必食站

Open Now

Now Closed

黃大仙(竹園街市),買(炸雞軟骨)份量超少,價錢$20元炸出份量特別超細,一半份量到都冇,超搵笨,佢唔洗以後,我唔會再幫襯(竹園街市)必食站所有食品!

今日同三個朋友去黃大仙玩，其中一個住黃大仙既朋友帶左我地黎必食站食野，朋友轉左新老闆幾好。一去到已經見到有幾個客人落緊單，好熱鬧。見到餐牌滿滿既餸菜款式，已經努吸引好想試，而且價錢都超親民，老闆娘好nice，好親切幫我哋落單。我哋叫左腸粉三寶（有腸粉、魚蛋、燒賣），生菜魚肉，撈麵，炸雞塊，炸花支丸，炸雞軟骨，碗仔翅，雞肉腸仔，粢飯。全部都真係好好食，最驚喜係生菜魚肉，因為平時我係唔食魚肉，我覺得好腥同有碎骨，但呢度既魚肉一啲魚腥味都無同埋無碎骨，對我係一流🤩另外燒賣都好好食，唔會咬落去一舊粉/好軟，係彈牙同埋有魚肉味，好食😋碗仔翅超級足料好正😎雞扒同雞軟骨都唔錯，原來係老闆自己醃，不過食多幾舊就有啲咸，有同老闆反映左，如果食開濃味既朋友會覺得好野味。而且價錢真係超親民，性價比高，我哋四個女仔食咁多都係$170，而且係食到超飽。下次會到黎食其他野！仲想試車仔麵同雲吞🤩

下午茶想食D經典小食返屋企就揀左呢間，佢D腸粉皮薄夠滑，而且醬汁夠多，所以全家都鍾意食，燒賣就有D實的的，感覺上成舊面粉咁，不過勝在價錢平，以街邊小食黎講可以接受。

時不時都會去幫親必食站既腸粉平時叫開咩醬都落但因個人喜好會有d多有d少我呢個係多花生醬 多芝麻 少甜醬 少辣醬多種口味口感既腸粉 係香港地既地道美食！$8/4條 必食站隔離就有d位坐低食野 環境尚算ok 店面裝潢整齊仲有不可少得既燒賣都會幫親 $6/6粒車仔麵既價格都合理 $2x/3餸汁同餸都算多選擇學生哥時代不可少既選擇

街市裝修無住家飯食，懶懶地去必食站買碗車仔麵當晚餐。揀好了麵底，淥麵個哥哥仔唔小心將個外賣碗跌左落地，佢好順手咁執起個碗，直接放入淥好嘅麵底，若無其事咁問我要咩餸，我當堂嚇到呆左，咩跌左落地嘅器皿，洗都唔洗就比個客繼續食？！我當然唔接受啦，起初佢都唔肯換，堅持話個碗底掂到地下啫，彊持左一陣，佢唯有換個新碗同淥過第二個麵比我，但直至我離開小食店前，跌過落地嘅果碗麵，依然放喺枱面同乾淨的碗一齊放，會否重用就唔知啦🤦🏻‍♂️。其實真心覺得必食站d車仔麵，無論湯底同餸好食過隔離小食店嘅，而且三餸麵都只係$28，但衞生程度真係有待改進！

今日唔記得帶銀包,但係電話套入面仲有一張50蚊,諗住落去地下嗰層買腸粉同椒鹽燒賣, 一開始我就買咗腸粉跟住買完之後佢去隔離必食站嘅枱食,就嚟食完嗰陣時就畀人趕走咗仲要比人用個不屑嘅樣望.食完唱分就喺必食站買咗十八蚊廿粒嘅燒賣, 啲燒賣一食落去竟然係硬過石頭😭😭😭