Video
2-min walk from Exit B2, Shau Kei Wan MTR Station
continue reading
Telephone
62099866
Opening Hours
Today
12:00 - 14:30
17:30 - 23:00
Mon
Closed
Tue - Sun
12:00 - 14:30
17:30 - 23:00
*Last Order 22:30
Above information is for reference only. Please check details with the restaurant.
About Reward Scheme
太耐冇踏足筲箕灣東大街, 原來平時同同事食lunch嘅飯堂已經轉咗另一間餐廳, 新開咗呢間日式居酒屋。餐廳環境整潔企理, 牆上掛上了當日菜式精選推介、特價菜式。呢度除咗有多款串燒, 仲有數款刺身、小食、酒類飲品等...【三文魚】HK$58刺身很厚切, 滿足口感。【赤蝦】HK$68肥美爽口有鮮味。【照燒台山蠔(半打)】HK$88蠔肉有鮮味, 茨汁甜甜地, 夾集多款配料包括青紅椒、洋蔥、蔥粒等, 口感、味道同樣有層次。【蒜蓉牛油煎台山蠔(半打)】HK$88蠔肉雖然唔太大隻, 但經牛油煎過非常惹味juicy, 夾埋蔥粒同埋炸蒜食, 更為香口; 仲配有脆蝦片, 送酒一流!【粟米天婦羅配明太子蛋黃醬】HK$58粟米沾上炸漿炸成一件件, 不會過於油膩, 口感鬆脆, 咀嚼時清甜粟米粒爆汁, 配上明太子蛋黃醬, 味道更提升。【雞胸軟骨(1串)】HK$32口感爽脆, 加上孜然粉調味, 非常惹味, 超推介!!【雞軟骨(2串)】HK$32 口感同樣爽脆, 加咗少少鹽調味, 同樣係美味推介。【牛舌芯】HK$58牛舌芯表面帶有油光, 灑上了些少海鹽調味, 口感爽彈又juicy。【雞翼】HK$28 雞翼表面燒得帶點焦香, 但肉質keep得嫩滑有肉汁。【粟米】HK$28粟米表面掃上了鹹甜燒汁, 令香甜粟米味道更提升。
continue reading
筲箕灣東大街有食街之稱，但在東大街天后廟旁的一條行仔，亦都有一間新開的日式居酒屋，餐廳主打日式料理，估不到在筲箕灣也有一間高質又平食的日式料理，今晚就同老公去品嘗一下先🤭美食推介：💛唐揚炸雞：炸雞皮脆肉嫩，炸雞的粉漿是特別調製，吃一口脆卜卜，肉汁仍鎖在雞肉內，再沾上廚師自家製醬汁，味道豐富👍🏻💛雞軟骨：雞軟骨串燒每份有兩串，而且每串份量也大大粒的，非常滿足，吃前加上少許檸檬汁點綴，非常香口😋💛安格斯封門柳：封門柳熟成度剛剛好，肉質鮮嫩，濃濃的牛肉味道配上特調的芥末醬，非常出色👍🏻💛新鮮鱈魚鍋（二人份）：凍冰冰天氣，歎一鍋暖笠笠的鍋品，非常暖身🤭鱈魚是由加拿大直送到香港，肉質鮮甜，鍋品除了鱈魚肉，還有生日本生蠔、什菌、魚肉豆腐、蒟蒻及什菜，份量相足料，湯底非常鮮甜，真的非常滿足😌💛炸蓮藕雞肉餅：新鮮蓮藕包著雞肉餅炸脆，口感豐富外脆內嫩，而且不會很油膩，非常喜愛蓮藕與雞肉之配搭，口感不會很乾👍🏻是晚兩位侍應的招呼非常好，每上一次食物都會逐一介紹給你。非常親切🫶🏻*座位非常舒服*食物質素非常高
continue reading
最近去咗一間日式料理餐廳，餐廳在筲箕灣東大街，天后古廟附近，位置方便又易認。餐廳擺放左一個大魚缸，好吸睛。客人可以點即叫即製菜式，視乎當日有既海鮮，同一般嘅日本餐廳好唔同，好特別。自家製免治雞肉棒餐前的自家製免治雞肉棒無疑是個精彩的開端。雞肉鮮嫩多汁，搭配新鮮蛋汁，讓人一口接一口，欲罷不能。牛肩胛小排牛肩胛小排令人驚艷，肉質軟嫩，油花分布均勻，香氣四溢。搭配簡單的調味，讓牛肉的自然風味得以充分展現，食咗一客後都忍唔住要再encore。露筍牛肉卷新鮮的露筍被牛肉包裹，既有肉的濃郁，又有蔬菜的清新，完美平衡。略帶煙燻味的烹調方式，使這道菜更添層次感，令人驚喜。雞翼雞翼是聚餐的必備，這裡的雞翼外脆內嫩，醬汁濃郁卻不膩。搭配一杯冰啤酒，實在是絕配。椎茸天婦羅外層的天婦羅麵糊輕盈酥脆，與椎茸的柔軟口感形成鮮明對比。每一口都能感受到椎茸的鮮美和天婦羅的香脆。加拿大鱈魚鍋來到加拿大鱈魚鍋，鱈魚鍋熱辣辣的上枱。湯底清淡卻鮮香，充滿魚既鮮味。鱈魚片鮮嫩滑口，蔬菜的清甜與魚的鮮味相得益彰，讓人感受到溫暖與舒適，令人感覺好滿足。青檸蜜糖梳打與Suntory啤酒青檸蜜糖梳打，清新的口感讓人耳目一新，而Suntory啤酒則是燒物的完美搭檔，口感順滑，讓人愉悅。對這次用餐的體驗十分滿意，店員態度友善，熱心介紹不同嘅菜式，餐廳嘅佈置亦都令人活像處於日本嘅小店，下次會再嚟試其他菜式。
continue reading
🍢🍲筲箕灣漁家私房菜—超正日式小菜同串燒 今晚去咗筲箕灣 漁家私房菜食飯，真係好滿足！呢度以日式小菜同串燒為主，食材新鮮、味道夠惹味，完全停唔到口！店主好好人，知我地咳特登送咗杯止咳熱柚子蜜比我地🥺🥺❤️❤️🍲 三文魚頭鍋呢鍋湯係整晚嘅主角！湯底濃郁又帶三文魚嘅鮮甜味，仲有豆腐、菜等配料，飲落去特別暖胃，好啱冬天！三文魚頭啲肉嫩滑，帶少少魚油香，真係一啖又一啖，呢個一定要試！ 🥗 日式韮菜炒砂肝呢道菜真係好正！砂肝炒得好香，爽口彈牙，加埋韮菜嘅香氣同洋蔥嘅甜味，味道濃郁到啱啱好。配埋白飯一齊食，簡直係完美搭配！超啱鐘意啲重口味嘅朋友～ 🍢 串燒系列：1. 雞胸軟骨串 軟骨串燒到外脆內嫩，雞胸肉仲保持住啲肉汁，咬落去脆卜卜，鹽味簡單但好出色，非常滿分！ 2. 蔥雞串 雞肉配埋蔥段，燒到微焦，外皮香香脆脆，雞肉都好嫩滑，仲有少少蔥嘅清甜，味道真係好夾！ 3. 露筍牛肉卷 呢個真係不得了！露筍脆嫩，牛肉包住燒到啱啱好，外層有少少焦香，牛肉仲帶啲少少油脂，入口有層次，超正！ 4. 豚肉帶子卷 帶子超鮮甜，豚肉鹹香又Juicy，兩樣一齊食，真係入口即化，呢個係我最愛嘅串燒之一，必食！ 5. 牛舌芯串 牛舌芯真係全晚嘅驚喜！燒到啱啱夠香口，咬落去有少少爽脆，仲帶濃濃嘅牛味，加埋檸檬汁食，清新又唔膩，真係一試難忘！ 🍮 鮮蟹肉茶碗蒸茶碗蒸滑到爆，蛋香濃郁，仲有豐富蟹肉同海鮮，細細碗但好足料，好暖胃，係一道好舒服嘅小菜！ 🍯 熱柚子蜜最後飲杯柚子蜜作Ending，酸酸甜甜，清清地，解晒膩！📍漁家 (筲箕灣)筲箕灣廟東街9號百寧大廈地舖#creative#HongKong #HKrestaurant#food#HKfood#Hkfoodie #local#guide#Cantonese#Chinese#food#Chinesefood #seafood#seafoodlover #yummy#nomnom#foodporn#hungry#foodie#香港#筲箕灣#私房菜#小店#海鮮#美食
continue reading
{日式二人前 - $605}筲箕灣天后廟隔黎有一條小路，入面有間餐廳，做左好多年好味嘅私房菜，好多人都留意唔到，不過實在係正嘅~ 最近老闆有一新搞作，將餐廳來一個大翻新，轉身一變變左日本居酒屋，講真又真係好唔錯喎~今日本麻甩叫左個二人前套餐，再加多個唐揚炸雞，每樣野都好味，食材新鮮又煮得好!先來兩隻時令生蠔，佢地用嘅係好香蠔味，但係又唔會好飽好滯果種，實在唔錯。魚生三點，每一樣都好新鮮，大愛佢地嘅帶子，厚切帶子食到層層嘅鮮味。熟食先來的是柚子胡椒南非飽魚拼日式炸蟹仔，鮑魚好腍身，仲有香濃嘅柚子味，係幾特別又好味嘅，拼埋個香脆炸蟹仔，都真係好有口感同味覺嘅刺激。串燒拼盤，入而有肉有蔬菜，肉食大王話你聽，呢度雞、豬、牛三樣都好出色，肉味香濃，同埋最貼心係佢地已將串燒切成細細件，一咬開就可以食到一口嘅SIZE，而菇同埋茄子都係高質。最後來多個魚湯煮野菜豆腐，個魚湯好濃，豆腐有個炸皮但軟滑的心，仲可以配埋飯或者烏冬一齊食，實在係凍冰冰日子嘅精選美食。二人套餐以外我地仲叫左個唐揚炸雞，特濃調味加埋超酥嘅外皮，超適合送酒! 可惜今日揸車，如果唔係可以約三五知己一齊又飲又食~美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍📍 #漁家 (筲箕灣)筲箕灣廟東街9號百寧大廈地舖
continue reading