FAT ANGELO'S (Closed)

今晚有人生日，嚟到馬鞍山新港城食晚餐。想食西餐，就嚟咗呢間食。餐廳有各類型嘅西餐🍽️餐包套餐餐包，軟軟熟熟，都好味😋餐湯我記得好似係甘荀，味道都唔錯。餐飲—熱奶茶熱奶茶係唐寧茶包加奶，都唔錯。主菜（1）醬燒豬肋骨🐷 配蘋果沙律🥗及薯條 🍟 $268豬肋骨好好味😋份量好大，推介👍🏻醬汁調味好好👍🏻肉質又嫩滑薯條味道都唔錯👍🏻沙律味道就差少少，不過個餐都食唔晒，所以冇乜所謂。主菜（2）海鮮群英大會🦐🐠🦑$268（香煎海大蝦.烤帶子.比目魚扒. 青口. 魷魚 配烤蘆荀.薯蓉 及香草蒜蓉牛油汁🧈）好豐富嘅海鮮餐，味道都好好味😋賣相就比較差少少但份量好大，推介👍🏻主菜（3）牛扒餐🐮呢個我冇食到。不過同行嘅人話都唔錯。餐廳環境都唔錯，好有歐陸風情。職員服務態度都好好👍🏻嚟開馬鞍山嘅話，都推介嚟試吓。

25/8/2024的中午，叫了四個午餐，之後上餐湯的時候向職員表示需要4杯水，個男職員停頓4秒之後反我白眼，我心諗駛唔駛呀？跟住上第一道食物我並無叫到的，已經立刻叫住個女職員，但係佢好似聽唔到我叫佢咁，之後我再叫另一職員講，佢睇返記錄原來入錯單，之後再上菜的時候好似放飛碟咁劈喺張枱度 ！真係好似唔想做咁！然後聽到另一枱走的時候都講唔想做咪唔好做囉！再睇返open rice 的食評！竟然如此精彩。連續幾個評語都係態度差。

我同屋企人去食呢間餐廳，我媽咪問職員可唔可以攞杯水，然後嗰職員就對我哋黑面。然後我就開始嗌嘢食嗰陣時，個職員就好Hea咁樣嗌嘢食，之後個職員就點錯咗個飯。我哋啲嘢食就嚟咗，定一個食物，就已經係一個錯嘅食物。

好認同其他食評所講。食物一般都算啦。。。每一個服務員都係黑口黑面。。。因為已經食晒食物，只係問吓佢哋上得餐飲未。都要同我講 “依家整緊㗎啦，你有咩問題啊？” 咁我當然冇問題啦。因為最大嘅問題已經發生咗就係入咗去食。以後唔食咪得囉都想祝福佢哋日日有工開，可永遠成為有性格嘅服務員☺

非常同意上面幾位的評語，服務很差，如此下去，我好担心😢 午餐叫了它推介的 Prime US Beef Top Blade, 連飲品$198, 但這個牛扒只是茶餐廳質素，甚至不如，咸醃得不像肉了 😭 連薯條也不堪。好難再回頭，身為馬鞍山居民，真是好失望，初時開張時，雖然定位價錢高少少，但它還算好，時常都有幫襯。

跟朋友食午餐，見到網上都好多ok就試下囉！點知，90%侍應的態度都差到不得了！1. 帶位的，完全冇眼神接觸，打側面，冇禮貌都爆；2. 入到去好耐冇人招呼；3. 落單的，講嘢超級快及細聲, 好晦氣；4. 送餐的：將兩碟English breakfast拋落檯面; 5. 進餐時, 入面的煙肉, 鹹到不得了! .全場侍應冇笑容！6. 只係得最後收錢的侍應正常一些！對！今天是舊曆7月14日, 唔通咁應節！這間餐廳, 除咗環境, 簡直沒有一樣可取!!

完全坐係度都聽到員工既粗口，員工玩手機，叫幾次先有人應機，真心冇下次，食物份量少，完全食唔飽，牛扒味道可以但真心唔推介，間餐廳真係要諗下員工服務質素問題，如果唔係好難吸引客人再幫襯

早排係網上見Foodie 推介，見今日假期就突登搭車黎食，去到門口前面排左對夫婦，等左一陣入邊既侍應終於發現到門口有人就出黎幫手帶位，咁我唯有繼續等，好好彩好快有另一個侍應發現到我，但佢一路行出嚟一路講嘢，黎到我面前岩岩好講完，我同佢講我真係聽唔到你講乜，佢就一副你聽唔到你問題既樣再重覆多次，大概係入邊截單叫我坐出邊，帶左我坐低之後就閃左人，但出邊係超級熱同焗🥵坐低枱面放左下午茶menu，但就冇lunch menu，唯有舉手搵人啦，但出邊一個侍應都冇，入邊既侍應又冇望出黎，隔左陣隔離枱既客人都舉人搵人，都係冇人理😓好彩隔離堅持一直舉手，最後先有人行出黎，我問佢拎lunch menu既同時順便叫佢幫手比杯水，咁忙都廢事要人行咁多轉啦。到睇完menu落單，又係舉左一輪手先有人出黎幫手落單🙄🙄🙄未食都感覺好差啦，下下都舉超耐手先有人理！落完單冇耐，餐湯同麵包好快就黎左，但枱面得一隻細叉同細匙羹，算！粗粗地用住先，廢事又要舉一大輪手，飲到一半主菜都黎左，望落去塊牛就薄左少少😀巨無霸塊肉都厚過佢，仲要收我呢個價錢，真係眼都凸埋。咁枱面得返枝細叉唯有食住薯條等有人行出黎，順便問佢拎把刀同再次叫佢地

話說上星期假期，天氣唔好，約朋友去新港城食飯，行過見到有一間餐廳，門面幾好，眼見未開門已有人排隊，就同朋友走去試吓啦！排隊時已經係open rice 睇menu,揀食物，餐廳一開門，有一位高高瘦瘦接待員帶我們入座，眼見餐廳差唔多坐了八成客人，但接待員只得一個人，又眼見好多人揮手，又眼見佢都應付唔到，我同我的朋友坐喺度等咗差唔多二十分鐘一杯水都冇，等咗一陣佢先可以招呼我哋，我睇見都覺得嗰位高高瘦瘦接待員辛苦，佢幫我哋落完order 一陣，食物到喇！麵包同湯已經唔夠熱，沙律又唔新鮮，主菜意粉同扒又係唔熱，又係眼見得一個侍應，出唔到食物俾客人，對於一個消費者嚟講真係無奈，過咗一陣先見到一個著黑色制服高級啲嘅侍應施施然咁走出嚟！唉…..真係唔知係人手安排失當或者係遲到拖累貴公司的質素，請貴公司管理層檢討及正視，有關方面問題

上星期五晚，為咗慶祝母親節， book咗呢一間位於新港城嘅西餐廳。我哋一行四個人，見到個Menu好多選擇，忍唔住嗌咗好多嘢食：B3-炭燒澳洲M2西冷12安士$248嗌咗七成熟，絕對冇過韌嘅情況，燒得啱啱好，連側邊啲薯條都好好食。好味指數：🌕🌕🌕🌕🌑M4-西班牙伊比利亞黑毛豬骨扒配燒意大利黃瓜薯角及鮮果莎莎醬$248多數食西餐嗌豬嘅中伏機率好高，點知呢個一嚟到見到個樣已經話嘩嘩聲，超大塊，超高性價比，一切落去已經知道舊豬好嫩口，純粹略嫌過鮮果莎莎醬有啲淡味。好味指數： 🌕🌕🌕🌕🌑P1-龍蝦汁海鮮扁意粉$148一上枱出晒煙，熱辣辣，份量都好大碟，龍蝦汁好濃味，海鮮嘅份量亦都唔少好味指數： 🌕🌕🌕🌕🌑S1-啖啖蟹肉雜菜沙律配花生芝麻醬$138蟹肉份量都比得好慷慨，不過以沙律嚟講價錢就有啲貴。好味指數： 🌕🌕🌕🌗🌑A1-精選小食五拼（炸魷魚圈、水牛城雞翼、洋蔥圈、脆炸水牛芝士條及薯條）$138五款炸物都做得相當出色，尤其鍾意魷魚圈同芝士條好味指數： 🌕🌕🌕🌕🌑M1-二添一作五-醬燒豬肋骨及燒黃油雞（各半份）薯條價值$288呢個份量勁誇張，但比起其他主食，呢個就相對普通！好味指數：🌕🌕🌕🌗🌑仲有

一齊鋸塊扒啦喂 🍹🍹🍹🍹🍹🍹🍹🍹🍹🍹🍹炭燒美國肉眼扒 (12安士) 伴大蒜香草黃油🥩 $298 必叫item!! 炭燒味道好香🤪厚厚一塊肉眼，肉嫩又多汁，調味恰到好處食落好香 慢煮紅酒牛肉手製闊條麵🍝 $138 特製新鮮手製闊條麵~麵既口感好彈牙，帶少少咬口！🤪牛肉仲好軟淋~紅酒汁亦好入味 主菜類可以考慮二一添作五 $288 🐖或者海鮮群英大會  $268🐟 前者係各半份嘅醬燒豬肋骨同燒黃油雞！醬燒豬肋骨好惹味，燒黃油雞亦相當嫩滑～薯條都非常脆口好食！🐠後者就有唔同烤海鮮！香煎海大蝦、青口、烤帶子、比目魚扒等 香蕉朱古力牛角酥窩夫 🍌$58 上邊加上雪糕！🥐牛角酥窩夫好香口~ 飲品上🍸想大大杯開心Share可以飲Corona Special Drink ～另外而家Cocktails仲做緊第二杯半價，嚟個Happy Hour! 人多既話，仲可以包場添～ 

午餐SET 揀選了 牛肩胛SET 配餐湯 (是日是番茄湯) + 額外 $12 轉 CAPPACINNO ,  total : 198-餐湯 : 正常夠濃, 不夠熱 , 餐包不夠軟 還可牛肩胛 :  點了 5成熟, 面第一塊不錯,  底下一塊過熟偏 UN,   整體牛扒味道無味, "拿"過雖林, 但只有一點咸味, 沒有肉味.  我覺得質數上相對差. 雖然賣相靚. , 薯條唔夠脆, 全碟最好味就係 沙津 , 個汁做得很好. 整個餐最好食係沙津菜 餐飲 : CAPPACINNO   個人覺得呢間唔好飲, 我好少只飲一半便唔要. 雖然知道此店相當出名, 但在於我覺, 就係出名, 出品上應該要有保證, 但我覺得唔 OK, 最後吃淨一半沒有吃了. 不會再來, 不好意思, 

外賣自取有6折，滿心驚喜買來食，一打開心情沉落谷底，呢個係前菜嗎？好似食左陣風咁，份量少得不能再少。但價錢折左都唔係平架喔，個餐就係咁，前菜飲品都無送，埋單都要80幾，真係無下次。影出來算多少少，所謂的薯蓉係裝飾來，薄過紙。三文魚味道正常，但比出面西餐廳都係細份好多，而且叫過咁多次外賣真係未見過薯菜係裝飾😚😚兩片薄切瓜同兩粒乾既車厘茄。我已經另加黑糖包、食完都無感覺，要再煮。難以想像食左咩d咩。性價比奇低也。

朋友介紹我嚟呢間西餐廳試吓，真係慳唔到口水咁話！首先落碟嘅炭燒美國肉眼扒，烤得啱啱好，外層微焦香脆，肉汁鎖住喺入面，每一口都係嫩滑之極，仲有肉味濃郁得嚟又唔膩口🤤。雜菜沙律爽口，薯條金黃鬆脆，咸香好滋味。跟住嘗吓啲小食拼盤，各款嘅雞翼、薯條、洋葱圈等等，都炸得外脆內嫩，真係正到彈！嗰個糯米芝士條，鬆化牙口，撈埋隻沙律醬，酸酸甜甜，食得出心機。點個西班牙Cocktail Red Sangria，飲埋滋味十足嘅水果酒，酒香味美，清新提神🍹。店內氣氛好，裝潢都型格，同朋友聚舊都話晒好。總之，今次食得好開心，下次仲會再嚟！🥳👏🏻

行過見到環境唔錯，入去食個Lunch點知原來都好多人食，最後坐左係門口位高枱到見到餐牌都好吸引最後揀左英式早餐首先有個餐湯，我飲雜菜湯，味道唔差，但較淡早餐比我想像中豐富沙律係油醋味，唔算太酸，都好開胃炒蛋好滑好香，應該係有加少少奶去炒，加埋落牛角包到食，一絕個牛角包好有❤️，係翻熱左，而且脆既，仲好大陣牛角香味，好出色條腸，唔洗講，大大條，味道岩岩好，唔太咸煙肉係厚身，唔係平時見到好薄好薄個種，有口感，不過個人就覺得偏咸，齋食好難食得齊果味茶好淡既果味，唔甜既，當普通茶飲ok既