大食代 (恆豐中心)

Open Now

Now Closed

雞好滑，真係比外面有d鋪頭好食好多呀！👍🏻 而且雞嘅份量都唔少 👍🏻滷豆腐，好入味，但唔會好鹹 👍🏻湯就正常整體嚟講好滿意，無論係雞、飯、豆腐，份量都唔少，以呢一個價錢嚟講，我覺得幾抵食，而且味道都幾好，會再次光顧 😊

📍大食代 (恆豐中心) (佐敦)佐敦彌敦道216-228號恆豐中心低層3B號舖我同朋友都諗唔到食乜…search附近餐飯 見到大食代反正未食過 就嚟試試Food court嘅好處係同行朋友可各自揀選自己想食嘅菜式 👍🏽✨牛肩胛肉喇沙一般食喇沙會使用米粉/河粉 呢度就用米粉…喇吵湯頭酸香 微辣帶香茅清香 每啖都開胃惹味👍🏽除牛肩 仲有蛋同豆卜 牛肩胛肉柔嫩多汁下次再嚟食過🤤整體用餐體驗✨味道(4/5)✨環境(3/5)✨服務(3/5)
✨抵食(4/5)

有趣嘅同事🙍🏻‍♂️絕對係快樂嘅泉源🎊-午餐點咗呢個漢堡包餐，捧咗返嚟坐低之後，同事見到就不停喺度質疑💬🙍🏻‍♂️：「咁大個包點食呀？！」🙍🏻‍♂️：「咁大個包點食呀？！」🙍🏻‍♂️：「咁大個包點食呀？！」2 MINS LATER…… 就係咁足足講咗兩分鐘😂-我都廢事理佢食咗先講🍴呢個🍍夏威夷煙肉牛肉漢堡🍔絕對係誠意之作，目測有6吋高，喺Food Court食到咁高質嘅西餐實在無得輸，塊牛肉好爆汁，煙肉🥓同焦香菠蘿好夾，番茄🍅係勁厚切，生菜🥬新鮮爽脆，連麵包都好好味😋 配埋薯條🍟大滿足！-BTW 有人建議爬梯🪜食 (笑死朕)

睇到大食代網頁話開左間新舖原來麻辣個位轉左西餐一於試番個全日早餐平時去cafe食要過百蚊依個就七十蚊都算抵食甘當然無cafe個d甘豐富（無三文魚）除左主食之外重有甜品提供下次再黎既話諗住試下個漢堡包暫時睇佢個餐牌有十幾款單點食品希望遲下會出套餐甘就可以再吸引d

恆豐中心的大食代很方便，位於佐敦地鐵站隔離，大食代有唔少選擇，我揀咗金裝茶館品嘗下午茶，叫左蝦餃和燒賣，因為即叫即蒸，店員提醒要等15-20分鐘，食物質素不錯。

都係見Openrice 有折先簡黎試下😋咁啱佢又一次過有咁多款唔同菜式簡，加上有叻沙，所以同同事一起夾單。準餐時間都快，堂食地方都闊落，冷氣夠涼🤣我自己叫咗叻沙，味道正常，但份量唔算太多，都還好啦。我有同事叫咗個車仔面，佢評價就真係好麻麻，清湯底冇咩味， 唔會再叫咁話

趁住支付寶有大食代coupon, 中午免卻咗選擇的煩惱，二話不說，去咗food court 覓食，上年9月出過篇石鍋飯食評，今次就試吓新嘢：韓式牛肉粉絲#韓式粉絲的特色，透明不規則條狀，少少似蕃薯粉，較腍身，望落有油光，但油而不膩，非常ok, 牛肉口感係吉野家厚身版，接受到。伴以洋蔥絲，味道合符合預期，唔會太鹹，整體不俗。海帶湯係韓式料理的必配之選，偏鹹，高鈉，應該另外落咗胡椒粉，微辣好飲，不過最好不要喝光。

因為午餐想多菜少肉，於是就選擇左韓國屋呢款雜錦牛肉健康飯，有菠菜紅蘿蔔泡菜等蔬菜，仲有碗紫菜湯睇落賣相不錯。可惜入口就知有伏，蛋太熟又唔熱，白飯都係唔熱，菠菜好老，整體黎講$50蚊呢個價錢唔太值，試過就算了。

今日同朋友相約在大食代，地點連接佐敦地鐵站E出口，超級方便。地方環境乾淨，食飯時間1點人流唔算多，容易揾位，同friend兩個人坐得夠舒服。講完環境講食物，見咁耐冇食韓餐，就叫咗其中一間韓式餐廳嘅拌飯，雜錦牛肉健康飯，主角牛肉略嫌有少少乾，口感鞋咗啲，味道尚可；配角有菠菜、荳芽、紅蘿蔔絲、紫菜，賣相顏色吸引，味道清淡，相信沒有另外調味。大大一碗，份量很足，一個普通胃口女仔可能要揾人share先食得晒！

Food court 咁多間鋪頭 🥢🥢🥢最吸引我嘅係地道美食既車仔麵 🍜🍜🍜因為真係好耐冇食過😭😭😭間野個staff好好人 我話想要豬皮但佢話得返2塊 應該唔夠 佢就話可以送埋比我 仲要好有禮貌 令到我對呢間野印象幾好👍🏻👍🏻👍🏻最後我叫咗三餸加一杯凍豆漿🥛🥛🥛都係46蚊 就食到飽肚既晚餐🥰🥰🥰

牛腩和魚腐標準水準內，米粉夠爽，生菜🥬夠fresh，為不錯選擇，嗌過杯凍檸茶，野飲一般。不過呢個價錢真係無乜complaint。推薦生菜和牛腩。阿姐好殷勤問食咩餸，見慣大排檔服務質素而家咁nice有少少唔慣

大食代(佐敦) 味千拉麵 有很抵食的下午茶行到攰攰地，找個地方坐下。佐敦的大食代 Food Republic 是個好地方，地方很大，速食的選擇也多。我今日想食日式拉麵，那兒有味千拉麵，下午茶時段日式秘製炸雞拉麵很不錯啊，只售$38，另外$8 加了一個奶茶。炸雞是熱辣辣的，雞肉鮮嫩、炸醬薄薄的都幾好味，碗麵一啲都唔少， 當然還有木耳絲和椰菜等等。這個下午茶 真是經濟實惠，吃到飽飽的連晚餐也省回。

係佐敦，都係好少平價lunch。依間food court，就有$42/2餸飯。味千拉麵都係4字頭。味道又唔錯，糧尾醫肚之選。除左$42/2餸飯+湯，仲有$47/3餸+湯。

好中意食上海美食，對小籠包更是鍾情，但係香港真係好難搵到性價比高的小籠包😭如果大家有食過邊到好食都可以推介下😍😍💡最近竟然比我發現左有間平靚正既小籠包開左係佐敦新開Food Republic到🤤 金陵湯包小廚 .💰$30/ 4粒 皮薄多汁，食完一籠有d唔夠喉😂可惜有粒唔小心比我拮穿左😢 見住大量的湯汁流走真係想😭(後話：某🐷比埋佢果粒我食☺️)🔵佐敦Food Republic- 地址： 佐敦彌敦道216-228號恆豐中心低層3B

因為上個月得知,在佐敦恆豐中心開左新FOOD COUNT，地方大左，食物都有平有貴，所以就有日平日去左佐敦恆豐中心的FOOD PUBLIC，地方大左，環境給人感覺好開揚，入到去真的好多選擇，因為見到有胡椒廚房(PEPPER LUNCH)，見到好耐無食的鐵板胡椒牛肉飯，在遠處見到SASA聲的鐵板胡椒牛肉飯，就決定左食胡椒廚房(PEPPER LUNCH)，一去到，坐位好大好闊落，在胡椒廚房(PEPPER LUNCH)點左鐵板胡椒牛肉飯，上到菜時，SASA的聲音真的好吸引我去立刻食~~等待牛肉熟左，食下時，鐵板胡椒牛肉飯的香氣真的好強勁~可惜比起以前，牛肉的份量真的少左D，同埋飯都是剛剛好~~不過以50蚊來說，都是咁上下，幸好仲有飯的粟米加埋真的好好食~~(我食完先知,原來可以FREE加飯)熱熱的鐵板加埋胡椒牛肉飯，有時給自己一點享受都是OK的，仲可以加4蚊會有芝士，不過因為當日唔太想食咁OVER，見到同事的鐵板胡椒牛肉飯加芝士，芝士加飯拉個下，真的一個眼睛的享受~~下次有機會再來食，真的要加埋芝士先，整體來說，鐵板胡椒牛肉飯都可以KEEP到以前食的水準，只是如果份量再多返DD就會好完美~~