Feel Free To

Open Now

Now Closed

經過濕地公園見到呢度想入嚟食吓見到呢間餐廳嘅氛圍幾好 舒服喺度坐 除左室內仲有露天嘅位置 今次我就叫咗個意大利飯 佢唔會太水 啱啱好掛晒喺啲飯度啲汁 幾好食 再加多杯沙冰 同埋個甜品 岩岩好

本身都知道呢一間野既 食過幾次都好大陣味 今次見佢有早餐諗住比多次機會佢今次感覺好好多 冇甘大陣味 同埋佢個早餐好抵食 40蚊包個野飲 最緊要佢用料好足 我只可講成口都係食到 吾似出面甘 咩調味都冇佢連個蝦都係煎香左 真係好有心機店員又有禮貌甘介紹 同埋佢個花茶都出色 陣味好香 成日飲咖啡奶茶都飲到悶

平時有食開覺得ok，知道中午時段好忙，所以叫外賣我都耐心等候。直到20分鐘後，見到店舖內既客人好多都埋單，就去問外賣得未？員工答我差不多，見到亦有其他外賣pack緊，咁我再等一等見到有出外賣但唔係我既，到30分鐘我再問，佢地問我係咩外賣，似係忘記左我個外賣，但有杯咖啡係到。過多一陣我講如未整好不如退錢，真係等左40分鐘，已經唔想食。佢地就即刻將枱面外賣Pack 好比我。返到家打開我真係好失望同嬲，塊雞扒縮哂水，細到有d過分，完全唔值$78，比之前食開細左好多。另外我叫熱咖啡，已經由熱變到凍哂，變到好難飲。我明白好忙，但應該都要著緊下外賣單吧，保持返外賣食物質素，唔係求其比完當打發我咁，而且得我一個企係舖頭等外賣，只叫左沙律，真係有需要等40分鐘嗎？

天水圍好少地方有all day breakfast見到濕地公園呢面有得食 即刻衝去試下入到去都幾大浸油煙味 食完成個身同頭髮都係味認真通風系統要改善一下….✨英式早餐加熱泡沫咖啡$125✨睇相係幾靚 整體唔算差 但所有野都唔算好新鮮食完覺得好似每樣野都係急凍再整番熱既個種感覺（雖然all day breakfast suppose都係咁🤣）但可能食過d好新鮮好好食既all day breakfast變相呢個好普通…..但杯咖啡幾好飲 係細杯左少少🥲兩啖飲哂但又冇水提供….✨香煎雞扒蛋包飯配沙律$68✨好失望…雞扒又乾又唔好食蛋包飯隻蛋都幾滑 不過冇乜蛋味入面係蕃茄炒飯底 但炒得太濕整體好難食….食銀龍可能總好😵‍💫整體黎講一般般，可能未必再試

同朋友叫咗虎蝦意粉同豬肋骨個意粉好好食，煮到啱啱好，所以有Al dente。蝦都好味！豬肋骨好num.不過就編酸咗少少。絕對會為咗個意粉再去食。店員都好有禮貌，環境好坐。價錢合理。

好耐未試過咁好食嘅意粉，好有驚喜星期日去濕地公園食到呢個午餐，覺得生活好寫意。不論係一個人快食定係三五知己，定係家庭聚會都推薦可能因為地點偏遠相對都會少啲顧客，但係咁樣冇影響到店主店員們嘅熱情，努力研究烹調嘅技巧煮得好好食，覺得店員店主都有一番熱誠，自己有個標準要求覺得自己覺得人起碼自己食得落先攞出嚟環境裝修亦都好好，當然除咗地點有啲遠，如果冇揸車，冇踩單車就比較辛苦啦。順帶一提，佢哋踩單車去好似係有折頭㗎，大家可以多啲踩單車去呢間舖頭食嘢。

店舖環境優美，乾淨衛生，適合舉行派對活動，店員招呼很好，會想盡辦法協助顧客滿足顧客需要。食品有水準，即叫即製，上枱時仍熱辣辣，整體環境及員工表現很好，有驚喜，值得推薦。

回頭度🍪8/10｜人均消費💰~$70-100-呢間cafe喺濕地公園附近🪿所以用餐環境好舒服🌳而且晚市套餐選擇好多 有意大利飯/意粉 最低$72就有交易 仲包冰熱紅茶/咖啡半價☕️-🤍黑松露忌廉蘑菇意粉 $75🤍忌廉明太子大蝦意粉 $78兩款意粉都好creamy 而且好大份🍝黑松露醬/明太子醬都好足🤤味道濃旭意粉都好彈牙 以呢個價嚟講算幾唔錯😍-味道🌕🌕🌕🌕🌑抵食🌕🌕🌕🌕🌑

之前睇食評全部既口碑都唔錯，今日專登過黎試咗個慢煮法式豬鞍扒，香蒜大蝦意粉，小食拼盤另外叫咗兩杯沙冰，一杯宇治抹茶沙冰，同一杯蘋果沙冰，全部都好食。下次會再嚟。

同朋友相聚喺區內食飯，喺網站見到環境幾好，食物款式都幾多就決定一試。點知令我哋都好有驚喜🤤🤤餐廳design行工業風路線，當日唔算多人，唔會好嘈坐得幾舒服，侍應都好有禮貌好nice，知道我係同朋友慶祝生日，主動過嚟幫我哋影相又推介我哋食邊款蛋糕～🤍嘢食方面，叫咗個英式全日早餐同芝士辣脆雞漢堡，因為掛住同朋友傾偈食得比較慢，搞到個漢堡凍晒先食，但都好好味! 塊雞扒仲係脆同juice 🤤嘢飲就嗌咗薄荷豆腐沙冰同宇治抹茶沙冰，兩杯都好飲，豆腐沙冰就特別啲，如果鍾意豆腐味嘅朋友推薦一試，抹茶沙冰就有啲蜂蜜味～見晚市都好吸引，已經即刻約埋朋友下次試吓🤣

朋友聚餐小店環境清優，服務員年輕又有禮貌，食物質素佳。本身喜歡意大利飯/麵類食品，豬肋骨及慢煮豬扒好味係屬意料之外。仲有多樣飲品選擇如花茶、咖啡、慢磨飲品等，一下忘了影相🤣三五知幾，開心的一晚。

試左豬鞍同虎蝦意粉，豬鞍外脆內嫩，意粉al dente，少少辣好惹味。好多地區西餐廳都唔識整意粉，一係整到好稔，一係就太乾或者太多汁，但呢度老細真係識煮！對於係天水圍都食到近乎fine dining水準，非常推薦！！！環境舒服，落地玻璃望出去好舒服。枱與枱之間空間好夠，幾適合傾計聚會，好似仲有得做party包場。服務好，洗手間都乾淨。同埋真係好近濕地公園，行5分鐘就到，如果去完濕地公園玩食個tea/early dinner，係幾高質既選擇。

濕地公園呢邊有唔少小店，今日同屋企人黎左呢到dinner。dinner都有唔少選擇，我叫左一份虎蝦橄欖油意粉，都唔錯的，辣味幾突出。另外加左份薯條同水牛雞翼，水牛雞翼偏酸，如果辣味多d可能更好。

🪑餐廳坐位好寬敞乾淨，坐得舒服，因為係平日中午去，所以都冇咩人🤭👍🏻👍🏻👍🏻服務員態度都超好，好有親切感～🍱食物方面～1）英式早餐English breakfast $108🥑牛油果好正，成熟度啱啱好🍞塊麵包本來睇落乾乾地，但食落有牛油香味，有驚喜🧈🥔薯角脆脆地嘅～腸仔好似係芝士腸🤣其他嘢都正正常常～2）卡邦尼意粉 $58🥛佢唔係平時食開好Creamy嗰種，但係芝士味同cream味係好夠，啲意粉偏硬身好有咬口，我個人都鍾意硬身啲😉3）苦瓜汁（慢磨汁）$45飲得出真材實料😅都真係苦苦地，feel到有落到蜂蜜嘅甜味，但我平時冇飲開就唔慣😂🤣（太健康嘅味道）⚠️注意：慢磨汁冇得計跟餐半價4）宇治抹茶沙冰 $40（跟餐半價$20）🤣就係想像中嘅味道🤣🤣嫌佢太細杯，唔夠候添🤣🤣😅😅📩其他資訊：🚴🚴單車友平日有優惠！總結：食物就係正常cafe水準，就係可以慢慢坐，如果平日想搵個地方傾吓偈，係一個好選擇～

我地住係wetland 一直覺得呢家餐廳好好食但初初生意好冷淡好欣賞佢地 改左餐單後～生意愈黎愈好遲少少去都有時冇位🥳我地一家3口每個weekend lunch食都係呢3樣野 暫時都未厭鯖魚蛋包飯 （有時weekend去到1點幾就賣曬蛋白飯😅）雞扒沙律！ 呢個冇得跟餐沙律就同平時既一般，但塊雞扒次次都熱辣辣上 層皮煎到脆卜卜😜呢個係我本人最愛次次都食既蒜香大蝦意粉（其他意粉冇咁好食）辣辣地 意粉比較硬身 超香 大推😘不過我次次食都有d唔同，不過一般黎講都係好食！lunchset加十幾蚊仲有杯好高質既咖啡慢慢嘆🤭順便一提，其實佢地個burger都好好食，但係得tea set先食到😭