高飛漢堡 (Closed)

位於長沙灣既一間小店，望落地方唔算細，乾乾淨淨，但經過幾次都係一個客人都冇，好奇心驅使下就叫左個外賣試試。《$60 雙層高飛漢堡》⭐️⭐️⭐️100%牛肉，招牌醬，生菜，蕃茄，芝士因為冇咩客人既關係，漢堡都係即叫即煎，唔會話整定哂等有人落單。等既時間唔算耐，漢堡肉冇燶邊冇脆邊，係純純既牛肉餅，不過尚算厚身，有少量肉汁。麵包都算鬆軟，輕微烘過招牌醬感覺近似千島醬，冇咩記憶點，其他都係漢堡包既標配，叫做好過快餐店少少，正正常常唔難食。《+$20 跟沙律+野飲》⭐️⭐️野飲係街外買既紙包飲品，冇咩好評價。沙律份量算多，裝左滿滿既一碗，配醋，食落感覺健康D，除左菜之外，配料只有栗米同少量既波羅，甜甜酸酸都幾開胃。人均消費：$80環境：7/10食物：7/10服務：7/10性價比：7/10整體：7/10 #香港 #美食 #香港美食 #foodie #食評 #高飛漢堡 #長沙灣美食 #長沙灣 #香港 #漢堡包 #牛肉漢堡 #可樂 #芝士牛肉漢堡 #美國菜 #菠蘿沙律

長期拍烏蠅，一個客都冇，膽粗粗話晒未食過都幫襯下啦，得我一枱客叫左兩個漢堡餐，坐底食果陣油煙味真係好似去左金門橋後門吸廢氣咁，得2個餐薯條可以係凍，冇講錯，真係凍，漢堡個肉可以係室溫，食到中間個心知佢咩料，唔係趕住去睇戲，真係叫你再整過，咬兩啖都唔想食，嬲到走人！我仲要帶朋友試新野，點知真係😵‍💫賣點：平，服務，位置唔差最慘：難食，薯條凍建議：冇生意唔好成日捉員工開會，成日行過唔知以為你開補習社呀大佬

之前行過見到呢家漢堡包店下午茶時段買漢堡免費升做套餐.尋日行過, 左望右望又再見唔到張招紙, 點知就有店員出來講話呢個優惠轉為全日都有了.於是就走了入去幫襯, 最後點了雙層安格斯堡,  免費配有薯條有飲品.雙層安格斯堡 80蚊, 價格當然唔可以同一般的快餐店比, 但兩塊牛肉好厚身,  煎得也剛好 唔會死實實, 食落仲有肉汁, 仲有生菜, 兩片芝士,  番茄, 少少醬汁,  個包超厚身, 打卡真係一流, 但可惜個漢堡扒唔得, 啖啖都有筋, 感覺似頭頭尾尾搞成一塊的, 比起老麥的安斯格仲要差.波浪著條, 新鮮即炸的,  呢個真係好食.飲品就例牌的罐裝汽水或水, 仲有兩三款楊協成菊花茶,  涼粉爽之類.因為成間舖先得幾個客, 所以可以任坐, 走時店員都有講BYE BYE下次會再來試下其他漢堡, 睇下有無驚喜.

申利不是漢堡包迷，但漢堡包是我常吃的食物之一，主要是因為麥記的漢堡包平靚正，由細食到大。所以當見到一些標榜自家手打漢堡包定價比麥記高出許多，都會不期然對食物的品質有期望。這間高飛漢堡每次路過都有光顧的打算，就是時機不對。今次午餐沒吃太飽+收早。天時地利剛剛好就試試。這裡的漢堡包名稱幾有趣，我點了e神漢堡，是最基本的漢堡再加蛋，還點了雙層牛肉。下午茶時段還不用加錢就可以有薯條+飲品。食物是即做的，出餐都很快，因為全店就得我一個客人。食物一來到，賣相還可以用來打卡，現在這個年頭，打卡是很重要的。我又慣常拆開漢堡包，續層吃。麵包有黑白芝麻做裝飾和增強口感。麵包入邊的組織有很多細孔，包是輕輕的，有點空氣感，不濕潤。麵包這個是很個人的，看你喜不喜歡這款麵包。麵包上搽了醬，不太多。主角漢堡扒就真的失望了，厚度份量還可以，就是味道完全只有咸味，整塊漢堡扒味道很單一，沒有很多肉汁，太乾身亦煎得不香口，沒有一啖一啖吃下去的衝動。薯條就是粗曲曲版，正常味道。這個餐下午茶時段$65。失望不少，若正價$85我想我會好氣憤。漢堡包的靈魂就是裡邊的漢堡扒，其他口味都是由這個再疊加改變，漢堡扒不達水準再改都是無補於

痴線，脾氣暴躁既女服務員！用餐期間俾佢罵左幾十句，執枱動作勁大力大聲，完全係受壓既情況食野…..話唔一定要做你生意。絕對係畢生難忘既經歷。就算食物無問題都好以！後！都！唔！會！再！去！ 仲去幫襯既人 好自為之😊😊

小人熱愛漢堡，餐廳如果有賣漢堡，必定會毫不猶疑買來試試，今次又是一次試新的體驗。「高飛漢堡」小店舖面不大，但完全不會感到逼狹，供應牛肉、雞肉、魚柳漢堡，牛肉都可分為單層或雙層。小人要了個單層巴閉妹漢堡$50，加$20轉套餐；此外更同場加映了一客春卷$35。漢堡包的靈魂當然是漢堡扒 : 這個手打牛肉漢堡牛味夠濃，側邊煎得焦脆，中間都不失肉汁，更可以食到牛肉的質感；有點可惜的是牛肉扒較為鬆散，一邊咬一邊跌，食得好狼狽！配搭的沙律菜有好多，蕃茄生菜全部都好新鮮，必須要提的是洋蔥及蘑菇都炒得十分之香；配合醬汁和半溶的芝士，將整個包的食材連接埋一起，完美配搭昇華味覺享受。麵包是烘香的芝麻麵包，不會過份的乾。牛肉軟嫩、蔬菜新鮮、醬汁濃香、麵包香脆，整個包的平衡做得不錯，果然巴閉！粗身薯條即叫即炸，即使外賣拿回一段路程的公司，入口仍舊熱辣辣；而且香脆不油膩，吃下脆卜卜！薯條有扭扭坑紋，每一條薯條都很容易地沾滿茄汁，正！雖然薯條很多時候都只是配角，但若做得出色，就能夠即時令整餐加分！通常用米網做春卷這玩意多數會在越南餐廳踫到；今次居然在漢堡店出現，小人一於來一客試試。這是一道炸春卷輕食，作為小食份量比

呢間漢堡店係正我屋企樓下，🤔如每次諗唔到食乜都會落黎食漢堡，位置係冇咁近地鐵站，如唔特登過黎都應唔知有呢間野既每次都會叫安格斯牛魔王，因貪佢夠大份🤣🤣每次我都會叫套餐要埋薯條，因都真係炸得好脆好好味。呢個安格斯牛魔王漢堡唔單止大份，😋重好Juicy, 因為我其實唔太鍾意食好乾嘅漢堡包，真心推介。如果你經過開附近，推薦你過黎食下，加左做套餐係就係貴少少，但一黎真係好食過M記，一黎支持下呢類小店

今日經過呢間小店買下午茶外賣，漢堡意外地好食。佢個下午茶套餐都幾抵，叫個漢堡有嘢飲送薯條。我今次叫咗一個巴閉女漢堡。有個糖食嘅阿姨忍唔住讚個薯條好食。我返到屋企食個漢堡包嘅時候，漢堡包仍然多汁配搭一流。但薯條就林左。建議食薯條都係堂食。

呢間漢堡店係喺長沙灣，每次我都會叫菠蘿雞漢堡套餐。雖然個包好大好夠飽，其實可以唔洗叫套餐既，但我會加錢要埋雞翼，因雞翼真係炸得好脆好好味。呢個菠蘿雞漢堡好Juicy, 因為我其實唔太鍾意食好乾嘅漢堡包，而且呢個包有我鍾意食嘅菠蘿，加埋個雞食時好多汁又唔乾，個雞又滑，真心推介。但係個包實在太大，每次食都總會好混亂，因為太多汁，每次都食到隻手成日污糟晒😂雖然佢已經有手套俾你食，真係預咗你會食污糟🤣呢個漢堡，如果單叫就40幾蚊，如果要轉套餐就加$20，價錢話平唔平話貴唔貴，但叫做支持呢類漢堡包店😌

《高飛漢堡》▪️▪️▪️▪️▪️▪️▪️▪️▪️▪️▪️去開長沙灣睇戲都會諗有咩好食~今次試咗一間比較細既本地漢堡包舖🍔鋪頭同shake shack, five guys 間隔類似🤓坐喺座位可以睇到廚房即煎出嚟嘅漢堡肉🤤▪️▪️▪️▪️▪️▪️▪️▪️▪️▪️▪️🔸雙層安格斯牛肉漢堡 （80）+ 套餐 （兩隻雞翼&飲品) （+20）強烈建議牛肉漢堡唔使點雙層，因為雙層漢堡實在係太高😖一啖完全咬唔曬所有配料😂~ 漢堡肉中規中矩，肉味唔算太突出🤓但係份量就真係頗有良心🥳醬料方便嘅bbq同埋都獨有醬汁，食落去幾有層次感~🤩雞翼非常脆嫩~醬汁調味適中🤪雙層安格斯牛肉漢堡評分： 6.5/10🔸菠蘿雞漢堡 （55） 套餐 （兩隻雞翼&飲品) （+20）菠蘿雞漢堡嘅雞肉非常嫩滑，再配埋菠蘿同埋醬汁🤪食落去完全唔會有乾嘅感覺~非常juicy 🥳薯條就相對普通，炸得唔係太鬆脆~菠蘿雞漢堡評分：7.5/10▪️▪️▪️▪️▪️▪️▪️▪️▪️▪️▪️地址： 📍長沙灣福榮街500號喜漾FreeGo 高飛漢堡 （長沙灣分店）地下4號舖

一直都很喜歡吃漢堡包，路過幾次這間店經常都見到唔係好多人喺度排隊。～～～本來呢興趣就不大啦，但有日經過呢間舖頭 ，見到無咩人就去試吓啦。啦估唔到原來味道都唔錯喎。佢有個下午茶優惠叫單個漢堡包免費送薯條同汽水今次我叫咗經典漢堡包味道都唔錯🍔個包軟熟嘅，薯條係用粗薯條都炸到啱啱好。可惜佢淨係俾咗好細杯茄汁，對我呢個茄汁達人黎講就有啲唔足夠啦。哩個價錢食到啲個餐抵啦！如果大家行開哩邊，又唔知食咩好可以考慮吓呢間舖頭

最近試過好多隻漢堡包，有好鬼佬嘅，有成百蚊個嘅，不過作為中國人的我，覺得呢度嘅漢堡包好食，最啱我。價錢合理，水準穩定，味道適中 ，偶然一次嘗試下，未嘗不是佳作，值得支持，另一提佢地亚姐的服務態度非常好。

係假日嘅下午本來打算食個普通嘅Late Lunch經過高飛漢堡，一直都好想試下期望本來都係不大我地揀左一個椒積漢堡，另外就係店員推薦嘅安格斯漢堡 （大部分都係$50蚊單層，加$15 蚊有野飲同薯條，性價比比起好多所謂網紅點高好多）之後坐底等已經聞到好香嘅味道店員仲幫我送到台，首先個外貌已經非常吸引，非常厚身另外一拎上手果然熱辣辣好多漢堡包店個包都係入貨返黎，可能佢都係唔例外，但係可以話店主都對入嘅貨有要求另外漢堡扒非常Juicy薯條係個人鍾意個波浪薯條，非常熱辣辣同脆另外店員態度都好好，Keep住有笑容，都好細心我地食到一半D茄汁用曬打算起身自己佢拎過，佢都即刻衝過來幫我地，等我地唔係咁麻煩整體係值得好評，又性價比高嘅漢堡餐廳食完上黎見到有咁多負皮都覺得好出奇

如果你要奢華類網紅類，呢度真係未必係你要嘅野但問心，唔單止冇講到又差又雪藏味係好好食性價比非常高疫情下的週末，我由太子聯合行到深水埗黃金，再過埋長沙灣元州商場，真係普通個麵檔都要排隊，明嘅行到真係頂唔順，見到有呢個漢堡店就真係是但入左去，諗住求其食少少野算點知係有驚喜下午三點幾一個客都冇，點完餐等，仲見到幾個負評真係有啲驚漢堡 : 食得出自家手打，就算我只係食最平嗰種入門都食得出係用安格斯牛肉，好香，入口滿滿係黑椒係肉香，配埋新鮮蕃茄生菜食得好舒服，好滿足薯條 : 到而家都諗唔明點解坐低10分鐘就有得食，但薯條可以熱辣辣又香脆，仲要係thick cut仲有，個漢堡皮非常香口鬆軟，其實水準真係好好，又平實，我自己就一定會返轉頭再食其實呢個帳戶都好耐冇出食評，真心係覺得點解一間唔錯嘅舖頭，會咁多負評

外國加香港地道風味 肉質夠新鮮 一咬流汁。一滴都唔想浪費嘅原味道 無意中經過發現。一試難忘。 絕對係連鎖店不能比 特別好味嘅係 jalapeño 加蛋加波蘿 。 豐富感滿足 。 如果有埋 milk shake 就正到漏油 特別小寫食評。一年可能寫一次。所以呢間係值得一試