森林咖啡 (Closed)

相約朋友去cafe••••去了一直想去的•森林咖啡從屯門出發的我 尚算方便在錦上路西鐵站 再轉巴士64k在新村話下車 行1分鐘便見到路牌因天氣較冷 又有微雨關係所以選擇了室內地方店主有聽黑膠唱片習慣 剛好播王菲感覺不錯呀食物我選了最多人推介的 安格斯牛漢堡有埋薯角同沙律 再配咖啡正呀~漢堡juicy薯角又脆 份量剛好岩哂黎午餐既我聽住歌 望下周圍環境完全適合hea既地方 同朋友傾下計講下旅行野又一日正哂~~~推介!!!

赤口搵訂去，咁啱去完附近露營，一於搵間原野d 既餐廳，延續這戶外經歷。今日雖然是星期一，好彩森林餐廳有開。最愛佢有得泊底架車，園林實景，可口咖啡。今次一行7人，4大3細，可以叫盡佢餐牌所有食物，由於他款式不多，7款~真係叫盡左。不過食物宜精不宜多，所以他長期keep 到水準。【森林安格斯漢堡】原塊上，再一口扯開，確實係好好feel 。 當然他的薯角，係可以幫有小朋友既家庭，換來一刻寧靜。不得不提係咖啡，雖然冇拉花，冇特別的選擇，不過學店主話齋，咖啡當然是飲d 豆味，唔係飲佢個樣law 😏。

大埔林村 - 也許大家只會聯想到許願樹, 其實在這名勝附近還有間躲藏在森林中的咖啡店 - 森林咖啡 Forest Cafe。從元朗駕車出發15分鐘的車程, 就可以像“Alice In Wonderland”的劇情般走進森林中享受一頓午餐。就在“均益士多”往前走的不遠處, 有個小小暗藏路口, 掛了個小小店牌, 走上斜路, 一棵大樹影進眼簾, 森林咖啡店就到達了。 咖啡店四周都被大樹包圍, 環境清幽寧靜得絕對是自癒系必到的地方。 星期五陽光絢爛的中午, 顧客並不多, 這刻像獨佔整片森林般。 詢問過後店主也樂意讓我於店內四處遊走影相, 非常好客。 咖啡店是只有一層高的小屋, 設有室內和室外的座位, 驟眼看猶如置身於外國郊外小屋場景中, 每個角落都是拍照的好地方! 室內陳設相當細膩, 放滿店主的收藏: 舊型號的寶麗來相機, 黑膠唱盤黑膠碟, 還有西方武士的盔甲等, 活像雜貨店、 小型博物館般, 非常目不暇給。 室外雅座更是舒服, 茂密樹蔭和撐起擋落葉果實的太陽傘之間, 燦爛陽光於隙縫中滲透著, 聽著微風吹動樹葉響起的沙沙聲, 雀鳥吱喳叫聲, 完全是屬於大自然的背景音樂

喜歡聽黑膠碟嗎？這裏一直播著80年代達明一派，新加坡國寶陳潔儀的舊歌，跳缐，沙沙聲，文青感覺悠然而生。點了Filter Coffee, 不加糖，飲落都非常順喉。當然不會錯過這裏馳名的漢堡包，肉厚又juicy.想坐久一點，再來一杯蜜蜂薑茶，令冬日更添溫暖。

經過林村，所以入去呢間露天cafe諗住試吓，但係就冇啦啦畀店員話在我哋兩次。因為小弟對咖啡的認識顯然不同店員深，當我問咩餐牌上的syphon coffee是什麼時，店員好冇禮貌同好勞氣咁話唔知我想問乜！！明顯係睇唔起我連基本咖啡常識都冇 跟住到落單，個阿姐一行埋嚟就好冇禮貌咁話我哋坐咗喺不開放嘅位置！！但係店內根本冇標識寫明此位置不開放，而且入店時沒有店員帶位。感覺店員很自我陶醉，自視過高，所以覺得即使顧客受氣，不再光顧也不愁冇客。

前幾日跟朋友相約到一間位於大埔林村的cafe食tea環境相當優美，彷如置身於森林中，有一種遠離塵囂的感覺，而且cafe有很多地方都可以讓一眾文青們拍拍照，是一個十分舒適的好地方！ 由太和站乘坐巴士來到cafe只要數十分鐘車程，或可以自駕來都很方便。我和朋友叫了一客大蝦沙律、牛扒漢堡和咖啡。 大蝦炸得很香脆，沙律也非常爽脆，還有一大塊新鮮菠蘿伴碟，十分甜美多汁！森林安格斯漢堡的賣相也非常吸引，嫩滑多汁，鮮味十足。因為食物都不會過鹹或有太多調味，值得一試。但整體來說食物的分量不多，性價比一般。咖啡方面比較特別的是糖及奶都分別由test tubes盛載，再可按照自己的個人喜好加到咖啡內。 總括來說食物及飲品方面沒有很大的驚喜，但如果想利用假日到一個舒適的地方放鬆心情及拍拍照，這會是一個不錯的選擇！

Not worth for money especially with 10% service charge for Xmas! Latte and Cappuccino taste were too bitter. Ordered banana waffle as dessert but it was even worst than food street waffle. Too soft and tasteless. Worst part is the environment was too noisy.Funny was the noise not from the customers but the staff themselves ! The music played in the shop just too loud . Very annoying and ruined the quite, comfortable ambience supposed to be!

見到雜誌介紹即刻mark實呢個地方大埔黎講對於小妹確實略遠 不過有男友帶路唔洗驚💪🏻星期日黎到都唔係話好多人岩哂想遠離市區靜下既人^^.去到坐左係門口位～周圍都係樹～好養眼😂店入面仲有唔少復古野 真係成個feel出哂黎☺️好快店員就比左餐牌不過睇黎睇去都好似冇咩特別最後又選擇左食「草」—雞扒沙律再點左個薯角同杯野飲 Um..普普通通。總結而言：都係黎影幾張相架咋😂😂

聽很多朋友說這白色小屋很有遠離塵囂的感覺，又多影相位。但就從來冇聽過有人讚呢到既食物好食。親身一試，就知⋯⋯遠道而來，真係只為食個餐廳環境。Cuppacino 係即磨既，泡沫豐富，味道香濃。但waffle明顯是製成品放耐左再翻熱的，質感仲係韌既。Serve的時候只是微溫，感覺不夠新鮮。加香蕉、cream，同朱古力Caramel醬，簡單得你會覺得自己係屋企都煮得好食啲。Fish and Chips 感覺都係再翻炸既，配 honey mustard醬，不過不失。柑桔橘子蜜好飲，不太甜。如果想搵個世外桃源地方chill一日，減下壓，呢個係好地方！嗌野飲好穩陣，野食就要諗下先

餐廳十二點開門三點唔到就已經冇晒漢堡包等供應，其他主食例如飯、意粉、甚至公仔麵係完全一樣都冇，只有炸薯條魚手指等小食和少量嘢飲，非常失望, 最後都係決定走為上著！

見今日去開大埔玩，就試下呢間cafe啦一去到，環境比想像有落差,在馬路旁的一間露天cafe。一行6人等左接近30分鐘終於有位 ，期間比好多蚊咬。叫了雞肉串燒一食已經知不是燒，只是煎同在表面塗上蜜糖...咖啡其他飲品都沒什麼特別，咖啡也沒有拉花芝士蛋糕太軟?一叉落去就會碎哂...比較特別是cafe中的音響，音質錯但應該試次都足夠，如果唔係係附近玩，不必刻意來試

聽身邊好多朋友想做下文青，係咁力讚大埔有間森林Cafe，話環境好好，所以決定都扮下「文青」，當去郊外散個令步。事實上，係香港不少網上平台同媒介都見到呢間森林Cafe的廣告同推介，睇黎呢間Cafe落既廣告錢都唔少........假日去到，見到起麻30人排緊隊都心知不妙，囉左籌慢慢等。環境的確唔錯，天氣少少熱，好彩都有少少風，加上好多樹遮蔭，都唔算話太熱。等左半小時終於有得坐啦，餐牌有得選擇的食物唔多，而且重有好多款食物都已經Sold Out，所以就點左個漢堡包餐。有好多人點單，但係服務員只有2丶3個，落單好慢丶上菜又慢丶連等餐具都要問左幾次先有，人手嚴重不足。包：有烘過，包身唔算軟熟，面包香味冇咩，上層包厚下層包薄，冇分做4/6比例，所以口感怪怪地。芝士：只係將一塊冷冰冰的芝士放係煮完的包中間，冇加熱冇處理，芝士都係卡夫芝士D Friend，缺誠意冇特別。漢堡肉：表面烤得過黑而冇焦香味，只有焦燶味。肉的內部煮得近乎8丶9成熟，冇肉汁，調味只係普通的鹽同黑椒，普通。漢堡包的總評語：勁之普通！最後既係薯條：唔熱丶唔脆丶冇薯仔香丶冇用心調味。總評語：如果你真係想扮文青影下相，佢的環境係可以接受

跟朋友們相約週末郊遊，唔想又入長洲南丫島，朋友話雜誌介紹呢間遠離塵囂既cafe，可以係森林環境下用餐，感覺好relax，所以就決定是日安排大埔一日遊！一去到，真係好多人！滿座要等位！唔知幾多人同我地一樣慕名而來？我地坐巴士入，其實都算方便，大馬路落車行一陣就到，有d人係自駕黎，現場有停車位但不多。過一陣就有位，安排我地四人坐係一把坐地大風扇前面，張枱設計本身得3張椅子，對正風扇前面個位本身無椅子，臨時加一張比我地。我哋覺得好危險，因為我哋四個女仔都係長頭髮，坐正喺大風扇前邊嗰個如果往後靠，d頭髮好易zip入去風扇度。我地打算照坐，但將張枱移前d，但老闆娘(?)叫我地唔好移，仲話坐起風扇前面嗰個唔往後靠就唔危險😑😑😑😑😑 我哋幾經要求再等位換枱，最後張枱換成二人入坐，及後我哋留意個張枱最盡都係比三個人入座，可能當時排隊只有我哋係四個人，其餘都係兩個人，先咁安排，但我覺得安排好差。食物方面，全部散叫，沒有set Menu。本身想叫burger ，但賣曬。最後點左一份炸魚拼薯角同炸洋蔥圈。炸魚是現成貨，沒什麼特別。洋蔥圈比炸魚好吃，拎上手食都唔會感覺好油膩。飲品方面，我點左酸梅桔仔梳打，好似

放三日假唔知去邊，又唔想長假期先入長州、其他離島，太迫人了，咁就試一試去到連某雜誌都有介紹既主題cafe，可能雜誌介紹得太美好，令小妹有點失望咖啡，老公說還可以Latte，比較苦澀，以為會比較重奶味咪以為 afternoon tea 是包飲品，都是散叫雞串，雪臟味好重，還很多油，雖是雞串，但不是燒出來的，應該是煎出來的，再加點蜜糖當時去到大概是3點，眼見cafe 內內外外已入坐8、9成，所以我倆來到都需要搭枱，外坐應該是想留給帶寵物的客人漢堡已 sold out ，沒機會一試成張單大慨$200多，可能天氣還不算涼，如外坐可能比較辛苦，食物質素也不算高，相信住附近的人先會考慮會否再光顧

今日再去食，食過一次，好像愛上了這間森林餐廳，而且越食越多人。我們叫了漢堡包，漢堡包很出色，而魚手指也是推介之一，但要下午3時後才會出。我叫了杯Latte, 而中途發現很多人專登駕車來買咖啡外賣。原來咖啡都好好喝。魚手指沙律，魚手指夠熱，脆脆的，作為下午茶一流。雞扒漢堡，比想像更出色，雞扒好香，好juicy, 加上個包軟軟的，我真是說不出有多好吃，只想繼續食