燒皇燒烤專門店

Open Now

Now Closed

荃灣有唔同食肆種類但我都選擇了燒皇面積雖小但座位都算闊落,一間燒烤店又有得燒烤又有得食雞煲打邊爐一舉兩得一行入去已經聞到好香一陣陣香味,叫左半隻麻辣雞煲,份量都頗多！雞肉好嫩滑食落去一啲都唔會好韌嘅感覺確實好惹味,而且個汁好香,鹹味啱啱好值得再食串燒方面都好多選擇,價錢又唔貴所以我一口氣點左9款食物+2杯超搭凍檸樂,當中不得不讚燒倉魚外皮脆內𥚃嫩滑用心製作!茄子燒得好軟熟,帶有麻辣味嘅肉碎鋪在茄子上比平常其他店舖燒茄子更加吸引,色香味俱全總括而言味道好又不算太貴,值得推薦

早幾個月先同朋友嚟食過燒皇，今晚佢哋約食飯我哋決定咗encall 今次叫咗個藥膳雞煲， 一上枱已經聞到好香嘅藥膳味道，非常足料 食之前先飲碗湯，味道濃沃 而且雞肉吸曬藥膳嘅味道除咗雞煲之外呢度嘅燒海鮮都係好出名先呢個芝士黃金燒扇貝，上面有一整塊芝士，而且燒嘅時間啱啱好扇貝仲好嫩，好在依款芝士味道唔重，所以食落唔會好"溜"好大份燒茄子， 茄子皮燒到有啲硬所以我哋都冇食，主要都係食茄子肉，上面加咗蔥蒜頭等等配料，燒完就更加香 蒜蓉牛油燒生蠔絕對係必叫，燒完仲保持到鮮味 唔會燒到老曬，加上加咗牛油同其他配料令到生蠔更加惹味

都開左好幾年，之前都有黎食過幾次。唔知係唔係轉過手。近呢幾次好似有些不同。之前主力都係串燒，家下做埋雞煲。其實又真係食唔到咁多。個人比較偏好串燒，夠多選擇。原隻燒茄子，蒜容應該係超市個種，好多油。其他都唔錯，驚喜位會係個羊架同燒菠蘿。雞煲又食唔到太多，未打邊爐已經飽。味道尚算可以。價錢方面，串燒好似偏貴左少少。

今日同屋企人食串燒加雞煲，揀咗呢間荃灣小店，雖然面積細，但座位都算闊落首先點左串燒，有好多款揀，揀左燒茄子、牛舌、雞腎、雞軟骨、羊架等。茄子燒得好香，有大量蒜頭舖面，蒜頭微辣香口，但燒茄子略嫌太多油。牛舌、雞腎、雞軟骨，恰到好處，唔會太乾羊架幾出色，唔會好肥，有少少羊蘇味。雞煲方面，半隻雞份量都好多，四個人食加埋邊爐好夠飽。雞醃得入味，亦算嫩滑。粟米、豆卜、響鈴打邊爐必食，響鈴唔會有油益未，配埋湯底好掛湯。粟米超甜，正！手切牛有d失望，無乜牛味最值得讚係燒波蘿，好甜，無渣，食完再食！

冬天又係食雞煲既時候，仲有埋串燒食，值得一試。串燒既種類有好多，離不開雞軟骨，同牛舌。燒雞腎，同牛舌都唔錯呢度仲有羊架同白鱔，真係唔係度度有。串燒真係唔錯，夠香，夠惹味。個羊架少少肥，有少少羊味。燒蔬菜既種類唔算多，不過有芝士牛油焗什菇，同燒菠蘿都好。雞煲，不過不失，偏濃味。食完可要求加濃，打埋邊爐。但配料偏向特式野多，可能食完雞煲個味較濃，所以之後火鍋都係同一個味。再有下次都可以再揀呢間，食物質素唔錯同種類都幾多，一次過食晒雞煲同串燒～

今日和朋友路經大河道附近的士林食坊,見到有燒皇燒烤專門店有串燒,燒物和雞煲食,於是前往幫襯,我們點了藥膳雞煲半隻,串燒雞皮、雞軟骨和花枝丸、川燒特級茄子、燒秋葵、炸多春魚、炭燒朱頸肉、火鍋料點了加拿大特級牛肩肉,海膽丸和響鈴。藥膳雞煲有一隻和半隻選擇,我們選了半隻,藥膳雞煲肉有准山,杞子、蜜棗和桂圓等藥材配料,飲落湯底清甜,雞肉肉質鮮嫩,配上藥材湯底食落口感清甜豐富,美味十足；食完雞煲食火鍋,配料我們選了加拿大特級牛肩肉,海膽丸和響鈴,加拿大特級牛肩肉有大小之分, 我們選了小份,肉質鮮甜,入口即熔；海膽丸食落彈牙,海膽汁食落香濃、口感十足；響鈴食落香脆,肥而不膩,店子除了雞煲和火鍋外,還有燒物和串燒,燒物我們點了川燒特級茄子,炸多春魚和炭燒朱頸肉,川燒特級茄子賣相吸引,好大碟,茄子燒得金黃,食落爽口,茄子伴上蒜蓉食落惹味,蔥花能帶出茄子的鮮甜,整份川燒特級茄子食落惹味無比；炸多春魚炸得金黃香脆,佐酒一流；炭燒朱頸肉有辣味和蜜味兩款,我們選了蜜味,朱頸肉燒得乾身香脆,伴上蜜汁食落醒胃；燒秋葵食落爽脆,配上孜然粉和芝麻食落惹味,口感豐富；串燒方面我們點了串燒雞皮、雞軟骨和花枝丸,雞皮串食落

人生荃灣，老婆想食雞煲，但對啲樓上任食已經有啲悶，所以又利用左OR搵到竟然有一間地鋪既燒烤係有埋雞煲食，即刻去試試🤔餐牌同種類都幾吸引應該有啲餐牌無既special,不過都係試左強項野先叫左個雞煲中辣，再加串燒試下佢手勢先🤤京蔥牛舌串燒幾快，唔似整定，味道都ok, 呢啲最緊要用料新鮮牛油燒生蠔似廣島蠔味，裡面都熱，食得安心多春魚最鍾意喺街叫呢樣，因為自己整成日痴底😂燒茄子呢個最高分，時間好好，味道濃，茄子都好好肉雞煲來了味道其實都香既，不過我覺得啖左啲，個雞顯然仲有啲白色，可以改善下，重手小小效果會更好雞唔多骨，似用左比較多雞比肉，呢方面我無意見佢都有加湯邊爐，不過我只係叫左個菜最特別呢個位，門口有個小小既酒吧頭，係賣draft同一般啤酒，可能裡面唔賣得，所以要出門口買完攞返入去飲😂😂整體ok啦，侍應服務都好好，位置係難搵小小，貼士係路德圍對面，有興趣可以搵下😎

呢間餐廳好特別，有得打邊爐又有燒烤串燒。試左個椰子雞煲，湯底好甜，味道夠濃，雞同埋湯底係分開上。湯底椰味好夠！另外叫左法式鵝肝多士，燒蟶子皇，芝士牛油焗什菌，燒茄子，也十分美味！！

前個排去左荃灣千色店行街，行到夜晚夠鐘食飯，一家四口又想打下邊爐又想食燒烤，係openrice 搵到間雞煲打邊爐，仲有得燒烤，一次過滿足三個願望。椰子雞煲 (半隻雞) $168椰子味真係好濃！趁個湯底仲係好清我地一人飲左一碗先，啖啖椰子味，好清好甜，椰子肉仲好爽，湯底仲可以添，可以飲多幾碗。半隻雞，連雞頭都比埋我地，完全無呃稱😂雞腿好嫩滑，吸收哂椰子湯底，好鮮甜。加拿大特級牛肩肉(大) $128雪花分佈都算平均，厚度岩岩好，牛味好濃。牛丸 $34手打烏冬 $18原來係稻庭烏冬，好彈牙好煙韌，索性椰子湯底好正。唐生菜 $28什菇拼盤 $38響鈴 $38蒜茸牛油燒生蠔 $110兩隻$55，我地四個人就叫左兩碟， 一人一隻，蒜茸有好多，好香好惹味，生蠔燒嘅時間同火喉都岩岩好。芝士牛油焗什菌 $40牛油加芝士呢個配撘太完美了，啲芝士溶左仲會起絲。燒雞全翼 $14燒鯖花魚 $36川燒特級茄子 $45成條茄子舖滿左蒜茸，仲有葱花同芝麻，好香，茄子都幾大條。燒牛柳粒 $16川燒蒙古牛肉 $16汁燒京葱牛舌 $30牛舌肉質爽口，夾住京葱食無咁油膩。燒法式鵝肝多士 $45一件$45，大大舊，燒到啲油香味

成家人入咗荃灣揀行李箱，就順便喺荃灣搵埋嘢食，鱟地坊開咗條食街，有間又有得食打邊爐又有燒烤嘅餐廳。椰子雞煲（半隻雞)$168雞同埋湯底係分開上，個湯底好龍，見到有好多椰子肉，出面食嘅嘢自己通常好探微，但係呢個每一啖都有好濃郁嘅椰子味，湯底仲有啲稠稠地添，好清甜，係我食過最好食嘅椰子雞湯底。雞肉好嫩滑，真係半隻雞上，雞頭都俾埋你。加拿大特級牛肩肉$128食落好有牛味，上嘅時候有一兩塊已經變咗啡啡地色，但係都唔影響味道，雪花分布都OK靚，食落唔會感覺好肥膩。手打烏冬$18本身以為係普通嘅烏冬，但係原來係稻庭烏冬，要雪入雪格嗰隻，試過呢一次配搭之後我真係覺得手打烏冬同埋椰子湯底係一定要喺埋一齊嘅，烏冬給左椰子湯底嘅味，每咬一啖都有椰子味，煙銀彈牙。燒法式鵝肝多士$45焗芝士蒜蓉包$36鵝肝好幼滑，冇乜筋，兩邊都煎得幾香，細細舊同個包一齊食冇咁肥膩。燒豬仔比$58呢個好好食，燒得好香脆，豬仔脾冇肥，咬落去啖啖肉，一盒有四件，呢個價錢真係物超所值。西西里豬排骨$55味道都好OK，鹹鹹地好惹味，有少少肥肉。川燒茄子$45茄子完條上，份量好多，裏面用咗好多蒜蓉，冇偷工減料，啲蒜蓉炒過先攞落去燒，所以

由於本人好喜歡食雞煲 卻又見到食評都大讚串燒 所以決定兩樣都試首先叫左個麻辣雞煲 中辣 值得一讚既係好細心有得揀辣度麻度及芫茜洋蔥既份量 因為本人十分喜歡食洋蔥雞煲辣度適中 但我同友人只食到辣味同咸味 可能選擇其他煲會好啲……半隻雞中只有兩舊係相對冇咁鞋 其他都超級鞋……至於配料我地只係叫左幾樣 因為今次想試埋串燒只左個烏冬 14蚊 所以係普通烏冬 都合理 幾大份另外叫左個雙併 貢丸同魚皮餃 普通 冇乜特別另外 串燒 不得了 因為睇之前啲食評燒海鮮係吾錯 所以叫左個大聖子 亦可能係我地太大期望 賣相係吾錯 有啲蒜容 蔥同辣椒…… 可惜大隻係大隻 但好乾身 以至有點un 蒜頭亦吾香口 好失望然後叫左牛舌 係吾錯再叫左個安格斯 不得不提 上枱時我同友人o左咀 睇落已經似牛肉乾 食落仲衰過牛肉乾…… 同個侍應溝通完 佢地係願意取消 但面有難色 叫我地一係火煱配料自己點個牛肉 可以自己控制返幾多成熟 另外仲點左串花技丸 最正常很抱歉今次冇留倩影 最後想表達 此評論只屬個人立場 可能係自己期望太高 所以失望感都相對大左

鱟地坊一向都係荃灣區美食街嚟，今晚小妹就約左朋友嚟呢度食野，呢間餐廳有燒烤、串燒、火鍋等等好多選擇，同朋友聚會一流 叫得做燒烤專門店，自然唔少得試下佢嘅燒烤同串燒，我地叫左 蒜茸牛油燒生蠔、芝士牛油焗金菇、焗蒜茸包、另外叫左幾串串燒包括 燒M7安格斯牛肉、串燒鵪鶉蛋 等等。呢度嘅燒烤同串燒都非常惹味可口，火喉一流，食落熱辣辣而且鎖緊肉汁，咬落去非常juicy，安格斯牛肉非常鮮味，必食之選 除咗燒烤同串燒，呢度仲有火鍋，我地叫左一個椰子雞煲，嘩呢個椰子雞煲真心無得彈，佢入面用嘅都係新鮮椰子肉嚟，食落真係非常鮮甜滋味，而隻雞亦都好鮮嫩，每一啖雞肉都非常嫩滑；我地再額外加點左 唐生菜、松葉蟹棒、芝士腸、響鈴、出前一丁，呢餐真係食得好飽好滿足 野飲方面我會強薦試下個「椰青」事關佢連椰子雞煲嘅椰子肉都已經咁鮮甜，佢個椰青自然都非常新鮮多汁超甜超好味，正！

個人推介指數分7(10分為滿分)- 要吃雞煲的地方實在不少, 要便宜有便宜, 要多花樣的有多花樣, 此店除了有雞煲外, 還有很美味的燒物, 包括 肉類蔬菜, 特別以燒海鮮最為出色. 至於雞煲方面, 有四款不同的湯底, 總有一款滿足你的需要, 加上食材新鮮之餘, 價錢還大眾化, 不用大破坑囊就能滿腹而歸.是晚不知那裡來的勇氣, 我和太太竟帶着三歲的女兒去吃雞煲和燒物, 希望給她一個新的体驗.太太今次很細心, 除了選了一所吃雞煲的店子外, 這裡的燒物還頗出名, 女兒不愁沒美食落肚.先來的是椰子雞煲, 話說太太很想食麻辣雞煲, 不過又是女兒為先, 試一試椰子雞煲, 潤 一潤也不錯.半只雞放送煲內, 待它滾起, 馬上飲啖椰子雞湯. 嘩的一聲, 真沒誇張, 湯底非常清甜, 我相信這才是晚的靈魂所在.(囡囡二話不說飲了兩碗, 阿女,我還要打邊爐架)再品嚐雞肉, 肉質還能保持嫩滑, 整体味道比一般麻辣雞煲還令我留下印象邊爐方面, 我們先點了些易熟的丸子, 包括貢丸, 芝士丸, 和墨魚丸等.味道經雞湯浸泡, 食材也隱含椰子的香味. 以上食材, 以貢丸最為出色, 吃罷口中散發着香菇的味道, 是必吃之選.

相約了爸爸同事來荃灣晚飯, 竟遇上三號風球, 還擔心突然掛八號要告吹, 如果臨時取消, 恐怕女兒要失望很久. 幸好, 天氣比預期好, 飯聚還是順利進行. 這次我們沒有選什麼親子餐廳或fine Dining, 反而是相當貼地平民化的雞煲+串燒. ​鱟地坊這裡食肆林立, 朋友介紹燒皇, 說這裡串燒好味, 又可以吃雞煲火鍋. 街坊小店晚飯時間坐無虛席, 似乎口啤不錯. ​顧名思義, 這裡當然以燒物弛名, 燒海鮮和肉類都很多選擇和吸引, 另外亦有些特式的小食. 火鍋則以數款雞煲為主, 另自選配料. 串燒是必食之選, 我們點了幾款來試. 燒大扇貝 / 芝士黃金燒扇貝 - 燒扇貝加了超多蒜油, 好香好惹味. 扇貝大隻又無縮水, 肉質彈牙有口感. 芝士扇貝用芝士鋪面再微微燒香, 芝士溶化鹹香惹味.​燒蟶子皇 - 用上大蟶子王, 同樣加上大量蔥蒜和油, 蟶子充滿韌性和嚼勁.​蒜香燒大海蝦 - 換湯不換藥, 還是用上大量蒜油鋪面, 味道也同出一轍, 但反正美味, 也是我最愛的配搭, 何必要改變? 海蝦已先開邊退殼, 很厚肉, 蝦味香濃, 口感爽彈, 找不到可挑剔之處.​肉類也點了好幾款 - 燒牛柳粒,

昨晚收工後約埋同事一齊食晚飯，行經荃灣見到呢一間餐廳，門口餐牌資料好豐富，於是我哋就入去食晚飯。藥膳雞半隻$138呢個藥膳鍋香濃無比，滋陰養顏，鍋裏有多款藥膳食材，全是滋陰養生的。新鮮雞件，鮮味無窮，雞皮軟滑，肉質鮮甜，汁液豐盛。蒜茸牛油燒生蠔$55@2隻大大隻生蠔份量十足，鮮甜生蠔配上香濃蒜蓉牛油 烹調，認真冇得頂。法式鵝肝多士$45一碟有兩件，多士香脆鬆化配搭鮮香鵝肝，面層軟綿綿，下層卜卜脆，非常滋味。(因本身2件都好大, 呢個只係成碟既4分之1size....本身係超大架!!)燒牛舌$18牛舌肉質柔韌兼備，有濃蜜牛香，潤甜可口，肉味甘香怡人。凍檸茶$22一面吃着香濃火鍋，一面飲返杯清新冰凍檸茶，真係一大樂事。餐廳有數十款配菜挑選 我們揀選了、生根$28、芋絲$18、娃娃菜$28配搭這個藥膳煲，簡直係絕配，這個晚飯我倆都非常滿意地結帳離開。