香綿綿

Open Now

Now Closed

無講得咁好哩間舖頭系荃灣都一段時間，系疫程期間又有雜誌等講得多，當時行過都幾多人排隊，而家就無乜啦！今日下午茶吾知道食乜，咪去買舊原味$30試下，評價標準系食開深水埗的經典。環境—佢比經典大兩三倍，—裝修吾知道系咪用白光，加埋牆的顏色，感覺好舊。—好多味道放曬系度，吾知道放幾耐。—鋪面又賣雞蛋，自己覺得食物店通常吾會，好似街市服務—禮貌肯定比經典差，無耐性衛生—只收現金，雖然佢有帶膠手套，但感覺就系好似其他餐廳一樣，會用手摟完錢會掂到蛋糕，—哩度吾會比膠袋，但個盒特別有幾個孔，估計系如果蛋糕熱可以吾使焗住，但一路攞系街度行就會入灰塵。食物—每次(起碼10次)系經典買都系熱辣辣，香噴噴，但哩度系常溫，吾知道系無人買定乜原因啦！—哩度可能大舊d,但無咁好味，一來無蛋味，二來無香味，三來黐口(睇到上下兩層吾同密度,可能生熟程度同密度影響)

荃灣古早味蛋糕經過荃灣，見到大排長龍，走過去湊熱鬧ฅ՞•ﻌ•՞ฅ原來係賣緊之前好Hit嘅古早味蛋糕而且賣得好平!!!原味只需要$30一份!!平過坊間好多 出面原味通常都賣五六十蚊所以好多人排隊買新鮮出爐嘅原味!!賣晒就要等多陣再出爐(,,•́.•̀,,)除咗原味仲有幾款其他味道我就揀咗黑糖麻薯｡◕‿◕｡ $70蛋香味好重!!!入口好鬆軟黑糖味都重 不過麻薯份量有啲小忍唔住一啖又一啖!!而且一盒份量都唔細，有六件!上圖因為太為食同太好食偷食咗兩件(〃'▽'〃)食唔晒留返嚟做咗兩日早餐~結果都仲係好鬆軟♡‬下次經過荃灣會回購再試吓其他味道特別推薦荃灣嘅街坊購買!!

係街市望到有條人龍就睇下，甘好彩比我買到新鮮出爐嘅蛋糕😜見到個師傅切個蛋糕個陣仲係好有彈性囉到個蛋糕仲係好熱🥰記住要盡早打開返個包裝，如果唔係就會有好多水蒸汽原味蛋糕 $30我買左原味，一食落口好有蛋香，好綿密嘅口感🤩我個人prefer 雪係雪櫃一陣食嘅，亦都可以叮返熱或者就甘係室溫食～其實坊間都有好多古早味蛋糕，呢個小店嘅出品唔會好出眾，不過呢個勝在價錢親民得多，經過路過又撞正岩岩出爐嘅話，真係值得一試呀😋~10 pp (dessert / breakfast)味道：3/5環境：非堂食性價比：4/5回頭：⭕️

今次行經荃灣見到一間新開既古早味蛋糕門口播咪話大減價30蚊起 就有一底古早味蛋糕估唔到賣相咁平凡,蛋味咁足料 一件咁大件只賣$30每次限買一件,的確糕如其名,好綿好鬆軟好濕潤有口感一共有4隻味道,原味,黑糖,抹茶與咸蛋芝士 今期特別推介係紫菜肉鬆$70每日賣完就無,限量供應香綿綿 古早味蛋糕荃灣眾安街87號地舖G/F, 87 Chung On Street, Tsuen Wan平均消費$30評分8/10

前排好興古早味蛋糕，店舖開到成行成市，每逢出爐時間都氛香噗鼻，令人忍唔住買返件。＂香綿綿＂係我試過幾間之中最重蛋香嘅，仲係我唯一一間回購嘅，其實佢真係好抵食，原味出面賣緊$5x-$6x，佢就特價$30，無分時段，每次限買一件，我每次買一件返去可以當4日早餐，第一日當然好軟綿綿啦，但到第四日軟綿程度只係差少少，無乜點變硬好神奇，連平時少食呢d蛋糕嘅大少都叫我下次買朱古力味(sorry無呢個味)。＂香綿綿＂一共有四款口味蛋糕－原味、黑糖、抹茶同咸蛋黃芝士，價錢相比原味貴一倍以上，所以每次去都見有現貨，而原味基本上係要等，我每次大約18:15到，如果好彩的話，新鮮出爐一底十件就分到一件，如果唔係就要等15分鐘，去到唔見人龍，即係代表啱啱分完一底喇！

荃灣人，行過這店幾次，都沒有光顧.....直到今天，路過並發現原味原價$50，特價$30，每人限購一件。其實都幾大件，暫時未見過古早蛋糕咁抵價！軟彈當然，味道唔算濃卻又有蛋香，不太膩。行過嘅朋友，記得認住排隊的黃線。我也要多謝今日街坊的提示😏

因為我住荃灣，成日經過楊屋道街市買餸，次次行開經過呢間「香綿綿」蛋糕店都一定排晒隊，又見經過聞到好似都幾香蛋糕味於是今日就忍唔住買咗嚟試。我覺得味道同正常蛋糕都冇太大分別，係幾好食嘅但對我黎講唔值呢個價，我覺得少少貴。可能今日買到返屋企食嘅時候凍咗先食下次可以試吓趁熱食可能會再好食啲！ 個份量都算係OK，唔會太少，可以切開好多件同屋企人share食， 屋企人話味道唔錯，但未至於係有驚喜嘅感覺，可能我屋企人本身都有食開蛋糕所以對蛋糕比分會比較嚴謹～

因為疫情既關係，除左留係自己住個區之外真係好耐無出過街了拍拖見面既日子都改為在家拍拖今日男朋友SURPRISE地買了一個古早蛋糕上來！！！上網就睇得多，實物都係第一次見蛋糕係星期六買，放左個蛋糕係雪櫃一日。不過為左唔俾雪櫃抽乾水份，所以男朋友很好地用膠袋裝住。所以隔左一日都好似食新鮮出爐既海綿蛋糕咁，十分軟綿綿因為我拎住既蛋糕唔係即焗，所以香味就評價唔到。同埋大家都知道原味古早味蛋糕無用到調味，為求食蛋糕既原味呢張相係經我咬左一半後既模樣蛋糕濕潤、軟綿綿同時又好密，個蛋糕好dense，真材實料，食完係好飽肚雖然蛋香唔算十分出眾，但係天然既味道就係咁淡淡既雞蛋香同麵粉香，真係好好食呢！雖然好多人都話古早蛋糕既定價偏貴，但我又覺得呢個蛋糕既價錢係可以食幾餐（我食一舊半就可以做一餐了！），其實又唔算真係貴得太過份，間唔時想食都可以返啅 記住蛋糕要三日內食完，唔好一買買太多搞到食唔曬浪費啊

最近好興古早味蛋糕 行過見平平地50蚊就買左盒黎試 點知...... 有驚喜！由個紙袋開始已經好舒服 平時既古早蛋糕鋪個袋都細細個 放到岩岩好但拎得好唔就手 但依間你放兩盒都仲得番到去一打開個盒 好濃烈既蛋香味已經爆左出黎要講聲對唔住.. 因為已經忍唔到手切左舊黎食先影好林啊媽😩但佢林得黎仲要有口感 唔係一下散晒 亦唔乾身而且仲有好濃既蛋味 以前都會覺得古早味蛋糕同紙包蛋糕無咩分別但係今次... 我錯了🤣好啦我又去食多舊先🤤

去荃灣楊屋道街市買餸，順便嚟呢間「香綿綿」古早味蛋糕店，見到冇乜人排隊，咁入去買蛋糕先，點知我一行入去，突然間係我後邊多咗10個人排隊，好彩😆。蛋糕好新鮮全部都係啱啱做起，聞到香香嘅出爐蛋糕味道。其實今次唔係第一次買，兩個禮拜前，試咗佢嘅抹茶味，好味，所以今次試埋佢嘅原味，唔貴，$50，個蛋糕好大個 。蛋糕口感綿密，好淸香嘅雞蛋味，而家唔係成日出街，買定個蛋糕週末係屋企食，非常之好，我好鍾意食呢種簡單好味嘅蛋糕💝。

荃灣愈來愈多古早蛋糕店出現，一月生日我因為懷孕所以不吃有忌廉的蛋糕，當時我都頭痛要用什麼代替當天剛好經過香綿綿蛋糕開店日，蛋糕開店優惠才$25個，所以馬上就買來試試！我很喜歡軟綿綿口感，生日吃到已經超級開心了味道與一肥貓原味蛋糕差不多口感與一肥貓蛋糕差很遠價錢比起一肥貓原味蛋糕平$5一肥貓蛋糕口感比較硬，但如果喜歡軟綿綿口感就必定要試試這間的蛋糕！蛋糕有三款口味選擇原味蛋糕$50黑糖蛋糕$60流心鹹蛋芝士蛋糕$70有幾次夜晚經過都見到還有蛋糕賣，所以不用像別店一樣要定時定候排隊！

見佢新開，偶然行過見到有人拎住佢地個盒，又有人排下隊。基於香港人唔執輸嘅心態，我又走去望下。$50一大舊，可切成8長片。都唔算貴，咪買舊原味嚟試下。係好香蛋味嘅，亦食得出真材實料。不過就係一片雞蛋蛋糕咁囉，係實淨啲嘅說謊蛋糕咁囉！唔係話唔抵嘅$7一塊都ok嘅，不過要買一大舊就冇咁嘅必要囉！