月巴茶室

Open Now

Now Closed

75蚊一個便當，重細過我手掌計落20cm都唔知有無，好似BB餐咁未試過咁難食嘅雞排，一d味都冇真係好難食雞肉皮分離，皮上面落嘅粉又唔夠皮又無味肉又無味肉重要好柴，真係死頂呑落肚佢個便當話包醃菜就係包個幾條青瓜咁就加左我15蚊如果可以真係唔好去食另外叫咗杯黑糖珍珠鮮奶無影相 $35珍珠未煮熟中間係硬無任何黑糖味都唔甜好似飲緊牛奶溝生珍珠咁食咗110蚊但覺得佢絕對唔值本身想同同事星期五試新嘢點知可以中伏

一直在香港搜尋蛋餅今日在荔枝角就試試月巴茶室在長沙灣廣場3樓，整條巷都係食店月巴半開放式，裝修都幾精緻炸物拼盤實在係貪心的孤獨美食家既好朋友又可以試多款，份量又唔多拼盤更可以自選我揀咗杏包菇，鹽酥雞，台灣腸新鮮即炸熱辣辣，外脆內juicy但太咸我最愛既蛋餅芝士勁澎湃量多仲可以拉絲同樣新鮮熱辣又邪惡又治癒不過餅皮是薄脆款，底又偏油，有d扣分整體感覺良好雖然係即棄餐具，但都精美，感覺唔hea店員友善有禮貌食物再微調會更好未至於跨區再來，但經過附近可再食

月巴茶室💚魯肉飯(小) $32麻辣鴨血紅薯粉 $58三杯杏鮑菇飯 $48蔥油拌麵 $28芝士粟米蛋餅 $32炸物拼盤(5款)(花枝丸 甜不辣 鹽酥雞 百頁豆腐 杏鮑菇) $58人均消費: $64 (4人)-🐳：魯肉飯(小)🍚滷肉係擺喺最面而醬汁係放喺最底😚飯入面嘅汁比較淡 唔係好重口味滷肉應該係煎過/炸過🤤入口第一個感覺係微微脆口後面咬開左d肥肉 就係即溶嘅口感🐖食到後面 會有少少膩整體嚟講 係幾好食嘅😋·🌝：麻辣鴨血紅薯粉🐥啲湯好惹味🤤裡面啲料都算足不過吃到最後有啲鹹🥺同埋佢份量都足 性價比唔錯🤩·😬：三杯杏鮑菇飯🍄飯同杏鮑菇嘅份量都好足夠👻杏鮑菇嘅份量起碼都有10大粒食完成碗 啱啱夠飽🤤·蔥油拌麵🍜啲麵質比較煙靭 唔係話太淋 唔會話太硬😋但係整體感覺 偏油味道上 都比較濃味嘅同埋都有足夠嘅醬汁去撈成個麵😝好香蔥味 佢嗰啲蔥唔係綠色白色嗰啲🧅佢係嗰啲同啲汁一齊調味嘅蔥仲會有啲白色綠色嘅蔥絲令到成碗嘢感覺清新啲👻·芝士粟米蛋餅🧀本身以為得3嚿咁少點知原來仲有3嚿匿埋咗喺下面🤣芝士好足🧀更似係食緊芝士啲芝士可以拉絲但係🥚比較少🥺同埋啲粟米唔夠有口感同埋太甜🌽因為佢粟米嘅份量落得比較少所以

試業期間食咗一次果時都覺得滷肉飯味道不錯唯獨份量同價錢不成正比唔緊要食嘢最緊要好食嘛今日我哋再去食lunch叫咗個新出嘅麻辣鴨血薯粉點知食落好似辣椒溝水咁完全無乜味道鴨血都偏薄而滷肉飯今次亦較乾身同第一次食果時唔同希望貴店可以認真改善食物質素

未試過食餐飯都食到咁嬲。首先，間餐廳啲野食勁貴，我諗個價格比出面其他餐廳貴平均$20-40左右。第二，啲野又難食，啲野食貴得嚟又唔掂，講真嗰句，真係仲難食過學中學canteen同埋醫院飯。第三，好似有啲呃人嘅感覺，普通一個飯$50左右，但轉做便當$80幾$90，淨係多左幾條菜，野飲都冇杯，好似當我乞衣施捨比我咁。從來冇食過一間餐廳令到我咁多不滿。本人講嘅全部肺腑之言，希望大家唔好幫襯呢間咁嘅餐廳。

長沙灣廣場新開咗3樓的美食廣場特登去睇吓有咩好食 平就當然最好😆行咗幾間 入少少嘅位置就見到這間茶室個名好可愛 叫月巴茶室 用上墨綠色的色調 木系家具為主調 柔和的燈光點綴 坐落好舒適由電梯上去3樓搵這家店舖都要用少少時間事關商場有些地方仍然裝修中，有好多圍板，不過睇地上的標誌都可以找到。店員介紹下午茶優惠時段任何一款蛋餅可以 +HK$15點任何一款飲品我就叫咗最傳統嘅芝士肉鬆蛋餅 $44看得見蛋餅有多到瀉晒的芝士流出來💓小膠叉拎起一件厚蛋餅食，會拉絲🧀點一點秘製醬汁，少少辣的醬汁味道，又幾好味喎！滷肉便當$60蔥油拌麵$28Latte Matcha latte都係加$15咋☺️

最近發現長沙灣廣場新開咗3樓的美食廣場，有好幾間獨立小食店，而這間茶室嘅名字、裝橫和嘢食都吸引到我。首先，我覺得找電梯上3樓真係有啲難度，要花啲時間搵路。到達時，已經好喜歡店內的深綠色名牌配上啡木系枱枱櫈櫈和柔和的黃色燈光。我見到餐牌上有芋泥蛋餅，之後店員介紹下午茶時段點任何一款蛋餅可以 +HK$15點任何一款飲品。嘩！咁抵食，不得不坐低試下🤤芝士芋泥蛋餅 (HK$44)．即叫即煮，熱辣辣的蛋餅！看得見蛋餅有多到瀉晒的芝士和芋泥😍．花了點腦筋和力氣，終於可以用小膠叉拎起一件厚蛋餅食，會拉絲的耶😍．芝士和芋泥都有奶滑口感，味道濃厚也行夾．蛋餅皮薄，只差一些蛋香，點些秘製醬汁，少少辣的醬汁味道，又幾好味喎！抹茶白朱古力 (單點 HK$38，跟下午茶餐 +HK$15)．這款白朱古力飲品係外國見過，但係香港就真係第一次見．打開杯蓋有心形拉花💚．入口有好香好濃郁的抹茶味道，白朱古力味道比較淡一些，我覺得可以重手啲😄我覺得唯一缺點就係餐廳用一次性紙杯配膠蓋，紙碟和膠叉，如果可以用可重用的餐具會好啲🫢

好掛住台灣，尤其係滷肉飯🍚🍖隨便走走經過長沙灣廣場三樓新場竟然尋到寶🤪尋回台灣滷肉飯味道聽講撈麵先至係驚喜🤪滷肉飯份量太足😅下次試撈麵杯咖啡☕️都有誠意好掛住台灣，尤其係滷肉飯🍚🍖隨便走走經過長沙灣廣場三樓新場竟然尋到寶🤪尋回台灣滷肉飯味道聽講撈麵先至係驚喜🤪滷肉飯份量太足😅下次試撈麵杯咖啡☕️都有誠意好掛住台灣，尤其係滷肉飯🍚🍖隨便走走經過長沙灣廣場三樓新場竟然尋到寶🤪尋回台灣滷肉飯味道聽講撈麵先至係驚喜🤪滷肉飯份量太足😅下次試撈麵杯咖啡☕️都有誠意

幾耐冇食過有九層塔嘅鹽酥雞 仲要都幾多我都有食拌麵架 但係搵唔番張相我覺得係好好食 但都真係肥 有樣好就係佢用外賣盒裝食唔晒可以帶走btw佢咖啡好飲過隔離鋪lol食評最少80字係咩料 唯有講下故仔la我有同老細講過d野好油 佢話唔油既話就冇咁好食wo我buy佢講法 做人有自己堅持係ok但我都係想如果有滷肉拌米粉就好laaaaa同埋佢個糖心蛋其實幾好食 但係10幾蚊一隻真係有啲貴 唔捨得食第二隻200字先可以評分 我都已經150寫多少少 我覺得小店係要支持架 尤其難得食到都幾好食既小店 食得出有用心做 我係夜晚去個層都好少人 有啲擔心佢做唔住定其實lunch係好好生意？😂😂

記得嗰日，同同事喺長沙灣廣場諗住搵啲嘢食，見內部環境都唔錯，就諗住試吓，價錢又平，就叫咗個滷肉拌麵🤓，食落發現，味道完全係，滷肉還滷肉，麵還麵，麵嘅質素就幾好，而滷肉質素就中規中矩，所以唯一嘅問題就係成碗面真係太油啦😓，但碗麵同佢餐廳名又真係完全冇違和感😬，細心一諗我又真係唔可以怪佢，連名都同我哋講咗係肥膩😅

在荔枝角區，平日很難在coffee shops 很難找到位座下、噗下咖啡☺️今天在長沙灣廣場，發現開了一些新的茶店/咖啡室。Fatty Moon 月巴茶室的裝修頗有心思，昏黃的吊燈及牆，加上型格的coffee和沙發，感到很舒服。我點了一杯焙茶latte，茶味濃泡又厚面皮，相當不錯。