福滿林酒樓

Open Now

Now Closed

大澳一遊...由於事前冇做話d咩資料搜集...去到食lunch...選擇唔多...間間的門面差唔多...係唯獨呢一間門面好似有氣勢d....咁就決定入去....入到去...好多桌都係吉既....點野食....樣樣都海上人家的風味...以為差極都有譜啦叫完之後....碟碟都鹹到冇晒味覺...除左碟菜...炸魷魚好食...都係鹹左d....可能係近海地方...食野比我地鹹....所以我建議大家去的時間....叫佢唔好咁重手....就番我地口味...如果唔係太鹹都食得過既應該....樓面都幾乾淨....d桌又隔得疏...唔會比人擠擁的感覺...

估唔到第一次寫食評, 就要係一個最唔好的經驗!!難得係復活節假期日子, 同家人同一班朋友入去大澳玩下, 係中午的時候, 因為大家的行裝比較多, 所以諗住搵間大小小的店食飯, 點知就咁中左招 假期關係, 大澳遊客比平時多, 中午食飯時間所有食店都爆滿, 只有呢間店比較少人, 原先我地都諗住可能因為店舖較大, 所以先會睇落去人較少, 後來先知原來間野真係有問題.當我地入去後, 完全就似透明人一樣, 由頭到尾都冇人理會我地, 後來有個阿姐見我地幾個企左係度, 就同我地講: "自己搵位坐啦!" 講完後就直行直過... 個時已講呢間店的服務有問題, 但原來只係開始!!咁我地成班人就搵左個位坐低, 等左幾分鐘後, 有另一位阿姐就同我地開台同比左1份餐單, 睇份餐單的價格, 普遍應較其他食店貴, 本身諗住如果好食, 比多少少錢都冇所謂, 但最終無緣"享受"佢的食物!! 因為當我地選左菜之後, 足足舉足手叫左5分鐘都冇人理我地, 當時店內唔算好多人, 但所有侍應就失晒蹤, 而位於我地台後面的收銀阿嬸見到我地舉足幾分鐘都竟無反應, 來我終於忍唔住發悔氣咁大聲問: "有冇人呀? 埋單呀!! 係咪有錢都

冇做 research 既情況之下黎到大澳，諗住黎到呢度，緊係要試呢度既特產啦！間間中式酒家賣既都係差唔多野，冇乜特別，咁我地是旦揀左呢間有標明價，又大間既入去食lu先講環境啦，唔算太乾淨，周圍都見到有幾多蟻。入到去5pm 左右，基本上得我地一枱，叫左個蝦醬炒飯同埋蒸蝦乾，一上菜就知不炒，原來個蝦醬炒飯都有蝦乾架！！ 結果我地果餐勁多蝦乾食～哈哈哈...先講個炒飯啦，飯係軟身既，非常之冧，如果ｄ飯可以硬返少少都可以接受既，炒得都算幾香啦！個蒸蝦乾就唔掂啦，本身ｄ蝦乾係幾靚架，但佢蒸到勁咸=_=要加水落去先入到口。。埋單，＄１２０都幾貴，後尾聽Ｄ街坊講，呢度間間酒家都貴架，因為搵遊客錢呢個故事教訓我地，下次都要做下功課先去搵食。。

一行九人到這兒吃飯,叫了一個六人餐加白飯兒煎蛋和土魷肉餅。鹽焗雞味道不特別,和出面吃到的一樣,大澳又不是農場…算是這樣吧。一個豆腐魚湯的東東…味道蠻清,魚也算是香口的,算是喜歡~蠔餅的味道還好,幾香口味道也不錯,只是很油很油…蒸海上鮮,條魚好滑口,分分鐘比酒樓更滑更香,是最好吃的!肉餅沒大感覺,始終不太喜歡魷魚,白飯魚煎蛋都是很油很油,但白飯魚很好吃。蝦醬炒飯,第一次吃,好似不大覺得有蝦醬味?還是吃不出??但蝦乾的味道很香,除了油這個問題味道也很不錯。同場老師「搶」了鄰座4位老師的賴尿蝦,各人也說很清甜,sorry我不敢吃。埋單各人51,這樣的質素還算好吧~

This must be one of the worst restutant I have even been, the food is OK, but there is no service what so even! We order ten dish, and it took 2hrs and it seem does matter when you order,dishes just doesn't come out in any order. The table may have order after you, but they will get their dishes first! This is not the first time! And I wonder why we go back? Certainly never again!

同朋友行山入去大澳，因為大家都好累，就走左入去。入到去，發覺只有三種海鮮：基圍蝦、賴尿蝦同肉蚧。叫左後面兩種，椒鹽賴尿蝦同薑葱炒蚧。同行幾個話賴尿蝦好味，但本人就覺得麻麻。一係蝦太細，二係炸到唔知係咪真係活蝦。薑葱蚧就大家都認為麻麻，佢用左一隻蝦，斬開八九舊，食落d肉好水，應該係活蚧，但就覺無肉食。亦叫左西檸雞、羅漢斎、蠔餅同炒通菜。蠔餅落左d果皮，唔係個個鍾意。西檸雞同通菜水準幾高，羅漢斎就無味。服務...我只可以話...全場只有一個人服務。每人六十幾蚊，ok啦，預左比人掠。

今日跟工聯會去大澳旅行～包個午餐，就響呢間酒樓食。一圍十二人，食左以下東西：鹽焗雞（好好食）連我最喜歡食既雞胸佢地都整到好入味白灼蝦（ｏｋ，蝦肉有ｄ比較林）栗米魚肚羹（好食，啖啖地岩我）齋（麻麻地，ｄ汁好杰他他）有雲耳﹑生菜﹑冬姑．．．蒜魚頭魚腩（超好食）以為得魚頭魚腩食，點知都有幾舊魚肉，啖啖肉之餘撈埋ｄ汁一齊食好鬼正！咕嚕肉（唔錯）咕嚕肉好脆口，肉多粉少呀可惜舊舊都好細舊，個汁就麻麻～炒蟹（味都ｏｋ，不過ｄ蟹冇肉食＞＜）上木台時香噴噴架，點知夾起手舊舊蟹都好細隻，冇肉食咁濟！油菜（是我喜歡的炒白菜仔，一般水準）白飯任裝，我食哂餸先開始食啖飯．．．嘩，ｄ飯好綿呀～ｙｕｍｍｙ

一場入來大澳原本去食齋同走地雞，但同行的外籍夫婦竟然兩個都唔食禽類，今次註定無食神，唯有來這裡食海鮮啦！呢度唔細，在大澳來說算是幾有規模。叫左白灼蝦、薑蔥蟹、海鮮卷同蝦醬炒飯。白灼蝦幾大隻，係基圍蝦，但新鮮生猛，幾鮮甜；蟹好肉，用薑蔥炒好治味；因應鬼佬口味，所以叫埋海鮮卷，炸得香口，我只食左一條而其餘的俾佢地掃清；大澳盛產蝦醬，咁蝦醬炒飯當有番咁上下水準，炒得咸香好味，比一般泰菜館好。連埋飲啤酒，埋單五佰有找，唔算平，同去南丫島食海鮮差唔多價。