又一棧 (Closed)

老實說，今餐的每一道菜是質素平平，印象有點模糊。加上此店內收無線電話訊息是相當差 ，電話講一句收不到兩句，講到人火滾，結果我是衝了出店外講電話。講電話前還未起菜，回來時菜都差不多上齊，速過「速治靈」，菜也涼了。「又一棧二小碟 - 上海一品醋小排骨 / 杭州芳香美素腐方」「又一棧二點心 - 水晶蝦餃 / 娥眉龍眼包」龍眼包是吃到人滿臉疑惑，內裡疑似是梅菜又似是肉末，要翻查菜譜才知道它叫「娥眉龍眼包」(可是看到名字後是令人更迷惑。。。)「梁山伯米莧鮮魚羹」友人們評價它太鹹，我倒覺得味道不太差，而且莧菜與魚蓉也頗滑溜。「江浙高郵黃金蝦球」印象非常深刻，因為蝦球的炸漿外殻相當硬，尤如兩個湯碗 cup 出來的「警鐘胸」。「上湯豆板時蔬」這個最受歡迎，豆苗幼嫩，蠶豆瓣也不老。「無鍚灌湯小籠包」為了等我回來拍照，小籠包都放涼了，累了朋友們錯過小籠包最燦爛絢麗的一刻。吃後眾人似飽非餓，若有所失，結果要拉大隊吃甜品作下半場。

又一棧是又一城的長尨長壽食店。唔訂座的話真係唔好在食飯時段來等位，訂了座的都要等上約15 分鐘。上次剛裝完修在6時進場食了個快餐因為要交檯喎，不過雖菜是上得墁 慢了點，因剛重新庄修整合，新菜牌，是可以接受的，何況食物是對頭的。上週六和家人在此晚膳，食和上次差不多的，不過 食完之後有話要講不吐不快！食物是好的，廚藝也對 醬汁也是對的，食外江菜唔通你話濃油赤醬唔啱咩、不過唔代表你的出品是可以過鹹的！我發覚是晚所有的餸菜包括榚奌的小籠包 在味道以外 全部味道偏鹹！希望這只是偶然的 不是已訂下的食物味道路缐、去迎合國內人的口味？！我們港人注重健康、好味和濃味唔同偏醎的！希望注意 唔好下咁多鹽！拜託頓首。過一輪再跟進！

又一棧:其實在下 七.八年前已經嚟過幾次.當時既感覺.老上海FEEL,木地板...食味又叫人大路既淮揚菜,一般.但今次...真係要落一落筆先!好多謝食友968先!友人知道此店翻新,於是先FB組人數.再致電訂位(真細心)一點鐘多少少,我地人齊啦我地坐低咗,再望一望D SETTING叫左個龍井簡簡單單叫左十款以下幾款比較有D特式:冷艷三拼$1684.5分:賣相都先聲奪人.有素鵝.醬青瓜仔.燻魚 至於食味,素鵝香香既茶燻.得! 青瓜仔爽脆,酸甜汁好開胃. 燻魚就一般,味係OK!點心三拼$984分:唔係好記得邊三款,只記得中間嗰款好似年糕.馬蘭頭$884分:真係第一次.青草香但唔太腥.正!炸醬麵$45呢個友人點,我自己無試到!最後一PART,桂花紅蘋果$28X35分:溫室既加拿大蘋果內釀八寶飯 清清既桂花糖水 唔....... 大家一致話正再一次多謝968先.

五月初，位於九龍塘的又一棧經翻新過後已經重開，環境比之前來的時候更舒適。餐具也換上新的，感覺換然一新。與此同時，餐廳除了繼續供應淮揚菜式，也添加了新元素，特別加入京菜佳餚，讓客人品嚐不同地方的味道。新餐單以「Hightea 系列」為名，從名字看已經很西化，當中的冷艷三拼，$168，揉合了英式下午茶的概念，把北京燻茶素鵝、醬青瓜仔及蘇州美味燻魚放於三層架上，給客人享用。素鵝包捲著甘筍、冬菇等材料，不會鬆散，味道帶甜。醬青瓜仔入口爽脆，個人尤其喜愛這醬汁，加入了豆瓣醬來調製，甜甜酸酸，十分開胃。燻魚色澤較淺，質感不算十分鬆化，但味道也可。川北拌涼粉，$68，一道麻辣的菜式，最適合我這愛辣者的口味。綠豆粉製成的涼粉口感不會過腍，也爽滑，麻辣味道慢慢的滲出，愈吃愈麻，但麻辣程度對我來說不算很高。四川成都蒜泥白肉，$78，薄薄的五層肉與青瓜夾在一起，像散尾的排列著。辣味中帶著蒜香，這個跟涼粉一樣都挺好吃的。阿里巴巴椒鹽小羊腿，$108，大大的羊腿，賣相也不錯，但因個人不會吃羊，所以也沒有試這個。魚香蝦段蘿蔔糕，$158，大花蝦開邊挑了腸後來炸，再以醬汁炒香，汁料掛滿蝦身，顏色鮮艷。底下鋪滿蘿蔔糕

情人節同左女友去左呢間店食晚飯,都要一早book位,因為好早己full了,呢度d小二好兩極化,有d做野好快好有禮貌,有d好慢而且黑曬面,可能係呢d日子都要開工啦.我地叫左個二人餐,有煎黃魚,燕窩更,明蝦球,醉雞,百頁,一碟炒飯同西米露,我地仲叫多個北京炒麵,都幾飽,質素都ok的,尤其係煎黃魚,好香,我唔食魚都食好多,d骨都食得,個明蝦好爽,而且好有鮮味,燕窩更更加係成餐飯最好味的,一定要留肚,但個北京炒麵就差左d,炒得太淋,而且太淡口...埋單一人$280,貴唔貴見人見智,不竟呢道係又一城.

又一城唔知咩事, 放假迫爆人, 今日睇完戲去左book好位既又一棧. 今次係第一次食佢, 好似係美心既, 相信質素ok.試左: 小籠包: 有肉汁, 好味道炒豆苗: 挺新鮮東坡肉: 好淋, 好吸引, 一定要試片皮鴨: 無咩特別龍井蝦仁: 雖然食唔到茶味, 不過蝦好爽口高力豆沙: 有d硬 環境其實幾迫, 不過人多係咁架啦. 我覺得今餐不過不失, 如果去又一城可以試下.

同朋友一起新年見面今次好多人, 個個一家人好熱鬧環境有少少迫個炸魚, 炸雞, 黃金蝦十分好味芒果布丁, 高力豆沙, 豆沙窩餅也好正一向對上海菜不是太大興趣但今次覺得好好味啊

由於之前來這裡見太多人等位的緣故,那晚我們上了樓上”八月花”,是日都係要等位, 等了12~15分鐘才有位, 一入到去真係好墟冚呀,全場滿座,位與位之間基本上沒有什麼空間可言,都好少見這飲食集團旗下的新式食肆咁迫夾架啦,它真的咁有叫座力的嗎?定還是這附近沒有其他可以選擇?我真的很好奇,就讓我們見證一下吧,當晚嚐菜如下:醉雞: 雞夠凍,汁裏沒有油,汁的味由甜主導酒味稍簿,這很正常一般客人怕酒的苦味,雞肉OK滑只是有些雞件本身的皮下脂肪較厚,可能是黃油的關係,小籠飽: 一籠四隻,回想從前的上海館子一般都是一籠五至亦隻,不過隨着這十年左右的節食文化的興起,現在一籠四隻好像是理所當然的, 飽內肉汁溫度剛好沒有燙咀,只係飽皮較簿,太座連夾兩個,兩個都穿了漏汁,肉餡的肉味也很濃,順妳口的醬炒牛仔骨: 這個份量對兩個人來說可能真的大了點,一般一件骨有三片骨頭, 這裡面就有14片骨頭,雖說骨多肉少, 但因為這個醬真的幾濃口(咸)下,吃第一,二片時感覺還很SHARP但吃多了舌頭都”嚡”了,牛肉夠滑但肉與骨之間那層膜比較韌,都幾考牙力下, 下次都係叫番蔥爆XX就可以了,蔥油伴麵: 蔥煎/炸至乾身,咬落幾香口

因有信用卡優惠, 所以來了吃飯, 二人吃了 :醉雞 - 酒味太甜, 但雞很嫩滑宋嫂魚羹 - 味太淡, 但很多料醬爆合桃雞丁配叉子燒餅 - 很冶味, 合桃脆, 雞丁香嫩, 但叉子燒餅有點乾黃金蝦 - 蝦是加大碼的, 很爽脆, 味道也很好漏了單的脆鱔 - 很多酒家也不肯做這小食, 又一棧做得很好, 鱔脆而炸得不過火最後叫了合桃露及楊枝金露作完結。其實價錢有點貴, 半價後每人也要一百九十個大洋, 不過應該還會再來, 最低限度為了脆鱔

今晚一早訂左位, 9個人連一位小朋友, 被安排坐門口位, 啲人出出入入都幾麻煩, 同埋食飯都會比啲等位既人眼望望, 位與位之間枱與枱之間又好迫, 但食物質素都尚算可以, 價錢亦都合理脆膳 - 好味, 夠脆又唔硬素鵝 - 一般, 都唔算太差, 係咸左少少雞絲粉皮 - 普普通通, 好重花生醬咸蛋炒蝦球 - 味道唔錯, 蝦都好大隻雲吞雞 - 湯底比較咸, 雲吞同雞都好足料咕嚕肉 - 好食, 半肥瘦又軟熟風沙雞 - 冇鞋口, 味道唔錯蔣腿扒津白 - 清清地, 就算唔食片火腿, 啲津白都已入晒味雪菜肉絲炒年糕 - 年糕好軟熟, 但一定要熱食, 唔係凍左啲年糕會痴住一舊九王肉絲炒拉麵 - 好似上海粗炒咁, 味道唔太差小籠包 - 皮唔算好薄, 一定要熱食高力豆沙 - 蛋白皮唔算好厚, 豆沙蓉比較少, 味道都ok

星期日晚又係出街食飯嘅時候。今次揀咗近近地嘅又一棧。看過食評，好像也不錯。大概五點打去訂位，佢話要8點交枱。都ok，我地早d食ja ma。環境不錯，枱與枱之間唔會太迫。叫了幾個小菜，煎黃花魚 (2條起)、炒豆苗、 宋嫂魚羹、 小籠包、無錫骨同擔擔面。宋嫂魚羹先來。第一次食。好多魚肉，味道幾清淡，有荀絲、蛋絲、冬菇絲同金華火腿絲。味道雖清淡，但都幾好味。魚肉不錯，唔會腥，但就差少少鮮味。煎黃花魚一向都鍾意食呢個菜。不過唔係間間都做得好食。條魚要新鮮，炸得香脆乾身，仲要唔易散。又一棧嘅煎黃花魚算是不過不失，但不食過中最好的。魚鮮味不足，也煎得唔夠香脆。味道也稍嫌淡了點。幸好沒有魚腥味~同埋肉都好嫩滑！小籠包不錯，很多肉汁，又夠熱！皮薄，肉很嫩，不太油。無錫骨很一般。個獻味道太濃太膩，肉係嗱過，無咩味道可言，也可吃出化學品的味道。個汁酸酸甜甜，但整體太濃，食一舊都已經漏。炒豆苗正正常常，都有鑊氣。擔擔面比較辣，而且有一層肥油浮呀浮。麵條偏軟，如果硬少少會更好。湯底濃花生味，有花生碎、肉碎同炸菜碎。沒特別，可以不吃。

媽咪生日...近近地揀左又一棧因為星期六既關係..發現好迫, D通道勉勉強強先夠一個人過1) 京蔥炒牛肉: 唔錯, 牛肉夠"林", 京蔥炒起好香2) 風沙雞(1只): 一上枱就知正啦(張相影得麻麻)....當日雖然多人, 我覺得仍然Keep得住水準, 抵讚, 必食3) 松鼠黃魚(唔知係唔係呢個名): 本人係唔食魚, 碟野咁靚, 都有俾面食小小, 鍾意魚既朋友應該係唔錯既選擇.4) 蝦仁炒飯: 飯炒得夠乾身, D料都唔小, 幾好!5) 黃金蝦: 正ar!! 隻蝦真係夠大隻...唔係講笑, 不過包著蝦果D 蛋黃醬略為多左D, "漏漏"地, 整體ok....見到好多食客行過都會望一望6) 炒豆苗: ok...冇咩特別7) .................唔記得左食左樣咩, 因為好記得係食左八樣野.....8) 高力豆沙: 如果唔係為左儲夠八樣菜,都未必點...ha!溫馨提示 : 美心蛋糕唔洗俾切餅費....提一提, D侍應真係唔係好夠...所以服務真係俾唔到高分

為了遷就家中的老人家，聖誕節選擇了吃中菜，一心想試試它的片皮鴨，可惜令人失望，肉質很鞋。相反其他小菜如蛋黄菜肉瓜、炒豆苗味道不錯。地方較淺窄，坐得不太舒服。員工服務態度尚可，惟要多次提示添熱水。

101225 星期六 | 之前來過又一城，那裡的節日裝置很特別，故特意選擇與家人到來慶祝聖誕節，由於家人比較喜歡吃中菜，所以就選了又一棧來歡渡晚餐，一早已電話訂座，是晚六點半來到便即時被安排入座，環境倒算不錯，但座位很擠迫，有點侷促感，而桌上放置的餐前小吃，雖然有麻香味，但有D辣，不大喜辣的我就不太歡喜這個了。我們一行六人，有老有少，食量不大，商議一番後，最後決定了要個四人套餐，包含的菜色都幾豐富的。冷盤一，里脊絲大拉皮，烹調好的豬肉絲，伴著切得很幼細的青瓜絲，下面墊著些粉皮，將三種材料，各執少許，一齊放進口裡，有鹹有甜，又腍又爽，口感豐富，不錯的小吃。冷盤二，鎮江水晶肴肉，有點像火腿，但腍身好多，不太鹹，肥瘦適中，也是不錯的小吃。清湯麵，麵條都幾爽滑，浸著奶白色的魚湯，也很鮮甜，雖只得四碗，但大家都分得幾口麵，都已很滿足。北京宮爆蝦球，賣相幾吸引，大大個的蝦球，非常爽口彈牙，加上甜酸汁，好開胃。北京糟溜魚片，少少酸味，大概是醋吧，魚片嫩滑，雲耳爽口，配搭得很好。菜苗海參海鮑脯，海參和鮑片都很腍，雖然各樣都只得四件，但剪開每人吃少少都唔錯，下面還有很多索滿了鮑汁的菜苗，很是好吃。砂鍋雲

大學的老師想買相機，我強烈推介我現在用的Panasonic GF1，結果老師就約了我吃頓午飯商討買相機事宜兼借我部機玩。本來在學校CANTEEN 吃就算，不過老師說人多不便傾計，所以去了他慣去的飯堂"又一棧"老師強烈推介幾個菜，都是飽點：生煎生肉飽：相當好味，但真係要食得小心，飽內肉汁豐富，而且好熱，雖然有被提醒，但都盪到口。飽內牛肉相當大塊，味道真的不錯，38蚊兩個.. .. .. WELL餃子：忘了是什麼餃了，味道......未有什麼特別好或不好，都算好食吧.. .. ..老老實實，吃不出跟八方雲集有什麼大分別紅油炒手：相信是就大眾口味，一點也不辣，醬油很多，結果覺得太咸。不喜歡這個。蝦仁炒飯：近百元的炒飯.................... 蝦仁相當爽脆，飯粒都爽口，賣相不俗，每顆飯都是金黃色的，味道，中上。担担麵：這個好吃。湯不算辣，剛剛好，也好喝，不會咸。麵條都韌，只有這個跟牛肉飽覺得滿足。原來是美心集團的，吃完才知..........埋單差不多三百元，因為老師說答謝我落力地"推銷相機"，所以請我食，不過老實說，生煎牛肉飽，担担麵好吃的，很多地方都有，而且便宜一半以上，若