Foodeli (形點 I)

Open Now

Now Closed

今日食評✍🏻三多&bove @food deli/yoho mall 試食指數⭐⭐⭐店舖衛生⭐⭐侍應態度⭐⭐⭐((每項5⭐️為滿分)) ·Food deli係小食必選之地我哋已經食過午餐不過目前的我🤰🏻一個餐係唔夠·Food deli的三多最鍾意食佢哋嘅滷水雞髀今日薯條換上一口西多口感味道好好·不過以茶餐嚟計53係幾貴·老公陪食Bove 由早期只賣雞蛋仔格仔餅🧇到目前乜都有食物水準平庸咗意粉夠熱不過白汁蘑菇冇味個mushroom湯不如換杯汽水🥤好過·無論大鋪小店我哋都會盡試盡講Follow我哋bw.foodie

Throwback 食評✍🏻三多炸雞🍗@yoho mall試食指數⭐⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·豉油雞髀要等15分鐘左右但我好想食所以趕時間都照等如果等待時間可以縮短啲就好啦·收銀姐姐好nice我想紅豆冰多豆佢話免費多俾我可惜唔夠醒目忘記咗問我哋係咪住戶有九折？Grand yoho住戶享有九折優惠·食物味道就麻麻哋啦豉油雞髀味精太重食完好口渴薯條勁油紅豆冰真係多紅豆但係啲紅豆好唔好味·無論大鋪小店我哋都會盡試盡講Follow我哋bw.foodie

三多係元朗形點廣場裏面嘅food court其中一間店舖，未試過佢啲野食今次就嚟試下佢。家庭二人餐 $118 + $25讚雞脾又大又酥脆，保留雞肉的鮮美肉汁，雞肉都夠嫩，調味都唔錯，好出色既炸雞髀。炸雞粒反而遜色少少，雖然都唔錯，但係較為乾身，調味就咁喺炸雞面上淋上相關醬汁。加25蚊配左個香辣肉碎炒腸粉，佢個辣度真係好辣，雖然味道整體唔錯，不過份量真係少，25蚊黎講唔係咁抵。薯條就一般薯條冇咩特別。整體嚟講味道其實全部都幾出色嘅，唯獨係覺得價錢偏貴咗，性價比唔算太高，應該都會少叫呢間零食。

呢一度嘅food court嘅質素比其他food court嘅質素真係高幾班，有好多出名既餐廳都係到集合一齊，唔使再四圍撲黎撲去咁買野食，一次過買想食既野坐低慢慢享受。仲有花甲年華都係到所以就試佢既花甲粉

今日去到元朗型點，緊係要試下foodeli，呢個係一個food court，入面有好多間食店俾大家選擇，西式既漢堡又有，日式麵條又有，中式花甲煲又有… 最後我選擇左港式燒味煲仔飯。首先呢個煲仔飯真係好足料，有4寶：包括油雞，燒肉，叉燒，咸蛋，油雞都唔算咁「鞋」口而且都好入豉油味，叉燒肥瘦適中放入口好食得黎又唔油口，燒肉仲有脆皮口感唔會話層皮已經淋哂，咸蛋就普通料啦。最好既佢仲有一碗紫菜豆腐湯，而且唔重味精味。

有時 行的太累總想坐一會Food Court 就是一個好地方坐下 總不能白坐當然要買一些小食買了入門第一間店的夾餅等了大約10 mins(小店真的很好生意）夾餅就到手了熱辣辣塗滿花生醬煉奶牛油的夾餅美味又吸引

當天不太餓所以去形點食food eil，其實想食壽司就選擇左日魚這間店。我食開火灸左口魚噹飯，老婆就叫左兩份壽司分別係火灸三文魚同火灸油甘魚壽司。呢兩份壽司估唔到咁好食，飯夠軟熟唶味足另外火灸左口魚邊噹飯都仲keep 到好好食。foodcourt 都有好質素，最後order 埋伯爵茶雞蛋仔做甜品作結。

Yoho mall food court 真係已經食過唔少次。相信嚟過呢一度食嘢嘅人都會好清楚一點，就係呢一度嘅food court嘅質素比其他food court嘅質素真係高幾班。花甲年華嘅花甲粉，真係要試一試，試過一次你一定會再試。分分鐘第二道你都食唔到。過江龍梁慶記，真係試過一次連續第二日都係食佢。記得喺其中一日我都有去過第二個food court食其他嘅炒飯真係完全兩回事。其實呢個food court裏面都仲有好多其他好嘢食，只係依兩間我每一次去到都會好想食或者連續幾日都係食呢兩間，相信食過嘅朋友都會明我點解會咁講。有機會去到Yoho mall記得唔好淨係諗住食餐廳，可以考慮吓去呢度food court試吓。

難得晚市堂食開返，我同我朋友唔想食咁飽又諗唔到食咩，所以就提議黎呢度 因為都比較多選擇同埋有小食類嘅餐廳😆我地係阪神度叫左兩樣食物😋係兩個人share都夠晒飽肚嘅呢個係大阪章魚燒🐙 $48首先係即整所以都夠熱🔥，然後份量都算多，因為夠厚🫓。醬汁係個靈魂，佢嘅醬汁都夠晒多，唔會食食下有一忽冇味😌呢個係蜜糖芥末薯條🍯🍟 $35醬料同薯條份量多，而且加埋沙律醬更加好味，薯條唔會太脆太淋，同埋算係比一般薯條稍微粗少少嘅！呢個係肉桂蘋果格仔餅🍎🧇$32先講出面個餅🧇，一開始望落以為佢係脆嘅，點知食落係軟淋淋，都少煙韌嘅口感🤏🏻而且餅皮都厚身。到個餡🍎啦，係似麥記蘋果批嘅味，不過就比較甜左d，個醬同蘋果都好多，不過個人覺得呢個配搭少少唔夾，可能因為個餡太甜🙈

☀️牛肉拉麵賣相來講其實係唔錯嘅，但係會覺得都真係喺Food Court嘅味道，冇實際喺舖頭食咁好食味道都係一般。 咁就叫咗豬骨湯底， 湯底嚟講都算OK， 味道都算係濃郁嘅～ 但如果下次去食嘅話就會去返舖頭食啦～😂😂

環境不錯 有落地玻璃 如果坐窗口位個feel都幾好Food court 既好處係可以一次過食5同野🤣🤣駐場餐廳多元化 都係比較熟識既e.g.阪神、school food、泰萊廚房…等候時間不算耐10-15分鐘左右就已經足夠拎到手上 好似壽司🍣這些一落單就已經有韓式烤肉紫菜包飯$28壽司🍣算可以啦 但有點乾 見仁見智😈😹韓式炒粉$58韓食粉絲應該係即炒 但好多油 粉又黐埋一齊 但味道還可以 用鐵獲碟裝都有餐廳食既feel 😹雜菜豚肉飯$52雜菜豚肉飯 色香就有啦 但味道偏淡 要自己加豉油先夠味我都係覺得去番該餐廳食會好d😂

點左個最愛的薯條，加左最愛既蜜糖芥末，但個人不太喜歡沙律醬+煙肉碎，建議店員可以同客人講聲，因為整左出黎先叫走醬又唔係幾好意思，不過食落都唔錯，因為係新鮮即炸，當日揀左室外位置，可以慢慢吹涼d薯條，雖然冇乜景觀，但勝在下午時間唔會曬住，又夠開楊，係悠閒小資下午茶唔錯既選擇。

黎到food court，實在太多選擇，花多眼亂🤣🤣🤣最後我哋決定食韓國菜😆School Food芝士辣炒年糕配拉麵+魚糕串+炸紫菜卷$67年糕煙韌，韓國麵記得趁熱呀😊唔係浸腍咗口感無咁好架！魚糕串都好彈牙鮮味，配埋韓式辣醬，正😄炸紫菜卷酥脆香口。韓式炒粉絲+紫菜包飯$70炒粉絲配料有蛋、紅蘿蔔絲、洋蔥等，香口爽甜。粉絲質地爽滑彈牙，醬汁惹味。呢個係我最愛之一🥰紫菜包飯餡料係午餐肉，味道都ok。

YOHO MALL 有個Food Court 入面有好多國家嘅菜式 例如韓國 日式 港式 等等最後我哋決定食花甲粉鳳爪作為前菜 十分開胃酸菜魚花甲粉一打開錫紙已經有香辣既味道食落口又辣又酸 調味不錯魚既份量非常多 又大舊入口嫩滑有鮮味卜卜蜆 非常入味仲有好多酸菜添 正豬肚花甲粉呢個係麻辣湯底 配卜卜蜆同豬肚湯底香香辣辣 配粉絲 粉絲吸收晒湯底嘅精華仲有金菇 非常入味豬肚相當有咬口 唔會煮得太過火個人比較鍾意麻辣湯底 湯面有辣油增加更多風味

FOODELI 真係有好多唔同國家既野食環境寬躺 仲可以坐戶外 好適合聚餐 今日就好想食韓國嘢 所以就去左school food睇吓年糕同拉麵都相當吸引價錢又唔算貴 芝士辣炒年糕 年糕好煙韌又入味 個醬汁同韓國一樣🇰🇷帶點辣味 但唔會好難入口最重要係上面有好多芝士！配上清甜的魚糕湯可以減少膩既感覺仲有炸得非常香脆既紫菜卷入面有韓國粉絲 食落口有多種口感當然唔少得韓式炒粉絲有紅蘿蔔 蛋絲等等加上芝麻油既香氣十分惹味最後就叫左紫菜包飯（豬肉）必叫配料豐富 一食就停唔到口