FIVE GUYS

Open Now

Now Closed

✨味道80分，份量好多，價錢中位。.位置顯眼，外圍用落地玻璃，環境光猛，遠處已經見得到。店舖大，座位多，半自助形式，入到去自己搵位取餐。🥜免費無限花生，一路剝一路等餐，時間好快過。🥤嗌汽水($35)都可以無限refill架！.🔸Little Cheeseburger ($65)🍔佢所講嘅little，已經係平時普通burger嘅大細。落單時，通常會問你Toppings係米All the way，如果啲醬汁/料，想多啲/少啲/走，可以呢個時候同佢講。burger用錫紙包住，唔怕醬汁肉汁滲出來，搞到隻手污糟晒。個包好軟熟，塊扒好Juicy，啲芝士溶晒配埋啲醬汁，真係非常惹味。.🔸Fries(Regular) ($50)🍟可選Five Guys Style(唔辣)/ Cajun Style(辣)份量佢比超多！係呢個size杯既多兩杯，瀉哂出黎紙袋。薯條幾粗，用花生油炸，非常香脆。嗌左Cajun Style，會落啲辣粉調味，但食落又唔係話好辣，有少少辣椒香味。

Five Guys🍔🥤美國連鎖漢堡店～去開灣仔又一條友食乜好😝·🍔 Little Cheeseburger $65Little嘅意思係比正常只少一塊漢堡扒，其他配料、大小都一樣架😹咁我覺得一塊漢堡扒都夠食，就叫咗little😚配料可以自由配搭，好似subway咁，當然唔想講咁多英文就叫All the way吧😂😂包括有生菜、烤洋蔥、烤蘑菇、蕃茄、蛋黃醬、茄汁、黃芥末、酸瓜，好似我咁，就叫咗all the way without pickles😋味道係唔錯架，配料比較多，醬汁都唔只得茄汁咁單調，當然冇出面吹捧得咁誇張，不過都係唔錯嘅漢堡🍔圖五最遠處嘅係我個份🍔❤️😆，等緊塊扒煎好😂仲要包兩層錫紙🙊·🥤Vanilla X Chocolate Milkshake $55本身只係諗住叫雲呢拿味，店員同我講可以mix多款，咁佢話揀唔揀埋朱古力味，咁就是但啦，反正一樣價錢但問題嚟啦，呢個係甜到爆炸，雲呢拿已經好甜，朱古力就更加甜，我最後飲咗¼到就飲唔到啦😥美國飲過shake shack嘅vanilla我覺得都甜，但起碼係可接受嘅甜度，five guys係咁甜我o哂嘴😵，所以超級唔推薦叫奶昔🤭

之前喺美國食過Shake Shack同Five Guys後一直對佢念念不忘💕 點知隔左冇耐香港就開咗分店啦！雖然我一路都覺得Shake Shack好食啲，但而家唔食得就冇計啦❌❌ 今次想講吓Five Guys嘅milkshake！Milkshake ($55）Five guys嘅奶昔係可以混合口味同埋選擇要唔要cream🥰但就咁飲一杯已經好高卡路里😆所以我就走咗cream啦🤣我今次揀咗Oreo、煙肉同埋士多啤梨三種口味🍓終於明點解之前一直咁多人都叫我一定要試煙肉！🥓一開始我都覺得好奇怪，好似九唔搭八咁😂但食落發覺鹹甜交集真係幾特別，飲落味道更突出🤤同埋啲煙肉好香脆，令到成杯野嘅口感更加豐富！Oreo碎都幾多，而且仲食到啲士多啤梨果肉🤤可能你地覺得會有少少甜🙈但對我黎講就啱啱好，因為我真係好鍾意食甜野🥳整體黎講都幾足料同大杯🥤不過50幾蚊一杯嘢飲都真係幾貴下🤣但間唔中放肆下都可以嘅👻見到其他朋友試過話加埋peanut butter都好正🥜🤩等我下次試吓先！你哋又最鍾意咩口味？留言話比我知！😋-Five Guys (灣仔)📍灣仔莊士敦道60號地舖抵食指數：😚😚/5 ⁣舔舔脷程度：😋😋😋😋😋

今日終於食到聞名已久嘅Five guys！疫情下仍然keep住要排隊，代表佢仲有少少人氣😂Cheeseburger ($85)Burger可以揀15種free toppings，我就加左蘑菇，pickles，生菜同蕃茄。漢堡扒燒到有啲燶邊，肉味香濃亦夠juicy。可惜包身比較普通，麥香唔夠，一吸哂肉汁就淋哂😅 加上整個burger都係比較大，亞洲人不能一口咬哂，要㩒偏黎食，食落有啲狼狽🙈Milkshake ($55)我揀左peanut butter, banana同 salted caramel sauce。Peanut better 味最濃，但成杯野好甜，我同朋友都飲唔哂🤨花生(免費)花生果然係佢地嘅招牌菜😂 大大粒，脆口得黎亦夠咸香味，配上啤酒就最好不過👍🏻

Bacon- CheeseBurger 🍔($95)淨系見到個名都已經流曬口水💦 佢個包系用錫紙包住, 目的應該系想保溫同埋Trap住啲肉汁👍🏽 個包系超級厚身, 因為有兩塊超級juicy既漢堡扒同埋all the way toppings 系免費加嫁🤩 Toppings 有8款免費, 想再要多啲既話可以另外加錢要另外7款💸 如果唔想食兩塊扒既朋友可以揀單層既Little Burger 系列Fries(Regular)🍟($50)佢既Fries 有Small, Regular, Large 可以揀, 我地叫左regular都已經足夠兩個人人share👍🏽 佢系我最愛既粗薯條加埋佢既辣粉, 夠曬熱辣辣同惹味🤤Milkshakes🥤($55)Milkshakes 得一個size, 有9款配料任你溝, 我就溝左oreo 同埋banana🍌, 朋友就揀左strawberry🍓 & chocolate🍫 , 佢既milkshake 都好香滑, 啲配料溝埋一齊系超級夾, 好耐未飲過咁好味既Milkshake😍

今日嚟到Fiveguys,一間享負盛名嘅過江龍漢堡包店。首先室內設計好簡約, 同時都好整潔，俾人一種自在嘅感覺。 第二係服務, 因為Fiveguys 係請外國人,所以落單要用英文, 唔係對所有人都咁方便。但佢哋好熱情好客,講唔到英文都唔會尷尬。第三係食物,首先份量非常之大,每樣野都會使用放大電筒照完咁。今日我食咗雙層芝士漢堡,但係同金拱門絕對冇得比。首先麵包質素唔同,呢度烘過,麵包都軟硬適中。由於漢堡包用錫紙包着,保溫一流,所以裏面溫度保持得好好，芝士自然Keep住半溶化嘅狀態。牛肉都係juicy,正常貴價漢堡包嘅質素。配料增加口感,蘑菇炒過好香,蕃茄令成件事唔會太油膩可以keep住食。另外薯條炸得好脆,份量都好大。由於係新鮮炸所以仲食到薯仔嘅爽脆同香味。評分：食物：4/5環境：4/5服務：4/5總分：12/15

Five guys嘅burger可以自選配料，店員都好熱情會同你講有咩配搭會好味，但我同朋友就唔係好餓所以就咁嗌左cheeseburger 。第一次嚟食，見到個賣相都唔係話好期待，但食落又真係唔錯，有驚喜到😯半飽狀態下幾啖就食完成個burger!佢好juicy，食落去個包唔會話好乾。個奶昔都好飲，都有幾款口味，唔會話好甜，甜到越飲越口渴。Burger加杯milkshake 埋單每人百幾，朝聖試一試都OK嘅！

好眼訓既一個星期日，訓左4個鐘又起身。一個中午爆左一身汗，然後去灣仔探同事，諗緊食咩之際，同事推介Five guys！好，聽話一下！試試佢喇(反正佢初初開既時候都想試)同事話little應該夠我食，咁又聽佢話要左個little cheese burger $65薯條(little)$40汽水(任飲)$35冇位坐，企係度食都有一番風味既！先斟左汽水，然後等叫No.拎包！呀！買包既時候要揀自己想要既配料！有成15款你揀！冇準備之下冇諗點樣配搭好d，就叫左幾款大路野！個burger並唔係傳說中咁dry！包個part都幾好呀，塊漢堡都juicy幾好食喎！配料份量算多，食落都好新鮮！呢個little size真係夠我食！一d都唔little！薯條超有傻仔味！而且呢個little又係一d都唔little......好多呀！我盡力食左8成！汽水款式都係大路野，自由斟幾開心！如果鍾意飲milkshake 就一定要黎試下，事關佢呢度好多味揀！！應該總有一款岩你！順帶一提！免費花生🥜都真係幾好食！下次，還是有下次的~

因為怕肥，所以我平時好少食漢堡包🍔🤣但呢間人氣漢堡包店實在太吸引，所以就忍唔住去試🙈-🧀Cheeseburger🍔-呢個超級大舊，夠晒飽😍有兩層牛肉兩層芝士🐂🧀，牛肉好juicy好新鮮😆配料可以自己揀，我揀咗all-the-way，有蛋黃醬、生菜、酸瓜、蕃茄、煎炒洋蔥、煎炒蘑菇、茄汁同埋芥末醬，好惹味🤩但漢堡包上面嗰層包唔夠熱，同埋食得比較論盡🤣🙈-評分：8.5/10價錢：$85-🍟Fries (Little)🤏🏻-有fiveguys風味同cajun辣香料揀，因為上面已經揀咗fiveguys，所以就試試cajun🌶️冇諗過small都會咁多，食極都仲有😆呢度嘅薯條係厚切，而且連皮炸嘅，好香脆🍟外脆內軟，調味都好香好濃，但食得多就開始覺得有啲過鹹🤣-評分：7.5/10價錢：$40-📍 Five Guys 灣仔 中環 炮台山 尖沙咀📍

🔸Cheeseburger $85🔸Fries (Little) $40🔸Milkshake (Banana) $55-喺香港開咗好多間分店一直都好試嘅Five Guys，終於有日去試咗！非常美式嘅裝潢，連員工都係外國人嘅面孔，同好有士氣。餐牌雖然係全英文，但走去收銀會有中文餐牌提供的。漢堡包揀咗芝士漢堡嘅正常size，另外有個mini版的，會各少一塊肉同芝士。想講個漢堡包非常juicy，配料唔想諗就揀咗all the way，非常豐富嘅口感，主角芝士同漢堡扒好夾，好好味。睇過其他食評話薯條係世界級，試咗真係喎！連皮炸兩次嘅粗薯條外脆內軟，金拱門係比唔上的，係食到後期有少少鹹。仲有個奶昔都係驚喜！飲落非常杰身，有香蕉肉同奶味香濃，真係好好飲，仲非常之飽肚。另外仲有任食花生，好香好脆，但食完真係好飽，食得一轉～

之前啱啱開嘅時候嚟過, 勁多人...但係而家熱潮好似過咗已經冇乜人, 唔使排隊~呢度嘅薯條好好食都唔使多講, 但係唔知大家知唔知呢度有veggie burger嘅呢 嗰日想食漢堡包但係又唔feel like食嗰舊肉🤣 睇吓Menu會唔會有veggie burger, 點知真係有😂其實佢冇乜特別嘅, 係平時嘅漢堡包不過冇咗塊肉😂 佢入邊有:- 炒熟左嘅洋蔥🧅- 番茄🍅- 酸瓜🥒- 蘑菇🍄- 芝士🧀 (不過我嗰日叫佢走咗佢😂)幾好味~ 價錢好合理 (唔記得咗幾多錢但係好似平過一杯Milk shake😆)

<Cheeseburger 芝士漢堡> 第一次係香港食Five guys! 叫咗個cheese burger 🍔 除咗辣椒其他材料都要，至於個汁方面我叫咗茄汁。等嘅時候睇住啲職員整漢堡包，一拎上手嘅第一感覺，哇！個包好重呀！然後坐低打開個漢堡包，哇！個包有好多層呀😍😍😍 嗰刻已經流晒口水🤤🤤🤤 我個口比較細，所以分開咗一半嚟咬🤣🤣 差漢堡扒有肉汁㗎🤩 啲配料都好新鮮👍🏻真係好好味好滿足呀😋😋😋

影到個包咁樣衰希望間鋪唔好打死我🤣🤣 總括來說沒有shake shack那麼驚艶🙉 直到今日那個拉絲芝士炸蘑菇包還是令我一想起也覺得好味到O晒嘴😍🤪🤪🤪🤪 恕我一介草民吃不出five guys那些牛是如何鮮美和與眾不同🙈 反而薯條很脆，很特別還很大兜！建議點辣味🤪 覺得BLT好味過house burger，可能是因為前者有煙肉的關係，不過兩者也能加那15種配料所以其實分別也不是太大🐽 想不明白花生和漢堡包有什麼關係🙉 不過畢竟是免費的也不要那麼多爹。 感覺還是shake shack啱香港人口味多啲，細細地食得也沒那麼狼狽，難怪在PP開了分店🤪

🍔Cheeseburger $85🥤Five Guys Shake $55Obligatory cheat meal on weekend🥳🙌🏻 Customised my burger instead of having all-the-way. The party is juicy and finely grilled. Yet don’t expect the burger has an instagrammable appearance😂 Didn’t get the unlimited 🥜 cuz I couldn’t even finish the 🍟🤣 We ordered peanut butter milkshake with crispy bacon and this combo is soooo mouth-watering😋

Wanted to try five guys for a long time and happened to pass by this afternoon, so here I am! I thought they have it like a combo, but everything is a la carte. It’s still fine, prices are within my acceptable level except for the drinks! $35 for a cup of refillable soft drink - really scared me off! I know it’s refillable, but we all know how much a soft drink cost!!! Even though the drinks are horribly “mis-prices”, the fries are better than I expected particularly the spicy powder!! Super yum