糖森林 (大陂頭徑)

Open Now

Now Closed

今晚食完烤魚，意猶未盡，就決定去食糖水，朋友帶我去咗糖森林😝1. 仙草芋圓波波： 仙草，小丸子和芋圓口感煙韌，仙草甘甜，好滑溜呀，散發出陣陣嘅仙香味，芋圓內有細細芋頭粒，帶陣陣芋香，小丸子好QQ呀2. 西瓜沙冰，除咗西瓜新鮮好味之外😋，其他冇特別🥲❤️姐姐見我地3個人叫兩個甜品，好細心甘比左3個匙羹我哋，非常細心同埋好服務👍

Happy Friday🥳🥳今日收工不如去食個甜品😍·呢間甜品店好似由我中學食到而家，深得學生們喜愛🤣舖頭唔算好大，但有齊晒傳統糖水同埋港式西式甜品，價錢都幾抵食🤤·抹茶心太軟($59)即叫即整，大約等左15分鐘就有得食喇😍一份有齊心太軟、雪糕、紅豆同小丸子😆一切開，抹茶流晒出黎，連埋雪糕一齊食，一凍一熱真係好正🤤雪糕都幾香抹茶味，小丸子夠煙韌，紅豆都夠淋😚雖然擺盤同外貌唔係太靚，但係味道真係好好食😆幾抵食😋👍🏻

真心搞唔掂 ，朱古力綿綿冰同埋水果茶都甜到就快有糖尿病，但最大嘅賣點係佢舖頭隻貓，同埋員工既服務態度都幾好嘅，甜品嘅種類都好多，但如果可以改善下嘢食嘅質素就幾好，

今日同朋友夜晚去咗糖森林食糖水，我嗌咗一個楊枝甘露，一份榴槤班戟。楊枝甘露$36 ，有少少難食，楊枝甘露冇沙田柚絲，西米一半都係好硬，好似未熟咁。榴槤班cake比較正常，入邊嘅榴槤都係香濃好食嘅。

叫左個紫薯之戀，黎到真心圖文不符，啲料真係小到喊，四十幾蚊一碗椰奶，嚿紫薯已經夠細但係仲要醙，涼粉味道都係古怪既，其餘都係得幾粒，另外叫左個凍芝麻糊燉奶，燉奶係有雪藏味，全部中哂伏，唔會再試！

經過同朋友 見餐牌中西甜品都有價錢又ok 就決定入去坐坐休息一下 攝一攝時間多數去親甜品店 我一定會叫心太軟同朋友各自一人一個甜品之後再叫一個糖不甩店員好似只有一個咁整又係佢 送餐又係佢 收銀又係佢咁店入面客人唔多 但佢已經無停手仲有一隻最悠閒嘅貓店員 周圍瞓下 走下 嗲下最先係糖不甩黎到食落去粒湯圓 軟趴趴 食落好淡 好稀嘅感覺面頭嘅花生碎偏淋 好似放左好耐咁之後我嘅心太軟黎到雪糕就正常但個心太軟完全係伏又細 又稀 又淡口 我唔知食緊咩無朱古力味感覺呢兩款甜品好似加左大量水去節省成本咁我個人覺得連心太軟都可以難食嘅時間呢間甜品店真係好唔掂

有日晚上食格離間香蕉仔要等半個鐘，就過左去食糖森林。每一次食呢間野，覺得勁甜，好難食，好少可甜品都可以咁難食。叫左三樣野，（1）老闆娘話係招牌既生果茶，（2）黃金多士， （3）糖不甩（1）上台後就發現附送三隻蟻屍體，個店員仲話係火龍果啲粒粒，但係有腳架！！！佢再整過杯，生果茶成杯都係黃色糖漿，根本冇茶底，啲生果都染哂色。勁甜！（2）多士hea 到爆，面包烘熱，雪糕懷疑係雀巢，士多啤梨味唔好食（3）糖不甩有糖漿底，仲要加勁多沙糖，花生又細又碎，勁甜，食一舊已唔想再食。環境好多昆蟲及飛行物體，雙耳不停聽到有飛行聲音，好恐怖。成身又勁痕！總括黎講就係勁伏，這間店大家不用試了。

食完晚餐經過就諗住買甜品外賣拎返屋企食，叫左一個仙草波波（$38）同一個紫薯之戀（$42）外賣。本身見到menu啲相好期待，結果打開超級失望！！！咁嘅價錢芋圓得3-4粒，其它料都超級少，望落去全部都係水，完全唔抵食。仲要超級甜，好似食緊糖溝水咁，質素絕對有待改善，接近成$40一碗，一定唔會再幫襯！

第一次吃這間叫做糖森林 有點圖文不符 士多啤梨很酸 牛奶冰不錯 服務態度很好 將匙羹直接放在收據上方便我們享用 非常衛生 而且非常舒適 周圍人非常少 適合怕等位嘅大家 值得一試 再試不值得

同朋友食完飯後無嘢做，就搵間甜品店做下場😌 menu有好多甜品可以選擇，對選擇困難嘅我黎講真係霎時間都唔知揀咩好。最尾我揀左個常見嘅楊枝甘露，諗住有啲沙冰啱晒夏天食。 但黎到覺得唔太夠凍，而份量都略少

老闆娘好好人，甜品名稱特別，特別推介窩夫，心太軟不建議“七彩繽紛”, 可能因為不像B仔涼粉以特大鮮果涼粉鎮店，生果易出事（易酸/不夠新鮮）今次就中伏了。但除此以外，整體還是可以的，吃人情味，會再光顧。

同朋友一行四人係元朗食完Dinner都仲係吾夠飽女人係真係有第二個胃咖再聽友人之前食過糖森林甜品🤤🤤🤤味道吾錯更加心心眼想快啲走去食入到去冷氣好夠,岩哂而家夏天🥵🥵🥵不過,樓面就一眼睇哂得一個阿姨係到做野所以嗌野食都要大聱嗌比佢聽(最慘,係有其他客人係到,呢到又吾係大排檔)佢就係電腦面慢慢落單芒果腸粉睇個樣真係呃到人下,好似幾靚仔咁但食落皮係薄,但啲芒果吾太足料面頭既沙冰好硬嘩,友人嗌左紅豆相思既東東點知又係圖片如實物不符啲椰汁多到好似睇吾到其他配料睇到個碗野都冇乜胃口,相都廢時影到我嗌左碗椰皇燉蛋白雙丸🥣最貴係我呢個唸住貴啲足料啲啦嘩!!入面有一半係西米露溝椰汁,仲要好水下個蛋白既口感好古怪芋圓就正正常常既個芝麻湯圓,吾太得 冇乜芝麻味加上皮好似一PAT野冇咩咬口椰皇肉就好老,吾太甜同比較硬身楊枝金露就普普通通 冇乜特別但有啲吾太鐘意佢成碗掟過尼既態度真係好驚碗野會,跌到成台都係😖

今晚入元朗探一探朋友,D人成日話元朗人係唔會食X仔甜品既。咁我味試下其他囉今晚搵到呢一間糖森林,顧客量唔多,但睇MENU既價錢都幾平/合理一於一試。坐就坐得舒服,張檯唔會痴立立,冷氣又夠。燉雪耳都係$34,夠熱而且材料都係足,味道不過不失,唔算太差。薑汁小圓子都係$23 , 薑味超濃,岩晒我個人口味。而小圓子份量都超多。糖森林整體評分 7.0 /10推介: N/A(五分滿)老虎回頭率：🐯🐯🐯🐯

糖森林 Forest Angel甜森之選·抹茶心太軟$59有抹茶雪糕， 流心抹茶心太軟， 紅豆泥同埋小丸子一拮落嚿心太軟度， 香味隨即撲鼻， 流心嘅抹茶醬係餅入面慢慢流出嚟， 抹茶味非常之香濃， 亦都非常之甜， 有別於其他甜品舖有種落抹茶粉嘅味道， 雖然個味道有少少假， 但食下食下又覺得幾特別， 而抹茶最好嘅朋友紅豆亦都好甜， 建議連埋小丸子一齊食， 中和番個味道， 係煙韌中帶點抹茶香。法式焦糖燉蛋 +$10 限量供應脆脆嘅焦糖喺燉蛋嘅表面， 蛋嘅香味都足夠， 如果大家食得曬不防叫你試下。整體嚟講呢間糖森林呢兩個甜品都可以

一入座想叫野食，完全無人過來，要直接大嗌野食比企收銀既員工聽，前題係店面只得兩三枱客人，當時員工亦有兩、三位，完全唔係繁忙時間。後來食完又快速收起碗碟抹枱，做法完全係暗示你食完好走啦，同樣前題係店面仲有幾枱空枱。簡直係愈做愈差！