發祥茶餐廳

Open Now

Now Closed

今日做嘢好忙，提早11:55叫定外賣先點知12:05左右過到去、比埋錢都未有得拎大概到12:15左右阿姐問我叫左咩見住阿姐入去叫返，過左數分鐘後就拎得果然阿姐有效率，如果唔係都唔知仲要等幾耐🤔返到去一打開外賣，金碧輝煌嘅橙色就射出嚟啦好似塊雞扒跌入螢光墨水堆但食落又幾好味喎，不過不失不過下次我會再早啲打定過嚟叫外賣㗎啦毫無服務和環境可言，因為佢起一條村嘅村口，明顯做街坊生意，順便照顧埋我啫😆但入面都幾滿座㗎如果大家想試下就記得早少少嚟到💪唯一加分位係佢冇呃我，真係用鮮茄👍同埋佢個意粉本身已經係橙色，可能係炒過（？）

去開附近游水又未夠鐘，諗住買定嘢飲，發現有間不起眼的茶餐廳係度，倒不如直接食埋早餐先。沙嗲牛肉公仔麵牛肉頗有口感，至於沙嗲食落似乎係放d現成既醬咁，味道可以接受。整體咁講，$30食個早餐都無乜好挑剔。

唸住個仔在粉嶺游泳池學游水，到對面茶餐室tea一tea，貪在夠近，叫了餐蛋出前一丁面，點之，面又唔夠爽，歺肉好求其煎一煎，好困難去讃的就是個上湯夠熱，連一個歺蛋公仔麵都可以整到這樣的茶歺廳，真的不敢去試其他！

公司老細請食下午茶，公司附近嘅呢間村屋小茶餐廳係一個幾好嘅選擇！近近地又即叫即做，門面真係唔起眼（比旁邊嘅光鮮便利店比下去）入內座位唔多兼幾迫，下午茶時間唔多客，桌椅都好平實！食物係茶餐廳大路食物！可惜去到無晒熱奶茶，又無河粉！不過來到嘅熟客都好似無所謂咁！在有嘅範圍內揀！仲有見其他食客嘅菜式係菜單無嘅（粉通心粉）應該係餐廳會做食客要求嘅特色菜！食物簡單用膠袋裝熱狗：熱狗包唔大隻，有烘過熱熱辣，麵包鬆軟！入面簡單嘅雞肉腸，蕃茄，同少許沙律醬，簡單好味！鹹檸七：一杯用一個鹹檸，真係好豪，但⋯⋯個鹹檸完全無切開，我在公司束手無策咁搵竹筷刺穿再篤（但個紙杯又唔太堅固，好驚篤穿埋個杯）鹹檸清甜！七喜係原罐跟上！一定夠汽！店員姨姨好親切，啲熟客又會互相問候談天，好街坊小店人情味！

原來公司附近有呢間餐廳！唔係同事講開我都唔知！今日行去上下！地方係村屋地下！只有十幾個位！一眼睇晒！普通茶餐廳格局！乾淨企理！唔特別但看到有心機打理！特別收銀婆婆店員好nice!個個食客都認識，好像朋友咁傾偈！小店人情味特濃！比人感覺舒服！餐牌早餐食物選擇唔多！我揀腿蛋米粉，米粉好快到！火腿兩塊，煎蛋一隻，煎得唔會脆邊，蛋白都係剛好熟，所以好滑！蛋黃少許熟，我撈落湯食！味道正常！湯底夠味夠熱！唔會好咸！驚喜仲有一小堆芽菜，好少見早餐湯麵芽菜做配菜！我好鍾意食芽菜！good!之後上有牛油方包！我留一塊火腿夾方包都好好味！麵包夠軟！夾火腿好味！熱檸水正常！希望呢啲小店可以保持佢嘅味道！

之前路過曾經光顧,出品及感覺不錯,今日行過又想試多次,不過今次就差了點.大概這類三層村屋做生意,都是家族經營,廚房,水吧,收銀同打雜都是父母兄弟罷!一如以往,都是早餐.火腿通粉份量不才,加入青豆,粟米粒及紅蘿蔔等,令到多一份口感,水準依然.但煎蛋今次就出事,邊位炸得奇燶,又乾身,可能是水吧掛住做其他野無睇火.雖然是比上次差,但希望是偶發性的事

唔係行過又或者住附近,根本唔會知呢間野存在.店是三層村屋最低層改裝,大概是家庭式生意.有點事經過,見仲有少少時間,就黎一個快"早"火腿通粉 : 即叫即煮,夠晒熱辣辣,而且有少少粟米粒,有咬口,通粉亦選用有坑紋的一種,比較少見,味道不錯煎雙蛋 : 不過火,沒半點焦,但依然有少許流心,蛋香,灑點鹽已經好好味.再加上方包及熱飲,亦不過十九蚊,經濟實惠,充好電,hea完,又可以起行.

我係附近返工~聽同事講呢間餐廳唔錯~~於是決定試下~~諗住睇下有咩餐~午餐有三款~不過唔係幾啱我胃口~所以叫左個時菜班腩炒河+熱奶茶~~ 外賣好快就到~佢仲話叫外賣冇限價錢~幾多錢都送~河粉: 冇咩油~同埋d班腩唔似出面咁難食~~呢間好正~!! 河粉好滑~~熱奶茶: 好香既茶味~~試得出係用靚茶葉~唔同其他茶餐廳咁淡~第二間差好遠~~好滿意~~誠意推介~~

早兩天艷陽高照，中午熱到爆錶，不願行那麽遠食晏，便到較近寫字樓的祥發，雖然很近但這是我第一次到此，以前也試過叫這裹的外賣，看菜牌食品選擇也不算少，今天這麼熱胃口不太好，所以我就柯打一碗什會湯飯，不一會就上枱，先喝一口湯感覺沒有下味精，雖然淡口但比較健康一些ｏ這間在粉嶺圍的小店，座位不多但仍能找到張卡位坐，地道小店講求效率，服務方面冇問題，可以接受；碟頭飯平均都只是二十多三十元，價錢絕對不貴ｏ

呢間餐廳知道既人唔多~可能係佢開既地方太入~位於粉嶺游泳池對面~環境一般~都算好好~但係地方比較細~唔一定有位~游完水既朋友可以去試下~呢間茶餐廳到左3點鐘就會冇炒野食~想食炒野既人就要早d~本人推介福建炒飯~又夠大碟~一個可以好多個人食~真係好好味~食過咁多間餐廳冇一間比呢間好食~仲有椒鹽豬扒飯,粟米肉粒反等等都好好味~本人覺得值得一試~~

依間茶餐廳一D都唔起眼，雖然係正馬路隔離(粉嶺泳池正正對面)，但揸車經過，都唔會留意到，幫襯的一般都係街坊，要專登搵先得，幸好我在附近返工，成日有得食....真係食極都唔悶。依到的炒粉面好得，不過就略為多了D油....無論係炒乜野都好好食....推介必食，抄肉片....我最喜歡就係豆腐肉片抄米，個米唔太硬又唔太"冧"，仲有少少燶燶地係面.,.......D肉片..好難形容的好食，好爽，完全唔會有渣，用料好新鮮.....好有鮮味，同埋厚度適中，又大大塊，好有口感。大大碟.....廿七蚊,....可以兩個女仔食都有可能食唔哂。另外個肉片湯河，超正，一定要加埋師傅自家製的胡椒粉，第二度食唔到GA，真係正到.....D河粉好滑...肉片......一樣.......超正......廿一蚊，但可能因為入D靚貨，唔係成日有河粉食，要睇吓好唔好彩.....不過下午3:00過後就冇廚房野食，得一般士多野，但都好正，西多尤其勁.......價錢都OK得。另外，有得送外賣...即使叫一份多士，都有得送..當然係附近啦!!不另加收費。店內座位好少，約廿多個，如果冇位可以行過隔離坐室外有蓋位，但就唔係太乾淨，