發發快餐 (Closed)

第一次到呢個商場, 唔想再食連鎖店的早餐~意外地搵到呢間小店~可能時間仲早, 星期日的7:30冇乜人~於是我地叫左兩個早餐~都係沙嗲牛肉公仔麵+餐肉、腸、蛋牛肉太韌, 咬左好耐……不過都有牛味~~唔似用太多鬆肉粉果D醃料~至於個麵份量好多~~真完個麵都已經飽曬而餐肉、腸、蛋就不過不失~~唔算太油~已經即叫即整~唔好整定擺到凍曬~!!呢到個環境仲好特別~好似停留在70年代一樣~~D椅子好窄好窄~~~仲有D係冇椅背的~!!!價錢牌後面隱藏住幾蚊一樣野食~~真係好懷舊~!!!$24/早餐~~食埋個懷舊~~都幾寫意~

上期的飲食雜誌附送的領匯搵食小冊子,這家屯門區的發發快餐也榜上有名,一場來到友愛邨也走來試試其港式快餐。不是邨內居民可能較難發現這家快餐店,因她不是面向輕鐵站的當眼位置,而是靠近街市及冬菇亭那邊之字形斜路的二樓,沿著斜路而上,那紅底黃字用上蠻卡通字款的招牌就會發現; 玻璃門後就是佔地不大的快餐店,店內大部份座椅都是以木櫃代替,既可作座椅也可收藏物件,一物二用!牆上黃底紅字塑膠食物牌,現今食肆都不會採用,都有好一段時間沒見過了。貼在鏡上全日供應的茶餐也有很多選擇,都是一貫在收銀機買票後給水吧處理的流程,不同的是那張是收銀姐姐手寫的食物名字,而不是電腦打印出來的細明體字條。大人選了豐富的沙爹牛肉通粉配火腿庵烈,我看到漢堡包這三個字就選了它,相信這些舊式快餐店應該都是像時新般的港式做法嘛!開放式廚房裡完全看到兩位廚師弄食物情況,如何在扒爐上煎蛋、炸雞腿後如何晾油也一目瞭然,當然連他們一邊煮食一邊抽煙也同時看到。沙爹牛肉通粉以平平的碟所盛載的份量也不少,作為下午茶餐也很足夠,所用湯底較清淡,基本要靠沙爹汁才有點味道,只可惜連沙爹汁也是沒香味及味道,結果只加了點咖啡色在湯底內;有坑通粉煮得柔軟欠

上星期六因為一些事情, 所以去了屯門一轉, 途經我讀書時所居住的友愛邨, 被我發現在樓下的發發快餐店居然還在營業中, 實在太神奇了, 竟然還未結業, 於是不下思索, 就決定入內懷舊及回味一翻.這間發發快餐, 可以說是友愛邨的老店子, 甚至可能是這個屋邨的第一代食店, 大大話話已經開業了超過三十年, 當我還是一個中學生時, 我已經常常的幫趁它, 每一個住在這條邨的人對這間快餐店都不會陌生, 這兒跟很多的屋邨小食店一樣, 都是一間"三無"的食肆, 甚麼是"三無"呢?無裝修: 跟現代講究包裝和食肆環境的經營模式不同, 這裏只有最簡單的裝修, 不單只沒有優雅的環境, 甚至連一般茶餐廳的裝修都不及, 只有極度簡陋的枱和已經有些破爛的長椅, 椅下還可以放東西的, 這兒的環境, 由我二十多年前開始幫趁到現在, 一直都沒有改變過, 老闆甚至連替店面翻新都沒有, 最大的改變, 就只是廚房的員工和收銀的少女換了不同人而已.無服務:這兒絕對可以說是毫無服務可言, 除了不用自己煮餐及吃飽不用收枱之外, 所有的東西一律要自己來, 包括買食物, 取餐, 拿餐具及找位子, 通通是自助的, 不會有人招呼你, 甚至買食

見到openrice咁多好評就去試下....得價錢平...但屋邨地方...收得太貴就唔合理,去到叫左一個火腿通粉,華田...華田淡的,火腿通粉立刻煮接受到,不太難食.但沒有特別薯條.要等....整好左.要自己留意,咪道一般一的都唔脆無人叫客人去拿服務,自助形式....無人理....環境一般....要由細食到大的人會習慣.不是住呢個地方的人.去過一次我諗不會回頭......講平都有地方平過佢.......因平專登去食,不值得

在這茶餐廳通常我會食黑椒牛扖意粉，快餐仲有一杯飲品+餐湯，只是廿二三蚊，真是便宜。至於食物質素，黑椒牛扖意粉尚可，但餐湯(粟米忌廉湯)味道就很淡了，外賣的話就沒有餐湯。整體來說，以這個價錢來說算不錯。

因為見openrice多好評,所以就黎試下;本身叫萄國雞飯;點知比張餐單陰左 變左栗米肉粒飯~__~朋友叫腸仔雞扒飯;真係大碟; 味道尚可既..湯就擺明係味精湯~杯凍檸檬茶ok;員工有禮貌

這次是我第一次到這家快餐店!店內地方細細, 但相信同一時間也能容納2-30人。裝修有點懷舊, 可是, 靠牆的座位闊度很淺, 坐得不太舒服...我猜, 這格局多是做街坊生意吧~ (自取外買者較多)聽朋友之前推介 免治牛肉煎蛋飯 好吃,較少吃牛的我今天就試試吧!湯內有少量粟米粒, 不會太稀;飯的份量很多, 肉醬很多, 很香;蛋黃未煎至全熟, 弄穿後與肉醬混在一起, 好味!價錢方面, 忌廉湯 + 飯 + 汽水 或 熱飲 = $21 (外賣沒有湯)我覺得價錢超值, 同價錢還有 叉燒炒蛋飯 (只記得這個 =] )

喺度睇到食評評分吸引, 趁今日入屯門專登入去帮襯吓, 試过後, 評價是令人失望!約朝早九點半去到, 店裡人冇, 只有個收銀阿伯, 水吧有一男一女煑餐; 入到去, 真的是老式的"快餐店", 沒人招呼, 全自助式。睇早餐牌叫了"客沙爹牛肉面", 連"火腿、腸、旦", 加杯凍茶, 只須$19.5, 要先俾$買單, 算幾抵!點了招牌菜"沙爹牛肉面", 份量足, 大大碗,食落公仔面幾爽, 但係沙爹牛肉太咸, 肉質只屬一般, 附加的"火腿、腸、旦"也一般; 杯奶茶算夠奶味, 但不算佳品。可能因為店子開的年月長, 所在屋邨商場老化, 服務和環境也差強人意, 要食客回頭帮襯比較困难!

第278篇食評先搵到一間服務最差的食店....今日陪媽媽出友愛配藥.配完藥....就去左呢間餐廳....第一個感覺好古老.古老不緊要..我最鍾意老店...去到女收銀黑面,2個男店員食煙.日中句句粗口.....好似去左講數地區咁.的食物出左...唔去睇,係無人叫你拿的....食物到左我阿媽問收銀.大姐..茄汁係邊...唔出聲.....只用手指指住口中念念有詞...叫乜X野我大姐....到後來我估係老細.....的伯伯回來...呢個有好禮的....收銀變得沉靜....店員都無食煙,一路食煙一路煮..衛生有限..........價錢係平27元2個人食.....食物,炸薯條即炸.都唔夠熱....個薯條感覺好似薯熔咁.......個鷄翼好硬.....凍華田,淡如水.......什至同水無分別......我明白到老店,屋邨店..無得要求服務..都不是一入去的服務咁得人驚如果遲十分鍾.老細伯伯回來...我就看不到真相.....感謝神俾我看到食店最真一面...回想舊男友一句說話.錢什麼都買到...呢1年我覺得有道理,但買不到真感情

lunch 叫左買外賣返屋企食，order 左個豬扒腸仔意粉(黑椒汁)+凍檸茶$23，份量同附近的食肆的外賣餐盒相約，但價錢差唔多平$10蚊。味道方面也不錯，豬扒夠淋，配黑椒汁最好味；腸仔冇乜特別，意粉就冇過淋或過硬，唯獨是杯凍檸茶甜左d。總括抵食夾大件，下次會再幫襯。

琴日黎左呢度食野..估唔到呢間野開左廿幾年個環境好似七八十年代既茶餐廳同冰室.係依家既屯門好少有!入去既時候,都好多人下WOR!食野啦~叫左個A餐 - 洋蔥汁雞扒腸仔飯又有湯又有汽水.加埋都只係$21.相當抵食汁同飯好夠.塊雞扒又大塊,食落去又唔會好硬不過成碟飯好大碟,食量比較少既人未必食得晒如果係女仔食就可以2個人SHARE黎食既~最需要彈既地方係個收銀姐姐語氣唔係太好.另外自己拎野食既地方好迫,有時會好亂D野唔小心撞倒人就唔係咁好啦~~

上OPENRICE 搵屯門有咩好野食 .. 發現呢間都幾多好評咁就去試下啦~~ 入到去個環境都幾八九十年代D 冰室咁咖 .. 而且係自助形式, 即係買完飛就拎野食.. (大X樂果種呢~~ ) 話佢係快餐真係冇錯 .. 因為落完單佢好快就煮好有得食~ 我叫左個肉醬煎蛋飯 .. 餐黎咖~ 有白湯同野飲! 個飯黎到 .. 哇左聲 .. 好大碟呀 .. (見到對面有個女人食唔切就拎個飯盒裝番去再食 .. ) 個汁好惹味呀! D 汁既份量都幾多~~ 夠送飯!! 不過最後我係食唔晒的 .. 如果女仔去食可以兩個人叫一個SHARE ..我男友叫左個差燒煎蛋飯 .. 又係好大碟 .. 不過佢果碟就冇肉醬煎蛋飯咁好味 .. 差燒都OK, 蛋算煎得香 .. 但送飯就唔夠味啦~ 我地另外仲叫左個炸薯條食 .. 哇! 炸到脆卜卜好好味~~ D 薯條好有肉感! 而且以7 蚊黎講個份量都算相當抵食~~ 真係頂住個胃咁走呀~~

薯條即叫即炸, 正!肉醬煎蛋飯,十幾年都水準不變,下午茶堪稱全屯門之最: 平靚正,大份!女仔兩人一份都OK<大食就可以一個人食晒.以前全自助,好正. 現在有個阿姐托下盤, 仲叫番D客去攞.唯一失色之處.飲品質素稍遜(除非凍茶事先叫多奶), 多數都會選汽水較能滿口腹之慾.總之,兒時放學會到發發食炸薯條, 現在再食,質素不變,感情不變.

逢星期四去聖約翰上急救班, 由於友愛距離我公司(東涌)最近, 於是揀左屯門上課.去到屯門通常肚餓到打鼓, 但友愛的食店:大雞大: 在紅磡食過一次, 咸到......我唔想上急救班時, 加多半堂實習課給同學們 - 因為咸死自己便利店: 唔想太齋......看Openrice見此店笑臉都幾多, 於是試試佢.一入到去, 普通屋村快餐店格局, 有點似電車下層的座位, 但快餐只售$20, 叫左個腸仔蛋漢堡扒飯, 洋蔥汁, 塊扒好似時新咁, 係自製的, 稍硬少少, 仲有湯及飲品附送, 抵到暈.見收銀個女店員和客人談話的語氣, 好似一家人咁, 不太客氣, 不過真係好似一家人咁.下次食下其他招牌食品先.

擺明區馬-.快,餐,店.所有飯市套餐一早煮定,一殼飯,一殼配料,上.水準不定,且選擇不多.20元一個餐,有餐湯,有熱飲,有主食.因此不少人都因為平而光顧.古式的生炸雞脾,加淮鹽,茶餐廳係食唔到.此間食店內的食物,幾乎十年如一日,職員亦都近乎你有你食,佢有佢做既態度,就算係本身個老闆都係目無表情的服務員一名.今日食左份茶餐,包括餐蛋麵,魚柳拼炸薯條,凍咖啡-共銀24元.個碟薯條先最得我歡心,又香又脆.波浪條形,好耐無見喇.店內貼有ＯＰＥＮＲＩＣＥ的宣傳海報，都算有番些少時代感。