語菓 (淘大商場) (Closed)

諗住小店支持一下，咁就叫左本熱的錫蘭奶茶。本人一直都叫開無糖，亦都相信無糖可以更突出奶同茶的比例，奶同茶的用料，同埋沖嘅手勢。今次呢杯嘢熱就夠熱。但味道完全係淡之無味，錫蘭茶葉的味道係零。叫佢係一杯奶水都已經好俾面，因為飲落真係10%奶，90%水咁。試過唔同茶餐廳/台式飲品的無糖奶茶，當中有奶水，但今次呢杯真係劣中之劣，飲左1/3本身希望個底啲味好啲但頂唔順搵廁所倒左去。大家千其唔好好似我咁傻以身試伏，$24買個教訓都痛。附近有天仁同新開的花斑揀。

因為鍾意食珍珠 ，叫左杯「滿杯珍珠」， 明明寫係黑糖珍珠配鮮奶， 點知係比左普通珍珠， 杯奶已經無味，再加普通珍珠，真係難飲到嘔。 平時普通珍珠好食都唔緊要， 呢間野嘅珍珠仲要勁淋勁散又無味， 呢間野因為捱唔到好耐！大家唔好中伏好難飲 嘥錢

語菓啲珍珠好食左，開心。鮮奶茶既話，我個人覺得錫蘭紅茶同茉香綠茶好飲，平時都係飲開依兩隻既走甜走冰，啲野飲又抵，26蚊就買到出面啲大杯size走甜走冰既波霸鮮奶茶一杯大概350-400卡啦，無波霸就減去160-200卡左右。

好味 快手、有效率 仲有簽睇喺OpenRice落單唔使10分鐘已經ready可以拎。梨園吹 鳳曲。好有詩意但落單唔知咩嚟⋯⋯要左走糖走冰。奶蓋味唔會太肥膩。都幾香菠蘿味OpenRice 仲要有折 同再折哈哈😄！不過啲名太有心機 完全吾知咩黎 要研究下哈口

警惕世人不要中伏，第一鳳梨得個甜字，已經叫左微糖，甜到糖尿病。第二奶蓋超稀，而且無乜奶味得陣蜂蜜味，完全係稱唔上係奶蓋，你可以話佢係蜂蜜蓋。飲左半杯忍唔住掉左，簡直係嘥錢嘥quota,非常差嘅體驗。

叫左伯爵紅茶加奶蓋同珍珠奶蓋質地好薄，偏甜，無咩特別出彩嘅地方，飲嚟飲去都飲唔出加左奶蓋同無加有咩分別，而且奶蓋好快融入左奶茶入面，無加重本身奶味只係變左一杯普通奶茶。珍珠口感亦唔係特別好，比較軟身同難嚼，茶底本身只係有少少伯爵茶味，好有即沖奶茶嘅既視感，整體茶水極淡，無咩飲緊茶飲嘅感覺，飲完反而好口乾。而且包裝極差，啲冰一開始融隻紙杯包裝就開始好快變軟，而且杯口亦開始融融地。本身冧住試下新嘢，點知就伏左，認真失望。

語菓🍍🍎🍏🍑🍋🥒呢間台灣過江龍嚟到香港點可以唔試喔最特別係「梨園吹鳳曲」$29個名已經夠特別好古典優雅嘅名其實係秘製鳳梨果醬 加埋邪惡嘅芝士奶蓋外觀來講啲奶蓋慢慢向下沉好靚而且個底真係有一粒粒嘅鳳梨感覺都幾真材實料同埋畫面幾靚不過飲落個奶蓋比較淡但係茶味夠出仲有新鮮鳳梨係底真係加分另外嗌左杯「青檸蜂蜜」$25係新鮮青檸+秘製蜂蜜+薄荷+愛玉勁大杯期待飲落係好Fresh嘅味但係今日師傅落薄荷葉味落得太重搞到薄荷味好勁cover左青檸同蜂蜜令個味冇咁出不過應該今次重手左姐其實整體飲落茶底都幾香而價錢黎講都抵飲重點係呢到仲可以抽籤抽完之後後面好大個解籤文箱飲嘢之餘仲可以抽籤一舉兩得味道：👍🏻👍🏻👍🏻打卡：🦚🦚🦚🦚推薦：🐽🐽🐽

今日黎到呢間語菓去飲下野。其實都飲過呢間兩次左右。兩次都係見到同一個後生女店員一腳踢 (收銀、沖茶一手包辦)。可能佢係女老闆都未定。😹咁就試左呢杯女店員推薦既雪松烏龍 ($19)。價錢都幾抵。杯野本身無冰，叫左少甜。店員有提到要儘快飲。一攞到手，你會見到佢個奶蓋好似落雪咁飄落個茶底到。🌨️望落都幾得意。😹個奶蓋會比較輕盈，會有蜂蜜味，但蜂蜜味吾會太重。個烏龍茶茶味適中，飲落吾會太澀。抽左支籤。🐱有個籤文櫃。😎整體黎講幾特別，蜂蜜奶蓋同求籤既組合，吾係度度有，值得一試。🙈

建議： 飲一杯就可以抽一枝媽祖籤🙏🏻嚟自台灣既語菓，賣點係茶飲+求籤。每則籤詩來自傳統媽祖廟宇所用的六十甲子籤，可求問感情、工作、學業及人生。#試伏專員 求左枝籤，睇埋解籤紙仔都幾准 (事事順利) 😂 最緊心安理得，所以當做開心下都係唔錯既選擇。舖頭位置唔係太難搵 (2期2樓 唔好行左去書局個邊，近Pizzahut 上2樓扶手電梯) 茶飲選擇都幾多，仲有滿杯珍珠 (HK$34) 真係2/3杯都係珍珠😲 岩哂好鍾意煙韌感既朋友仔本來打算飲水果系列，不過見到漸變奶泡系列 有蜂蜜奶蓋。作為 #奶蓋控 當然要試下🤣今次試左：▫️雪松烏龍 (無糖) HK$19碳焙烏龍 + 蜂蜜鮮奶蓋▪️雪松紅茶 (錫蘭茶底加愛玉，無糖) HK$19+5有得揀茶底：錫蘭/伯爵紅茶 + 蜂蜜鮮奶蓋 兩款既茶底都唔係太濃，奶蓋就麻麻，飲到蜂蜜味，不過就奶泡口感。唔知係咪因為紅茶個杯加左愛玉，所以蜂蜜味濃啲。烏龍茶就淨係飲奶蓋時有蜂蜜味🐝。

〰️〰️〰️〰️〰️〰️〰️〰️〰️〰️〰️〰️〰️〰️🧋滿杯珍珠 $34〰️〰️〰️〰️〰️〰️〰️〰️〰️〰️〰️〰️〰️〰️放工行左去淘大試依間嘅語菓，佢係一間可以抽籤睇運程嘅店，可以測人生、愛情、學業，我揀左人生叫左佢最出名嘅滿杯珍珠，真係7成都係珍珠本身想叫無糖，但係店員話佢地冇另外落糖，所以冇得調節甜度，係本身黑糖珍珠嘅味嚟啲珍珠多到我飲唔哂，下次應該唔會再叫依個，都係飲返普通珍珠奶茶無糖算😂

依間飲品店好特別，每買一杯飲料，可以免費求一次籤。平時珍珠同奶蓋嘅飲品飲得多，今次想試下其他野飲，所以就試左薄荷橙汁。成杯野飲落去好冰涼，好清新，雖然佢唔可以轉甜度同冰嘅數量，但甜度唔會太甜。除左有果汁，佢仲有愛玉可以食，愛玉食落幾有咬口，酸酸甜甜，同橙汁幾夾。

𝙣𝙤𝙩 𝙟𝙪𝙨𝙩 𝙖 𝙧𝙚𝙜𝙪𝙡𝙖𝙧 𝙗𝙤𝙗𝙖 𝙩𝙚𝙖 𝙨𝙝𝙤𝙥 - 𝙩𝙝𝙚𝙮 𝙤𝙛𝙛𝙚𝙧 𝙘𝙝𝙞𝙣𝙚𝙨𝙚 𝙛𝙤𝙧𝙩𝙪𝙣𝙚 𝙩𝙚𝙡𝙡𝙞𝙣𝙜 𝙛𝙤𝙧 𝙚𝙖𝙘𝙝 𝙥𝙪𝙧𝙘𝙝𝙖𝙨𝙚 𝙤𝙛 𝙖 𝙙𝙧𝙞𝙣𝙠!😂 𝙤𝙥𝙩 𝙛𝙤𝙧 𝙥𝙞𝙣𝙚𝙖𝙥𝙥𝙡𝙚 𝙜𝙧𝙚𝙚𝙣 𝙩𝙚𝙖 𝙬𝙞𝙩𝙝 𝙛𝙤𝙖𝙢 𝙞𝙛 𝙮𝙤𝙪 𝙥𝙧𝙚𝙛𝙚𝙧 𝙨𝙤𝙢𝙚𝙩𝙝𝙞𝙣𝙜 𝙡𝙚𝙨𝙨 𝙨𝙬𝙚𝙚𝙩 𝙬𝙞𝙩𝙝 𝙖 𝙝𝙞𝙣𝙩 𝙤𝙛 𝙛𝙧𝙪𝙞𝙩𝙞𝙣𝙚𝙨𝙨. 𝙩𝙝𝙚 𝙥𝙞𝙣𝙚𝙖𝙥𝙥𝙡𝙚 𝙟𝙖𝙢 𝙪𝙨𝙚𝙙 𝙞𝙨 𝙛𝙧𝙚𝙨𝙝𝙡𝙮 𝙢𝙖𝙙𝙚 𝙗𝙮 𝙩𝙝𝙚𝙢🍍 𝙛𝙧𝙚𝙨𝙝 𝙤𝙤𝙡𝙤𝙣𝙜 𝙗𝙤𝙗𝙖 𝙢𝙞𝙡𝙠 𝙩𝙚𝙖 𝙞𝙨 𝙖𝙡𝙧𝙞𝙜𝙝𝙩👌🏽.黎自台灣新竹市既語菓除左賣手搖飲品外仲可以免費求籤，真係夠哂gimmick😂 每買一杯飲料就可以係全台第一個「六十甲子籤詩箱」度抽籤，人生、愛情、工作同學業都可以求🤪 梨園吹鳳曲係將新鮮菠蘿製食果醬打成綿密鮮奶泡再調入包種綠茶，冇一般傳統奶蓋咁濃稠但又保留水果香同清甜，想飲杯野但又懶健康揀呢個就岩哂👌🏽 手搖飲品店點可以唔試埋珍珠奶茶，珍珠彈牙但冇乜甜味，茶底都可以再濃啲～

來自台灣新竹市的飲品店，在港已有一段時間了，這次難得經過當然要去買杯飲品。店舖位於淘大高場頂層，小店裝修是文青簡約風🙈。飲品有多款選擇，包括:鮮奶/水果茶/茶飲/奶茶等。💥鮮奶煮黑糖 HKD$29，這杯飲品是無冰版本，所以不會太冷。面頭以鮮奶泡打成的奶蓋，味道清甜香滑😚。裡面的黑糖珍珠口感煙韌，攪拌過後味道更佳😎，飲品味道不會很甜。💥青檸蜂蜜 HKD$25，飲品以漸變層登場，這杯飲品既滋潤又特別☺。攪拌過後的味道酸酸的，帶微微甜味，飲完這個挻開胃的。飲品價錢不貴，味道挻好的。特別的是店內有得免費求籤，首創全台第一個「六十甲子籤詩箱」。在買飲品的同時也可以試試自己的運氣，感覺既特別又好玩🤭。

🎉今次介紹既就係來自九龍灣😇📍語菓 Fortune Teller九龍灣牛頭角道77號淘大商場2期2樓S7號舖1️⃣梨園吹鳳曲$292️⃣雪松紅茶$19以上兩杯飲品都係店入面推介嘅💛台灣飲品大家飲得多珍珠奶茶🧋試吓其他唔同清新啲嘅嘢飲👀第一杯係充滿菠蘿嘅味道🍍🍍夏天飲一定啱晒亦都好解渴😍😍出街飲真係一流👍🏻👍🏻第二杯雪松紅茶個感覺就好似上面有啲奶蓋咁樣😆但係又唔係好甜配搭着紅茶亦都好清新😍飲品價錢非常之合理👍🏻仲可以玩埋求簽😍😍新一年希望有新嘅開始🧧呢度飲嘢同時又有得玩🤩事業人生感情學業 四款唔同類型嘅方向都可以睇一睇👀仲有得解簽㗎🥰🥰🥰

💛先祝大家新年快樂，之前推介過呢間 #九龍灣茶飲，位置比較入，唔係地舖人流較少，襯住農曆新年同佢地合作個Giveaway，希望大家去開都去支持下呢間良心小店啦!💪🏻 有興趣歡迎去參加語菓係來自台灣新竹市，最特別係店內有得免費求籤，農曆新年冇得裝頭炷香入黃大仙求籤，黎呢到求籤都唔錯XD😆😆佢地係首創全台第一個「六十甲子籤詩箱」，有4個籤筒可抽，有人生、事業、感情、學業四大籤類，求完去返籤櫃拎籤文黎睇，仲有本解籤書幫你解文😂好飲又好玩呀😂上次飲咗"梨園吹鳳曲"，超級推介，今次就試埋其他水果系列，以鮮果入醬，打成綿密的果香鮮奶泡，再調入台灣茶，認真足料!👍🏻➡️"青檸蜂蜜" 係用咗新鮮青檸+秘製蜂蜜+薄荷，口感好清新，青檸酸酸地，幾開胃又解渴!➡️試埋"蘋水相逢"，蜂蜜味好出，又唔會蓋過鮮榨蘋果汁味，一樣都係左薄荷，飲到喉嚨好舒服!呢兩款茶飲都配有愛玉，幾有咬口，本身配方係有特定甜度同冰量，飲落去唔會好甜，岩岩好!👍🏻店內仲有原茶、漸層鮮奶泡系列、鮮奶茶同珍珠奶茶類可以揀，$16起有杯茶，好抵飲，下次再試埋!