高飛漢堡 (Closed)

漢堡唔算係難食，但非常一般。食物定價偏中高價位，難免對食物質素有少少失望。店名看似係漢堡專門店，可惜漢堡同薯條質素都似係茶餐廳下午茶套餐（當然價錢唔係茶餐廳下午茶價錢）。今次點嘅係「巴閉妹漢堡」，如果唔睇menu上原來有咁多材料，實際上係食唔出有咁多款食材嘅味道。面包唔係牛油面包，缺乏面包香。牛肉、芝士、醬汁等都似現成放入去組裝，即自己屋企都砌到嘅一個漢堡，沒有店舖特色。隨餐附送嘅罐裝飲品，包裝有不明黑色物體，雖知可能係飲品供應商問題，最終不敢飲用，實屬不幸。再訪指數：📍（1/5）

今日同同事食lunch，想找個地方傾下計，見附近有間新新地嘅burger點於是就試下啦，反正lunch time得一檯客咁就可以靜靜傾計，點知就一食即中伏。我就叫左個墨西哥漢堡，一來到我就心唸pk喇，咁細我要食幾多個先夠？個包好細個，塊漢堡就真係漢堡扒咁薄，薯條數埋應該有10-15條，大佬一個男人點夠飽呢？跟著我見隔離個學生妹叫左三個餐自己食先夠真係荷包豐厚呢。我呢d窮L下次都係去對面間麥當勞就算，至少食得飽。講番食物質素，個飽係唔合格既，一來到已經係凍，而且好「林」好似擺左係廚房好耐咁，塊「漢堡扒」雖然薄，但煎得靚嘅，點知一入口就散發濃濃嘅雪藏味薯條不是自家製，汽水就罐裝汽水。已長沙灣區來講，收呢個價錢，俾呢個portion同食物質素係完全唔合格，一定無下次

經過呢間新開嘅漢堡店就試吓喇～落咗單係即刻整嘅 坐低等咗大概五分鐘就有得食喇賣相都唔錯1️⃣男朋友揀咗經典漢堡套餐一咬落去就見到佢面有難色咁😰入口唔係熱辣辣😱初頭以為係沙律菜凍影響咗個溫度🤔🤔🤔見佢不停係度用嘴去掂中間塊牛肉餡係咪凍嘅😲結果中間個心真係凍嘅🥶🥶🥶即係唔熟啦🥵🥵即刻拎返去同廚房講佢話「唔好意思 整返熱俾你」等咗一陣 真係將個咬咗一啖嘅漢堡包🍔俾返我地😂仲要打側瞓低咗🤨咁樣俾返我地都幾肉酸🧐🧐🧐作為一間新開嘅餐廳🍴應該盡力做好返？出面餐廳正常都應該換返個新嘅漢堡俾客人唔換都唔緊要 但至少整返靚仔嘅？咁樣搞到我哋都唔開胃😣😣😣🥵我哋諗佢應該係用微波爐叮熱完俾返我地出到嚟先係一個正常漢堡囉🤕同埋見到應該係老闆？還是高層？都係餐廳入面 有過去望一望個情況 但都無講啲咩 坐返埋位如果係老闆應該要更加重視呢個情況吧？😵‍💫2️⃣我揀咗個菠蘿雞堡套餐菠蘿係好大塊嘅 好juicy 沙律菜都好新鮮 但好凍 似岩岩係雪櫃拎出嚟咁所以一食落去就覺得個包好凍冰冰咁🥶🥶🥶中間塊雞堡更加只係微溫😓加埋啲凍冰冰嘅沙律菜 令我覺得個包都唔係即整 而係擺咗好耐咁😓但明明就係見住佢即整🤥加上見到男朋友個漢堡咁樣 我

真係冇下次嘅漢堡餐廳，打正旗號賣漢堡嘅餐廳，諗住點都會有少少質素。咁就入咗去試。。。佢嘅價錢都唔太平，最平個個經典漢堡，都要$58 😨我通常第一次試都會揀漢堡餐廳嘅經典漢堡，因為呢一個應該係最基本要做得好食嘅漢堡包。漢堡包嚟到嘅時候，本身個份量已經好細，完全唔值$58 ，仲要自己額外加錢配薯條同可樂。見到塊芝士乾爭爭已經冇乜胃口，然後中間嗰塊肉，直頭係漢堡扒…漢堡扒都算，但係亦都係十分之乾而且食落口完全冇味。沙律菜亦都係圖中見到咁得幾條🤢🤢🤢十分失望。。。衰啲講句，食返麥當勞嘅安格斯漢堡仲好過呢個漢堡包。起碼有小小肉汁。。。。

今日試左最近在長沙灣新開的高飛漢堡，門口和鋪位裝修好有傳統美式的風味，店內有座位可以堂食，不過我同朋友就外賣返公司食，我地叫左經典漢堡同墨西哥漢堡，一個跟薯條，另一個跟豉油雞翼，飲品用罐裝的。外賣大約等左15分鐘先有得攞，再行10分鐘返到公司，打開後，兩個包外觀都唔錯，仲好漲book book，到開始食，兩個飽基本上同一個味道，只是其中一個多左塊車打芝士，唔覺得有d咩分別，包皮有黑芝麻同白芝麻，幾惹味。薯條是傳統茶餐廳的波浪薯條，但好似炸得唔夠脆。另外雞翼似係醬汁味多過似豉油味，可能因為外賣關係，唔夠熱同好林。價性比唔係好抵食。

見係新開嘅burger，價錢又唔太貴，就入去試下啦，諗住叫一個”魚魚漢堡”同埋”經典牛肉漢堡”，點知落單嗰陣個阿姐話”魚魚漢堡”係鯪魚肉，而唔係一般快餐店嘅炸魚柳，個吓當堂嚇一跳，然後得啖笑，最尾都係叫返”經典牛肉漢堡”穩陣。2個都有轉套餐，一個要薯條一個要水牛城雞翼(3隻)，飲品要2罐coke zero，另外再嗌咗3隻豉油雞翼。個餐嚟到，一開個包，比一般漢堡包細少少，個包有烘過，幾脆，不過牛肉味道略咸，薯條係粗身無紋嗰隻，份量合格。重災區嚟喇，2款雞翼。2款都係用炸雞翼加啲杰撻撻嘅醬，有小學午餐供應商嘅影子，啲醬完全冚過哂啲雞翼，搞到雞皮淋鬼哂水牛城雞翼唔辣，豉油雞翼唔重豉油味(其實個人覺得用炸雞翼加啲豉油醬嚟做豉油雞翼，都算係創意料理)，總之個感覺就好似一早整定哂啲有醬嘅雞翼，然後用微波爐叮翻熱佢咁，最攞命係3隻雞翼盛惠$38。值得一提，服務員有禮貌，全間舖最有水準應該係啲服務員同埋罐coke zero.埋單 2個包$43x2 + 2個轉套餐$18x2 + 3隻雞翼$38 = $160，下次寧願行過少少食添福。

$58個包加$18套餐有薯條同罐裝汽水個包連芝士都無半塊，塊牛肉好hea 完全完全睇唔到邊一部分值得收$58一個包膠托盤上餐紙都無張(麥噹噹都好過佢)，紙包漢堡、紙袋急凍貨薯條、罐裝可樂，$76個餐完全無賣相可言！