糖森林 (大陂頭徑)

Open Now

Now Closed

外賣咗個木桶豆腐花，打算咁貴份量應該多啲，結果得個紙碗份量，小朋友都超失望，性價比超低，睇返餐牌上面幅上，其實都知道份量應該唔多，不過冇諗過會係咁少……………….唔會再有下次

今次已經係第三次食「糖森林」，每次都滿意～我個人推介「糖不甩」質感很好煙煙韌韌、超甜（不喜歡甜的人，切勿嘗試）、芝麻超香！我每次必點！「椰皇燉蛋白」香甜不膩、蛋白嫩滑！我朋友鍾意食佢嘅仙草系列，爽口、甜到啱啱好👌🏻「西米系列」亦是好選擇。糖水品種多，有中式、有西式、有沙冰、仲有小食⋯⋯營業時間到晚上兩點，晚上好去處，有室內又有室外，幾個朋友坐下傾吓偈👍🏻仲未完全試過晒佢全個Menu，下次試吓其他（但係糖不甩是必點的😆）

平時有食過佢嘅堂食，不過次數唔多，一班朋友去，一年可能一至兩次咁大把，但都無反感。今日夜晚買咗一碗外賣芒果西米露($40)諗住返屋企食飽再慢慢嘆。食完飯拎出黎，咦，個面有冰嘅。我唔知本身外賣係咁定我個雪櫃雪到咁😅。之後我就拎個碗準備(畢)走啲冰，一路整一路驚(畢)走埋啲西米。後尾見到西米沉底，就順便(畢)走多啲椰奶，因為我對椰奶興趣都不大。點知(畢)完……..碗嘢淨番4分1…….真係好傷心，我只係想有多少少西米露食。

見到款式都好多，於是試下～不過覺得一般，又係咩甜品都好多沙冰墊底，幾乎每樣甜品都係😂😂🙈.芒果河撈粉 $40好味度：⭐️⭐️⭐️.芒果水晶粉 $40好味度：⭐️⭐️⭐️.白馬王子 $44好味度：⭐️⭐️刨冰來，椰汁味刨冰😁.紫薯芭菲 $48好味度：⭐️⭐️睇張相就會見到佢紫薯份量真係好少，而且等左好耐，見到咁樣，加上味道麻麻地，失望😂😂

外賣自取原先甜品保鮮膜內已經有隻蟻（仲爬緊。。。）諗住只係係外面就算照食點知食食下係粒芋丸上面仲有一隻其實甜品味道唔錯但真係食唔落去🤮好嘔心絕對無下次希望小店可以改善下衛生問題🥲

呢間甜品店之前一直都係叫外賣，今次第一次到店食。甜品有好多選擇，鍾意食榴槤嘅呢度亦都有。榴槤銷魂 $52有少少榴槤肉，好香甜，配埋刨冰超冰涼，另外伴碗方面，餐牌係寫綠茶點子，但上枱是係橙色嘅啫喱，我唔肯定係咪綠茶點子，另外仲有我鍾意嘅芋圓。刨冰入面有奶凍，整體都幾豐富好味。榴槤多少少會仲開心🤏🏻🤏🏻櫻之雪山 $46牛奶棉棉冰好香滑，側邊有草莓碎酸酸甜甜，另外亦有啲白玉（小丸子），加埋個雲呢拿雪糕，成碗足夠凍到爽。但餐牌寫有“日本鹽櫻花”……唔見嘅😅兩個甜品整體唔錯嘅，係有好少嘢同餐牌有啲出入，但唔中影響。開始天氣熱喇，行過不妨入去消暑一下。

朋友住在元朗，相約一齊食糖水，經過見到呢間唐森林，咁啱有張枱客人剛走，唔使等位，於是入咗去試吓。我點咗一份楊枝甘露，估唔到裏面有芒果沙冰，食落去爽爽的，回味無窮，值得一試再試😍😍😍

同朋友食完飯，諗住直落食糖水，點知想食嗰間又無開，行吓行吓就嚟咗呢間，全間餐廳得番兩檯有位，yeah! 就坐低咗，我哋叫咗3個甜品，約15分鐘就到。💛熱芝麻糊👉🏻一般般，正常芝麻糊味道🤣💛香芒小丸子👉🏻嚟到見到忘果汁有啲稀，芒果不太甜，食落一般般la❤️朱古力心太軟配兩球雪糕👉🏻呢個應該係最好味，配咗雲呢拿同朱古力味雪糕，心太軟同雪糕都唔係太甜，幾好食。推薦指數：❤️❤️❤️🤍🤍

糖森林比較多特色款式嘅甜品食，價錢都唔會太貴。但唔係個個甜品都好食。鐘意呢間分店多d, 少d人，靜d。尋晚就試咗龍珠二世同榴槤班戟。等候時間都唔算太耐。 見有啲人話態度差，我諗係應該係個人style，唔係專登西你，就好似區內一間腸粉店老闆娘咁😂。不過尋晚唔係果個老闆番工，反而係幾位公公婆婆，都好NiCe. 唯一唔鍾意就係呢到會直接將隻匙羹放喺枱面🙉 每次都要鬥快接住，再唔係就用紙巾抹🙄。龍珠二世龍珠二世有龍眼，芒果，水晶珠，黑珍珠，雪糕同芒果沙冰底。雪糕有幾隻款揀，我揀咗朱古力，佢原配。 雪糕有朱古力粒粒係入面，都夠香濃。 芒果有啲酸，可能唔當造。不過加埋沙冰，一齊食都可以清晒既。 水晶珠卜卜脆，口感好得意。 黑珍珠並唔係普通珍珠，而係用黑糖煮過嘅珍珠， 好煙韌，咬咬下，啲黑糖味就滲出嚟，唔會好甜。 呢個組合幾好食，又有口感。 之前食過都係芒果類既清湖映月就好麻麻。 佢係由黑糯米，椰果，芒果，雪糕同紅豆組成。 咁嘅配搭冇咁好嘅口感中，同埋調味不足，成碗沙冰都冇乜味。 所以唔係個個甜品都好食。 榴槤班戟榴槤班戟面外皮好螢光綠😆好似平時都係咁既色？舖頭話係用D24榴槤肉製成。 見menu

個呀叔waiter落單錯哂,比錯哂嘢，同佢反映態度勁差，完全係同空氣講嘢，我要芒果腸粉佢比咗腸粉我，嗰碗腸粉除咗pat甜醬外係咩調味都無，我係外賣嘅，請問點食？

個呀叔侍應都9唔搭八，買三個糖水收錢時已經講錯哂，我更正後都係比錯哂，要芒果腸粉佢比個好難食嘅腸粉，個腸粉又無豉油，點食呀老細！！！重要19蚊！！！打過去問就“喂“完無哂聲，以為斷咗線，再打，又係咁，問佢聽唔聽到，佢至話聽到，但你講嘢佢係無回應㗎，大佬呀，我點知你重响唔响度呀，我同空氣講嘢嗎？！有啲禮貌好無？我同佢講比錯，我只係講返啫，無要求你換吖？佢就話我對話中有講咗“腸粉“，所以就話我係要腸粉，但收錢嗰陣佢無同我重覆我要啲咩腸粉！大佬，芒果腸粉點會無“腸粉“呀？我原先都只係想話返佢知佢比錯，但佢嘅態度係錯嗰個係我囉！

話說我呢個港先島人，同女朋友去元朗一日課，當俾我呢個大鄉里參觀下元朗呢個區，行到好熱就搵左呢間甜品店坐下。叫左兩個甜品，一個係宇治金時，一個係榴槤銷魂。宇治金時既冰賣賣相係OK嘅，不過食落去既時候，啲冰同其他配料好似完全唔關事咁，啲冰剩係得綠色冇綠茶味，而且紅豆容亦都好乾，好似同d冰溝唔買咁樣…..榴槤銷魂佢入邊嘅配料有：綠茶丸子、奶凍同埋榴槤蓉，當佢個甜品上左之後，都未開始食啫，我第一眼見到個賣相，就好似你去買白切雞送嗰啲薑蓉咁樣，呢個顏色配搭有侍改善入面橙色同紫色嘅芋圓，食落去好似有浸塑膠味，綠色嘅綠茶丸子有好唔自然嘅綠茶顏色，其實叫綠茶啫喱可能會好d啲榴槤蓉一刮開有少少淡綠色嘅反光，成件事賣相真係有d奇怪，係得奶凍有正常既奶凍味總括黎講除左冇咩人，坐得舒服d之外，食物質素完全唔會令我想再黎……

大家呢間糖森林見到都唔洗食啦叫左個糖水外賣hkd37蚊癡L線 得薄薄幾片仙草成兜入面芋圓得三粒碗野1/4 係料 3/4 系椰奶-.-紅豆同西米都唔系咩貴野 都係只有幾粒。。。究竟我食左d 咩？買完個野真系谷氣咁耐無食過糖水比d 咁既貨仔我？糖水舖已經係最好賺嘅舖頭你仲要偷工減料對唔對得住天地良心大家元朗街坊唔好再去食因為真係會昆狗你真心呢間係伏伏伏伏伏伏！🌚🌚🌚🌚🌚🌚🌚🌚🌚🌚🌚我真係有嗰句講嗰句。有圖大家自己睇！

📍 糖森林 (大陂頭徑)本身諗住等16:00買香蕉仔，點知係等待嘅期間，有隻喵係咁喵我🙈喵到我入左呢間舖到食甜品😂我一打開門入去，竟然喵喵熟衝左出街😭。我為咗佢入嚟食，佢就走左😢好彩佢之後都有入返黎嗲我😍🔸法式焦糖燉蛋 $23我同朋友其實晏晝食完烤魚勁飽，所以為咗入嚟玩一隻貓貓先會叫少少嘢食，其實睇到個Menu嘅時候我勁多嘢都想嗌，我見到佢有個荔枝玫瑰冰、仲有個拿破崙都勁想食下次我一定會再去。講返個法式焦糖燉蛋先，冇諗過20幾蚊有咁大碗，上面嘅焦糖笑得金金黃黃。下面嘅燉蛋唔會太過甜，配埋焦糖食就啱啱好😋最緊要係呢間甜品舖晏晝就開😍下次行過一定會再食‼️評分時間❣️ (最多五顆星，如不推薦會打交叉）食物質素⭐️⭐️⭐️⭐️環境質素⭐️⭐️⭐️⭐️服務質素⭐️⭐️⭐️⭐️價錢💸:埋單$23餐廳資料📋: 糖森林 (大陂頭徑)🕌地址: 元朗大陂頭徑14-24號褔星樓地下5號舖

食完晚餐後行過2間舖就有糖水舖。老公叫左個腐竹雞蛋糖水，食左2啖叫我試味，就知奶野。原來條友仔飲到酸酸地，同職員講左後，話拎番去廚房俾佢試下，唔駛3分鐘又拎番出黎，跟住同我哋講試左冇事呀！我就真係唔敢博啦，成碗擺番向度，冇下次🤮