時食Tiramisu 都係一件件嘅，好少會見到用杯裝，佢呢個造型有幾特別😌 上面覆蓋著綿密的奶油同一些巧克力碎🍫每一層都係極為柔軟嘅芝士蛋糕，食落仲帶有濃郁

幾個月前嚟食晚餐，發現可裝個 app 做會員，做會員就送個 main course 豬仔骨併燒雞，當時問咗個肥肥地嘅女員工，要咩條件才有得送，當時告知有幫襯便可，我仲問叫杯咖啡都得？店員答我係，是但 order 都可以. 今又再去食，叫咗幾樣嘢，問店員要一個豬仔骨併燒雞，用 coupon 換取，但店員話要點主菜才可，我話你哋員工講過是但點一樣嘢都得，一杯咖啡都得，依家叫咗幾樣都唔得？佢話要點紅色版面內的才可，我問：你哋條款都只係話堂食，無話要指定 order 咩菜色喎！佢都係答一定要 order 指定菜式！

☸️醬燒豬肋骨配蘋果沙律及薯條-豬肋骨焗到好稔身 質地唔錯 蘋果沙律可以解一解 薯條剛剛炸起 三樣野總括很好👍🏻☸️烤帶子、海蝦、蟹肉、茴香龍蝦汁有機糯米飯-好香濃既龍蝦汁 飯質咬口煙煙韌韌 而且有好多海鮮 材料十足 好好味既燴糯米飯 值得一試👍🏻👍🏻☸️精選小食五拼-幾款小食都幾好味 魷魚圈略嫌太乾身 好難咬開🤨但係脆炸芝士條既質地同味道都好正 都值得一試👍🏻☸️香蕉朱古力牛角酥窩夫配雲呢拿雪糕-牛角酥窩夫好煙韌 好似係香蕉朱古力麵包 窩夫味比較淡口 味道正常～☸️意式冰糕配杏仁脆糖-冰糕質地係融合左雪芭同雪糕之間 味道帶微甜 再加埋杏仁脆脆擺入口 好好味❤️總括今次用餐體驗不錯 朋友們都好滿意 可以再食❤️

今日終於試到馬鞍山新開了幾個月的Fat Angelo。想不到星期六也有set lunch 呢！可選擇沙律或餐湯及包飲品一杯，尚算抵食。今次點了很多人叫的🍔🍟燒烤汁牛肉漢堡配薯條漢堡的牛肉其實一般，本人認為simplylife的滿漢堡相對出色，因為肉汁鎖住又配合其他配菜。但這個漢堡略嫌太乾。🍝意式肉丸尖通粉配蕃茄汁這個尖通粉應該會受小朋友歡迎，但以大人角度來說，我相信其意粉會比較適合。🧇🍨香蕉朱古力牛角酥窩夫伴雲呢拿雪糕這個甜品不錯，雪糕配合窩夫味道很好，有香蕉、朱古力窩夫及雲呢拿蛋糕。最令我不想下次光顧的原因除咗＇了食物普通之外，我覺得服務一般，因為侍應不停想收我們未完成的食物，實在有點騷擾。因為店內又不是太多顧客，我們亦只是來了不太久 不明為何有趕客離開之感。

∞︎︎∞︎︎Fat Angelo’s∞︎︎∞︎︎炭烤牛扒有驚喜！馬鞍山終於有新餐廳進駐👏🏻餐廳以美式食物做主題牛扒，海鮮，意粉都有齊超級藍沙律$95藍莓汁配新鮮沙律菜，藜麥，忌廉芝士，幾清新炭燒美國肉眼扒(10oz)$298好香炭燒味，叫7成熟，無over cook, 扒係薄身的，但切開好juicy👍🏻米蘭式燉小牛膝$218肉質軟淋，勁大份，配飯好食😋香烤雞肉雜菌意粉$98個汁有啲似罐頭蘑菇湯feel, 我就麻麻哋，友人覺得幾好喎總結： 坐得舒服, 慶祝食扒幾好👍🏻

你吃過10安士牛扒是用3塊薄扒加1塊麥樂雞大小的雜碎拼出來的嗎？如未，歡迎來享受新奇體驗。這麼薄的牛扒還完全冇味，除了一個鹹字。298再加一呢個價錢，我食四餐麥當勞都夠而且會好滿足。服務亦差得出奇。出面明明有一大疊餐牌。我話要留低一份諗一諗食乜甜品。服務員硬係收走。真係忍唔住要出post！

Fat Angelo's 喺馬鞍山開咗幾個月,一直無打算食。今晚團年好多本身想食嘅小店無開，於是即管試下，估唔到喜出望外地好質素。叫嘅所有嘢都幾好食，全家都食得好開心🥰白酒青口 ：青口嫩滑，而且size都唔細，配埋蒜蓉包可以點汁。蟹肉沙律 ： 都算好多蟹肉，菜亦新鮮爽脆。黑毛豬扒 ：一啲都唔會鞋，啖啖肉。嗰汁有啲子羌味，好特別亦好味。牛肉漢堡（無影相）：個漢堡扒牛味都幾濃，而且有好香嘅grill味。整體上成個burger汁+料+包嘅平衡都好。唯一係啲薯條唔掂，雖然夠熱但係唔脆，又硬硬哋，唔好食。

行過馬鞍山，居然見到小時候熟悉嘅名字，Fat Angelo’s居然重開喇，好開心！入到去成間餐廳光光猛猛，有啲裝修，感覺幾好坐。望一望個餐牌，似乎已經面目全非，不過個價錢都好吾錯，吾貴。點左個肉眼扒配薯條同磨菇烤雞意粉。個意粉嘅汁好正，好香菇味，又熱辣辣，已經急不及待即刻捲一淡放入口！意粉嘅軟硬度適中，啲菇有幾多下，一啲都吾孤寒。咁先88蚊？！抵到喊。美中不足嘅就係舊雞就一般啦，係林嘅，滑嘅，但缺乏香烤味。個肉眼扒我叫左5成，好彩切落去冇血淋淋，成塊扒都好夠林，咬落去有肉汁有牛味，又好香炭爐味，超幸福！另外叫左兩杯野飲，個peach blossom 就完全吾惦，好似成杯糖水咁，味道吾太好。埋單都係500左右，食到餐性價比高嘅餐，好滿足呀😁

點了 豬仔骨，漢堡包，肉丸長通粉，和兩款甜品，全部都非常有驚喜，好好味！店員服務好ok。下次會再來，難得馬鞍山有水準的西餐，令馬鞍山唔再係美食沙漠。豬仔骨好夠淋，個燒烤醬調得好味，一般的美式燒烤醬，個人都非常唔喜歡，覺得酸和喼汁味重，呢間的美式燒烤醬無以上問題，酸味和甜味剛剛好，全家人最喜歡的就係個肉丸長通粉，好好味阿