肥姐小食店

Open Now

Now Closed

肥媽小食，紅咗10幾年。經開旺角，一定買幾串過下口癮。任何時間去到，你總會見到長長的人龍。生腸、墨魚、豬膶、豬脷，加埋秘製甜醬和芥辣醬，食到舔舔脷😋😋。膽固醇？忘記佢啦。

收工經過旺角，又見到肥姐小食店，次次經過都心郁郁好想食，啲啲潮州打冷嘢真係好正。今次嗌咗一個套餐加紅腸💓個套餐裏面有生腸、墨魚、雞腎。而我都好鍾意食芥辣，所以有加到芥辣😋😋呢啲小食真係好過癮

話說，今日途經旺角，梗係要去買肥姐啦買咗個皇牌、再加啲紅腸啊生腸啊咁，買夠70蚊可以去快隊好耐冇食過，知道肥仔紅腸細件啲，就黎旺角搵肥姐食過嘅朋友都會發現係有唔同嘅係咪入正題，味道方面一如以往好味滷水汁好入味，再點啲芥辣非常之夾！可惜嘅係，今次發現連肥姐嘅紅腸都縮左水，以往係斜切大大件，依家係細細粒，咁啱我唔好彩，定係排快隊嘅代價墨魚、生腸都好爽口而且入味，無得彈總括嚟講味道依然、不過份糧細左，純粹得個知字會繼續幫襯

一場去到旺角，食完魚蛋之後梗係要食呢啲橙色嘅滷水檔啦，呢一間真係好出名，每次經過都見到佢大排長龍（不過原來叫夠指定金額或者叫指定套餐係排快隊嘅），可惜今日得我一個人食咁就唯有乖乖地排隊啦。最鍾意食呢度嘅墨魚，佢哋嘅墨魚整得好彈牙，配埋佢哋嘅醬汁同埋甜醬係非常好味嘅。仲有爽口嘅火雞腎，豬膶同埋豬脷都係我每次經過都一定會食嘅。未有疫情之前，都會企喺街邊度食，依家唯有買個外賣返屋企食，好在而家天氣都唔算太熱返到屋企食都還可以。

真食評真分享真自費!好食先介紹!肥姐小食,出旺角掃街必食!冰凍的橙色生腸及墨魚加甜醬和黃芥末 獨有既港式滷味味道日日排長龍今日就排幾個快好多! 比海外多本雜誌推介為香港必食小吃之一最好食個人心水係大墨魚, 墨魚 冰凍開胃,份量多又新鮮,醬料美味!墨魚口感脆爽滷得入味!冰鎮過又涼又脆口感係最好食!黃芥辣嗆辣味食起黎更豐富!地址： 香港旺角登打士街55號4A舖平均消費$25評分8/10

每次去到旺角一定見到呢間舖頭大排長龍，為既原來就係食肥姐嘅皇牌。皇牌有分大細，我就叫左份細食。有墨魚，火雞腎同細生腸。每次食呢個我都會落大量甜醬！三樣食物都好新鮮，佢賣得咁貴真係有原因！

肥姐小食係旺角長期大排長龍人龍店地點方便價錢經濟又好味，次次食都保持水準如果第一次食唔知叫咩好，就必點套餐：大墨魚+細生腸+火雞腎。滷味爽脆好吃，配埋個甜醬同黃芥末醬都好濃烈

行開旺角 難得經過肥姐見條隊唔太多人 平時條隊非常長 今日咁好彩就整2串黎食下先😋超鐘意雞腎既我今次叫左紅腸同雞腎😍雞腎超爽口 好新鮮 再夾埋滿滿既醬汁真係無得彈啊(♥ω♥*)

起附近剪完頭髮，準備去搭巴士翻屋企途中，行過登打士街，心思思口痕想食野，沿路行都無野吸引到 好Sad…去到花園街路口就感覺突然少人左（平時行過好擠迫），一望原來係排隊神店，重要係撞正無人排隊，係無人排隊，係可以即刻買到唔洗等啊，滿心歡喜無人排隊梗係慢慢揀🍽<大皇牌套餐（大生腸/大墨魚/豬頭肉）>好抵嘅組合，最衰係腎已經賣曬，老闆娘好好人咁轉左豬頭肉，正啊，色香味之中，係香唔係好聞到，帶緊口罩啊嘛，三大串賣相都好靚，整齊排列，好吸引豬頭肉雖然係陪襯，都好正，好爽口彈牙墨魚唔洗講，大大舊，煙煙韌韌，好味生腸係排列得最整齊，賣相最靚，口感最正，爽脆彈牙，無得頂最正係個混醬，甜醬一食就好鮮味，明顯好重海鮮，芥末好嗆，比佢嗆左幾野，但好夾，加埋秘制豉油提鮮，成個組合無與倫比🍽<滷豬耳>爽脆嘅豬耳跟著皇牌大哥都無得輸，掂埋個混醬，又爽口又美味期待下一次可以奢望唔洗排隊仲可以搵埋火雞腎弟弟

肥姐小食真係好出名，次次經過都勁多人排隊，我亦都食過好多次，次次好好食，保持到水準！🍴皇牌 (墨魚，細生腸，火雞腎) $31 3串墨魚好爽口彈牙，入面有大大條墨魚腳，身，鬚，細生腸都好爽口，冇異味，火雞腎都係好爽口，食得出係新鮮整，夠曬凍啊！加埋甜醬芥辣，甜甜辣辣，真係好perfect!推薦指數: 8/10Keep到水準嘅港式滷味，暫時未揾到一間好食過佢！

尼間都成日幫襯因為佢d滷味真系十分爽脆同新鮮！我地每次都會食佢個皇牌同細皇牌，差異就在於細生腸同大生腸。我本身都唔系好敢食細生腸，所以今次就買左個皇牌試下。雞腎爽脆，啖啖肉！滿滿既醬汁毫不吝嗇。八爪魚爽脆有咬口，但唔會好似膠甘，好易咬，條條都肥美。大生腸都系好爽脆，無腥味，食左又覺得唔錯，接受到既！唯一唔好就系系街度食真系好麻煩，太多醬汁hi到周圍都系。不過都系我自己問題haha!歡迎大家都去試下！

無論餓唔餓，行街有時候都想拮兩串小食食🍢成日聽肥姐小食店個名，今次都係第一次試，住喺旺角嘅朋友話佢由細食到大~~ 呢間旺角人氣舖頭，應該最出名係墨魚？見到都幾多款，唔餓嘅我就揀咗一串墨魚同一串豬頭肉，味道正常，又唔覺得好出色，我諗大家係食童年回憶？加芥末食幾正，可惜我唔記得走甜醬，下次一定要走！有冇人都係唔鍾意食甜醬 🙈🤣肥姐小食店地址：旺角登打士街55號地下4A號舖 (油麻地出口都近，就喺舊h&m附近)

呢間鋪頭正正係我公司對面。所以我一餓就會落去買黎食，真係好好食。經常要排隊。好多人都會特登過黎排隊食。最鍾意食佢既套餐，買落冇咁貴而且可以食3款🤣真係食過之後番唔到轉頭，成日心思思想食🤤

🦑港式冰鎮滷味🦑推介指數 ❤️❤️❤️❤️🤍去旺角登打士街掃街，一定見過大大個橙色招牌賣港式滷味嘅肥姐小食店大排長龍，冰鎮嘅墨魚、生腸、火雞腎，加上甜醬同黃芥醬就成為港式街頭小食。每次去完油麻地或者旺角都不其然咁買返兩串過吓口癮，無特別心水就會買皇牌套餐，有墨魚、細生腸同火雞腎，而且價錢相宜！食材新鮮爽口彈牙，最緊要當然要全醬啦～雖然响附近都有好多唔同特色嘢飲同小食，但港式小食係first priority！.··餐廳：肥姐小食店 (旺角)地址：旺角登打士街55號地下4A號舖

呢間舖係旺角真係已經好多年，我由中學到而家每次經過都見大排長龍，但我一直無試，因為硬係覺得有啲污糟。今次同朋友一齊，佢話好味咁我就試下啦！嗌左2串墨魚同1串豬耳。甜醬，甜豉油同芥末醬都要曬。係食落好彈牙既，但其實都係靠啲醬吊味詐嘛，如果唔落醬應該好似食緊rubber咁😅大家經過都可以一試既。