香葉灣 (太和廣場)

Open Now

Now Closed

試咗個$36 早餐包雞扒，炒蛋，餐肉，方包，羅宋湯 同 一杯熱飲，我叫咗杯茶走。早晨豐富有好多選擇。味道ok, 價錢合理！啲野食好快上台👍🏻味道方面雞扒，炒蛋，餐肉，方包，羅宋湯 茶走，好彩主角雞扒都算好食，醬汁加分；最唔掂係個牛油方包，得一層都唔夠既牛油，方面有味好似隔咗好多日賣唔出既包，我食落去皺左一下眉🤨味道怪怪地～羅宋湯無味唔建議叫！其他野都正正常常無咩特別。係個炒蛋整到好似煎蛋甘不過食落都ok, 仲有個蛋味。環境睇落都乾淨，坐落都舒服😌

最近的食物都變壞。咖哩的薯仔變味，雪菜炆米變酸。食物質素差了，肉腌料全是黑胡椒味，黑胡椒味完全掩蓋肉味，難吃。湯面還有特別加料，附送塑膠片。魚柳雪藏有問題，變味。

事發在22年5月22日下午有一戴眼鏡男侍應對客人服務態度極差，性別歧視！一位女仕坐一卡坐就唔得，要人搭枱或調去另一張枱，但其實當時有好幾張枱都冇人！之後有一位阿叔坐一卡坐就得！又冇叫阿叔去搭枱或調枱，任由他坐！很不公平！完全係蝦女人嘅所為！好離譜！當時真係想問佢点解阿叔一個就坐得，我坐就唔得！但我費事勞氣，唔想同D水平低嘅人嘈！希望呢間公司正視呢個問題！

香葉灣係太和商場入面，一到lunch time都見到人龍😌不過我食既次數真係5隻手指數得晒😁呢日咁岩下午茶時間食到佢～ 下午茶人流比較少，冇左啲學生😆 唔洗等就入得！🍜 星洲喇沙香茅豬扒金邊粉 $38（下午茶）喇沙湯底唔算好濃，感覺佢椰醬都比較多，成碗野比較奶白色😁金邊粉份量好多！我已經叫左少粉🤣豬扒都有3塊左右，下午茶黎講份量都好ok!呢個價錢包埋杯野飲，仲有咩好彈～ 可接受啦😆 不過都算街坊食肆，唔值得為左佢特別一試～

一間高品質好服務嘅街坊茶餐廳早餐性價比極高睇吓個雞扒咁大塊條香腸展開兩邊先至炸淨係睇啲兩樣嘢已經知道呢間茶餐廳好有心機過雞扒真心好好食雖然呢一碟東西嘅擺盤十足茶餐廳風格但係未到先至係最實際因為好多連鎖快餐店佢哋嘅擺碟風格仲衰過茶餐廳但係味道都不及這一間茶餐廳仲有即叫即來的火腿通粉加上秘製辣椒油簡直係一絕這間店舖最難能可貴就係每一位夥計態度都非常之好非常殷勤有禮貌這一點不是每一間茶餐廳都做得到的環境又靚價錢又便宜

每一次喺太和搵完朋友，最方便都係喺一出火車站嗰個太和廣場嗰度搵嘢食，呢間香葉灣成日都見到有人排隊，茶餐廳來講佢都算做得幾出色，今晚食晚飯叫咗一個金菇肥牛煲同埋一份鐵板牛柳，牛柳好鬆軟，唔使咬到啲牙冇力，而且牛味好香真心覺得自己冇嗌錯，另外呢個金菇肥牛煲有好多肥牛同埋金菇，一個煲可以餸到兩碗飯咁滯，勁滿足，沙嗲味香濃，沙嗲汁撈飯最好食。仲叫咗香茅雞翼，雞翼好大隻，新鮮即炸所以好香脆，鍾意食煎炸野嘅人一定唔好錯過。下次嚟太和都要食多次呢一間餐廳其他菜式先。

放工後一行兩人想揾間交通方便嘅餐廳食飯係太和商場內揾到哩間裝修雅致的餐廳價錢質素都非常滿意服務態度也很好👍🏻1. 鐵板串燒分量十足，鐵板上可以保持溫度令到串燒更香更可口有牛有豬有雞串每串都味道均勻，而且沙爹味啱啱好香口惹味，不太過辣！正！2. 扒餐：豬扒魚柳薯菜出奇地多！正～而且魚柳炸得啱啱好不厚粉，不油！用心之作！而且兩個餐都有餐包和湯仲送餐飲！好飽～抵食！其實餐廳仲有好多泰式菜，下次可以試吓💓

已經有一段時間沒有吃過泰國菜了，這次我們來到這一間金葉灣，主打泰國菜和地道茶餐廳美食。我們兩個人總共點了，燒汁孖頭牛柳配白飯，冬陰海鮮湯金邊粉，泰式炸蝦餅，以及青檸梳打等特飲。先說孖頭牛柳，這個名字我還是第一次聽，問過店員了解後，原來是牛柳最好的哪個部位，果然名不虛傳。我們點了七成熟，吃下去非常之軟嫩，牛味濃郁，非常多肉汁，吃下去還以為是慢煮成的，用這個價錢能夠吃到這麼高質的牛肉，這一個性價比非常之高。另一個主菜就是冬陰海鮮湯金邊粉，先說湯頭，湯頭是新鮮的冬陰功湯，用料十足，能夠散發出濃烈的冬陰功香味，而且店舖用的海鮮也非常之新鮮，有大蝦，魷魚，青口等海鮮，分量也非常之多，而且金邊粉烹調的時間剛剛好，口感適中，總括而言是一本非常之可口的麵食！小食我們點了泰式炸蝦餅，新鮮熱辣辣即炸而成的蝦餅，不會太油膩，配上泰式辣醬，惹味可口，值得推介！我們還點了普通的凍檸茶和一杯特飲青檸梳打。新鮮的青檸，配上少少糖漿以及梳打水，清新可口，配著美味的泰國菜和牛柳，非常之滿足～

今日去慈山寺，路途遙遠，本來預一個小時去到太和才食早餐，但去到得翻45分鐘，以為要好趕。一早搵左系商場食，其實無選擇，只有哩間同老麥。本來以為哩間會食吾切，但落單吾使一分鐘來曬，厲害。另一個優點系選擇多，起碼多一些類似泰式早餐，正。防疫方面，張張檯有高隔板，仲有啊姐都幾強調安心出行。豬頸肉煎蛋金邊粉（$32）4分- 豬頸肉只有4塊，正常啦，要太陽蛋都無做錯，哩度就系好在有金邊粉，普通茶餐廳一定無囉，加埋碗粉有玉米同菜，比較健康。香茅豬扒煎蛋米粉（$32）4分- 哩個等耐小小，但都值得，豬扒好大塊，重要系塊豬扒帶適中肥肉，吾會瘦到乾硬，好難得。咖啡應該系即沖，OK啦

今日突然好想食鐵板燒什扒，懷念下倒汁時「沙..喇..喇..聲」🥳，經過這間聞到好香鐵板味所以今晚揀左這間😚「香葉灣雜扒-轉鐵扒上」真係好香呀🤩有腸仔，牛扒，雞扒，豬扒，仲有粗薯條🍟😚 配上沙律👍🏻「蝦膏炒通菜」大大碟，火喉十足😊「欖菜肉鬆四季豆」最野味了，送飯食一流👍🏻👍🏻「小食-泰式炸絲綱春卷」炸至金黃色，好脆口🥳「芒果沙冰」熱辣辣天氣配上這杯沙冰❤️備註：🔺一定要轉鐵板上🤣😂🤣😂👍🏻🔺不同類型野食都有😋

今日黎到太和搵食，係商場見到依間野好似唔錯喎！就決定入去試下～環境唔錯，好寬敞同乾淨！職員好好禮貌同服務周到餐牌選擇豐富，除左有西式既晚餐套餐另外都仲有中式既小菜可以嗌亦有星馬泰既飯麵小食我地今日就決定嗌小菜黎食～畢竟都好耐無食過啦！我地嗌左西檸雞同西蘭花炒鮮魷跟餐附送一碗湯，我地都叫左中湯好足料呀！飲得出無落味精～成碗湯既味道都係出自材料星洲凍咖啡咖啡味夠重，而且唔會太甜～係正宗既星馬咖啡！估唔到係依度都飲到～同出面食到既西檸雞差不多～唔算驚喜，不過不失雞肉新鮮嫩滑～醬汁都調配適當唔會太酸～相比之下西蘭花炒鮮魷就出色好多除左份量好多之外，魷魚非常新鮮，食落爽口彈牙而且充滿住鮮味好明顯係新鮮既貨源西蘭花亦都好新鮮，軟硬適中依碟食到我地lamlam脷~都算係食過最好味既炒鮮魷另外我地叫左個泰式炸絲鋼春卷一碟有4件~份量唔錯入面係蝦黎既~每一件入面都有2隻蝦~所以食落啖啖都係蝦蝦夠彈牙 好味而且唔油~作為小食真係非常合適埋單200蚊唔洗~仲要唔洗加一架!超抵食呀!下次再黎依頭一定會再試下其他小菜/套餐~

餐廳就在太和地鐵站附近，非常方便，座位寬敞舒適，晚餐有很多選擇。沙嗲金菇粉絲肥牛煲 $67這是大排檔/茶餐廳必點小菜！所有材料都份量十足，值得一讚的是肥牛油脂分佈平均，不會帶有太多肥膏，掛汁又惹味～醬爆泰式豬頸肉 $67豬頸肉肉質鮮嫩多汁，半肥瘦剛剛好，又不會乾柴，調味不會太辣，送飯一流例湯 $0羅宋湯不但有菜，還有粒粒牛肉塊，比較驚喜。忌廉湯濃淡適中，灑上胡椒粉更香口。白飯 $0每人滿滿一碗白飯，飯粒飽滿結實。泰式珍多冰 +$8最好喝的特飲！味道香濃，每一口都喝到綠色粉條，口感清爽，最底層還有波羅蜜，彈牙煙韌。椰汁冰粉 +$8同樣甜甜的、帶有椰漿，不同之處是有涼粉。職員工作勤快，下次來太和的話，會再次到訪👍🏻

琴日去太和搵我親戚食飯 咁因為我唔太熟果頭 所以都係等佢介紹 去到太和廣場 佢就帶左我去呢間叫做香葉灣既餐廳一睇餐牌 見到各式各樣既菜式都會有 例如中式小菜 西餐既話就會有扒餐 泰國菜既話就有串燒 咖哩等等包羅萬有 咁我地就叫左一打鐵板串燒 有豬有牛有雞 全部都好正好滑個沙嗲汁都好好味 相比其他泰國餐廳算做得唔錯另外我地叫左個海鮮金邊粉 睇落雖然淺色左D但係味道好好同埋好夠味 D粉既軟硬程度都岩岩好 抵讚!!  

今日掛8 號風球，係附近商場閒逛一下，想不到這餐廳有開，就試一下下午茶 - 炸鷄脾薯條加熱華田。生炸鷄脾夠熱夠脆，雖然味道唔算太入味，但反而唔會太咸太膩，很好。薯條唔太多，算係下午茶餐既份量。華田普通沒什麼特別。

前幾日又喺附近做完嘢 見到佢個Menu有我最愛嘅檸檬蒸烏頭 諗都冇諗入咗去解缺我嘅晚餐喇 環境唔錯乾淨棋你又好坐先來嘅係中湯 飲落冇乜味精 唔錯檸檬蒸烏頭火候掌握得好好 唔會過生或者過熟 魚嘅肉質好好 好鮮嫩 另外啲汁亦好惹味 從飯一流值得一讚嘅係條魚大大條 好抵食！過白飯亦煮得都唔錯 口感適中 軟熟得來飯粒又做到粒粒分明 平時晚餐唔食白飯嘅我（怕肥吖嘛）亦將個飯食清光餐飲揀咗泰式珍多冰 唔會太甜 珍多既口感亦好好 讚！簡單而又美好嘅一餐 大滿足呀！俾個Menu大家參考 除咗泰式嘢之外 中式同西式都有 啱晒唔同人嘅口味P.S. 唔好呢間野好似好頹咁 服務都唔錯 店員好親切 超出晒我預期 值得嘉許！