Video
Introduction
A nature-themed coffee shop really located in a forest. Serves hamburgers, salads, waffle and others. Diners can enjoy nature in a leisure way.
continue reading
Opening Hours
Mon
Closed
Tue - Sun
12:00 - 18:00
Above information is for reference only. Please check details with the restaurant.
Recommended Dishes
山長水遠、長途跋涉到呻吟咖啡餐廳一遊﹗煤工煙肉漢堡加唐人街雞扒⭐️⭐️⭐️⭐️怕一個漢堡唔夠飽，加多塊雞扒$45蚊睇睇是否物有所值。按扁少少狠狠地大大啖咬落去，必須一啖有齊所有食材才是最高享受，雞豬芝士番茄紫洋蔥酸青瓜融和交錯，大量嚥韌煎煙肉油香甘甜多汁欲滴，多點醬會更繽紛啊﹗大食漢堡⭐️⭐️⭐️⭐️⭐️排左年幾終於食到呻吟餐廳的漢堡包﹗簡單新鮮的食材，番茄芝士酸瓜紫洋蔥靚到極至，自家漢堡扒真係滿星，多汁軟塾而味道豐富色香味俱全﹗餐牌不用大，只需要幾道用心製作的招牌菜，已可以鶴立雞群大排長龍！不用雕龍雕鳳，只要做得夠專，基本中的基本，樸實無華，實而不華，都可以殺出條血路﹗自家焗製麵包，兩片小可愛香氣飄逸，田園的味道。唐人街雞扒沙律⭐️⭐️⭐️⭐️⭐️十足十麥當勞板燒雞腿的味道，雞皮油潤、雞肉彈滑，半煎焗的感覺。淨食雞味濃醬汁濃，搭著鮮茄味道更清新。醬燒雞扒、雞串及沙律同樣出眾食到損晒手指，要大大力推介﹗森燒鳥沙律⭐️⭐️⭐️⭐️⭐️雞球跟雞扒一樣惹味爆汁滑滑，最緊要那股焦香獨特的風味，大大舊肉塞入口慢慢嘴嚼真心滿足﹗用沙律菜捲住食更多姿多彩。厚身肥美大大舊，鳳脂甘甜，白肉嫩嫩滴著汁，黏稠帶甜的醬汁不膩不濁恰到好處，少少焦香更加吸引。森林安格斯沙律，真係對薄牛扒沒什麼好感，甜甜地像極照燒汁，少少韌近乎全熟，幸好還丁點有牛甜味的。沙律比預期中精彩，車厘茄、紫洋蔥、希臘生菜、新鮮蔬菜，淋果醋黑醋醒神開胃﹗蝦佬沙律，不是什麼炸物或吉列菜色都係配泰式甜雞醬呢﹗最討厭甜淋淋的泰式甜雞醬，我寧願比個喼汁或浙醋更開胃。不喜歡吉列的我，還要厚厚麵包糠包住過熟蝦肉，無肉汁乾乾的，討厭刮嘴脆卜卜麵包糠外殼。反而西式沙律蠻新鮮，生菜、番茄、紫洋蔥、車厘茄無可挑剔。川辣魷魚鬚，鬆化的炸漿，不是硬殼類十分滿意﹗先係酥脆，再來嚥韌，魷魚鮮味彈牙，滾滿酸咪咪喼汁就更加醒神。粟米墨魚餅，似曾相識的味道，我餐廳都係用開依隻墨魚餅，結實彈牙味濃香口，咸咸地又甜甜地，食得過的。薯條魚手指⭐️⭐️⭐️魚手指香噴噴結實魚肉，童年回憶﹗白雪雪的魚肉充滿魚味濃濃，配蜜糖芥末清甜可口。粗粗薯條滾滿茄汁酸甜開胃，食茄汁多過食薯條。Double Espresso 特濃咖啡，我實在太孤陋寡聞，到底條野點用架呢？碌玉桂條係塞入鼻？隊深喉？齋用鼻索？咬碎黎趙？用黎攪拌？泡沫咖啡，淡奶味非常出，反而咖啡味十分薄弱，而且何解用紙杯？各方面即時大打折扣。手沖咖啡，濃郁回香不過不失，平凡就是美。我最喜歡始終係即磨咖啡，那份油脂浮面飲落非常舒服。虹吸式咖啡，有趣的工具，第一次的經驗。不太懂其原理，蒸餾清淡的啡味，不用糖不用奶，原味舒服。
continue reading
食物質素ok，炸魷魚幾好味平日去，唔多人，泊車好方便，係路口入口有啲隱蔽，唔小心過咗要返轉頭，留意路口有個牌仔指示。 真係見到有松鼠仔係度 店員親切細心，食得都好開心。 唯獨美中不足係用紙杯紙碟
continue reading
放假梗係要 chill 吓！今次去咗山旯旮咁遠嘅大埔林村，一間好有大自然 feel 嘅 cafe！唔止遠離塵囂，周圍都畀植物包圍住，仿如置身於森林嘅感覺，仲有好多隻松鼠仔陪你開餐𠻹！呢間 cafe 地方雖然偏僻，但喺大埔墟坐 64K 坐大約30分鐘，喺新村站落車，行2分鐘就到，都算易去。雖然四圍都係樹，好彩嘅係無蚊同昆蟲，而大樹仲有好多隻野生松鼠，有人會自備花生，放喺樹洞口，引佢哋出嚟，感覺都幾新奇！另外，仲有好多打卡位，韆鞦、古董電單車、古董大鐘、英式郵筒等都好有外國風味，感覺都幾正㗎！不過～咪以為咁 chill 嘅地方就係文青開嘅，啲侍應都係大叔同嬸嬸，突然好似去咗茶記咁！店家指因為疫情，啲杯同碟都轉晒外賣紙盒紙杯，貌相跌晒 watt，唔環保之餘，打卡又唔靚，仲要額外加錢，成件事突然好唔大自然呢！而食物方面，cafe 有漢堡包、沙律和waffle 等輕食，大部份都係自家製，漢堡包更加係手作麵包，每日新鮮即製，我哋嗰日 3點都唔夠就賣晒，要試就要趁早啦！自家製嘅漢堡脹卜卜，好香軟，而安格斯係茶記嗰種薄切牛扒，好大塊，不過好多筋，味道差OK，但好軔唔係好吞到，其他料都豐富，蕃茄好大塊好厚好多汁，仲有紅洋蔥、醃黃瓜，仲配埋沙律菜同薯條。魚手指同薯條都脆嘅，不過有啲似平時超市買到嗰啲急凍嘢咁，好似無咩技術成份。而醬汁方面算有少少誠意，嗰醬唔似出面買嗰啲，比較淡味，少少鹹少少芥末味，似係自己溝嘅。甜品就係自家烘焙嘅，芒果味同荔枝味都唔太出，底層嘅芝士味就唔錯，仲好滑，伴碟用朱古力字寫咗 cafe 嘅名，都幾靚！蜜糖海底椰梳打 $37呢杯特飲我畀滿分！平時飲凍嘢都有啲罪惡感，不過天氣太熱，見佢用蜜糖同海底椰做材料，感覺都健康啲，而且佢唔係死甜，味道清甜之餘，加上有汽梳打，真係好解渴！終於唔係用紙杯，仲有個靚靚玻璃茶壺，歎tea嘅感覺返番嚟！
continue reading
店員態度串到傻咗。俾個碼佢掃咗先，一句得埋黎話：我幾時掃咗呀？咁都要掃咗安心出行先架！掃完仲要嗡多句：你無set個碼入安心出行丫嘛！咩藍碼黄碼丫嘛我知呀！有啲後悔無掉頭走，但反正都唔會黎多次😖
continue reading
見有好多blogger介紹呢間CAFE就同個朋友揸車特登黎呢到打卡食野。CAFE前就已經有地方泊車，十分適合自駕人士。我地揀左户外位置，因為店主話有機會見到松鼠，果然櫈都未坐暖就已經有隻松鼠出嚟同我哋打招呼我地兩個人叫左漢堡同魷魚鬚，兩樣食物即叫即做上枱熱辣辣。漢堡係店家既招牌菜，以牛肉漢堡扒、番茄、芝士製作，配上特製嘅黑椒汁真係幾好味。難得係香港呢d石屎森林有間可以邊食野邊同松鼠近距離相處既Forest Cafe ,真係一個唔錯既飲食體驗～
continue reading