Food Combo (Closed)

今日5月5日 2019年 今日又同家人去屯門區 食lunch 去咗呢間food combo食西餐 ，呢間西餐大約係2019年1月開嘅，我經過好多次，但都未去試，依家就等我嚟試下好唔好食話你知。 其實呢間西餐個lunch set都唔平，但當你食完之後就會覺得好值呢度大約有五六張枱地方唔大， 但地方雅緻坐得好舒服， 呢度係固定lunch set有七款畀你揀 大多數都係百零蚊一個lunch set，只有安格斯嗰個牛扒set 就係over 200蚊（請看尾圖參考）我就揀咗個lunch set combo G 西班牙海鮮飯配焦糖青檸雞翼 $178** 每個餐都賣相一流好似係一個定食set有沙律餐湯主菜同配搭小食仲有埋生果真係好正嘅一個set** 海鮮飯好足料，有帶子，鮮蝦，青口，小墨魚，仲有嚿三文魚，份量都唔少，食到海鮮飯好creamy， 味道亦都好好食 ，嗰餐廳今日係雜菜湯，好濃厚嘅味道，飲到好足料，同埋材料亦唔少， 好味道，個沙律係泰式沙律，酸酸辣辣好正，我好鍾意。 青檸雞翼係加咗一啲青檸醬汁，而雞亦本身係加左芝麻 炸到香脆 食落好脆口，又有啲青檸味 甜甜酸酸咁 真係好香脆亦都有芝麻香，味

餐廳近屯門Vcity，以西式定食為主，大約有七款定食，飲品都有數款。只要點定食套餐，便可以享用自助水吧，無限添飲。水吧有三款飲品提供，包括熱檸檬柚子蜜水，熱鮮薑紅棗桂圓杞子水及冷薄荷鮮橙水。我就揀熱鮮薑紅棗桂圓杞子水，健康養生又好飲，又可以明目養神。而且環境唔錯幾舒服，好岩同朋友去食個飯傾下計👍🏻～每一個套餐，都配有不同款式的湯、沙律、小食及精選生果。我揀左Combo G.西班牙海鮮飯配焦糖青檸雞翼($178) :泰式青木瓜沙律:酸酸辣辣開胃南瓜湯:十分香濃幼滑主角西班牙海鮮飯炒得相當入味，沒有生米。配料豐富，有香腸、青口、帶子、魷魚及蝦等等，每一種都炒得剛剛好，絶對值得一試。小食是焦糖青檸雞翼:外脆肉嫩，口感香口，亦很滋味，酸酸甜甜好開胃﹗味道幾好，幾清新既感覺。最後嘆埋生果，西瓜同火龍果﹗全日免加一收費，真係好抵

經過屯門Parkville，發現這間Food Combo主打西式定食，雖然只是晚上六點半，但店內幾乎坐無虛席。一行三人決定，晚餐就試這間餐廳。這間餐廳空間不大，桌數不多，但餐桌之間不算擁擠，坐得尚算舒服。餐廳以西式定食為主，大約有七款，飲品亦有數款，每日不同，以自助形式無限添飲。三人三個套餐定食，朋友叫的是豬鞍及雜扒，我選的是西班牙炒飯。每一個套餐，都配有不同款式的湯、沙律、小食及生果。朋友對豬鞍充滿好評，因為肉質不乾，充滿肉汁，很正！配菜的薯蓉亦十分滑，只是咸了一點。前菜是青口，也很好食。另一位朋友的雜扒，賣相很豐富，有腸，煙肉，牛扒等等，朋友就認為牛扒比較多根，肉質較韌。不過，朋友就大讚雜菜湯很好飲，連我的她也想飲。小食，南瓜薯餅亦不錯。我的西班牙海鮮炒飯，亦值得推介，飯炒得相當入味，沒有生米，配料亦不少，有青口、帶子、魷魚及蝦等等，每一種都炒得剛剛好，絶對值得一試。我的小食是焦糖青檸雞翼，外脆肉嫩，口感香口，亦很滋味。總括以言，這裡的價錢不便，但份量足，味道不錯，環境亦坐得相當舒服。有機會，大家可以來試試。人均消費170元抵玩指數2/3Food Combo (屯門)屯門鄉事會路8

日式定食大家都食得多，但唔知大家有冇試過西式定食呢？😆今次喺屯門睇完戲就去咗附近嘅一間健康西餐廳食飯🍽佢地每個set都有齊沙律、餐湯、小食、主菜同生果，仲要每個set嘅配菜都有啲唔同💁🏻‍♀️除咗賣相唔錯之外味道都幾好，最平嘅set只係$138起，十分之抵食😋我地叫左Combo D安格斯西冷牛扒配香炸南瓜薯餅$218🐮同埋Combo F香煎挪威三文魚配特色炸雞粒$178🐟個牛扒同三文魚味道唔錯但係我更欣賞嘅係佢個沙律同埋南瓜忌廉湯🎃Set D嘅華都夫沙律同Set F嘅香橙紅菜頭沙律都好特別好fresh😍不過我地都覺得份量實在太多，飽到食唔晒🤰🏻另外值得一讚係佢個自助水吧，有3款茶水可以無限添飲🤤最推薦嘅係鮮薑桂圓紅棗杞子水(熱)，健康養生又好飲👍🏻而且環境唔錯幾舒服，好啱同朋友去食個飯傾吓計～

^<Food Combo>^ 💋 美味幾式: 不錯😀.今次試下一間新餐廳，係新新地，因為樓上The Parkville入左伙之後，佢樓下啲食店都隨之開業喇.呢間餐廳平時行過見佢menu好貴(以呢個區域計)，食個午餐都百幾蚊以上。但原來佢星期一至五係有平啲既lunch set! 平均五十幾蚊起跳，都還ok。.今次叫左白汁海鮮焗飯同埋大通粉。賣相唔錯，而且味道都幾好，唔會太鹹。份量都足夠。仲有一樣特別之處，就係佢地有個任飲幾種飲品，今次有紅棗桂圓薑， 香橙薄荷水，仲有玄米綠茶。唔知會唔會有機會轉呢?.📢 提提你:. 佢係星期一至五先有平既lunch set架

有時候食飯都會好貪心，想食好多款唔同的野食，但叫曬既話就肯定食唔曬，所以依度既set就岩曬想食唔同野的朋友仔了。個日一共叫左兩個set。第一個係卡邦尼溫泉蛋寬條麵，配左一個沙律，一個餐湯，一個大蝦薯蓉，仲有一份生果。第二個set係雜扒餐，配一個南瓜薯餅，其他野同第一個set一樣。味道方面我覺得不過不失，但性價比係高既，因為百幾蚊有咁多種類的野食，算係非常好👍🏻飲品方面係自助的，當日有3款，我揀左最養生的桂圓杞子茶，好飲又健康。

一入去坐低已經覺得好凍叫佢較細啲個冷氣佢答我：我試下幫你較，但係就算係陣間都要較返大，因為廚房整野啲油煙會出到黎，開太細出面會聞到味仲要加多句：同埋陣間食野都會熱架嘛（微笑）（吓，無抽油煙機架？我真係第一次聽聞開冷氣大可以除油煙味呢個藉口）好，我唔同佢嘈，心諗如果唔係同朋友一齊既話，我已經行左出門口跟住佢行過黎話較唔到，已經最細（最唔凍）啲野黎左，味道係唔錯，但係好多野都係唔熱，心諗：食野會熱？除左個湯，都唔係好熱咋喎，更何況佢憑咩肯定食野係會熱左？最後，都未食完餐飯，我已經覺得好凍，凍到薑，跟住好辛苦咁切埋佢啲豬扒黎食，仲要見到佢响度望我個碟，應該係覺得我做咩食咁耐都未食完。我地只係坐左個幾鐘，未夠個半鐘都仲未減返我要行返去對面個商場廁所既時間。好耐未去過一間餐廳係凍成咁我係體質虛啲但係兩個朋友都話凍囉晚餐收我咁既價錢，咁樣趕客，咁既態度唔會再幫襯

如果想搵一間”健康”又”美味”又”性價比高”既西餐廳, 我相信係屯門得依一間餐廳完全符合晒以上既要求!係屯門大型商場食到厭晒, 食黎食去都係大型連鎖店. 今日終於走出厭悶既商場, 經vcity天橋過去對面d小店, 一試難忘!先講左價錢先, 大約百幾蚊一份set dinner, 有齊晒沙律, 餐湯, 頭盤, 主菜 & 生果, 依個價錢係屯門黎講算係咁啦, 入返商場冇兩舊都走唔甩.今晚6點左右到達, 當時已經9成坐爆左, 同女朋友點左combo C豬鞍 & combo E煎三文魚. 係等餐既時間當中, 係鋪中間係自助飲品可以任飲, 即刻斟左熱既紅棗杞子水 & 凍既玄米綠茶. 平時係出面叫一杯都收我十幾廿蚊, 依度竟然係任斟, 唔飲返幾杯都唔得.重點環節 set dinner 上菜, 先食沙律, 相當開胃! 再黎飲個羅宋湯, 味道相當好, 唔似出面水稀稀, 亦都冇死加茄醬既味道, 而係每一種材料都有淡淡清香, 各自平衡!再食頭盤, 因為兩個餐關係, 每樣都可以食d😊, 青口不過不失, 沒有怪味走出黎, 個炸雞粒好好食呀! 唔會有多油走出黎, 又有黑白芝麻提味, 我厭佢得三粒太少, 搞到我食得

有時候吃飯也是一個煩惱，有些東西多吃了會覺得膩，所以要找些新店作新嘗試，吃飯才有樂趣，今天中午我獨自去了food combo嚐嚐它的午市自選組合套餐。Food combo午市自選組合套餐可無限享用自助水吧，這概念很不錯。自助水吧有三款飲品提供，熱檸檬柚子蜜水，熱鮮薑紅棗桂圓杞子水及冷薄荷鮮橙水，我就喝熱鮮薑紅棗桂圓杞子水，明目養神嘛。套餐方面我選了芝士白汁海鮮焗飯，因為超久沒吃過芝士白汁海鮮焗飯，故今天特別想吃。另外，我再加12元配是日餐湯及15元炸雞粒，豐富的午餐是我的風格。是日餐湯是洋蔥忌廉湯，奶白色的洋蔥忌廉湯入口順滑，湯裡頭有不少洋蔥絲增添湯的嚼感，淡淡的洋蔥鮮美在口腔飄逸。熱鮮薑紅棗桂圓杞子水淡雅清甜，溫潤舒喉，可不是馬馬虎虎茶包沖泡出來的，這用心值得一讚。芝士白汁海鮮焗飯滿滿蝦仁，魚柳，青口配料，用料十足，芝士焗得香噴噴，白汁毫不膩味，飯粒粒粒分明，弄得不賴。蝦肉彈牙，魚柳酥脆，唯青口處理有待改善，三顆青口有兩顆有沙。炸雞粒份量比我預期的少，只有三件，不過它有著意想不到的驚喜。炸雞粒完全不油膩，而且口味是非一般的口味，是土耳其菜那香料種風味，很特別呢。墊著炸雞粒的洋蔥酸香爽

經過幾次見到一間新開既西餐廳想試好耐，今日終於同朋友黎試下。我同朋友揀左ComboA 卡邦尼通粉同Combo D牛扒。卡邦尼意粉好彈牙，而且個窿可以掛汁好好食。牛扒方面店員建議5成熟，好食又好有牛味，係牛扒底既薯角略為唔夠脆，個set其他野都好好味。每個set都配唔同既前菜、小食、生果，感覺好豐富。而且食set餐可以有免費自助水吧，有3款飲品都好飲又唔會太甜，個人推介薑味杞子果款。總體而言，值得再食👍🏻👍🏻

呢日入到屯門，行左陣想食個飯中午度度都好多人，經過呢間餐廳就二話不說入左去喇！聽講係新開既，環境都幾舒服仲有自助水吧，可以任斟野飲！呢樣夠哂加分＃葡國雞飯呢個葡國雞飯Combo都只係$54黎到之後，排得靚一靚，有心思！雞肉唔會好鞋，配埋Ｄ醬汁好夾至於味道唔會好咸！推介！仲有個湯添！Overall 環境幾舒服，幾欣賞個飲品吧下次唔想同人迫既話，一定會再黎食！

每次經過都坐滿人，今日元宵佳節，竟然有位，便入去試試！Menu 大概有8款set, 我點了什扒及西班牙抄飯，飲品係自助的！先講什扒，有牛扒一片，半片雞扒，2片煙肉，味道一般la , 黑椒汁唔錯，但牛扒的質素就認真唔得，好多根，個沙律味道麻麻，不是平常的沙律醬味，所以沒乜點食！南瓜湯好飲既，但湯好希，不似自家制！西班牙抄飯就不過不失啦，但d蝦味道就唔多好（利申-我要介口，沒食蝦，只反映朋友的comment) 木瓜沙律就偏酸幾開胃 雞翼炸得好趣總結，份量夠1人，好飽的，但$178食咁的牛扒，個人覺得唔太抵食，所以未必再食呢個！

今日約左兩個住屯門既朋友睇戲食飯由於我話想剧下扒朋友就話不如試下呢間應該開左無兩個月既西餐廳佢地都係第一次黎，話經過見到平日夜晚都要排下隊，屯門我唔熟，可能附近同類選擇唔多啦…去到門口排第三張枱，好彩都好快入到去望見餐牌係有嚇親，不過當作同fd食開年飯食貴少少都ok既首先呢度有個自助水吧提供既野都幾得意有個檸檬柚子水紅棗桂圓杞子水西柚鮮橙水兩熱一凍供選擇由於自助，3款我都試曬3款都好清甜開胃對準備剧扒既我絕對比到驚喜我D餐牛扒，落單果陣，職員已主動話建議食5成熟上到枱，發覺比餐牌張圖仲大份左呢度既5成熟就真係5成熟加上食落又唔韌我覺得已經對得住個價錢C餐朋友唔食牛就揀左豬做主菜喺呢個世界要食好食既牛、雞、羊都好多地方食到但豬整得好食我覺得反而比較少呢度既豬都係好食我唔講乜乜肉汁彈牙之類既野總之性價比都係正評既，值呢個價錢既~A餐另外一位朋友就食左卡邦尼我痴左一舊黎食，又唔會話好驚喜可能呢度剧扒先係重點卦不過睇相會發覺3個配菜都唔同蝦我敏感無食不過薯蓉OK青口好夠味我好鍾意食南瓜，而我舊南瓜薯餅都係好好食另外佢既栗米都唔求其，係有另外落味去煮過，係加分既另外沙律原來有兩款今晚朋友個碟有舊

週末期間見到food combo有好多人等位，難得見到有空位就馬上去試食！新開的餐廳位置十分方便，裝潢簡約，環境舒適，待應服務態度好好，非常細心同有禮貌！我地點左三文魚扒同牛扒套餐，套餐的擺放好精緻，三文魚扒食落去肉質鮮嫩，牛扒亦好重牛味，而其他配菜都十分用心製作，小食都很香脆可口，不同款式的沙律和水果都令人感受到餐廳的一絲不苟！值得一提的是，免費的飲品有三款選擇，感覺好天然無添加！好值得下次再試！😍

快將踏入豬年，早些跟家人吃個團年飯，由於人不多，於是選了新開的西式餐廳試試。傍晚6時多到達餐廳，人不多，店員提醒用餐時間為90分鐘。晚餐定食有六款，價錢由$128至$188，包是日餐湯、沙律、前菜、小食，生果杯及自助飲品吧 (有三款飲品任飲)。每款套餐配的小食及沙律都不同，賣相非常吸引。跟薯菜的套餐可另加$6加配白飯。我們一行四人都點了不同的套餐，之後便試了自助飲品吧的三款飲品，大家都認為檸檬味那個味道最好。我點了煎三文魚配薯菜餐，小食是炸雞塊，前菜是紅菜頭沙律。是日餐湯是南瓜忌廉湯，香甜美味，份量適中。小食炸雞塊有三大件，皮脆肉嫩，還配了千島醬，非常惹味。三文魚煎得非常好，整塊皮都煎得香脆，連魚的兩邊都煎香了，肉質鮮嫩，不錯。伴碟的薯角亦毫不馬虎，熱辣辣而且調味適中。老公點的豬扒亦非常厚身，肉汁豐富。媽媽點的葡汁雞扒飯她非常滿意，雞扒份量足，加了椰子碎在上面令味道提升了不少。跟飯的醬汁亦多，她吃得津津有味。泰式魚餅小食辣味十足，她非常滿意！妹妹點的西班牙海鮮飯非常足料，我試了一口海鮮飯，非常入味。整體來說，套餐的份量非常足，賣相非常漂亮精緻！店員親切有禮，食物質素亦好，與價錢成正比，