Video
2-min walk from Exit B1, Prince Edward MTR Station
continue reading
Opening Hours
Mon - Sun
17:00 - 03:00
Above information is for reference only. Please check details with the restaurant.
Recommended Dishes
因為晚上係附近其他餐廳已經食的好飽，所以決定只係坐下飲酒傾一傾。首先環境來講就係一般細酒吧，冇咩特別。洗手間要出門行去後邊巷仔，非常唔方便。mojito，同行friend全部都叫尼個，超甜，冇咩酒味，同服務員講咗以後就話係迎合香港人口味，咩？原來香港人食咁甜⋯後來服務員就拎了一針筒rum過來，叫大家自己落。dry martini，好普通，冇咩特別。最誇張係小食nuts，175蚊，一次都冇refill過，係，我係好少蒲，但係麻煩都要提前話客人知啊。
continue reading
今日行過太子同朋友搵手工啤酒飲，點知去左一個有意外驚喜GE西餐廳！！喜歡牛扒的朋友必食～肉汁鮮嫩，配上新鮮調配的醬汁簡直是另一番享受～～～我地聽左職員介紹食黑毛豬燴飯，菜式配上扁豆感覺健康，上面配上新鮮蕃茄粒令整道菜變得更清新。值得一試係大蝦意粉，意粉軟硬度適中，大蝦煮得剛剛熟，爽口彈牙～係鍾意海鮮Ge我必然選擇！除左味道，不得不讚係菜式Ge佈局，裝飾得好有心思，尤其係個巴西卷，外面脆，入面肉汁保留得非常完整，整到菜配上木籃上碟令到成道菜升級不少！
continue reading
我從來不在OpenRice 寫食評，只會在Facebook 分享下，但今天食完實在忍不住在這裡寫第一篇食評！我見一個差評都無，今晚老公生日就去試下！不知好評從那裡來？？今晚吃完再看那些好評，當然我只吃了三道菜，其他食物給不了意見，但我吃三道菜竟然在其他食評得到高評價，實在令我模不著頭腦！一兜仔粟米片收$30，我係去食dinner叫了兩個main course一個沙律點解仲要收我nuts費？ok恕我少蒲吧無得怨！
continue reading
星期日晚上嚟到酒吧街， 唔係飲酒，係嚟食飯呀。呢間餐廳除咗有得飲酒玩骰盅之外，仲可以食飯，喺門口睇到menu見到啲嘢食都算抵食，咁所以就嚟試下啦。時間尚早，個天都未黑齊，所以飲酒嘅人都係得一兩枱，唔會話太嘈。估唔到喺酒吧食嘢，食物種類都算幾多喎，唔會淨係得薯條呀雞翼呀嗰啲小食。而且有幾多款我都係有興趣添。一坐低店員就已經俾咗兜脆脆我哋，咁鬼肚餓仲要對住啲香口嘢真係忍唔住瘋狂食。呢啲脆脆可以無限refill添！同男朋友先叫咗一個set dinner，佢話想試下個烤豬手。一齊睇下set dinner啲咩食？Set Dinner $1981. 梳打特飲 (+$18)首先餐飲加18蚊可以轉做梳打特飲， 唔記得咗男朋友叫咩味道，不過見佢都飲得好津津樂道，可能出面天氣真係太熱喇。2. Appetizer - 蕃茄醬芝士焗肉丸餐前小食我哋揀咗呢個番茄醬芝士焗肉丸，呢個肉丸感覺有啲似Ikea食到嗰種，當然呢度既肉質係再實淨啲，番茄醬亦都好充足，所以成個丸係好juicy，一啲都唔乾身。3. Main - 香辣燒豬手伴酸菜沙律主角燒豬手，一上枱心裏面就哇咗一聲，呢隻豬手唔少嘢喎。其實我本身都幾怕食豬手， 因為切又好似好麻煩，用手食又好似好麻煩。男朋友喺度咁就梗係由佢效勞啦，我呢個港女就坐喺度等食肉同埋影相lol豬手雖然外皮烤得夠乾，但係裏面啲肉仲係好嫩，唔會鞋颯颯， 味道剛剛好又不會偏鹹，所以我都幾鍾意。但係旁邊嘅酸菜沙律我就麻麻地啦，可能我本身唔太鍾意食酸菜喇。4. Dessert - Apple Pie甜品蘋果批，好靚，甜中帶少少酸，旁邊仲有少少生果作點綴。 以198蚊呢個價位嚟講，可以食到咁多嘢其實真係超抵食。當然，我哋有兩個人， 又點會食一個set dinner咁少呢，所以就嗌多兩個散叫嘅食物。時令煎法國鵝肝 $128鵝肝呀，係我最鍾意嘅鵝肝呀，雖然知道膽固醇真係好高，但係間唔中都會想食一下。呢個時令煎法國鵝肝，我開頭以為淨係得一件鵝肝，原來仲有沙律同埋麵包粒。由於鵝肝係會有太容易食滯人，所以有埋沙律同埋麵包粒顯得餐廳好貼心。鵝肝非常厚身，沒有筋，煎得外脆內軟，呢個入口即溶嘅感覺實在太幸福了。而鵝肝上面嗰一粒係無花果啫喱，煙煙韌韌又幾好味喎！炸魷魚圈 $58好高嘅炸魷魚圈呀，份量好多。即叫即炸所以上枱嘅時候仲係熱辣辣，仲有兩隻醬汁可以點添。非常脆口口，但係就一定要點醬，如果唔係會覺得入面見由於偏淡而無味。Strong Bow Apple Cider $48呢杯我諗都唔需要特別多講，Strong Bow嘅apple cider我一向都幾鍾意，甜甜地易入口啱曬女士們！
continue reading
想揾輕食，求其揾間响附近的，呢度好黑，舖仔細細，其實係一間bar，有大餐牌，有set。兩個人嚟，叫一個餐加個豬🤚🏾沙津，應該夠。番茄海鮮凍湯，好清爽，勁洋蔥味，都幾酸下，有d印度風味，海鮮就係果粒青口🤣。鍾唔鍾意就真係好睇自己喜好。我唔好羊，怕果陣味，但呢度嘅好OK，佢唔酥，薯角下面仲有好多蔬菜，仲要係好味嘅添，最正係碟旁的醬汁，有牛肉汁的味道。豬手沙律個沙律係酸嘅菜絲沙律，而豬手一定一定要襯熱KO塊皮，好好味，切落去真係“十”一聲咁脆。過左一陣已很失色，皮同肉之間有大量肥膏，連埋一齊實在食唔落，膽固醇😱。忍唔住片走晒，有半碗咁多，都好嚇人，太核突，無謂影。D肉都好入味，好有油香，另附嘅醬亦係充滿誠意，辣辣的燒烤醬，但其實唔點醬都已經夠好味。👏🏻最後係甜品，一d都唔欺場，有伴碟嘅蘋果批。放一小件入口，即時“唔（😻高8度）”一聲，好冰涼，好啱食完咁多肉嘅口感。呢度只得一個後生男待應🙋🏼♂️，好勤力，不多不少的招待，但張枱真係細到煩，For飲嘢ok，食嘢只適合一人餐，乜都放唔到。另廁所在店外巷仔內，感覺很不好。最終，兩個人食唔晒d嘢😐
continue reading