Foodeli (形點 I)

Open Now

Now Closed

Foodcourt 難食之選見food court 都開左一排，都有機會品嘗過不同小店，但無唸過自己成餐食得咁難受，有好幾間店鋪嘅野食質素根本就完全唔合格，難食之餘仲要煮出嚟凍哂，尤其阪神同那兩間韓式店鋪，難食到無法形容。雖然環境尚算舒適，但食物質素的確有很大的改善空間，同時亦都反映廚師培訓不足，未做足功夫就開舖！唉！食啲又凍又難食嘅野，真令人十分失望呢！其實Yoho 有咁多餐廳可以選擇，都已經唔一定要再襯，以免再次帶來不愉快、難受的一餐！

天氣凍不想出大街，就去Yoho Mall食lunch。入面有一個美食廣場Foodeli，平靚正，環境好yo 好新潮，座位多，坐得舒服.School Food - 食韓國菜的，有很多傳統美食包括韓式壽司、年糕、部隊鍋、年糕湯等食物。今次我食了$68套餐：廚師卡邦尼年糕+魚糕串+炸餃子+牛奶忌廉飲品。份量好多，食完之後超飽的。有驚喜的是卡邦尼年糕，crossover 西式卡邦尼汁及年糕，入面更有彈牙的透明冬粉。.當中最受歡迎之一的是炑八燒烤，食鐵板燒。鰻魚鐵板拌飯$68，原條鰻魚，熱辣辣，很適合冬天食！食到最後有飯焦，脆香脆香。一邊食暖笠笠鐵板，一邊飲荔枝冰茶，冰火相交，正呀！

再到foodeli揾食發現角落新開了一間花甲年華，一於試試招牌花甲粉！我們點了珍寶肥牛花甲粉，有花甲、肥牛、金菇、蒜蓉、辣椒、芫荽，花甲鮮味滲入各種食材，粉絲也吸收了湯汁的鮮味，鮮辣爽口，而且愈食愈辣，很適合重口味的人😋🌶 香辣惹味的肥牛和金菇更是絕配🤤 這種錫紙包著的花甲粉很有夜市風味，吃完很滿足的花甲粉🥰Food court 內美食林立，泰萊廚房的泰式香葉肉碎蛋飯賣相也挺吸引的，一啖肉碎一啖白飯，香辣多汁的肉碎送飯一流🤤 當然少不了一隻煎蛋，簡單又美味的泰菜lunch😍坐在窗邊，邊吃邊看繁忙的博愛迴旋處，從這角度看是另一番景象呢

一向都知YOHO係PET FRIENDLY既SHOPPING MALL，但裡面PET FRIENDLY既餐廳選擇其實都唔算多，見到新開呢個FOOD COURT有户外位置，膽粗粗問一問店員，竟然答案係正面既~但要求有袋或車仔，其實都好合理吖~可以由呢D自助機落單或直接到店落單都可以!夠哂方便！水都可以自己添加，啱哂我呢D飲超多水既人當然食完嘢就要自己好手尾地收返好喇~雖然天氣凍，但都想食日本嘢，見「日漁」選擇都幾多，而且價錢相當合理！蝦將軍丼~海鮮類有兩款蝦、蟹膏同魚籽，蝦係放得滿滿的，真心大滿足，而且樣樣都新鮮好味！特別要一提，蟹膏鮮味非常，令人回味！另外，點咗個辣味三文魚手卷，由於即叫即整，紫菜依然係脆口，而三文魚粒既份量都不少，辣味剛好，醬汁可襯托出三文魚既鮮味！食FOOD COURT最好就係可以點唔同類型既餐點又可以同朋友一齊食，朋友精選咗「花甲年華」。招牌焗蠔~蠔係合理既SIZE，加埋調味而且用焗既方式去烹調，真係非常出色~珍寶肥牛花甲粉~肥牛有好多片，花甲有15-20隻，用珍寶嚟形容真係一D都唔過份，本身用錫紙包到實，打開時香氣撲鼻，微辣中帶有花甲既鮮味，由於熱湯既關係，越食

Foodeli 位於YOHO MALL形點 I 期L2 位置，毗連香港港鐵西鐵綫元朗站，商場佔地110萬方呎，是新界西和新界北面積最大旗艦商場，呢個美食廣場有多間唔同嘅餐廳住駐，包括三多炸脾、元朗燒賣皇后等。大阪燒價錢合理，有好多大大粒章魚粒喺入面，椰菜粒同粉漿比例調得幾好，大約係一比三咁上下，而黑松露蛋黃醬薯條黑松露味道唔太出，反而沙津醬味道就比較重，呢間阪神價錢比起同場嘅店舖黎講都算平。泰式海南雞飯係去骨嘅，雞肉入口回味無窮，香味撲鼻，味道鮮美。跟餐仲有檸檬茶送TIM

朋友想食日本野，我就想食辣野，正當我苦惱緊去邊度食飯好，可以一次過滿足我哋嘅願望，foodcourt 真係一個唔錯嘅選擇，大家可以揀自己鍾意食嘅嘢呢間花甲年華係新開㗎，依家外賣自取仲有六折優惠添之前喺大陸食過花甲粉已經一試難忘，而家封咗關返唔到去食，估唔到喺元朗都可以食到花甲粉，以後就唔使去到咁遠都有得食啦而呢間日本料理都係開咗幾日主要係有壽司、丼飯、刺身最後我就叫咗以下呢啲食物花甲粉就一如以往，係用錫紙包住我就食好ddd，除咗叫咗花甲，仲加咗肥牛添，辣到就揀咗中辣粉絲係可以轉米線，但我平時都係食開粉絲，粉絲夾辣醬，真係冇得彈我仲加錢叫咗兩隻生蠔添朋友唔想食生野，所以叫咗個灸燒嘅丼飯食材有三文魚、左口魚等等，全部都好新鮮，有豐富嘅魚油依家叫丼飯，仲可以加$12要指定手卷添

好少入嚟元朗㗎 元朗今日就同朋友嚟食food Deli food court嘅嘢食啦呢度裏面有好多不同嘅各國菜式價錢便宜位置又多又新又靚 都真係一個小資嘅好選擇呀 可以慢慢睇揀幾間唔同嘅舖頭買完坐低食都得今日我就買咗 泰 嚟 廚房 揀咗個 #泰式香葉肉碎炒飯 配 一杯青檸梳打肉碎非常入味 非常惹味上面嗰隻蛋煎得好靚 另外唔係 太飽咁我朋友就喉喺隔離 阪神餐廳 嗌咗個#吉列豬扒大阪燒 可以食日式嘢餸食泰國嘢真係滿足曬我冇得去旅行嗰種 鬱悶啦依家一個地方可以食盡東南亞各國美食真係好開心 吉列豬扒份量多價錢都唔貴元朗嘅人真係好幸福好多嘢食

和朋友去了元朗形點1期的Foodeli，這裏是商場的 food court ，座位好多，而且都幾闊落，環境乾淨整潔，有些枱櫈可以望到元朗公路，視野都幾廣闊。選擇食品種類也有好多，有日本菜，本地菜和泰國菜等。我們點了（阪神）鰻魚關西炒麵配大阪王將炸餃子及飲品一包（泰萊廚房）無骨海南雞飯配飲品。鰻魚關西炒麵配大阪王將炸餃子，好抵食，量好足，鰻魚大大塊厚肉，關西炒麵配他們的炒滿醬料，非常惹味。還配有餃子，煎得外脆內軟，點上沙律醬好美味。另外無骨海南雞飯，海南雞做得不錯，沒有骨之餘皮脆內軟，配黃油飯，送冬瓜湯，去一去油膩感覺。總結：Foodeli 是food court 形式，形點內的餐廳通常都是比較高級高消費，而Foodeli 價錢比較大眾化，食物亦有一定質素，適合年輕人或家庭客，食物種類選擇較多。

Foodeli新開個陣上過黎食野，當時覺得呢度有啲迫又焗，上到黎好大陣食物味。事隔一年又上黎八掛下有咩新開左，原來門口位多左攤檔賣冰貨，foodcourt入面嘅枱櫈重新擺位無咁迫啦，抽風仲好左好多，唔焗又無咁勁油煙，整體感覺好左嘅。下午茶時段黎都幾多人食野，大家都有守規矩坐兩人一枱。點左阪神嘅大阪燒同薯條，一份主食可以加20蚊換小食，份量ok喎。章魚大阪燒即叫即整，等左差唔多十五分鐘先有得食，黎到係熱辣辣嘅。上面啲木魚絲跳緊舞郁郁下，多醬正呀。大大粒章魚，啖啖椰菜，好味。仲有呢份黑松露蛋黃醬薯條，勁多醬，鍾意沙律醬就啱晒啦。有一層蛋黃醬同一層黑松露醬，好滿意。薯條香脆，一個人咁大盤都有啲漏，哈哈。正常價位嘅日本小食店。

放假去yoho mall感受一下聖誕氣氛⛄🌲🎶一個人👯‍♀️去美食廣場覓食都是個好選擇😆位於二樓 Foodeli, 環境舒服、坐位 坐得舒服、不會太迫👌佔地幾大，有齊中日韓等美食👍今日食"阪神" 餐牌有大阪燒、關西炒麵、丼飯、小食……章魚大阪燒份量唔算大， 滿滿木魚片，入口啖啖有新鮮彈牙🐙 粉漿、蔬菜比例均勻， 加上惹味嘅醬油😋黑松露蛋黃醬薯條🍟多醬汁、香噴噴、好香口、入口實在，唔係某大型連鎖店食風果啲😆

經常行元朗形點，原是有美食廣場food court，而且開業了好幾年OMG......真的是開心大發現，平民貼地價。在形點一期，Zara附近電梯上就會見到色彩繽紛的Foodeli，座位數量好多，又有卡座，而且有露天茶座，Yoho 景色一覽無際。今日天氣涼涼地，吹吹風好寫意！.在大露台附近就是食花甲粉的 花甲年華。烤原條黃花魚花甲粉 好正，喜歡吃魚的我見到一整條黃花魚真心興奮，慢慢夾魚肉食，又食下花甲，海鮮之盛宴。花甲粉用錫紙包著，保溫又令食物更入味，好窩心。魚肉鮮甜，金針菇及粉絲吸引了湯底的鮮香精華，味道絕佳。.滷水雞髀配薯條不太餓的朋友可以去三多食雞髀，滷水雞髀及薯條熱辣辣，雞髀炆到好入味，啖啖肉好爽呀。當下午茶食一流，配埋杯檸檬茶，十分滿意。.見場內也有不同美食，包括韓式鐵板飯、港式茶餐廳、燒味飯等等，可算是應有盡有。

Yoho 開左新food court, 裝修好似幾舒服，所以去左試試。Food court 嘅好處就係可以試晒唔同嘅嘢食，下次大家有機會嚟呢頭搵好嘢食嘅話可以試下呢間“板神”，因為佢除咗主食仲有好多日式小食，可以過下口癮。由於本人對薯條有情有獨鍾，俾我見到就一定要擺落口，今次試咗佢嘅黑松露蛋黃醬薯條，份量都好公道，松露隻咩本身都比較濃，但配咗蛋黃醬同薯條就變得好夾。另外佢個章魚大阪燒都有驚喜，因為章魚好新鮮同大大件！至於主食就叫咗一間舖位比較入但好抵食嘅“花甲年華”,佢哋招牌嘅花甲粉有好多唔同配搭，而且送嘢飲。今次試咗配肥牛嘅粉絲，出嚟嘅時候大大碗已經好夠睇頭，而且用錫紙包住保溫，好有心思。打開錫紙之後湯底嘅蒜香味就撲向我個鼻，牛肉同蜆肉都好足料，再配埋個蒜香湯，真係好野味！再加多個招牌焗蠔，肥美多汁，不得了！雖然而加疫情Food court露台嘅遊樂場封左，但係如果遲啲開返，小朋友就可以邊玩邊食，而大人就可以係露台對住開陽風景食嘢，會係個hangout好地方！

今日下午來到元朗行山，計劃到大棠欣賞紅葉，可惜不似如期，未到時候。中午就在YOHO MALL 解決午餐，其實我覺得大型商場的餐廳都偏貴，幸好最近多了一個美食廣場，可以有更多選擇。位置：我並不熟悉這個商場，加上這個美食廣場究竟是在形點I或II期呢？Google Map顯示在II期，但OpenRice的地址又寫在I期，這是在玩顧客嗎？所以位置有點難找，幸好問一問詢問處，否則很容易忽略了。我建議商場應該做多幾個指示牌，否則很難知道位置。環境：很寬敞明亮，走入內部有很多的座位，可以隨便選擇，不需根據餐廳位置就座，最棒是有一塊落地玻璃窗，一個可以望向元朗地鐵景色的吧台，坐得舒適又不被人趕走。最後發現一個座位是可以充電的，是加分位。食物：上網見到很多人吃三多的炸雞髀，而且有口啤，所以選了最基本的套餐：三多炸髀配薯條+汽水$49，另外在門口位置看到有大阪燒，亦買了章魚大阪燒$45和黑松露蛋黃醬薯條$32。三多炸髀和薯條顏色較深，黑松露蛋黃醬薯條顏色較淺，明顯是三多那邊翻炸第二次，所以味道和口感都更鬆脆，難怪人人都叫一個炸髀來吃，份量大又皮脆內嫩，好吃過KFC和Julibee的炸雞。章魚大阪燒的味道跟

晏晝去左元朗Yoho Foodeli食lunch, food court雖然面積唔大, 不過都有好多間食店選擇, 種類好多,梗有一樣啱你心水! 好快搵到位, 地方都算乾淨. 點餐可以直接去你想食既店購買, 又或者可以用點餐機, 非常方便.珍寶肥牛花甲粉呢間花甲年華係新進註入Foodeli, 以新鮮花甲配粉絲為主, 仲可以選其他小食.用錫紙包到實, 可以保溫之餘, 又可以保持衛生, 攞到返埋位都乾淨D.打開錫紙即刻超香撲鼻. 肥牛好嫩滑, 仲有金菇芫茜, 花甲好有肉, 好鮮味, 又無沙, 湯底辣辣地好惹味, 而且粉唔係普通粉, 係用粉絲, 粉絲吸收晒湯底既精華, 海鮮加肥牛加辣湯, 味道真係一流!泰式無骨海南雞飯泰萊廚房專攻泰式料理. 叫左泰式無骨海南雞飯, 雞好滑, 配埋自家酸辣醬, 油飯好有雞油味, 淨食飯都覺得好好味, 仲有濃湯, 係海南雞飯絕配!

好啦好啦，時不時入元朗都會行吓yoho mall，今次畀我發現多咗個food court『foodeli』，意外驚喜，試過一個人來唔知食咩好，宜家有food court，就唔怕一個人來冇嘢食，更何況呢度有中，日，韓等10幾家食肆。今次係同朋友來嘅，舊年呢個時候喺大阪食過『大阪王將』，今次一見『阪神』啲餐牌就嗌咗『鰻魚關西炒麵』+『大阪王將炸餃子』來懷念1年前的味道。鰻魚炒麵賣相好好，有關西特色，鰻魚好肥美，厚厚的肉身，入味的魚肉，满足嘅，多D就更加好。『花甲年華』嘅小辣『鮮甜花甲粉』同理香辣嘅『招牌焗蠔』2隻，花甲大大隻，有10幾隻咁多，同時亦無負『鮮甜』两字，焗蠔亦好惹味，估唔到food court啲質數亦可以咁好。