月巴茶室

Open Now

Now Closed

下午帶仔仔到長沙灣廣場的室內遊樂場遊玩，玩完行過月巴茶室，點了一客台式兒童餐，套餐包括一碗滷肉飯，小食選了粟米及滷水雞翼，還有一杯凍的鮮奶黑糖冬瓜茶。冬瓜茶有黑糖味，味道不錯。但主食一般，肉燥飯較鹹，滷水雞翼沒有滷水味，肉質較硬。

今日約了朋友在長沙灣廣場，就試一試這間台灣菜。 餐廳位置像美食餐廳一般，環境就一般。叫了兩個餐。巨無霸炸雞扒便當配上滷蛋半隻＋自家製醃菜（青瓜） 雞扒份量都幾多，味道都似台灣的味道。炸得很香口及雞扒的質感也很嫩滑。滷水蛋就沒有太多滷水的味道。另外，青瓜都幾大條，減輕食炸雞扒的罪惡感。豬手便當配上滷蛋半隻+自家製腌菜（青瓜）豬手有四件，醃得不錯。又八角的香味。豬手很入味，不是爽身的豬手。很有台灣風味的豬手啊！ 便當附送冬瓜茶/無糖烏龍茶。味道正常。覺得是可以一試的餐廳。

呢間餐廳絕對唔會再食, 先講餐廳味道, 便當啲飯濕晒, 煮唔熟, 食淨一半喺個碗, 全部都係水餸非常難食, 叫咗三杯雞扒, 紅燒豆腐, 魯肉全部急凍cheap嘢, 味道極劣🤢嘢飲方面，叫咗黑糖珍珠奶茶，珍珠硬, 冇茶味。冬瓜茶死甜, 烏龍茶冇味, 完全飲唔落口服務方面,上菜極慢, 坐低成半個鐘先有嘢食, 以為要即場煮, 原來都係翻叮。服務態度好一般, 求其擺個盤上枱等你自己攞上面啲嘢, 一句聲都唔出🙄環境更加唔吸引, 喺走廊隔離, 啲位勁迫,食得好唔舒服總結而言,呢間餐廳完全冇可取之處, 永不錄用🤮

其實都好耐冇去荔枝角搵食，地鐵站方圓十里我都只係見到呢個商場，有新food court又走去試下囉><我係比個餐廳名吸引左入去既~特別得黎又有d意思，假日食飯時間都唔算好多人芝士粟米蛋餅($32)好多好多好多芝士呀!!新鮮整出黎既蛋餅係最好食既~芝士仲可以拉絲，味道唔會好濃，配埋個汁岩岩好三杯杏鮑菇飯+鹽酥雞($60)鹽酥雞少咸，可能係d粉太重手，一定要配飯食先可以中和反，杏鮑菇食唔係好出係用三杯既煮法，可以改善一下，整體份量都夠食巨無霸炸雞便當 ($75)比我想像中既巨無霸都仲有一段距離，可以再大舊d，味道唔錯既，便當有小菜，蛋便當套餐係有包埋飲品既，可以揀無糖茶/冬瓜茶而全日套餐就要加$15先有飲品，叫左飲冰美式都唔錯，大大杯，唔會好酸又唔會好苦，岩岩好

晚上6時，比較早，幾乎都沒人，餐廳坐位像foodcourt，但都有bb椅提供。台式食店有兒童餐確實少見。點選左2份全日套餐及一份兒童餐試試。套餐加$15配冬瓜茶/拿鐵咖啡/鮮奶烏龍茶。三杯杏飽菇飯+配鹽酥雞 $60份量都唔少，鹽酥雞即炸香脆可口，略嫌太細粒。鹽酥魷魚鬚飯+滷水雞翼2隻 $60魷魚鬚外脆內軟，不過味道不足，如配上醬料或味粉會更佳。雞翼味道一般，溫度偏涼，如果熱食的話會好食一點。兒童餐 $58小魯肉飯配2款小食，飲品一杯，可選朱古力奶、鮮奶冬瓜茶、鮮奶烏龍茶或黑糖珍珠鮮奶。

知道知道長沙灣廣場開咗個food court 就趁返工lunch time 嚟試試。逛咗一轉幫襯呢間嘅魯肉飯，諗住咁簡單嘅飯應該唔使等咁耐同埋唔會難食得去邊。等咗十分鐘先有等食，樓面唔多人得十幾個客，仲要碗嘢食係微温，啲飯一舊舊食落完全唔開胃！最後食咗1/3左右就棄權，真係完全搞唔掂！杯凍無糖烏龍茶由落單嗰刻等咗廿分鐘先有！女仔食都夠飽，男仔一定唔夠飽！呢間真心唔建議去！👎🏻👎🏻👎🏻

平日lunch時間 店面只見到兩個店員負責收銀/執餐/送餐/收盤 人手好唔夠🥲 上菜速度較慢.整體食物質素麻麻地 份量亦比較細 下次會試下商場入面既其他餐廳😕.｜雞絲蔥油拌麵 $50 配 熱無糖焙茶 $15麵唔熱 麵同油係分離 食落只有油味😢熱焙茶一打開見到好深色 以為會好苦澀 點知係無咩味既水….｜台式魯肉定食 $60魯肉比較乾身 唔夠汁.｜三杯杏鮑菇飯配鹽酥雞 $60最正常既套餐 但菇係無三杯味而係蠔油炆菇咁 鹽酥雞就炸得幾好 皮薄🙌🏻

荔枝角區值得推薦小店見佢坐位都夠多，就算午市都唔洗排隊等太耐長沙灣廣場3樓開左好多餐廳，如果平時無咩選擇都可以上去行下，一條街有晒日本、西餐、台式餐廳，係正地鐵站上面夠就腳午餐都係幾十蚊一個飯，仲有得跟埋小食飲品魯肉飯多汁好食，炸雞扒即叫即炸夠滑唔鞋鮮奶焙茶茶香有驚喜，行過當飲品店買杯都唔錯見佢下午茶仲有好多種蛋餅可以揀，都係二三十蚊價位再加返杯珍珠奶茶或者甜品蛋糕都幾吸引帶埋小朋友都應該啱食，下次行過可以一試

Lunch 去左長沙灣廣場3樓揀餐廳食飯，見到呢間食台灣野就同同事試下，餐廳有lunch set，有野飲。叫咗碗麻辣牛腩紅薯粉，烏龍奶茶同個蛋餅。麻辣牛腩紅薯粉入面啲薯粉份量好多，但牛就得幾舊，味道叫左少辣，食落就只有淡淡嘅辣味，唔咸，感覺一般。肉鬆芝士蛋餅襯熱食係有芝士拉絲，唔點蒜汁都好夠味，點咗就另一個口味。兩種食法都好味。烏龍奶茶就奶味偏重，烏龍味唔夠出。呢個相對就比較一般。

我第一次食咁難食的麻辣牛腩紅薯粉，個湯系少少少少少少辣，冇其他味，真系清淡到懷疑我叫左少少少少少清湯，跟住到個4舊牛腩，有味噶，不過好似咬幾緊膠咁，我咬左幾分鐘後吐返出來，薯粉系正常開水煮，最好味系個白菜，食得出清甜菜味。開頭以為得我個個出事，點知同事話佢個豬手撈麵都系伏伏伏，個麵系癡埋一舊同又系清淡到冇味系列，豬手全部系骨，一d膠原都冇，跟住再問下食咖啡骨的同事，佢話個骨炸過頭，有少少苦味。。三個都伏，咁的價錢咁的質數，絕冇下次

👁️見comments話係伏，我又唔覺wo,應該係d人食慣味精，濃味，唔知原汁原味係咩～🌞見幾多人食，估佢唔到好唔錯～唔會極濃味，無味精唔口乾，所有野即叫即煮好熱㷫㷫。🔸滷肉飯便當 $60▪️滷肉唔會好肥，上面既滷水蛋唔錯（但唔係溏心果種）🔸+$15 鮮奶烏龍茶 ▪️好香烏龍味🔸豬手拌麵$45▪️豬手好淋，好有八角味，好唔錯🔸九層塔鹽酥雞$30▪️濃味人會想鹹d,但我ok 呀，剛炸好，d九層塔又好香💁‍♂️💁‍♀️見樓面係個叔叔同姨姨，好好服務，好照顧有小朋友既客人，又好有禮貌，又好快執檯，有心有力。

見佢新開嘗試一下,價錢唔係特別平,食物質素極普通…牛三寶飯又黑又硬…椒鹽魷魚飯啲魷魚無味…鴨血湯薯粉湯底無味…珍珠奶茶啲珍珠硬嘅…份量又少味道又普通…價錢唔係特別平…不推薦進食…

今日亞sir請食飯，唔知食咩好，行左去長沙灣廣場三樓搵野食，因為早既關係，間間都無咩人，就去左li間台灣野食。叫左一set便當，散叫左個飯同薯粉炸魷魚便當- 轉烏龍奶茶成$7x,魷魚得三條，偏咸，係叫便炸得幾鬆脆之外都無咩好，d油落哂去d飯度，油到個碗底仲有成匙油係度。盒便當細到好似兒童餐咁雞扒飯- li個雞扒份量正常有d肉燥，但又係攪到d飯好油淋淋，加杯普通烏龍茶要$38？！咩事呀？麻辣牛肉薯粉- 牛肉得四粒「仔」，真係粒唔係塊，湯又無麻辣味，薯粉淋到一堆野咁，我都唔知食咗d乜，我係女仔個分量都唔夠飽唯一係杯咖啡算正常（可能其他野太差）咁樣埋單收差唔多三百蚊，太伏

食物質素好， 飲品質素一流， 環境(本來 ) 幽靜。 獨愛他們的焙茶， 師傅很用心製作 ( 性價比高)， 本來配合環境是一個十分好的地方， 飲下茶睇下書. 最可惜是三次嚟 光顧 都被 員工 傾偈笑聲 (女高音笑聲)打擾 ，大煞風景， 還是決定放棄這家店了！

今日放假與媽媽逛過市集，順便到就近的長沙灣廣場買零食。期間我們發現 3/F 新開了多間食店，於是選了復古裝潢的台灣食店歎歎下午茶~1) 下午茶餐，芝士煙肉蛋餅，外層混合蔥花的餅皮，煎得微焦薄脆，富濃厚蛋香，內餡熱溶拉絲的水牛芝士煙韌軟糯，混合煙肉更為香口! 蘸上加入蒜蓉的秘製醬汁，嚐到濃厚蒜香及鹹香，帶點麻辣，味道層次豐富!鮮奶抹茶，跟餐加配$15，入口順滑，抹茶濃度適中，味美可口，超值抵飲!2) 魯肉飯，上層佈滿魯肉，以酥脆的油蔥酥提味，十分香口，不油不膩，底層珍珠米飯粒粒分明，沾滿魯肉汁，飯香肉香俱備。3) 鹽酥魷魚，即叫即炸，外層酥脆鹹香，內裹魷魚鬚軟嫩彈牙，極之香口，灑上椒鹽，啖啖惹味! 如份量再多一點更佳!4) 地瓜條，即叫即做，熱辣燙口，外層金黃香脆，內層鬆軟綿密而不乾身，糯香甘甜，原汁原味，令人回味!總結: 沾上秘製醬汁的台式蛋餅絕對是encore之選! 而且口味眾多 (有芝士肉鬆、芝士南瓜及麻辣手撕雞髀菇味等)。相信往後也可嘗試不同口味，大飽口福~