Fiat Caffé (Closed)

三五知己首次光顧，就點了一個六折set($398)和加點別的。無花果芝士沙律(a la carte)欣賞它食材夠新鮮，火箭菜沒有很苦，搭著底層芝士碎吃剛好;有烤焦糖在無花果上，脆面襯托著熟透軟身的它均衡口感，是主理廚師的心思~表面的果仁碎和稠稠的帶甜味黑醋最得我心❤️一向非愛魚人士，最討厭是炙燒三文魚，因為半生不熟的狀態腥味最突出💀呑拿魚則是從不選擇的刺身。呑拿魚沙律(set dinner)沒想到弄得剛好，沒有魚腥。吃的時候覺得口感有像牛🤣龍蝦湯(set dinner)算是我最不喜歡的西湯，要不層次薄弱;太淡或死咸;更差的可以有腥蝦味。一般餐廳都用波士頓小龍蝦或紅蝦做base,其實我不知道哪個比較適合我這類人。但是！沒想到！這兒的很好喝！喝下去有鮮味，味道溫和調味適中;之後是忌廉的幼滑和香氣，沾麵包吃大概可吃兩三塊！即使談天久了湯變涼一點也沒有腥味，低手絕對能把以上一切相反！主菜方面沒有前菜出色，老實說有點失望。海鮮意大利飯的藍青口,蝦和蜆正常，吃下去後像沒有吃過東西，相對上次吃的蜆肉被比下去，幸好沒有腥味和沙。意大利米沒有al dente才是我最介意的;調味適中，不過base是和龍蝦湯

約了朋友開餐食lunch, 環境闊落，傾野一流。食物整體不錯，有沙律，主菜，甜品和餐飲，唯牛扒過熟，叫了5成，但食落起碼8成。侍應服務好殷勤，所以整體是不過不失。

今日係我同女朋友相識2週年，我特登訂左間餐廳食飯。見呢間網上訂位，可享有6折的2人套餐。一去到，餐廳比一個2人套餐既menu 比我地，咁我地以為係呢個餐，於是點左。後尾先發現原來同上網訂2人套餐唔同。詢問後因爲落左單無得更改而且網上訂所享有既優惠都無得享用，咁唯有照食。前菜：House Salad幾人中意食蛋、有少少冰冰地。雜菌湯：好好飲，磨碎啲菇都好有口感。相反，塊面包就吾係脆。但佢就印左間鋪名係塊包度👍🏿主菜：蟹肉龍葵菇意大利飯。不過不失，但無蟹肉，個菇好juicy, 好好食。雖然上碟睇個份量就好少，但食落都吾少..主菜：烤豬肋骨。啲汁味好濃郁。但食落啲肉有啲'鞋'。叫左杯icy fruit tea 同咖啡：fruit 幾好飲。咖啡都吾差。最後到甜品，之前係openrice request 左要係甜品上寫2週年。而且都登打電話比餐廳，希望可以係甜品上寫「2週年快樂」，餐廳果邊都應承左，到最後，見佢地上甜品果時真係好失望。😞只有2杯牛奶凍。我地埋左單之後，過左半個中佢地打過黎話補反個甜品比我地，都無意思了。服務真係超唔掂，預定黎都無乜用

自從GU 係美麗華開左之後我地成日都去美麗華今晚放工又行GU💕行完都夜夜地，索性search 下有咩好食🤔呢間Fiat cafe 以前係銅鑼灣個陣都成日同老公拍拖去食銅鑼灣冇左之後都冇食過喇～今次叫左個2人set沙律菜幾新鮮，好多火箭菜，薯仔沙律好味磨菇湯，冇味的，可能唔記得落鹽紅酒慢煮牛面頰超級淋，淋得黎又有咬口牛味都幾濃郁，岩哂牛魔王啦～蟹肉Risotto 整身唔係好鍾意食意大利飯，因為成日覺得會好濟呢個食落又唔漏喎，好香波特菇好正

舊同事相聚. 所以搵左呢度. 人唔算多可以比你無限時咁坐. 三個人叫左兩個set同一個Pizza.每個set都包一杯飲品, 一個甜品, 一個沙律或餐湯再連主菜.前菜我地叫左沙律, 易於share. 但無影相.沙律都幾大碟. 重有數款菜. 可能落的油有點多. 若果比客落會更好.其中一個主菜係條龍脷柳. 以為好似平時咁無骨, 但原來係原條魚咁上..(無左個頭).旁邊有骨. 魚身有點乾. 唯一要讚係佢伴碟的沙律好好味. 對條魚興趣唔大但我食晒旁邊的沙律.相片係已切左部份出黎先醒起要影相.另一個set呢個我無記錯係雞肉的意粉.除左意粉外, d雞肉食落去我完全忘記佢係雞. 切到好細粒. 而且都有點油.呢個係英式烤鴨Pizza. 見到個名就決定一試. 食落去完全食緊北京填鴨的感覺. 個醬唔係蕃茄醬, 係北京填鴨用開的醬味.Pizza好薄. 但估唔到食左一件後只不過過左不到十分鐘.再食第二件. 個邊的皮已經硬到咬唔到.呢個pizza凍左完全唔好食. 最後甜品係奶凍吧(?)有點硬. 普普通通. 不過店員話若果係面書like佢地的page可以送雪糕. 所以就一齊like. 反而個雪糕好味. 無錯的話應該

千層蛋糕係我的最愛之一，去到邊我都會試一試。今日來到Fiat Caffe, 坐下食個tea，竟然比我發現有千層cake! 這個千層蛋糕滑溜的口感做得幾好，比較薄身，不會太飽。如果這個夏日玫瑰special，做埋tea set會更加吸引。

尖沙咀晚無book 枱食晚飯都難搵位，剛好這餐廳有位就試下啦沙律:叫了兩款沙律，這餐廳的沙律選擇挺多而且不算是很常見的種類，較特別，名子不太記得，大家看相片吧材料新鮮，那柚子很fresh 很好味，可惜得一片，份量不多，合兩個人食另一個沙律: 名子唔記得，但比較下較喜歡上面柚子配芝士蕃茄的，較開胃小食: 炸薯皮一看個薯片賣相就知道好食啦，一捧出來就香味四散，炸成金黃色，上面滿滿的肉碎，粒粒都味道香濃飽滿。薯味香噴噴

尖沙咀美麗華，基本上次次都會同姊妹去底層食HABITU, 從來無俾個機會隔離今日想靜靜地食tea , 見FIAT 有tea set， 得幾枱客，雖然價錢唔平，就入左黎呢間試試，tea set 黎講，佢都多選擇，價錢$58-$108， 包咖啡或茶，相信唔會太差既（不過真係無乜客，好冷清）真係唔知食乜好，叫左個多士跟ice lemon tea，$78 算貴等左10分鐘終於有得食啦，多士好掂，賣相好睇，好好食烘得好香，上面d蝦係煎過，彈牙無雪味，最驚喜跟沙律菜，份量唔少，酸酸地好Fresh 我相信如果佢定價平d, 一定有得做，食物黎講真係唔錯，值得推介

心太軟等了10-15分鐘，新鮮整！實在好鬆軟，裏面的朱古力不會太甜。可惜雪糕的口味不能改，只配 vanilla。侍應叫我選第二款甜品就有雪糕口味的撰擇，不是很謊謬嗎？轉雪糕口味真的那麼難嗎？當然侍應是很有禮貌的！其實整體環境及服務都好好。

約了久違不見的姐妹吃午餐，想坐得舒服一點，想到FIAT CAFE記得以前來過，環境舒適，食物質素不俗，便帶姐妹來一試餐廳位於美麗華商場樓下，來的時候已過午餐高峰時段，店內寥無幾人點了一份下午茶餐炸薯條，一份茶餐忌廉蘑菇意粉，一份正價的龍蝦汁大蝦扁意粉炸薯條很快便上來了，忘記拍照，很明顯不是即炸，預炸再翻熱的薯條真的很難吃，微溫且軟得不得了等了45分鐘兩份意粉都未上來，詢問了店員，馬上便上菜了，不知是否漏單。記得以前吃過這裡的龍蝦汁大蝦扁意粉，非常難忘。這次完全不知所謂，大蝦是梅的，冷藏了不知多久。意粉煮過龍，口感糊糊的，所謂龍蝦汁完全淡而無味忌廉蘑菇意粉賣相比較好，至少看起來意粉不是糊的。可惜，吃下去和糊的正正相反，意粉是生的，未煮熟姐妹看起來不太高興，表示不想吃了，把食物完壁歸趙，埋單走人。盛惠＄334元，但西式茶餐廳比它更為美味。

一間食肆，要俘虜到食客嘅心，關鍵在於大廚對烹調食物嘅執著同熱誠，裝修同佈置反而係其次。何解突然咁感慨呢？話說今日晏晝，同朋友出咗去尖沙咀美麗華商場行街，經過 Fiat Caffe 門口，見𥚃面人唔多，地方闊落，以車作佈置夠晒特別，加上好奇心驅使，經商議後，決定入去一試。我同朋友點咗 Pumpkin Risotto 及 Steak Sandwich 兩個 Brunch Set，餐飲嗌咗兩杯走冰嘅 Peach Tea。講賣相，南瓜意大利燴飯，金黃色嘅外表，睇頭十足；牛扒三文治上嘅太陽蛋，添咗啲黑松露醬，贏晒！但論味道，完全唔係嗰回事，失望之餘，連番嘆息 😮😧...... 燴飯上栗子嘅味道，跟即食嗰啲毫無分別，飯本身有部分未熟透，勉強合格；三文治塊牛扒無落鹽，亦食唔到黑松露本身嘅味，個雜菜沙律連黑醋汁都無一滴，兩把餐刀完全切唔開底層嗰塊包！當堂投降擰晒頭。比佢一次翻身嘅機會？相信短時間內暫時唔會住喇。

頌揚飯局, 停辦了好一段日子, 終於在長假期的最後一天, 能夠相約一同吃頓晚餐. 畢竟人越來越多, 是晚就一共十七人出席, 要找個好地方, 也不容易, 最後, 此局就定在Fiat Caffe.這裡勝在地方闊落, 一張大長檯, 足夠我們十七人去坐. 店子有不少有關快意的擺設, 不過我們是音樂人, 不是車人, 大家興趣也不大.快意特式兒童餐 $98: 首先點選五客兒童餐, 真的很誇張, 沒有辦法, 頌揚生養眾多嘛. 一客$98, 賣相不俗, 主食二選一, 小晴晴的選擇是什菌忌廉闊條麵, 另外再加上薯條, 炸雞塊, 以及橙汁, 很豐富的陣容.凱撒沙律 $88: 8.5分, 當然要吃沙律, 凱撒沙律是大路之選, 羅馬生菜很清爽, 巴馬臣芝士味道香濃, 只是沒有用上麵包粒, 反而是大大塊的多士, 影響了食味.無花果乳清乾酪沙律 $118: 8.5分, 文迪選來無花果乳清乾酪沙律, 除了菜蔬外, 還有不少無花果, 很清新.愛爾蘭藍芝士瘋薯 $68: 8.5分, 亞姐想吃薯條, 那就來客愛爾蘭藍芝士瘋薯, 薯條香脆, 藍芝士帶鹹香, 味濃, 如果芝士份量多一點會吃得更滿足.手製紫薯芝心波 $78:

好耐無出尖沙咀美麗華食飯﹐今日專誠揸車出去食晚飯﹐泊好車落地庫果層便見到 Fiat 門面吸引左我老公入去食飯了﹐d 服務員好好禮貌的﹐打開餐牌比黑芝麻吞拿魚卷配番茄芒果莎莎相片吸引﹐不得不 order 試一下﹐但上枱後無論賣相及味道同口感都很有點失望囉﹐今次一行3人﹐點左3個主菜黑松露野菌忌廉汁手搓粉、烤美國肉眼牛扒及寶雲酥春雞﹐而飲品方面 order 左 Pina Colada 及 Virgin Blueberry Mojito ﹐我無 order 飲品只係叫左個黑松露菌湯。整體食物如果要求5高的話還算可以的﹐牛扒肉味都尚好﹐春雞一般﹐而手搓粉算是整餐的冠軍﹐味道口感配合得很好。但飲品方面真的要改進一下先得﹐杯椰林飄香比rum 酒太多蓋過椰汁味﹐一點椰香味都沒有﹐而杯藍莓薄荷梳打太甜﹐可以1杯分為3杯﹐可想像甜的程度﹐埋單$894.00 係尖沙咀區算是平了。

今日星期二，難得既公眾假期，同男友拍拖拖。兩個出到來咁岩大家都無食到午餐，就讖住係尖咀搵間西餐食好野（因為好耐無食好野了）終於揀左呢個FIAT,佢既裝潢係以車作為主題，地方好大好空曠啲位唔逼，有四五枱客，大家都好斯文，唔會大聲喧嘩。坐得好舒服，地方又乾淨。我嗌左個all day breakfast ,而佢嗌左個漢堡餐，七成熟。呢個就係我個all day breakfast ,都幾大份下，俾左條腸男友食，我都仲好飽。個菇煎得岩岩好，好多汁好嫩個多士本身上枱個時應該係脆既，但我擺左一陣先食佢，已經無咁脆了。而呢張相係想show返個厚度俾大家睇。男友個漢堡餐。個漢堡包成個有一個半手掌咁厚。個沙律係加左醋同olive oil.幾新鮮開胃。打開個包，見到啲芝士同菇鋪左係面，而個包男友話外脆內軟，唔錯。個扒七成熟，我都咬左啖，都有牛味不算濃，肉都ok la.合格既。不得不提呢杯跟餐既士多啤梨茶，酸酸甜甜，有新鮮士多啤梨肉同士多啤梨香味，好解膩。正！兩個餐每個118再加1

Very poor service and the "barman" did very bad cocktails. I suggested to the manager to train the staff better...There was not alcohol in the drinks and basic ingredients (Mojito without brown sugar and Sexy and the city without vodka) Not raccomended at all