Video
Introduction
屋邨的舊式快餐店，雖然環境不舒適，但保留價廉物美的風格。
continue reading
Opening Hours
Mon - Sun
07:00 - 21:00
Above information is for reference only. Please check details with the restaurant.
Recommended Dishes
Signature Dishes
最近好鍾意去一啲懷舊小店好耐冇嚟到安定邨呢邊、細個喺呢邊長大、好耐冇過嚟呢度、今次食返發發快餐、回憶湧現返晒出嚟！慨嘆時間過得真係快～好啦，開場白講完。係時候講返餐廳啦味道都係以前嗰種感覺。買咗快餐黑椒雞球飯、其實之前都有食過茄汁雞球飯、都係一樣大件夾抵食CP值很高。嗰碗餐湯基本上係飲唔晒。總括嚟講：食返同年嗰種味道、幾好食、價錢係抵。都見到好多男士入嚟單拖食👍🏻希望呢啲小店可以繼續營業落去啦。
continue reading
全部餐寫哂係牆上 快餐茶餐花多眼亂😵💫應該最飽肚都係快餐 包湯包飲品香滑雞球配茄汁意粉 ($42)好耐冇見嘅螢光汁🤣配好大碗忌廉湯 聽到有人係專程黎飲呢碗湯其實都係普通忌廉湯 淡淡地味🤭但咁大碗又真係夠哂飽雞球都好多件 唔鞋 雞腿肉部分意粉配埋茄汁幾開胃 仲有三色豆😂食哂成碟真係超飽！煎蛋免治牛肉飯 ($42)真係懷舊味道 個汁好送飯隻煎蛋有d流心 全部撈埋食不得了👍🏼講真選擇同價錢同出面食茶餐廳差唔多不過真係食懷舊 尋回兒時味道🤣
continue reading
係香港，呢類懷舊餐廳已經買少見少。好好彩係屯門友愛村仲存在一間咁樣既餐廳。雖然佢環境可能比唔上其他大集團既餐廳，但係佢既味道同埋價錢真係一流。😚我覺得佢仲好味既就係佢既黑椒汁牛扒飯。佢係原塊牛扒上，煎既火喉岩岩好。如果第1次去食既朋友我強烈推薦！🥰
continue reading
螢光飯真係愈來愈罕有今時今日想搵一間屬於香港嘅本土小店已經愈嚟愈困難，雖然店子細細，僅得幾個坐位裝修係回到兒時感覺，非常懷舊，童年回憶都立即返黎。叫左茄汁炸雞髀飯，仲有白湯送味道好似舊式扒房餐湯，非常美味。茄汁雞髀飯重點唔係雞髀，而係d汁 d汁d汁D汁d汁d汁d汁d汁d汁d汁d汁（沒三色豆就好）經濟實惠希望小店可以承傳下去，螢光飯是香港特色美食之一，童年回憶美食由細到大都好喜歡食，發掘全港更多螢光汁飯
continue reading
#搞串個pantry去到#屯門 ，發現有好多小店，今次就嚟到一間keep住舊時代🕰️裝潢嘅港式快餐店🇭🇰。呢間快餐店門口嘅招牌同埋舖頭牆上面嘅黃色menu牌📒，都令人感覺好似回到過去咁。不過原來牆上黃色menu牌啲嘢食係無㗎❌，宜家已經變咗純裝飾🏵️。今次我哋就嗌咗個🔴炸雞脾薯條($42)、🔵豬扒包配薯條($44)。呢度係去cashier💰度落單，之後就去水吧位交「飛」，成件好快餐🤩，不過因為都係即叫即整，所以其實交咗「飛」之後都係要等一陣😝。炸雞脾薯條🌟🌟🌟雞脾🍗望落唔算大隻，感覺似係將本身嘅豉油雞脾放落油炸一炸🔥，同外面一啲生炸雞脾明顯有分別😗。而食落口味道偏淡，點茄汁🥫食就好好多，肉質都算幾嫩滑😋。薯條係曲薯條🍟，食落都口感唔錯，炸到剛剛好。豬扒包配薯條🌟🌟🌟🌟🌟呢個豬扒包意外地非常出色💕！外面嘅包有烘過，中間有沙律醬。而塊豬扒🐷其實同外面凍肉舖賣嘅蒜香豬扒無乜分別😀，但係煎得好好而且好大塊😜，食落口一啲都硬，而且絲絲分明得嚟又好腍🤤，加上裡面嘅沙律醬，真係幾好食🍔！
continue reading