花花宮煮 (Closed)

第一次黎到呢間花花宮煮，首先覺得佢個名幾特別，同埋喺青衣IVE附近既食店唔多，一於就試吓佢。 我哋今晚叫咗一個唐楊炸雞加單骨雞翼飯（配豉油），同埋蠔仔肉碎湯飯。 喺味道方面，幾唔錯。除餐附送嘢飲，凍飲加$4 。 上菜好快、環境乾淨，服務都ok

又無煮飯去屋企附近買外賣竟然有驚喜🥰呢間餐廳位於青衣1個私人屋苑平時好少人去但佢地樣樣野都好吸引😛今次叫左蒜香海鮮牛油炒意粉淨係賣相都嬴左好多cafe仲有蟹鉗添😋海鮮, 帶子都好新鮮pasta 就好creamy佢地既日式麻醬冷烏冬, 中式野都好好大家不妨可以去外賣平台order 1個試下丫或者青衣站搭249M過去都得花花宮煮青衣細山路2-16號美景花園地下114號舖#foodie #food #foodphotography #foodporn#食好西 #食評#青衣 #美景花園 #葵青 #荃灣

超級無敵慢 等左45分鐘先上餐 比我啲後來啲人都吃完走了先上餐完全唔理解，啲嘢都唔係好難做，但係就望到個廚師係到慢慢整慢慢整，明知出面咁多人等緊就唔好慢慢來啦⋯⋯真係睇到火都來埋，下次唔會再幫襯了

唔知係未因為最近天氣又熱又濕咁，令我無咩胃口，總係想食d辣&凍嘢刺激吓味蕾😅原本諗住求其食個冷烏冬，但見到煙三文魚又好想食，於是厚著面皮問店員可唔可以C餐嘅材料+G餐嘅胡麻冷烏冬🙊估唔到真係肯幫我整🥰街坊小店就係咁好，服務好又會變通～仲成日都有新菜式👍🏻絕對值得一讚！食到想食嘅嘢真係好開心～呢個組合真係好夾，真心希望餐廳可以加呢個組合係餐牌度😆一道健康輕食菜式就咁就誕生咗喇～如果沙律菜多多少少就更好😋

餐廳開咗數月，因為住餐廳樓上，所以與家人差不多每星期都幫襯2-3次，有時堂食有時就打電話到餐廳由姨姨送到屋企；堂食時最鍾意餐廳乾淨企理，職員都好有禮貌，唔會食食下突然有粗口送飯；食物就最鍾意食餐廳招牌「開心樂園餐」，即係叉燒配三隻蛋，叉燒好好味，問咗原來係廚師哥哥自己燒嘅，三隻蛋仲要係太陽蛋，流黃㗎，再配埋好好味嘅豉油汁，每次連最後一粒飯都食晒！仲有系廚師哥哥好有心機，全部食物擺盤都好靚，啲碗碟都好精美，食得特別開心；外賣送上門就最滿意係食物仲熱辣辣，不過有時就要等耐啲先送到囉！

早排見到樓下呢間新開餐廳滿心歡喜諗住買幾個外賣一家人食見到又有套餐好似唔錯嗌完之後就出事啦！發現真係好好「好」食😊「好」食到逼我打差評😊（明就明）食咗兩啖lur到lur唔切！🥵🥵尤其招牌撈公仔麵打開個盒見到仲衰過我自己煮營多！💀💀仲有招牌唐楊炸雞成浸雪藏味！🤮🤮咬開舊雞仲要係粉紅色未熟咁！😵😵成家食咗一半慢慢開始肚痛！🤢🤢好懷疑間餐廳既衛生情況.....真係好後悔！難怪呢間一直無人打好評😊早知出街買餸自己煮好過！差評有0分一定比0分！1分都唔值！

雖然相片得一張，但其實已經食咗呢間三次😌食過漢堡🍔薯條、海鮮炒意粉、焗飯等都好好味。小食都唔錯，特別係炸大腸、蒜蓉包～沙律、連小食墊底嘅生菜都好嫩，好新鮮乾淨👍🏻👍🏻👍🏻呢個真係值得一讚！擺盤都唔錯，餐碟好靚亦好乾淨～而份量方面，我覺得啱啱好，但男士可能就要加多個一兩個小食先夠喇～亦聽到好似可以嗌多飯～係餐牌上嘅全名就唔記得喇😝但聽街坊講其他嘅嘢食都好好味，至於餐茶就一般，無咩特別～裝修用色簡潔舒服，光線充足，座位空間亦足夠～店員亦好親切友善～餐牌選擇唔多，但就咩都有d，啱晒選擇困難症嘅我😁而且第三次去食嘅時候佢嘅餐牌內容有d唔同，唔知係因為新開張仲調整中，定真係會定期出新菜式，如果係咁就再加分👍🏻👍🏻總結係：值得一試再試希望可以一直保持水準。p.s 佢地好似逢星期六休息～