肥仔海南雞專門店 (毅力工業大廈)

Open Now

Now Closed

叫咗個海南雞飯然之後俾個雞翼尖同骨我仲夠膽收我$40俾咁少雞人即係叫我豉油撈飯以後都唔去雞有冇去毛態度又差連外賣盒都係膠碗勁唔環保以後都唔會去呢間肥仔海南雞飯舖！

今日第一次食，平時成日經過，叫左海南雞飯外賣，d雞又唔滑又份量少，飯又濕，價錢又唔係平，好難會食多一次，好失望喎，見佢有幾間分店，以為幾好食，觀塘咁多野食，呢間冇下次啦，

office 成日見到買呢間的海南雞, 今日難得係office, 就黎試下, 我已經特登早D去, 12pm 已經排長龍, 好彩出餐都算好快, 等左10分鐘都冇就有餐啦招牌無骨海南雞飯雖然唔係雞腿位, 但雞肉都好嫩滑, 而且柔軟鮮甜, 食到雞的油香,啖啖係肉,  完全冇碎骨, 配上酸酸辣辣的泰式醬, 食唔停口我冇加大份量, 都已經好飽, 因為D雞的量好多我叫左油飯, 個飯超香, 油飯配嫩雞, 雞同油飯再加D泰式醬,一啖食, 食到好滿足 隨餐有元貝冬瓜清雞湯, 清甜, 有淡淡的雞味, 幾好飲 

又到lunch食乜好嘅時間大熱天費事行咁遠鍾情海南雞飯嘅我梗係要試吓好出名嘅肥仔海南雞雞好滑油飯都算ok仲送多碗雞湯咁嘅價錢係觀塘食到嗰lunch算好抵食會再幫襯

朝朝三文治凍冰冰，預先做好晒。收得人家22蚊(+熱飲)呢個價錢，早餐最基本都要提供熱的三文治，怪不得買早餐的人流越來越少。以往都會介紹同事買他的早餐，公司向附近，朝早返工趕，去别家買三文治又行好遠，焗著幫襯，唯有買完返去脱膠盒，用微皮爐叮番熱。

幫襯觀塘店外賣原隻海南雞已有好幾次。 每次都覺得D海南雞幾好味。 所以昨日冬至 (21/12) 吃晚飯都想起買ㄧ隻海南雞與家人分享。 回來打開外賣盒已發覺"份量"及"重量"與平日所買的有分别, 好明顯起碼五分二嘅雞胸肉與雞背肉都被扣起咗。 ㄧ份外賣已發覺這間店舖 "絕不老實", 講老實說話, 店舖可以在做節日子將每隻雞加價多$30至$50並不是問題, 但原隻海南雞扣起ㄧ部分肯定好大問題, 唔好聽果句, 你哋自己做衰招牌!!!

Lunch 食飯時間真係要同人逼餐死。😩😵朋友介紹食肥仔海南雞飯，但就無得堂食，只可以外賣。雖然見好多人排隊買，但都好快有得拎！拎返公司慢慢食😌雞份量好多又好滑，仲有冬瓜湯送😋😋😍

呢間海南雞外賣店開咗一段時間，次次lunchtime經過都見到勁多人排隊，今次係外賣app上面見到，唔駛排隊咁就試吓啦🐔落咗單到咗自取時間問店員，佢哋原來冇留意到有外賣單，如果有朋友係外賣app落單可能要行入去問一問店員🙈 不過即使係miss咗張單，都係等咗5分鐘左右就有得食，效率好高😆我嗌咗海南雞飯轉雞髀，雞嘅份量幾多，雞肉超滑，都算入味，飯係有啲薑味嘅油飯，幾香口👍🏻 醬料方面有薑蓉同一款好重蒜味嘅汁，薑蓉好好味，味道偏鹹，冇乜薑味，撈飯好match，而蒜味汁就係酸酸地，有啲香草味，同雞好夾👍🏻overall我覺得幾啱我胃口，如果可以有一兩條菜balance吓油膩感就好啦☺️

工作關係常常在觀塘，朋友推介一家很好食的店舖，這家店沒有座位堂食，只有一張長枱大概可以企四、五個客人站着食！這家店主力是做海南雞飯，所以我也來一份試試，果然雞件很滑完全沒有令人失望，飯又香配海南雞一併食，絕配👍🏻另外朋友叫了香茅豬扒飯，豬扒大大件好抵食，而且兩個飯都配湯！CP值很高！值得一試！

商場內有好多美食，呢間都出色，短時間增切多間分店，貨真價實用餐經驗🗣去到餐廳門口，主要係揀要雞定要豬同要唔要肶🕞輪後時間🕤午飯時間好多棒場客，大排長龍，大約等五分鐘全靠廚房效率高🥢推介食品🥢1️⃣ 無骨海南雞飯 $42如果同我一樣唔好雞翼尖既朋友，可以叫淨雞胸，啖啖肉雞皮雞毛拔除得乾淨，有少少雞油，肉質軟熟配埋油飯同冬瓜湯，真係午餐精選最正系個面既薑蓉同秘製泰式酸辣醬味道 😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳坐位唔多主要做外賣🔆總結一下🔆：回頭率高、食物品質高，價錢都算平，好值得一試

星期五又經過觀塘肥仔海南雞，忍唔住又要買個海南雞飯醫下自己個肚⋯⋯今次真中伏，雞皮有瘀黑，油飯變白飯，仲要係爛飯🤢，夾硬食晒d雞算數，成盒白飯掉左😥。仲要加左價喎其實加價都唔緊要，比番d質素黎啦唔該

每次行過都有想一試的衝動，只有中午時間營業。有機間分店，想必有其成功之處。今天要為午餐煩惱，路過就買了一個元蹄海南雞飯雙併，要脾，等了兩三分鐘就有了。期間見店員不停在準備飯盒，看來觀塘的確有很大的商機。返到公司，打開就心知不妙，色澤不對勁，每一樣都是。油飯有下椰漿煮，但雞油不足，其他香味如班蘭乾蔥南薑味也淡泊。做法各有各法，沒問題，最大問題是飯芯生骨，水份不足。元蹄。沒有光澤，就知道切片放了很久。味道就是滷水豬蹄，沒有意外的味道。雞是滑的，冰鮮貨，生熟度還可以，就是調味不足，是浸湯頭的問題。所以配的薑茸很咸，十分咸。師傅的刀工，連去骨後的雞都斬不斷。最後附上的雞湯，雞粉水加冬瓜粒。最後總結，55元來說，算是可以的，但我不會再買了，在這區大概六十元就可以在餐廳點一碟更像樣的海南雞飯。

在觀塘返工已一段日子...工作中午餐，又過來肥仔食海南雞飯。地方細小，主打外賣得一張長吧枱及幾張摺櫈可供客人堂食⋯⋯店員爽手，午飯時間呢度好似打仗！佢哋都應付自如⋯⋯今天當然叫招牌海南雞飯！海南雞賣相好吸引，皮光肉滑。睇見都流口水。金黃色既雞皮唔會太油。面頭都有6-7件雞。去哂骨所以吃起來很方便。食落一啲都唔鞋，好滑！白嫩既雞肉，點埋附送的海南雞醬，酸中帶辣。更加開胃...個飯仲會跟幾片青瓜幾青爽。飯係油飯，米粒分明，香味十足。每粒都帶有雞油香味。份量唔多但一個女仔食都夠飽。仲有個冬瓜湯，味精味重。但冬瓜幾清甜。四十元一個午餐真的超值。