Video
8-min walk from Exit A, Yuen Long MTR Station
continue reading
Introduction
It is opened by the football player, Lau Ho Lam. It offers different Hong Kong style and Western dishes in a big portion.
continue reading
Opening Hours
Mon
12:00 - 21:00
Tue
Closed
Wed - Sun
12:00 - 21:00
Public Holiday
12:00 - 21:00
Public Holiday Eve
12:00 - 21:00
Above information is for reference only. Please check details with the restaurant.
晚餐想試下新野，是晚就叫了肆悅外賣速遞，就煮餐到送餐都係15分鐘左右十分快速，可能係6點叫晚餐廚房還未太忙吧。自己點了肉醬意粉，賣相就一般啦，條菜可能因為盒住所以已變黑。肉醬味道偏鹹偏酸，非常杰身。意粉還不錯，有咬口。屋企人叫的蒜香雜菌炒意，同樣較重口味，雜菌亦不多。另一份就點了肆悅香煎雞扒配火腿薯菜，雞扒係煎得香嘅，很大塊，但薯菜失了蹤，完全不夠飽。雞扒個醬汁揀左黑椒汁，鹹到一個點就無加落去份扒到食了。餐飲叫了熱檸茶×2同熱奶茶，檸茶又苦又澀……哈哈，深色都咁都知唔簡單，奶茶正常。仲加左小食香脆蝦多士同薯仔絲炸蝦，呢兩樣幾好食。作為同路人當然會支持，但食物實在有待改進。聽聞最近餐廳改了名，也有了新餐牌？搵日再比多次機會佢啦，期待下一篇食評。
continue reading
黎到元朗原先想食拉麵不過拉麵店未開餃子舖又勁多人唔想等見對面間餐廳有位就入左去試下舖頭門口同入面裝修都係好普通睇得出都係做街坊生意多餐牌原條日本鰻魚炒蛋紫菜飯鰻魚好乾炒蛋好老d汁好咸老實唔係幾好食芝士鮮牛肉漢堡配沙律呢個水準差好遠好食好多七十八蚊份量都叫足料一個人基本上食唔曬不過都等左成十五分鐘先上菜有d耐除左漢堡扒之外仲有煙肉奇怪係個醬有少少黑松露味唔算特別好食但以小店水準黎講唔差不過餐廳嘅侍應水準有待改善落錯單之餘賣曬嘅野響冇通知之下轉左第二樣上黎
continue reading
強推哩個有驚喜嘅意粉，意外地超好味!!!(忌廉滑+西椒香 =原來甘夾)，份量夠多可以分兩餐，爆足料外賣自取有折，$5X哩個質素好抵,不妨一試哩間新店第二次試咪外賣西冷配薯菜外表味道,繁忙中食到甘嘅外賣好
continue reading
Dinner可以食到10點啦👻今次都係 #黃店 推介！元朗雞地真係有一堆黃店圍住，呢間地方細細，但食物絕不馬虎，又平，又坐得耐，我坐左3個鐘都有🤣🤣芝士鮮牛肉漢堡配沙筆🍔拿拿拿，牛肉要juicy係基本，但醬汁可以再多啲🧀我最想講既係薯條🍟好好食！幼身既，炸到脆一脆，有啲似m記個脆薯圈咁，但呢個好食好食😍😍😍 食肉獸既我就無食沙律了原條鰻魚炒蛋紫菜飯🍚坦白講呢個係朋友既，為免交換口水唔覺意中武肺，我係無食既🤨 但原條鰻魚就貨真價實，炒飯望落都唔差，朋友都清左碟飯，大家可以去試吓☺️店名：肆悅地址：元朗建業街80號聯發洋樓地下4號舖
continue reading
我好少寫食評，但今次真係忍唔住要寫，同我平時一定會相機食先，但呢次相機都唔想食先。而賣相真係同其他食評post 的差唔多。話說男友媽媽話想幫襯黃店，就揀左呢間餐廳。叫左四個餐，餐湯麵包都麻麻地，不過呢啲唔多講，反而想知點解叫漢堡包餐有湯無餐包，雖然個包都唔太好食，但都覺得好奇怪叫包餐無餐包。🙃叫左兩個意粉，一個黑松露意大利飯，一個牛肉漢堡包。一個意粉係蒜香蜆肉意粉，都算係簡單易煮的。讚係份量係大份的，但係...第一啖食個蒜蓉味，係似用李x記嗰啲蒜頭，二係啲蜆肉有雪味，三係啲意粉”淋”左啲同意粉本身質素都一般。如果收費係40-50 蚊，以上三點係無問題，但如果我俾108蚊(唔知有無加一，點解唔知？係後面有講) 我就覺得好唔值。😌我食左兩啖無食。另一個意粉係青口意粉(HK$128) 我食左一啖就無食，都係咁啦，好咸，完。鮮唔鮮味唔多講啦。🙃到我叫嗰個芝士牛肉漢堡(hk$98), 個包一般，無咩特別評價，但我記得包唔係熱的。🙄 但我唔想同麵包好食嗰啲比較，所以跳去個肉到講，個肉係無牛肉味，同又係好咸。🤭 唉...而我食得最多係幼薯條，唔係因為好食，係我鐘意食香口食物。做得唔好個位係炸到好乾厚粉咁。係好脆丫，但食唔到薯仔囉，可能你會話，幼薯條當然會少啲薯仔啦，但真係好食嗰啲幼薯條係炸到皮薄餡靚，就算幼都食到係薯仔黎。😌希望大家明白我的意思。最後係黑松露意大利飯，讚係好大碟，一定夠飽，但係，完全唔係意大利飯黎，似係黑松露忌廉燴飯。🙈 由於我鍾意食忌廉，所以我係食左三啖。😉 飲品叫左樽裝酒，所以無特別comment。聽男友講返原來埋單係無俾單我地，行埋黎講個銀碼，因為我地都覺得係500蚊到都啱數，所以無理到，同唔係我俾錢，所以我唔知係有無加到一。其實食物唔係真係咁差，但收120 up一個人希望有返少少質素。返到屋企睇返lunch menu 大約60蚊一個餐，呢個價就接近今晚晚餐的食物質素。Btw 我返到屋企到瞓前飲左勁多水，唉.... 我諗呢啲身體反應無得呃啦吧？我係真心想餐廳改善下先寫咁大篇文，完全無惡意。😌 希望可以認真有原則地製作食物。
continue reading