研食社

Open Now

Now Closed

今天決定到南區新商場the southside 登高，這個商場是由港鐵營運，少不免就多了一些連鎖店，想不到Food lab是大快活的新品牌，整體感覺不錯！筆者覺得這裡的食物還可以，我們在自助機下單，很快便可以取食物，不知道是不是下午茶水尾，雪菜肉絲米粉的份量適合兩口子來吃，麻油味就多一點，但感覺很小清新，跟外面的大快活很不同！另外是芝士雞排包，擺盤不錯，雞扒配合芝士和沙律醬，外面的大快活也是吃不到的，整體感覺出奇地很好，下午茶額外配送了一杯熱奶茶，茶味很濃，又夠熱！這個Food lab莫非真的是一個實驗所，反應好再在全港推出⋯？題外話，店鋪有推出外賣9折優惠，既可以節省時間，又可以節省金錢！🍽餐廳名稱：研食社🕘營業時間： 07:00-21:30📍餐廳地址： 黃竹坑香葉道11號THE SOUTHSIDE地下G18號舖 🚉交通： 南港島線黃竹坑站B出口📞電話：28564045

晚飯時間搵嘢食行過呢間food Lab見佢冇乜人走入去試吓真係有啲後悔呢間嘢根本就係貴價大快X有啲趕時間，所以叫咗個肉醬意粉加杯凍鴛鴦見佢可以QR code點餐，諗住試吓搞咗我10分鐘都未落到個餐入去個網頁好多圖要load去到俾錢嗰頁又有問題嘥晒我啲時間結果去咗自助機嗰度落單呢間嘢真係哩X晒譜我杯嘢飲冇攪勻就咁俾我有冇搞棒，要我用手指搞攪意粉冇咩特別就係細細份，食完都唔夠飽啲意粉淥到淋酒，一啲口感都冇上邊再淋啲罐頭肉醬真係慳水慳力整成咁夠膽收人$55

一間貴又吾好食快餐店今日去黃竹坑South side 行新商場，間間都排隊或者貴，行過哩間價錢OK又幾乾淨，座位幾寬敞，咪試下嘍。基本可以話一間大XX或者CANTXXX差不多的快餐店,價錢比CANTXXX貴，選擇差不多。本來用Apps 點餐，可惜只接受信用卡，曬氣。叫左兩個餐鹵水鴨胸配燒腩仔紅米飯($69)1分— 睇個樣都覺得鹵水鴨同燒腩仔好乾，食落口真系吾掂— 鹵水得個甜字，毫無鹵水味，鴨超鞋— 燒腩仔塊皮又厚又硬，根本食吾到，肉超鞋無味，差過去朗X食$18飯盒10倍。— 餐用APPS落單要紅米，最後無貨改油飯。—唯一個湯系合格。香煎鴛鴦趴($56)1分—同大家X比較，超細塊又薄到離譜，攞餐時以為比少一塊— 雞同豬趴無肉味。— 鮮茄汁系凍咖！離譜灼菜($16)2分—分量真系少，

好耐冇食過咁好惹味嘅义腩飯 🍚 ，又燶邊，又肥瘦適中，蜜汁燒得勁好好味！ 好彩仲叫咗多汁，用哂嚟撈飯😅！有驚喜😋，一定會再返去食！ 價錢適中，外賣仲有9折👍🏻

路過southside 又肚餓。呢個商場真係無乜食物選擇。見到呢間foodlab 就試下。都知佢係大快活期下。所以無乜期望。見佢餐牌唯一特別係個西班牙叉燒就食燒味飯啦！叫左個雙拼燒味飯，叉雞飯。黎到見到個叉雞飯d 叉燒個樣好靚。所以食左雞先。點知竟然好好食。d 雞超滑，喜出望外。再試叉燒。反而平平無奇！可能我叫左個西班牙叉燒比較瘦。佢應該比普通大快活貴d 。但都唔錯！其他食物我見到普通大快活差唔多。不用來吃啦！

由落單已經開始有問題千祈唔好用枱面個QR Code去到畀錢個頁冇反應個網頁要load好多嘢、反應又慢，嘥哂我啲時間結果我去咗自助機買餐難食炸魚唔脆，炸到干哂包無烘過、唔熱，牛油搽上去完全冇熔餐肉凍冰冰奶茶無攪好畀我，又無攪捧茶記都不如😡結論唔會再去

上午過開嚟黃竹坑，要找地方食lunch, 然後搭地鐵離開這區,近地鐵站又不是工業大廈的話, 幫襯過了Pizza Express 和 Zero 等好幾次了,諗住試下其他餐廳, 發現近地鐵站有個新商場'The Southside'。由地面走進 'The Southside 是LG層, 其實仍有很多商鋪未開,食肆主要集中在地面對上一層G/F, 在G/F 走了圈, 發現可以坐下的食肆有只,瓊芳冰廳 (太興旗下的) , 有名堂(飲茶的), 麥當勞, Queen's Café, Food Lab最後揀了Food Lab, 因為未聽過也未去過這店, 而且這店比較多人入座,入去點餐發現某些餐盤似曾相識, 原來這店是大快活旗下的,所以如果最近曾去過大快活點餐的話, 會有似曾相識的感覺。我們點了:- 清邁咖喱雞扒湯麵 ($60) 加 $5 有紅豆冰- 蜜汁叉燒飯 ($68) 配 例湯湯麵的麵是油麵, 湯像咖喱汁一像杰身配有少許芽菜和酸菜紅豆冰的紅豆有些硬叉燒不錯, 肥瘦適中, 這裏點燒味是穏陣的食物夠熱。總括來說, 食物對得起這個價, 地點方便, 乾淨企理, 價錢相宜, 點餐聚餐的流程快, 還甚麼期望甚麼

朋自遠方說口痕。英語說到脷抽筋。聚一聚。呻一呻。由大快活說起。勁認真。研究復研究。人肉落單最穩陣。同學擬用二維碼。搞來搞去我是IT非常人。買個飯要留電話。一根筋。心更狠。惟有排隊去搵靚收銀。夜色涼如水。七點開始睏。晚市第一輪。叉燒炒蛋過日辰。米飯半碗。份量令人甚愁困。幾片叉燒瘦過籠。難道是海錯山珍？炒蛋外表勝內在。味道永恆。奶茶好。茶記基本功。六十五元一個餐。吃飽部份神。唔使忍，誠意建議你。廁所要幫襯。有驚喜。吹風dyson。勁風呼呼吹。有質感。好友吃雜排。份量啱男生。忘記海南雞。誓做香港人。伴菜一言難盡。主力明顯抽筋。服務態度極誠懇。收碗收盤。擦枱擦凳。最後提你枱面細。食具難免有時震。將將就就。正正常常。研究結果-經過不妨食。

岩岩開幕嘅時候食左一次 當時外賣拎到番去先發現有粒螺絲喺啲菜入面 估唔到今次會有小動物🤮🤮 雖然佢環境睇落正正常常 但估唔到會發生啲咁嘅事 第一次寫評價 真係要比差評 唔會再食呢間啲嘢 真係好差

話說試吓呢間新開係southside mall 入面嘅food lab 研食社外賣自取個 「日式咖喱吉列魚柳飯」番到公司發現，原來汁同飯係分開上見佢$61 蚊嚟講，有飯又有野飲包，都可以啦，而且塊吉列魚柳都幾大塊下，又炸得幾靚，班少唔會成pat炸粉，本來就好開心嘅，點知加埋個汁就出事！個汁係另上，用平時細嘅膠碗裝住，得五分一兜，我有一刻猶豫，係湯定汁，湯冇理由得幾啖咁少，而且個飯乾爭爭的，咁唔使試啦，一定係汁D 汁成碗倒哂落個飯度已經feel唔夠Omg …. 個汁原來仲要唔係咖哩汁 🥺🥺🥺🥺 係唔知甘筍定係南瓜湯嘅物體 🥲🥲🥲 你諗唔諗到，南瓜湯吉列魚柳飯係咩味？我就試咗人生第一次 其實 ⋯⋯ 新開張都唔應該錯得咁離開 ⋯⋯ 希望有待改善🥲

地鐵站概念，令昔日工廠區黃竹坑，也開始出現上蓋豪宅商場，連鎖快餐店自然也要改英文名以提升級數。點了西多士，紅豆冰，味道與旗下快餐店其實一模一樣，只是價錢當然不同而已。

$68一個义燒飯，好貴。只不過是一間快餐店，人好多，取餐混亂，服務差。取外賣時d店員仲喝客人。人多顧客又倒舍嘢。寧願到地鐵站唐記。有得揀都唔會再幫襯佢，平時出面屋邨嘅大快活d服務都好過，佢係我見過最衰的一間。