Food Garden ETC (Closed)

✿╮❤╭✿✿雜感女生   好味日記✿˚*•✰。Food Garden ETC．輕鬆一下。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤話說好朋友發掘了D2 Place的新食點趁放假時間，和她去吃吃飯，吹吹水 這店子叫Food Garden ETC7時未到已座無虛席排隊的人開始陸續出現幸好她一早到了並點了好吃的pizza 松露醬什菌手工薄餅邊位香脆可口內容非常濃香芝味松露醬濃郁配上可口多汁的什菌非常美味 冬蔭公汁海鮮意粉微辣，鮮香，蝦子大大隻最引人是冬蔭公汁酸度與辣度適中惹味又開胃，是很好的配搭 意式泡沫咖啡(上)鮮奶泡沫咖啡(下) 泡泡很香濃，主要的味力在於咖啡豆香香氣十足，是有水準的豆咖啡豆 香蕉班戟配朱古力雪糕香軟又香甜，雪糕加香蕉是一種誘惑一個人都可以吃一整碟！ 焦糖燉蛋我喜歡敲它的感覺彷彿是一種回味的儀式脆甜香滑是法國的回憶 這裡座位舒適，又多年輕人來chill令我有回到大學時代的感覺Relaxxxxxxxxxxxxxxx 

又係星期六兩姊妹撐枱腳，今次揀左呢間西餐廳，都幾多人光顧，但𣎴用等太耐就可以入座。見到餐牌有一個松露芝士薄餅，又有松露薯條，即刻落order先，因為我好鍾意食松露哈哈，跟住另外見到一個比較新穎少少嘅意粉，叫做冬陰功汁意粉，超級好味，不過就比較辣，大致上整體好好味，松露芝士薄餅，好重松露同埋芝士，之間仲夾住啲蘑菇，滿足晒我對松露夾芝士嘅食慾之後松露薯條上菜，好多松露碎加上一條條的芝士，有別於出邊的松露薯條，因為出邊嘅松露薯條多數都係松露已經混左喺醬入邊，而呢個你就正正喺薯條上面都可以品嚐到松露的味道，十分有驚喜很不錯晚餐哈哈

有同事生日，我哋要揾地方又要趁食中午飯時搞搞新意思，零大家又不約而同想食牛扒咁一於去朋友推薦又近手我哋工作地點嘅荔枝角D2 Place-Food Garden ETC ，好彩一早訂咗位 因為實在太多人呀😁我哋點咗牛肩肉扒鐵板上，肉質勁嫩又多汁，配上沙律菜，酸酸地好開胃，餐廳還幫我哋在甜品碟上寫上祝賀說話，餐廳職員好貼心，還幫我哋影大合照，笑容可掬😁，下次再有朋友生日都要去呢度搞😍😍

今日去D2 Place行街，順便喺附近搵食！見到呢間餐廳好開陽，好似好chill咁，而且餐廳好似好受歡迎， 7:00已經坐滿八成人啦，一試吓好唔好食先🙈我哋兩個人叫左兩個主食加個小食，份量剛剛好👍🏻墨西哥玉米脆片：勁足料又大碟，鋪滿勁多蕃茄粒、橄欖粒、洋蔥碎同牛油果醬，配上脆卜卜嘅nachos, that’s so yummy😋😋😋肉醬意粉:有別於其他快餐嘅肉醬意粉🍝，呢款食得出新鮮，係即叫即做，肉醬調味適中，意粉又彈牙，好啱我口味😊最後叫咗香草檸檬法國黃油春雞：原隻雞上，肉質鮮嫩多汁，皮脆肉滑😳，我同朋友一人一半，呢個部位都食到，雞胸果邊估唔到最好味，呢個黃油春雞真係力推大家試吓呢🤩

星期五晚同男朋友一齊食晚餐，我地去左D2 Place搵野食，入左呢間環境幾舒適既餐廳。我地叫左冬蔭公汁海鮮意粉、牛肩肉同提拉米蘇。冬蔭公汁海鮮意粉都頗辣架，冬蔭公味幾出，同意粉幾夾，意粉質感好滑，味道好惹味。海鮮有帶子同蝦，好食。牛肩肉8oz食得到有牛味，而且肉質軟腍，一啲都唔鞋唔韌，伴碟有番茄同沙律菜。精選蛋糕有Tiramisu或者芝士蛋糕，我揀左前者。Tiramisu口感軟綿，甜度適中，唔錯。

今天跟朋友去D2 Place一起逛街，到了晚餐時候，就順便在這裡解決了，反正這裡也有很多餐廳可以選擇！這次就選了這間價錢不錯的來試試！冬蔭公汁海鮮意粉（１３８元）這個意粉比想像中的冬蔭公還要濃，而且辣度挺高的，非常適合重口味人士，那個就是我了！海鮮就給了大蝦和帶子，大蝦起經幫你去殼了，挺鮮甜彈牙的，帶子就挺嫩滑的，都挺好！夏威夷手工薄餅（１０８元）薄餅給的芝士很多。焗完以後芝香十足！配料有菠蘿和火腿，菠蘿非常多汁，配上蕃茄醬汁，吃起來酸甜可口！松露醬薯條（４８元）這個份量挺多的，松露醬也沒有少給，不過可能最後跟松露醬混合了，薯條有部分變軟了，但整個松露很香！水牛城雞翼（５８元）雞翼挺大的一隻，本身已經醃得非常入味，再經過油炸，再配上酸甜中帶點辣的醬汁，十分惹味！香蕉班戟配朱古力雪糕（４８元）今天餐廳沒有朱古力雪糕，所以轉成了雲呢嗱味，不過這樣更好，我更喜歡雲呢嗱味！雪糕香甜幼滑，配上了朱古力醬，又有香蕉班戟，吃起來味道豐富。焦糖燉蛋（５２元）這個吃起來有點像慕絲的感覺，蛋香十足，燉蛋上面的焦糖十分開脆，帶點微苦！

🔻 Food Garden ETC荔枝角長義街9號D2 Place一期3樓303-304號舖 ///🧃水牛城雞翼 $58如果小食有水牛城雞翼，小妹叫嘅機率有七成，因為貪佢酸酸辣辣非常開胃，雞翼更加係小妹至愛！不過好食嘅水牛城雞翼真係唔多，呢間就真係做得唔錯，酸辣味平衡得啱啱好，唔會話太濃烈太誇張，亦都唔會太多汁令到雞翼淋哂。/🧃松露醬什菌芝士手工薄餅 $108芝士、雜菌同埋松露，小妹都好鍾意，三樣嘅味道都各有特色，呢度嘅手工Pizza將三樣嘢融合得好好，松露醬唔會太搶，比較清淡，唔會遮到芝士味，雜菌嘅份量都好多，加埋脆卜卜嘅薄批，好好味/🧃原隻德國鹹豬手 $288好貼心，已經將鹹豬手切成一嚿嚿，而且好大隻，份量好充足。外皮炸得夠脆，入面肉嫩Juicy/////

上星期週末去荔枝角探朋友跟BB，順道行行d2 place內嘅商店，都幾多特色小店舖，行耐咗醫醫肚，朋友推介呢間西餐廳都不錯餐廳環境都寬敞，牆身好多花草圖案，仲有好多綠色植物，感覺一個小花園，好舒服喔薄荷青檸梳打好清新又足料，朋友檸蜜一樣夠香甜，唔會沖到好淡松露醬野菌忌廉汁長通粉，呢個通粉我好喜歡，通粉煮到軟硬適中通粉吸滿忌廉汁，好奶滑之餘仲滲出濃濃松露香，野菌份量正常安格斯西冷扒7成熟，煎到兩邊都焦香，入面仲好粉嫩㗎咬落都嫩腍帶點咬口，仲好多汁牛味都重

收工後同朋友去了D2 行街食飯，最後揀左呢間餐廳，俾佢個裝修吸引住，感覺氣氛幾好，而且枱與枱之間有一定距離，坐得幾舒服。我哋總共叫咗五樣嘢食。.松露醬什菌芝士手工薄餅未上枱已聞到一陣好濃的松露味，加上滿滿的什菌同芝士，睇到已經流晒口水，而且餅底整得很脆。.原隻德國鹹豬手估唔到呢間嘅鹹豬手甘出色，而且份量十足。外皮烤得香脆，而肉質都保留到嫩滑，伴碟還有酸菜同新鮮沙律菜可以解下油膩感，我同朋友都食到停唔到口。.磯燒: 虎蝦、南非六頭鮑磯燒是日本一種煮海鮮的方法，可以保持海鮮原汁原味。而且聽店員講海鮮重係每日新鮮購入，難怪甘惹味。南非六頭鮑魚肉質嫰滑，煮的過程可以保留住濃郁的鮑魚汁！另外，虎蝦肉厚彈牙，而且味道好清甜。.朱古力心太軟賣相幾靚，有d食用花做裝飾。切開時，朱古力緩緩地流出，味道香濃又不會太甜，質感十分軟滑。

早排同朋友嚟到荔枝角覓食，見到網上都幾多人推介呢間位於D2 Place嘅西餐廳，環境都幾舒服，牆邊帶有花草，同朋友嚟食晚餐，餐牌都有幾多選擇，今次都叫左幾款嚟試吓😆_🍆香酥翠華條及茄子條 $88本身係諗住叫佢哋嘅酥炸魷魚圈不過賣晒，估唔到呢個小食都有驚喜！平時好少見炸茄子，外皮酥脆內裏仍然好juicy，另外仲可以點埋千島醬一齊食，味道更加香口惹味💧_🍝冬陰功汁海蝦帶子意粉$138餐廳有提供多款意粉選擇，今次叫嘅呢款冬陰功意粉冬陰功味香濃，食落去都幾辣下，不過辣得嚟係好正，配埋海蝦同帶子層次感更加豐富_🍕夏威夷薄餅 $108薄餅係薄批，面層鋪滿芝士和菠蘿，食落去雖然邪惡但係好滿足_另外餐廳即將推出新品磯燒鮑魚，據餐廳店員所講佢哋係每日新鮮取貨，食落去夠晒彈牙，海蝦多膏亦夠鮮甜，值得一試_🍫朱古力心太軟 $68食到最後就梗係要叫返個甜品嚟試吓啦，朱古力心太軟都有少少流心嘅效果，朱古力味香濃不會太甜，另外我哋都叫咗凍檸茶同可樂，留意番晚餐飲品係需要另外嗌㗎😊下次有機會再同朋友嚟試吓其他菜式

呢星期D2Place有手作市集，行完街搵餐廳食野，記得呢度有間西餐非常唔錯，黎到既時候已經排晒長龍，要等位大約半小時，拎左張飛行一陣再返黎就有位。.兩個人食飯都係叫兩個main+一個小食咁，Staff推介我地叫手工Pizza😋另外見到好多人食雞翼又叫左。.▪️水牛城雞翼 $58水牛地雞翼好多人話好易整，但要整到好食我覺得好難，所以成日出去食飯都會點呢個菜式，雞翼既精華在於個RedHot Sauce, 呢間用既醬料都唔錯，夠晒辣之餘都唔會蓋過個味。有點可惜既係伴碟既醬料只是千島醬，而唔係藍芝士醬。.▪️夏威夷手工薄餅 $108手工Pizza果然唔錯，皮夠薄脆，芝士夠多，仲可以做到拉絲效果，配料尚算配搭得幾夾，呢個價錢抵食👍🏻.▪️安格斯西冷 8oz $288最期待既主菜，安格斯西冷、厚度目測有近一寸厚，西冷叫咗五成熟拿捏得恰當好處，外皮輕輕煎過，內裏軟熟夠淋身，估唔到呢間西餐廳都煮得咁出色🥰.雖然好少黎荔枝角，但如果黎開呢頭，真心推薦呢間西餐，中平價幾抵食又高質。

加完班放咗工同啲同事近近地喺公司附近商場搵間環境寬敞又坐得舒服嘅餐廳食埋晚飯先番屋企墨西哥玉米脆片玉米脆片同埋半融芝士呢個配搭夠哂邪惡加上蕃茄莎莎同酸忌廉以及牛油果醬整體嚟講清爽醒胃夏威夷手工薄餅夏威夷薄餅大量火腿加上芝士拉絲配埋啲菠蘿酸酸甜甜可以減輕油膩感覺而且手工薄餅批底都勁鬆脆卡邦尼意粉豬腩肉粒鹹香而且溫泉蛋漿流心配搭忌廉順滑加埋芝士醬汁香濃同時意粉軟硬適中有啲彈性唔錯牛肉漢堡配芝士、煙肉、薯條手打牛肉漢堡肉厚多汁而且牛味勁濃經典配搭煙肉同埋芝士呢個組合實無得輸薯條算幾粗切而且份量頗多加上色澤金黃又夠熱辣香脆好正

是日黎到荔枝角，平常都在工廈搵食，今日咁啱同朋友在D2買野，順便就食個晏。黎左呢間Food Garden，見不停有食客進進出出，好有人氣咁喎，加上枱幾濶好有空間感，就食佢啦。店員好快就送上餐牌，落餐後便送上餐具，仲有枱上的搓手液可用。午餐送沙律或餐湯，揀左要沙律，是藜麥菜沙律配上黑醋，酸酸的很開胃。點了呢份美國牛肉漢堡配芝士、煙肉、薯條，賣相很不錯嘛。漢堡很多餡大大個煙肉香口，加上半瀜芝士，生菜，蕃茄，生洋蔥同酸青瓜，口感豐富有層次。當然唔少得主角漢堡扒，勁多肉汁㗎～薯條是新鮮炸起熱辣辣，粗條薯味十足。飲品加配了凍咖啡，都幾大杯呢。個人覺得奶可以加多少少，無叫少甜但都只係微甜，呢個就幾啱口味。真係幾好味，有誠意的漢堡包。

同朋友去完受年輕人愛戴的D2 Place行街，就係果到覓食🌠松露醬薯條 $48🌠薯條外脆內軟，份量都相當多，薯條表面痴滿芝士及松露🌅水牛城雞翼 $58🌅水牛城雞翼微辣帶酸，相當開胃的小食，配千島沙律醬味道又幾特別🌄煎銀鱈魚柳配海鹽焗雜椒 $268🌄外皮煎至金黃色，非常脆，而魚肉嫩肉，少許鹽就能帶出其鮮味，魚油香充斥口腔內👍🏻焗雜椒有本身的椒甜味，幾好食🌅山楂洛神花茶 $68🌅解膩微酸，醒胃得嚟又解喝，健康之選總括而言，呢到嘅環境相當Chill，而且地方寬敞舒適，岩哂成班人聚

偶爾便會與友人逛逛荔枝角商場，少少商場，餐廳寥寥可數，卻間間都有興趣，走進餐廳主要樓層的小巷中，被那既開陽又載有大自然氣息的餐廳吸引著，這刻便決定了晚餐處餐廳主要以實油漆木、草綠及黑色為主，沉實的穩重感之中帶點戶外氣息，果然餐廳如其名，感覺有如在城市中的小花園內用膳般被安排坐在草叢旁，雖然只是裝飾品草堆，但頓是感覺舒適自在，枱上還放有小瓶消毒酒精，噴灑雙手及用具都特別安心晚市屬單點餸菜，沒有套餐供應，而餐牌簡約只有二面，款式種類不多但尚算齊全，有小食、薄餅、意粉、豬牛雞魚類及甜品，內裡除了涵蓋一貫西式菜式外，也有特別款式雞翼控的我必點雞翼試試，剛呈上時雞翼還霧著煙，沾滿橙色水牛城醬仍帶微脆，味道鹹酸確惹味，而標誌性辣味竟不是混於橙醬中，而是混合於旁邊的千島醬當中，可以選擇辣或不辣的水牛城雞翼，也是頗窩心的小細節外表與顏色雖然不太討好，但味道卻與冬陰公湯機乎無異，該酸鹹辣更比湯香濃惹味，辣度屬中小辣，不能吃太辣的友人也能接受，而意粉油份頗豐富，入口非常順滑。內裡還有大蝦、泰國圓茄及帶子各2件，各食材也新鮮無雪藏味，烹調時間亦拿捏的不錯，大蝦肉質爽脆，帶子外燒香內軟嫩，茄子亦保留到爽口質感