五星餐廳

Open Now

Now Closed

我選了豬軟骨米通，男朋友要了沙嗲牛肉公仔麵，都配火腿煎蛋和香酥丹麥多士。米通平時比較少食，像長的通粉但軟軟的。豬軟骨味道是可以的，但有點硬，軟骨不夠稔。沙嗲牛肉幾入味，大大件。香酥丹麥多士也很好吃。這個價錢在灣仔算是幾抵食。

下午茶的常餐只需要$45，午市是$52，下午茶好抵食，跟餐配仿鮑魚火腿奄列、丹麥多士、熱飲。我選了鹿兒島豬軟骨米線，男朋友選了香辣肥牛公仔麵，豬軟骨幾入味，但部分軟骨不夠稔，香辣肥牛超惹味，有濃厚的醬汁。香酥丹麥多士非常好吃，多士本身已經很有牛油香味，烘至香脆再額外塗上一抹牛油，整個味蕾都充滿牛油香氣。奄列有仿鮑魚絲和火腿絲幾有口感，份量正常，略嫌蛋煎得少少油膩。

羅漢果西洋菜豬骨湯好味，甘甘地，好甜。五星午餐有8個選擇，但今日遲左落黎，一點到已經冇晒牛腩，揀左A同B。肉燥飯個樣好似日本咖哩咁，啲蔬菜大大舊咁，塊豬扒完全埋沒左係深色既汁裡面。煎蛋🍳流心煎蛋免治牛肉飯個樣就麻麻，但味道好好，啲同事次次都會食。

灣仔食野真係好貴，求其搵一間茶記，特價都要$49。 😵A至H選擇多元化，全部都揀得落手。😇E見佢有沙薑雞扒幾特別，又有燒肉，幾豐富就揀左。 😍黎到見佢係鹵水顏色，聞到有沙薑味，但食落係鹵水味，但都唔錯。😂同埋佢係雞扒，冇骨又入味，燒肉都唔錯，大份又夠脆。🍗凍檸茶少冰少甜好飲，檸檬浸得耐有少澀，下次要早啲拎上黎。🍹同枱既大家一共七人，多飯少飯走甜少冰少甜，全部都寫岩晒，落岩晒，服務抵讚 👍🏻

早上八時半到灣仔兼職，嘩，很久沒有早起身，有點眼瞓。聽職員講，午膳時間居然有個半鐘，時間充足得很，便決定與兼職的朋友仔們一起吃個茶餐廳午飯，喝杯熱熱的茶走，醒醒神。灣仔打工仔多，午膳時間，餐廳門外都是排隊人龍。見這間人龍不多，入去後，原來店外有店，多三四張檯，打工仔食完離去，很快清檯。四十五元食一餐，雖然正常但礙於兩三年沒有正式地在午膳時間外出食午餐總覺得有點貴。沙薑雞併燒肉 工作時候很想食肉，沙薑雞是雞排肉，入口沒有沙薑雞的味道，吃不到想吃的沙薑味，卻有點滷水味，有點失望。燒肉三四舊，一貫茶記水準，皮脆肉嫩漸硬。值得讚賞的飯，我喜歡它帶油的溼潤，即使沙薑雞沒有沙薑的味道，淡淡油香，讓我吃了不少飯。茶走喜歡用透明杯盛載茶走，杯底的奶白練奶與啡色奶茶，層層分明，顏色悅目。奶茶香滑，不錯。

After an exhausting day exploring Art Basel, boyfriend and I wanted a quick dinner so we could go home, rest up and hit the other art fairs that weekend. We decided to eat at the cha chan teng we usually go to that is nearby but when we got there, it was closed. Apparently, they don't do evenings! So, we went to the one next door.Similar to the other cha chan teng next door, it has seating in the alley but there is a canvas on top to act like a makeshift roof. Menu, similar to the one next door

咸魚雞粒炒飯好心經理見我喺公司食咗兩日豆腐,佢就話你個人咁dry,就診出去做嘢時請我食下俾茶。首先,炒飯應該係炒到好乾身,粒粒飯分開唔會一pat pat , 但呢個飯炒到濕晒,口感完全唔得雞肉食到少少雪藏味,有點灰好在咸魚夠多,可以撈晒d飯食

澳門回來，第一時間食D野，入五星叫左個蝦醬咸豬肉炒飯連凍0茶要$34，加價了料足夠大碟，內有咸豬肉粒，配蝦醬夠野味，另有蛋碎，火煺粒及洋蔥條，配搭不錯，有鑊氣，飯夠乾身，油亦不多。

薑粒肉粒炒飯 + 薑粒上次同事話食過好好食，所以今日等下午茶就試吓啦！飯 夠乾身唔濕薑粒 夠多不過如果薑粒再切細粒d就更加好肉粒 冇味如果佢個飯落多少少鹽炒就更加野味，因為整個飯只係食到薑味偏淡

成日都喺呢間食早餐，第一次坐喺度食午餐蕃茄牛飯勁多餸勁多料，飯又多。味道剛剛好。蕃茄有少少酸，牛肉唔鞋口少少鬆化，洋蔥煮得淋淋地福建炒飯又係勁多料，cover 晒成碟飯，雞肉好滑，有好多我鍾意食嘅冬菇粒

再次撘入五星，發覺早餐全加價2蚊叫左A餐火煺通粉，熱辣辣夠大碗，火煺絲夠多，通粉係普通個隻，冇坑紋，比較淋左D，湯底無特別。附上腸仔炒蛋，蛋side一般，不夠滑，腸仔同蛋油太多了凍奶茶就夠滑，夠茶味加價後無驚喜，下次可試另一間，呢個就係後遺症

除了快餐店外，講快的就只有茶餐廳。有時候在茶餐廳食飯，確實有點悶的，可是在平日上班的日子裡面，就無法子了。是日又到灣仔辦公，老實說，真的唔係想在茶記吃飯，可是卻又不是那麼開胃，只好就住就。雖然茶餐廳的份量，或多或少都有些份量，但基於胃口欠佳，唯有吃少一點。就如今天進入了五星餐廳，不折不扣的茶記，縱使吃到悶納，或者都要吃一點午餐吧，至於吃多少，就要看情況。例湯是菜乾白菜豬骨湯，是久久未曾喝過的例湯。如果有讀過在下文章，都會知道在下過去甚少會喝中湯的，這餐廳只提供了一個例湯而言。菜乾湯有著潤燥滋陰的功效，同時還有清熱潤肺、化痰止咳、排毒利水的作用。而言碗湯，還算清甜，間中喝一碗，確實唔錯。葡國雞飯也許味道不算太濃的主食，有著清香的椰汁，就算沒甚胃口，也可被吸引吃多幾羮飯吧！雞件雖然是不是新鮮，但吃落也不會有太過雪藏味，也都算夠滑吧。當中薯仔也頗多，與雞件數量不相伯仲，幸好的是米飯與葡國雞分開而上，不致令米飯過多醬汁。然而這個碟頭飯，到最後還是吃剩少少。凍奶茶仍然是茶香味夠濃，也很順滑，亦具茶的味道。雖然夏日炎炎，喝一杯凍茶，可以消暑降降溫，但是今次卻不敢完全喝完，怕的是不想令自己不適吧！雖

到公司樓下食過西早先，叫左豬扒腸丁麵-- 豬扒一開二，調味不夠，冇乜味，夠淋，算大塊，雞肉腸煎吾夠香口，丁麵份量少左D，湯底吾夠味至愛凍o茶--茶味濃，檸檬三厚片，冰不太多$33

早餐呢間就食得多，今日試下午餐，中午1点正門口大排長龍。十分鐘有位。試下中式野-北茹土鱿蒸肉餅飯肉餅夠大夠厚，料足，土魷味重，北菇粒就少D，但肉餅蒸到入哂味，甜豉油汁捞飯，正，油吾多，飯適中。装修無乜，一般茶記

Happy Friday but heavy raining, 無心機工作的一天，到五星叫個至愛肉丁腸炒蛋麵做早餐。一大樂事，肉丁料足，小辣，蛋係茶餐廳式炒蛋，算大隻，普通雞肉腸，無特別，用一般伊麵，整碗份量適中。加杯熱咖啡，夠香濃亦夠滑茶記算係咁，埋單$28，價錢算適中