鳩戟

Open Now

Now Closed

原本好鍾意食，每次都食開心果加開心果雪糕球，自從對上一次轉左係雪糕機嘅開心果味，已經唔好食，早2日再試，希望好食返，點知雪糕得牛奶同芒果選擇，芒果都係要加5蚊，開心果仁碎又小，仲要7拾幾蚊，冇留戀可唔可以比返最原始嘅雪糕球呀？

每次過嚟葵涌廣場掃街，甜品通常放到最尾先食，但係好多時食到好飽已經食唔落，所以今次第一樣食嘅就係呢間好多人都話好好食嘅梳乎厘😍不過當時買嘅時候一個人都冇，心諗會唔會有啲伏😂都唔理啦，就要個開心果疏乎厘試吓。見到一男一女，喺自己隔離行嚟行去，見佢都好似唔係整咁🧐得我一個都等咗20分鐘。。。。出到黎上層個梳乎厘都OK，下層果個個直頭扁嘅😫😫雪糕仲要溶溶哋。完全唔似梳乎厘，似蛋糕多d🥺$68極度失望完全唔值呢個價錢，唔怪得知冇人買🥺真係唔知好過試。

今日下午去試葵廣出名pancake店點了一個伯爵茶pancake店員同我講1分鐘後取，我眼都突埋原來已做好從保暖櫃取出Pan Cake再裝飾，真係1分鐘就比我，當時沒有客人只是見佢兩個喺度玩手機傾偈，簡直不能相信PanCake係已經預先做好，不是新鮮即制，食了一次，以後都不會幫襯，香港飲食業點解會越來越差就係根本沒有用心做，就算有時好食跟本都不會keep到水準。

第一次幫襯呢一間pancake店，知道好出名，所以試吓🙂平日星期五夜晚八點幾去買，下單後要等五至六張單，於是行咗一個圈，大約15分鐘後去拎。佢每個order會有兩塊疏乎厘pancake，用一個有蓋嘅紙盒裝住。當職員打開我嘅紙盒準備裝雪糕落去嘅時候，件pancake塌曬嘅？！🥲我睇到隻眼都凸埋，心諗：唔係咁都出俾客人嘛？好多依啲甜品，其實客人係會打卡影相留念😓於是我就問個男職員：點解個pancake會咁嘅？😟男職員話：件pancake塌咗‼️‼️我心諗：下，咁都得❓❓❓🤯😤唔知係咪個男職員稍驚，佢即刻打開埋我之後嗰兩個客人嘅盒，我見到其他人嘅pancake係冇塌嘅😒見佢已經擺咗雪糕落我個盒度，所以算啦，拎走佢。拎到出去食嘅時候，發現：根本兩塊pancake都係塌嘅🤯🤯‼️‼️‼️完全唔成形‼️‼️好似一pat糊仔咁，真係完全冇晒心機食，唔明點解都咁樣都可以出俾客人😤食咗幾啖就冇食，真心好失望😮‍💨😰你呢間店淨係專門做一樣野食，就係pancake，但都做成咁。誰不知我隔咗半個鐘頭就肚痾🤢🤢即刻沖去新都會屙🫠回頭一諗：其實都唔知係咪塊pancake太生，所以肚痾😵😵‍💫真心無下次，俾$60買一個甜品，但係

話說成日見到有人介紹呢間疏乎厘好好食，就食完晚飯過嚟試試，先講食物係唔錯，但唔記得咗影相，叫咗伯爵茶疏乎厘配開心果雪糕，基本上同平時食開啲日本大牌子成舊水嗰啲不大分別，又唔會過甜，係好食好鬆軟嘅但中間等食物時遇到一個小插曲，雖然我只係目擊者唔關我事，但都有啲睇唔過眼話說見到有個女仔想要個膠袋外賣，咁有個染髮嘅年輕女仔店員就話膠袋要一蚊，客人就搵咗一蚊出嚟俾店員，嗰時店員都幾忙嘅，佢拎咗一蚊就擰轉身去做其他嘢，無指示過個客人，到底個膠袋係要自己攞，直接定佢一陣拎俾佢，我見到個客人都有啲手足無措，唔知佢係想點，咁我見佢猶豫咗幾秒，就自己伸手拎咗膠袋，因為其實膠袋就掛咗喺取餐位嘅隔離，可能佢都見店員比較忙，就自己拎咗個袋，自行裝好個外賣走咗，我都覺得好正常無問題。事後店員2號問返染髮女店員，個客有冇俾一蚊膠袋錢，染髮女就當住好多等緊餐嘅客人面前話：有俾呀，不過我一擰轉身佢就自己拎L咗同走L埋(L係粗口，不過呢度唔俾打粗口，就用L代替）其實我唔明點解要咁大聲當住其他客面前去鬧前一個客，仲要大大聲聲爆埋粗我即時諗，咁到我走咗會唔會鬧埋我，感覺真係好差其實我又覺得個客無咩做錯，個店員收完人錢又冇指

落單時店員已經態度好差好似完全啞咗咁，叫左一個pancake配雪糕，發現沒有雪糕。店員話因為自己取走咗仲叫咗老闆出嚟講，話已經通知咗等一陣其實根本冇，喺度講大話唔眨眼，張單都已經收咗咁咪取走囉，態度極度惡劣。兩個店員出嚟幫拖，但因為自己講大話 ，一句聲都唔出，連解釋都冇。呢間舖係點樣做落去，唔係話後生仔做唔好，但唔該唔好將自己脾氣發落顧客度。全部店員都西口西面好似啞咗咁，完全冇同顧客溝通過，非常之莫名其妙，全程毫無交流。食物方面完全唔值呢個價，其實只係好普通嘅pancake，更何況連雪糕都食唔到，就係呢啲人影衰香港餐飲市場。食物好唔好食其實都係其次，最重要就係態度。

聽聞呢間pancake 喺葵芳好出名今日終於同朋友嚟葵芳掃街 嚟到都好多人排緊隊揀咗伯爵茶口味加開心果雪糕雪糕都有好多款可以揀全部即叫即整 所以都等咗一陣 Pancake 有兩塊 蒸得勁高勁大 比較厚實嘅pancakes 加埋伯爵茶醬碎碎 唔會太甜太漏最正喺開心果雪糕 勁濃郁嘅口感 冇敏感牙齒嘅感覺 好綿滑

一場嚟到 #葵廣，點可以唔掃下街🤭 人山人海嘅場面，永遠都會喺食物檔出現😅 經重重開山劈路，#小秘書 終於嚟到 #九鳥戟 … 一間傳聞中好好味嘅 #班戟店 🍮 一向患有選擇障礙嘅我似乎樣樣都想試😅 唯有靠點指兵兵做選擇… 呢日我哋揀咗 #香印提子 #海鹽焦糖脆皮 #pancake 🍮 配 #開心果 #Gelato … 鬆軟嘅pancake，舖上厚厚嘅焦糖，夾埋海鹽一齊入口，鹹甜口味配合得天衣無縫🤤 而且仲有 #開心果 味超濃嘅 #Gelato 做陪襯，又真係幾好味㗎喎🤤🤤 📍九鳥戟 (葵芳)葵富路7-11號葵涌廣場2樓2010號舖

上次黎葵廣試唔到既pancake，今日終於試到啦😍即叫即整既關係，落完order大概都等左15分鐘先有得食🫧✰⋆🥞焦糖脆皮奶黃流沙𝐏𝐚𝐧𝐜𝐚𝐤𝐞 $60/2 pcs即叫即製既梳乎厘pancake賣相好靚聞落好香💯上面淋滿左奶黃流沙醬，上面個層焦糖有燒過，好脆好好食。梳乎厘都好厚身，口感鬆軟，充滿空氣感🫧非常軟綿，有入口即溶既感覺(´▽`ʃ♡ƪ)，🍳蛋香味亦都好濃郁😋每份梳乎厘都可以揀一種口味嘅雪糕，作為開心果控既我當然又揀咗開心果味，完全係好有驚喜，雪糕入面有開心果碎，開心果味亦非常之濃，真係好值得一試⭐️⭐️⭐️✰

9cake嘅海鹽芝士Oreo唔錯。外觀方面，梳乎厘嘅色彩對比鮮明，Oreo嘅深色同芝士唧奶白色搭配得幾靚，Oreo 粉比足！！令人一睇就有食慾。味道方面，海鹽嘅微鹹同芝士嘅濃郁互相融合，梳乎厘空氣感十足，口感豐富。Oreo餅乾的酥脆感同芝士的滑順形成對比，甜度適中，唔會太膩，而我揀嘅tiramisu 味雪糕都唔錯。性價比方面都算合理。但係都有啲多人，我都要10分鐘先拎得。整體嚟講，海鹽芝士Oreo表現唔錯，值得再試！

今日同朋友出葵涌廣場掃街見到多左好多新野食，其中呢間疏乎厘最多人排隊，入面有多款口味，我地揀左宇治抹茶紅豆+開心果味雪糕，疏乎厘空氣感十足，配合香滑的抺茶醬再加上開心果雪糕，值得一試～

葵廣出名有好多唔同嘅小店，特別係飲品同埋甜品店，一直都排曬大隊。今日小篇甘岩黎到葵廣夾公仔，試左間人氣好高既pancake。佢個名好引人入勝😂 依加pancake 送一球雪糕，好似幾吸引就試試佢。我地就揀左伯爵茶pancake，等左5分鐘左右就有得拿，幾快手！班戟有兩件，厚度中規中矩，但好"動L"！係比較重空氣感，pancake 本身已經有幾濃既蛋香同奶香味，面頭有一層伯爵茶醬，醬上面亦有少量餅乾碎增加口感，整體味道配搭唔錯。建議係個雪糕要裝番靚少少。。。個panckake 既美感完全比依球雪糕整壞曬，可以既話希望係同相一樣，甘就正啦。有個句講個句，賣相雖然睇落麻麻但食落係好食的。整體唔錯，可以再試。

焦糖脆皮奶皇流沙配自選雪糕奶黃吉士淋醬塗上焦糖脆脆餅皮,黏稠滑順就像蘇打雲尼拿。🤩🤩再加一球雪糕,一口入嘴刺激冰暖交替。😋😋半熟班戟外层薄脆内里嫩滑,咬下去滿嘴的水汪汪。口感豐盈彈牙,以前從未有過這樣子。🥰🥰#hkfoodie #foodiegram #香港美食 #性價比餐廳 #葵芳區 ##甜品 #餐廳 #生日飯 #hkig #hkfood #hkfoodblogger

小店主打梳乎厘班戟和旋風雪糕, 見是網絡熱推之一, 又很久沒吃梳乎厘, 便光顧一番。灑上糖霜後的班戟, 糖霜少得很沒誠意追加糖霜後的班戟焦糖脆皮奶黃流沙 (所有pancake均會奉送軟雪糕) $60焦糖脆皮奶黃流沙賣相中規中矩, 班戟有兩件, 厚度略微不足。奶黃流沙醬蓋滿班戟, 面頭有燒過的焦糖, 唯沒有脆的質感。由於所有pancake均會奉送雪糕, 雖然並非餐牌所指的軟雪糕, 但雪糕有繽紛樂榛子, 雜莓和特濃開心果選擇, 我選了特濃開心果。店員會在客人面前為班戟灑上糖霜, 糖霜份量之少令我忍不住開口問可否多給, 雖然店員樂意為我追加, 但感覺製作的心度不足。雖然製作的心度不足, 但質素尚存。班戟富有空氣感, 入口軟綿, 配上奶黃流沙醬, 奶黃味濃, 味道不俗。特濃開心果雪糕開心果味明顯, 內有少量開心果碎, 增添口感。由於pancake尚餘熱力, 雪糕融化得快, 一冷一熱, 有冰火感覺。

焦糖脆皮奶黃流沙Pancake - $60 呢間嘅Pancake係疏乎厘嘅質地，好重空氣感，呢款有啖啖奶黃味，比較重蛋香，面頭會有一層焦糖脆皮，增添口感，而每款pancake都會一款雪糕，可以自己揀味道，今次揀了Tiramisu，都好味。但略嫌性價比不高，同埋建議買完要即食🤣