肥姐小食店

Open Now

Now Closed

除左有大小皇牌：墨魚，細生腸，大生腸，火雞腎。還有鴨脷（舌），豬心，豬潤（肝），豬脷（舌），紅腸，豬耳，豬頭肉，豬頸肉，共11種超大一盒，同朋友夾黎食都抵肥姐小食秘製的豉油和甜醬加上微微沖鼻的黃芥末醬，滷味全都冰鎮著，保持涼爽的口感，內臟處理的都很乾淨，新鮮又爽脆，如果食唔到咁多推薦大皇牌（墨魚大生腸火雞腎）喜個人認為大生腸比小的更有嚼頭

黎肥姐食街頭小食。第一眼見到呢兩兜糞盤仲要成二百幾蚊都覺得幾貴😋不過一開始食就另眼相看！個魷魚好爽脆好好味！雖然啲生腸依然有少少臭味，不過texture好掂！個雞翼尖都好味個人！不過我最欣賞係呢度個芥辣，又香又辣！正！臭豆腐要加豆板醬同甜醬先好食😋用竹簽喺豆腐中間拮個洞，再加d醬入去，超正呀，下次試下

食過好多間類似嘅舖頭始終做得最好味嘅都係肥姐不論味道、口感都係所以每次經過都會走去排下隊分別只係食幾多串🤭🤭墨魚係必食，有時會食個大皇牌😚嗰條隊永遠都係咁長，但永遠都係郁得好快加油！如果冇得食會係一種缺失

店名: 肥姐小食店地址: 旺角登打士街55號地下4A號舖油麻地站A2出口，行5分鐘環境: 外賣價錢:4/5味道: 4.5/5相信大家都唔會無聽過係油麻地嘅呢間滷味店，成日都大排長龍，今次去都有成十幾個人排緊😣大皇牌$40有生腸，墨魚同雞腎，可惜個日雞腎賣哂，於是轉左豬心😗一如既往質素好高，生腸墨魚好彈牙爽口，配上芥末鼓油同甜醬，味道啱啱好😍豬心就比我想像中淋，我以為會好彈牙，點知唔係，有啲似豬肉咁🙈豬頭肉$10質地有啲似豬耳，有少少軟骨加肉，但就無大皇牌咁彈牙🤣#stitchfoodie旺角 #stitchfoodie油麻地#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe

開左關之後經過呢間旺角人氣街頭小食舖 人龍竟然由店鋪處於嘅街頭排到街中尾段 本身見到咁多人排已經冇乜興致 奈何有親戚想試下😩排左一陣向後望已經又增長左1/3 好彩排得算早🫢呢間小食舖出名就係D滷味 冰鎮完即刻撒上唔同醬汁 拎起一串串來食 D食材對我來講都算冇乜嘗試過🫢講完之後姨姨就會問要咩醬汁 唔驚芥辣辣嘅話就要曬啦 有齊甜醬同芥辣🍗大皇牌（墨魚+大生腸+火雞腎）💰45入面包曬最熱門嘅三種串串 墨魚同魷魚其實差唔多 不過個人覺得口感更煙韌更大條 切成小塊之後都見到好粗嘅墨魚鬚 佢都十分爽脆多汁 一咬落去就有埋咀嚼聲添 不過留意唔好食曬D芥辣 hi走少少會好D 因為真係幾辣下🤣生腸口感乍一食同墨魚差唔多 所以我都撈亂左 但係咀嚼耐左就發現其實都幾腥 咬開會爆小小汁…唔係好啱我口味😓火雞腎同普通雞腎口感差唔多 就係大隻D 所以都滿足D！🍖豬脷💰10食得多牛脷覺得好正 所以今次試埋豬脷 豬脷口感同牛脷有D似 不過更加腥😩都係食返有調味嘅牛脷好D🍖豬潤💰10豬潤冇乜特別 冇特別軟爛 幾大塊都ok！串串嘅食材多數係可以冰鎮唔需要調料嘅 所以食墨魚個隻好容易入口 但係稍微腥D嘅例如生腸個人都係覺得

旺角最出名就係街頭小食，咁啱行過有間肥姐滷味店，於是就試吓佢個大王牌+豬潤，呢間小食店出晒名多人排隊，今次排咗20分鐘，卒之輪到我啦，個大王牌裏邊有，生腸墨魚雞腎，我另外加多左串豬潤。價錢來講佢算係咁，好食得來唔太濃味，滷味煮到啱啱好＇排咗20分鐘嘅，我都覺得值得嘅，佢啲甜醬唔太鹹，芥辣亦唔會太勁。最重要嘅就係買完可以企喺門口即食，服務態度亦都好好。值得推薦大家試一試。。唔好見到條隊太長就怕咗。。

20/2/2023今晚晚餐（因為一齊上韓文堂嘅朋友仔去咗旅行冇人同我食飯）晏晝食得比較飽我諗住夜晚唔使食咁多有d掛住肥姐嘅墨魚，所以放咗學由佐敦搭巴士去油麻地其實都差唔多夜晚八點半鬆啲，但係都大排長龍好多人。原來買滿指定金額（$80）可以唔使排隊，喺店舖左手邊拎紙仔剔就得。因為佢係後邊啲阿姐幫手執齊俾你，唔係檔面嗰個阿姐做。我買左5串墨魚（$15/串）2串紅腸（$10/串）墨魚好好食 （阿媽都忍唔住搶咗我好多嚟食😈)當然唔夠即場食咁冰凍啦，返到屋企都變咗少少常溫，但係都仲係咁爽口。紅腸好普通 （下次應該唔會再嗌呢個）佢有個好處係剔紙仔可以比你自己揀啲甜醬豉油芥辣直接擺落盒入邊定係分開用袋就係裝住返屋企先自己落。(走盒失敗，不過真係好多人排隊，唔好搞到人，食完洗返再用嗰盒）

旺角肥姐相信無人不曉，今次唔係掃街，係買肥姐返去佐白酒，簡直將肥姐小食昇華到另一境界😇買滿$75以上可以直接交點心紙購買，不用排隊，上菜迅速，姐姐非常有效率又友善，外賣醬汁會另上，唔擔心索哂汁而影響食物味道。每次肥姐必食 -- 大皇牌套餐。墨魚🐙好新鮮彈牙，好食！大生腸🟠完全冇內臟腥臭味，不過口感較為實，如果鍾意爽脆口感，可以食返小生腸。我就兩款都愛，兩款都必點！雞腎🐔好爽，加上醬汁食到唔停得口！肥姐小食佐白酒真係絕配，買返屋企一邊食一邊傾下計飲下酒，真係好正呀！😋

202211月平日--肥姐小食店地址位於:旺角登打士街55號地下4A號舖肥姐小食店一定是在登打士街長龍必食店之一上次太夜，只買到墨魚，今次是平日約七時，前面人龍約有四、五個客人。多款滷味放在冷櫃中，乾淨企理有皇牌套餐(墨魚+細生腸+火雞腎$34)，也有大皇牌套餐(墨魚+大生腸+火雞腎$38)等等款式供應我不想吃腎，散買了大生腸($14)和墨魚($14)，不要套餐店員收錢時會問要不要膠袋，外賣用紙包裹放進了膠袋，方便衛生街頭小吃，就在店外路邊開餐大生腸，沒有怪味，有腸脂又多層，非常有咬口，鹵水入味，加上芥辣和甜醬，完美配搭墨魚切得厚身，但也不會韌，軟腍易咬，有滷水味也有墨魚鮮味，令人回味無窮$28墨魚、大生腸，必食必試

肥姐 is the best street food as always.We have ordered the 大皇牌 however their 火雞腎 was sold out.So we got two octopus instead! Both octopus and 生腸 taste fresh!!!Mustard is a must for eating this street food I have actually only tried their 大皇牌 but not other food there.Btw, I also bought the Peking duck wrap from the shop next to it and we were so regretted. That is the worst Peking duck wrap ever.

相信大家出親旺角都一定會掃下街食下街邊小食咁~係廣華對面轉角位總會見到有好多人排隊嘅肥姐就係其中一間~今次叫左個大皇牌套餐(墨魚 大生腸 火雞腎)~~ $38蚊🦑墨魚      好彈牙 好煙韌 都食得出幾新鮮 好食!😊😊🦃火雞腎  一個字 爽! 加埋芥末另有一番風味!大生腸     冇內藏腥臭味 驚內藏嘅人都可以一試 可能會令你愛上~!最緊要係個醬令到呢三樣平平無其嘅小食昇華左不少 ! 下次去旺角大家都可以試下~🤤

講到呢間位於登打士街嘅小食店，應該冇咩人唔識，長時間都大排長龍，個個都一串兩串咁買，然後企係附近食，相當有風味，呢日經過，見到又大排長龍，但原來買$75以上就可以係另一邊落單，唔使排隊，於是我就去買嚟當晚餐食啦🤪❣️大皇牌 $38❣️墨魚 $14❣️大生腸 $14總共買左1份大皇牌，2串墨魚同1串大生腸，大皇牌就包大墨魚、大生腸同火雞腎，墨魚🦑夠厚肉，爽口彈牙，火雞腎容易咬開，反而大生腸就較為實，都係食番細生腸會較爽較有口感，醬汁仲可以另上，可以自行調較個味道👍🏻，講真滷味本身就冇咩味，加左豉油、甜醬同芥辣就豐富好多😋😋🏦是次消費總額 $80 👅好味度：9（10分滿分）滷味夠凍夠爽口，而且員工好快手，幾分鐘就拎到嘢食，之前有人話佢地服務差，但我個日啲姐姐都好好笑容，又快手又提醒你要快啲食，會再幫襯🤩🤩

每次經過旺角都一定要食肥姐滷味，每次食物味道都唔會令人失望，今次都係叫咗皇牌，再另外加咗一串膶，再配埋獨家嘅醬汁，簡直係不得了。肥姐一直保持水準，要繼續支持肥姐。

每次出嚟旺角我都一定會去搵肥姐，無論條隊有幾長，我都一定會排隊。 我真係佢嘅粉絲嚟㗎，佢咁多年來都屹立不倒，全靠佢嘅墨魚真係超級好食。其實嗰個墨魚本身就冇乜味，但係一加咗肥姐嘅秘製醬汁，成件事就唔同晒啦，根本呢個食物就只應天上有。再加埋甜醬芥辣，你都真係會食到嘩嘩聲。其實佢個雞賢都好出色，佢嘅雞腎好爽脆，而且係我嘅至愛。只係今次去食，佢已經賣晒，好傷心。下次我都一定會再排隊再買，幾長我都一定會排隊。建議早一啲去排隊，撞正放工時間，就會好長龍㗎喇。

基本上所有90後如果有去過旺角，都一定行經過呢一間小食店。 冇錯，就係肥姐小食好記得當年仲係5-6蚊一串雞腎，咁當年窮嘛，細蚊仔冇乜錢，所以成日淨係叫1-2串，或者同朋友share食，當年覺得好好食，因為食得出佢都算新鮮做，口感好好，好爽脆，同埋會食到一絲絲香甜😂😂😂。咁我一定會叫要芥辣醬，仲要重芥辣，企係街邊食，別有一番滋味。而家人大左，專登去重拾回憶，仲買左佢最貴既皇牌套餐，食當年完全唔敢買既既大生腸，明明都係一樣多芥辣，但自己一個係垃圾桶隔離拎住個口罩享用，已經感受唔到當年既味道😟，冇左個一絲香甜味，唔知係年紀問題定食物問題🥲。唉，人生沒有如果，最好既調味料果然只有饑餓以及思念。