香葉灣 (太和廣場)

Open Now

Now Closed

垃圾中嘅垃圾跟餐可以揀忌廉湯或者羅宋湯，係我傻叫咗個忌廉湯。個姐姐見我一啖都冇飲過都照收走左，問都冇問有咩問題，我諗佢哋都心知係有問題。忌廉湯好白，入面有一粒粟米。作為一個茶餐廳出品，都唔係咁簡單。叫左個咖喱牛腩飯，諗住穩穩陣陣。個白飯好，咖喱牛腩入邊個薯仔可以食，牛腩硬過我條命。難食之餘，呀服務員態度都一流。叫左杯「凍奶茶走甜」，服務員懶醒咁落左茶走。我同佢講落錯左，仲話返我轉頭👍🏿 我幾驚係自己記錯，即刻Google下。BTW，茶走一般係冇凍嘅，聽到凍奶茶，仲茶咩走？下次真係行遠幾步去食木船好過😩

疫情期間多咗買外賣返屋企，趁着Weekend可以買個外賣下午茶，一邊在家工作一邊慢慢嘆，之前食過太和的香葉灣晚市小菜，食物質素不錯👍🏻，今次決定encore再試吓外賣下午茶。食物款式多元化，突然好想食泰式越南菜，我們就叫了個香茅豬扒檬粉及泰式肉碎炒飯，仲有餐湯羅宋湯、餐包及餐飲，套餐超值而且豐富。這個羅宋湯味道很濃郁，而且配菜豐富，朔晒湯的精華。而香茅豬扒檬粉的喇沙湯底是另上，我攞到返屋企都係熱辣辣的，將香噴噴的喇沙湯底倒進檬粉內，又濃郁又好味，香茅豬扒一大塊，啖啖肉質軟口，加埋好索味嘅豆腐卜，唔錯😊👍🏻。而朋友叫的泰式肉碎炒飯份量大、好足料，食落去仲炒得好有鑊氣！最後飲返杯凍檸茶爽一爽喉嚨就滿足晒！

回家前想買一個下午茶回家吃，就到了太和站外的一間餐廳，看到這個餐牌真的很傷腦筋，太多選擇，炒粉麵飯，焗飯，什麼都有，而且價錢很便宜。我選擇了白湯，味道很濃，而且還有一個熱辣辣的餐包，一個下午茶吃出了西餐晚餐的感覺。家人選擇了紅湯，材料十足。香茅豬扒飯:豬排很大，差不多蓋過整個飯，但重點是豬排非常軟，非常容易咬開，還有汁很多，材料還有紅蘿蔔和白蘿蔔，一點都不吝嗇，還以為下午茶會小份一點，但完全不是，份量很多很大份。焗鮮茄豬扒飯走了十五分鐘回家還是很燙手，炒飯底，炒飯一點都不硬，好像平常吃普通白飯一樣軟身，有鑊氣，還有鮮茄味超級濃，豬排同樣很好吃，份量也是非常多。兩個人吃兩個餐都吃不完。

一嚟到親切有善嘅服務態度，值得一讚👍🏻街坊生意價錢公道，而且份量好足夠🌟馬來炒貴习，好友鑊氣，黃姜粉份量十足，而且唔會好多油🌟焗鮮茄豬扒飯，飯係炒底粒粒分明，鮮茄酸甜到剛剛好，豬扒好淋🌟咖喱牛腩飯，咖喱味好香，一啲都唔辣，牛腩炆到好淋呀，牛味十足，薯仔吸收晒咖喱同牛腩嘅味道好好食😋🌟羅宋湯，用料十足，好多雜菜。🌟忌廉湯，香滑點餐包食一流🌟冰凍鹹檸檬七喜，除咗有鹹檸檬之外佢仲加咗新鮮檸檬，冰凍鴛鴦檸檬七喜消暑下火一流喔

疫情下鼓勵多留在家，但放完工去街市其實更人頭湧湧，唯有走入商場，看看有無抵食外賣。這天來到香葉灣，還是5點幾， 呢間餐廳既下午茶餐做到6點，有好多東南亞款式既炒粉麵飯可選擇。下午茶餐全部唔使$40！仲包熱飲，要湯都只係加$3，其實買完番到去都六點幾，都夠鐘數食晚餐。A1餐泰式海鮮炒金邊粉，其實炒粉麵飯嘅份量都好大份，迫爆發泡膠飯盒，炒得好惹味，都唔太油，一個人食都好飽，我仲留左少少第2日番工帶飯。A12餐，咖喱牛腩飯，白飯好多，目測有兩碗飯，咖喱汁椰香味很重，不過牛腩同薯仔份量相對下唔夠送飯，但牛腩就超淋。加左$3叫左兩個紅白湯，紅湯好多蔬菜料，幾好味，不過白湯就無乜特別。總括黎講，下午茶餐黎講真係好大份好抵食👍🏼👍🏼👍🏼👍🏼

火車返屋企想喺冷氣商場搵食，太和 香葉灣剛剛好在我回家的旅途上，想試很久了，經過聞到香噴噴一於坐低試吓，室內裝修充滿東南亞風味，冇得飛就當自己去緊旅行啦！泰式涼瓜炒牛肉 $65小菜套餐價錢經濟實惠，泰式涼瓜甘中帶甜，泰式香辣惹味，炒牛肉鮮嫩多汁又滑口。奉送例湯、白飯，牛肉送白飯吃一流。芒果沙冰特飲加$8 我當然想試吓泰國特色的芒果沙冰，好香嘅芒果味，甜度適中。天氣熱辣辣飲冰涼的飲品就最爽啦！香茅雞翼 $28小食方面揀咗香茅雞翼，香茅惹味，雞翼夠大隻，最緊要皮脆肉亂多汁。泰式炸蝦餅 $28薄身泰式炸蝦餅，質感外層香脆，入口彈牙，非常之好味，又不會有油膩感，食多幾件都仲得。泰式海鮮炒金邊粉 $54海鮮材料非常豐富，炒金邊粉夠晒乾身，配料又多花款，滿有泰國風味。紅白湯夠經典，真材實料。泰式真珍多冰 加$8 已經可以飲到泰式真珍多冰 ，椰汁香濃幼滑。總括而言，餐廳食物款式多，選擇多元化，環境又充滿東南亞風情，店員服務好值得再幫襯。

今晚就相約妹妹喺太和商場食晚飯，聽朋友說這間新開的多國菜餐廳嘢食好食，今晚終於有機會試嚇。因為社會肺炎疫情關係，店員在門口先幫我們量溫才進內，而且每個卡位位置都有屏風隔開，可見做足防疫措施。先飲一個例湯濕濕口。我們隨即點了三個小菜套餐，包括蟲草花蒸雞，大約等10至15分鐘就有得食，雞件份量多，而且肉質很滑嫩，蟲草花好入味添，配白飯食一流。而XO醬翠玉瓜雲耳炒豬頸肉好惹味，豬頸肉大大條，仲有好健康嘅木耳，配料非常多。最後食返個馬拉盞炒通菜清一清腸胃。而且每個套餐都有一杯飲品贈送，我就揀選熱柚子蜜滋潤一下喉嚨。

今日放假阿爸話一齊陪佢去重拾舊時嘅味道所以我哋去咗食港式茶餐廳做午餐。間茶餐廳都有防疫意識 因為每位一客嘅乘客都要探熱 之後我見佢每個位都加咗塊板去擋住。有卡位坐都坐得幾舒服, 阿爸就食海南雞飯 我就食豬扒飯加蒜蓉汁。價錢大眾化，性價比高。之後咁啱下午茶時間我哋就再嗌多咗一碟炸雞翼炸薯條再加杯沙冰。個香茅豬扒飯個豬扒都夠厚又夠入味我都成碟食曬。阿爸就話啲雞就話加埋啲沙薑一齊食都幾好食。香港的奶茶一定要夠龍茶味同舊熱 呢到兩樣都做到。西洋菜蜜係香港茶餐廳有嘅獨特飲，而我對菜蜜嘅要求好高因為由細飲到大。如果佢稀釋咗加糖我一飲就飲得出，佢呢間都做得幾正宗甜度適中真係用西洋菜蜜開嘅，簡簡單單嘅一杯熱菜蜜就睇到餐廳嘅選擇對原料要求, 海南雞都夠嫩夠大分 用雞髀肉好滑，五十蚊一份嘅lunch set其實分量好足材料。我哋為食所以加多咗雞翼同薯條一齊分呢個食返兒時嘅味道。薯條係粗薯夠薯 啲雞翼炸得幾脆幾多汁。阿爸話佢啲奶茶都幾好飲所以最後又加咗多一杯。

家裡的易潔鍋受了傷，這天走到太和廣場看看有沒有合心意的鍋，順道在這裡吃晚飯。選了這間有很多菜式的餐廳，多為泰菜丶中菜丶亦有馬來西亞菜式等，可以走辣，連餐湯也有多款選擇，還奉送餐飲雞球炒芥蘭苗 $65份量十足，芥蘭苗幼嫩爽口，雞肉鮮嫩香口😋泰式鮑汁海皇豆腐煲 $68非常豐富，有豆腐丶蝦🍤丶蟹柳丶魷魚🦑等，醬汁香濃味美😋馬來薄餅2件 $28薄餅質感外層鬆化，內層酥軟，極之好味，薄薄的不會有油膩感😋香茅雞翼4隻 $28雞皮香脆可口，雞肉味美餐飲選了青檸梳打及熱杏霜一間多元化又抵吃的餐廳，環境及服務態度也很好👍

晚上已經很久沒有出外用膳，放寬限聚令後，今晚就出外吃晚飯。晚飯在「香葉灣」，餐廳有室內外座位可供選擇，裝置具東南亞風格，為顧客提供多國菜服務。這是我們很豐富的一頓晚飯：香茅椒鹽肉排、海南雞飯、咖哩牛脷飯，還有忌廉餐湯、熱奶茶 和涷蜂蜜柚子茶。香茅椒鹽肉排的外觀有點兒像避風塘椒鹽肉排，加入香茅的椒鹽肉排，味道又像由避風塘回到了泰國；呵呵呵！享受著香脆的肉排又懶理是避風塘還泰國哩！海南雞飯是由海南島文昌縣的家常飲食，傳至東南亞，也成為星加坡國菜之一，廣受歡迎，所以，海南雞飯也成了我們今晚桌上佳餚，眼前的海南雞可謂皮香肉滑，佐少許薑鹽油吃，嫩滑雞肉與薑香油香融合，滋味無窮！足料餐湯：粟米、蓮藕、紅蘿蔔、粉葛和雞腳，湯水很味道不錯！咖哩牛脷飯是我的至愛，很喜歡這個純純的咖哩汁，沒有舖滿油脂，牛脷甘香軟綿很美味！晚飯人均消費$66，抵食又份量多。

諗住近近地同老人家食個下午茶，我地17:32落單，諗住公仔麵個啲應該好快到。點知18:00仲未到，我地都催左幾次，有好多遲過我地既枱都黎齊曬D野食，有啲仲食完走埋添🙂18:04同佢地講如果仲未整我地唔要了，佢地先同我地講漏單。依家咩事，唔催就唔會追？大佬你見到有枱客坐左半個鐘枱面都仲未有野食，唔會去跟下？漏單都算，一句唔好意思都無？態度仲要咁臭串。真係唔會有下次。真係垃圾

大廚應該係大排檔的熟手師傅 👍🏻最基本星州炒米 佢可以炒到滑左啞🥺色香味有 但濕到過左火位 如果唔係必係港式風味另外講到泰式 佢應該唔喜歡泰國風味；什至重未食過🧐泰國金邊粉;師傅你好應該出去食下是旦一間泰國菜；或者親到泰國街頭一吃因為你煮的日式炒河又唔係；我覺得你炒廈門炒米一定應該ok👌🏼怒咀刁。您可以做港式茶記；不需要泰式伴隨

第一次嚟幫襯,心情患得患失點咗兩份早餐。D麥皮餐$28嘅麥皮味道係可以嘅,濃淡度啱啱好。但樓面亞姐上檯時因為太高速,攪到成隻墊碟都係麥皮。炒蛋軟滑但無蛋香,多士係厚身嘅(落重本)。牛油練奶都搽得勻稱咖啡略淡,奶味濃。啱自己嘅taste另一份A1香茅豬扒餐$30(配咗 金邊粉+煎蛋),豬扒大大塊。唔算香脆但唔會油膩,調味比較簡單可以食返豬扒嘅原味軟硬度亦OK。湯係無味嘅清湯,煎蛋無流心。奶茶好香滑兩份早餐價錢合理,下次再嚟

同小朋友玩完嚟，又係唔咸唔淡時間，唯有食慢d，下午茶當dinner😆唔小心無睇食評就入左e間餐廳，&唔小心叫左三碟牛🤣🤣🤣以下午茶嚟講都算大碟抵食嘅..但..咖哩牛腩👉🏻普普通通的正常味。黑椒牛柳絲炒意👉🏻算幾野味，d牛柳絲唔霉的，雖然都無乜牛味。乾炒牛河👉🏻好搞笑地，d牛yip到又霉又無味，河粉又碎，好難食😣👎🏼加$3個羅宋湯仲搞笑，一d都唔似飲緊羅宋湯😅甜嘅？🥴🥴🥴雖然個湯好杰身，但真係又怪又唔好味😣😅👎🏼下次..咪搞我了..

因為佢隔離間名牌茶餐廳裝修所以迫於無奈唯有一試佢個早餐 ，叫咗個最普通嘅沙爹牛肉煎蛋公仔麵牛肉，你都見到好似有D啡啡哋色但出奇地完全冇味唔知想點， 通常啲咁嘅街坊茶餐廳只會太鹹， 但呢間餐廳為咗大家健康著想似乎一啲鹽都冇落過 ，成碗嘢食完好似冇食過咁樣。 冇嚟聞味唔知想點環境絕對會影響食嘢味道 ，一入到去，成間嘢非常悶熱 ，你唔好講畀我聽你想環保啲唔開冷氣，只係得幾把吊扇喺度轉轉下 ，你令到啲食客坐得唔舒服坦白講我絕對唔會再去 ，今次只係迫於無奈你隔離間名牌茶餐廳裝修緊所以先逼住去你度…… 老老實實你連杯咖啡都普通到不得了，完全唔係水吧師傅沖出嚟嗰啲水準衰過屋企工人沖雀巢咖啡。 唯一可以讚嘅只係你價錢平 ，其實你個舖位喺正當眼地方 ，你絕對可以做得好啲多啲生意，唔該你自己檢討下。