FOOD AROUND

Open Now

Now Closed

最近經常黎石塘咀附近工作，繼續探索緊區內優質餐廳！今日就黎試下港大附近既food around。餐廳應該主打外賣，因為店面都比較細，只有bar 位幾個。叫左個冬蔭功虎蝦意粉，依個配搭都比較特別，一於試下佢。個盒細細地但原來好深，意粉份量好大！意粉炒到剛剛好，有al dente 既感覺。而個汁既冬陰功味唔算好出，反而奶香味更加出，少少辣都幾惹味！整體唔錯！而虎蝦一盒有4隻，算係甘。已經去左蝦頭蝦腸，好有誠意！小店經營質素都唔錯，會再黎👍😉

是日午餐見到水街上少少原來有間賣意粉小食店，見到都幾吸引，入去幫襯下 買左個最穩陣既芝士焗白汁雞皇意粉加單骨雞翼番office食 ，睇吓o 5 ok, 買時店主話焗既要稍等，嘩，估唔到係即刻焗起，比外賣我時個盒仲熱辣辣，行番office 約5分鐘路程 打開 好香急不及待試試 有驚喜！！$50 食到呢啲咁足份量既意粉，真係附近上班族恩物，再加埋啲即炸單骨雞翼，今日個午餐 真係好滿足黎緊決定要多啲幫襯！試埋其他意粉同埋我見佢餐牌仲有啲好得意既一件件三文治，下次再去買

反屋企諗唔到食咩就黎食佢 今日有新野 日式明太子忌廉煙肉意粉 外賣到屋企仲好夠熱d意粉唔會好似快餐個d咁淋 仲有少少汁 岩岩好正 成個意粉 好似卡邦尼咁夠曬Creamy，明太子同煙肉又好夾 但唔會太咸 佢又有d雜菇 解一解你膩 幾Balance 大推希望上埋主餐牌🙏🏽

係呢間小店叫左個外賣，海蜆炒意同埋炸單骨雞翼，個意粉冬天黎到仲熱辣辣 好fresh好香蒜味唔臭 蜆肉又多 個汁岩岩好唔會太膩 正！個雞翼 黎到暖暖地 咬落勁脆！仲要係單骨！岩曬我咁懶 一啖咬落去 脆爆大推！

星期五10:30晚上去見到仲未閂門,就試一下,蒜蓉大蝦意粉,意粉彈牙，大蝦有四隻，份量很足夠，非常不錯，看得出是用心小店。唔知道係咪兩公婆一齊經營，服務態度非常好。下次想試一下冬陰功意粉。

早幾日經過水街，見到以前間Station原來轉左 手，開左間叫Food Around嘅小店；本身諗住買一口齊夾餅做lunch，見佢新開冇耐就試下佢啲野食睇下得唔得先。入到鋪見到佢貼出黎啲相就幾靚仔不過唔知O唔OK，見肚餓，嗌左個芝士焗白汁雞皇意粉，再加多個日式玉子三文治，佢都有啲即炒嘅意粉，不過要等十分鐘，下次先試佢。盒意粉拎到返屋企仲係熱辣辣，芝士夠豐富料都夠多，唔會水汪汪，意粉有咬口；盒意粉望落細細盒，原來都幾多，一條友係食唔曬嘅，好彩同屋企人share食啫。個日式玉子三文治反而有警喜喎，唔係普通嘅蛋治，入面個玉子都幾厚，同個醬汁又好夾，一啖一件，好快就食曬。 😋😋

宿舍下面發現以前幫襯開既舖轉左手，感覺環境乾淨左，寫住賣小食，三文治，意粉，午餐未諗到食咩就入去幫襯下。買左個menu 必食吓嘅香炸單骨雞翼，本身都幾鍾意食薯仔沙律，順便試埋。外賣番到去，d野即叫即整，勁邪惡既香炸雞翼，食落好脆好爽！仲要係單骨，勁方便。薯仔沙律細細個但勁足料，估唔到係幾好味，勁飽肚，食完成個中午已經食唔落其他野，夠曬做午餐。下次要試埋佢d焗飯炸意粉先先，見到有其他客食勁香勁正咁

見到水街口新開呢間小店賣日式三文治 幾特別 買左一份$28日式火腿玉子三文治黎試 價錢都唔貴，包裝設計幾有heart買完一打開，原來係當年去東京食過個啲一件件一口三文治一盒六件，早餐食哂好夠飽！食落好特別 佢搽左層特制醬 同埋個玉子好厚，我仲諗住係甜玉子 ，食落原來係咸咸地 我問老闆 老闆話呢隻叫出汁玉子，配搭落咸食既三文治味道先夾，好開心西環區新開間特式小店下次再黎試埋其他口味先！ 我見除左原味，仲有蟹肉同明太子 ，期待下次再試。