Freshness Burger (Closed)

下午茶時段，同友人到 Freshness Burger 食野，今次係第一次幫襯呢個品牌。望左餐牌好耐，終於揀定左一個下午茶餐，發現只係比原價減左 $8 左右，不過始終個包係間舖既招牌產品，所以都一試。1. 照燒雞堡 + 沙律 + 薯格下午茶餐 (連普通熱飲或汽水 $38 / 連咖啡或特飲 $43)下午茶餐有六款可以揀，問左收銀員邊樣好食，佢話照燒雞堡好 D，於是我就揀左試一試。個包的確幾新鮮，即製，Size 唔算好大，Burger King 好似大 D。個包入面有雞扒之餘，有洋蔥粒、蛋黃醬 (Mayonnaise) 同生菜。Mayonnaise 同照燒汁其實唔係好夾，兩者鬥搶味，而且洋蔥粒同 Mayonnaise 又唔夾。你去過老麥食黑椒漢堡就知，人地係配黑椒汁，比較濃同埋惹味既醬汁，不過 Mayonnaise 都唔係呢回事。個包就算 OK。至於個沙律，佢只係用日式沙律油，無得俾客人揀千島醬或者其他醬，好失望。人地老麥初初出沙律都可以整三款醬俾人揀，佢呢度走外國路線反而無得揀。菜就好新鮮，份量恰當。跟餐可以要薯格或者薯角，我揀左薯格，可以成個餐得四塊，太矜貴。至於餐飲，我加左 $5 要

第一次同bf去食,緊係要試下佢地既orginal burger la,咁先知間野好唔好食嫁ma好彩佢唔係迫人一定要食薯條姐,咁就可以試下其他小食la><叫左個set: 一個和風牛肉burger+一杯7 up+一個小食(要左芝士煙肉薯皮) $46原來學生仲有折嫁 有個9折 $41咋,平呀叫左一個餐咋,因為仲打算去食其他野呀.>3<個burger幾大舊,咬第一啖就覺得有好多料lad肉醬出曬黎呀xd 但嫌個tomato大件左d本人覺得呢求既burger無mos burger咁濃味,咁仲好,清清地,healthy d連bf都話好食呀xd芝士煙肉薯皮,真係有好多cheese係上面,會溜出黎嫁,正呀><, 幾香口呢度唔算好多人,好岩同d fd係度食下野,傾下計仲要買完可以搵位坐,咁就會有人送到去你面前,sevice好好有張$10 coupon送呀,只要用過$50就可以減$10 la,下次一定黎過xd

難得放假~同朋友去mk行街~見餓 就試下呢間freshness burger~呢度都係食日式漢堡架~我自己叫左個照燒雞肉鮮堡~因為今日唔舒服~唔食得熱氣野~呢度好好呀~跟餐飲品除左可以飲平時個d之外~仲可以轉左粟米湯!!小食就要做沙律~~唔熱氣!個漢堡都幾好食~~粟米湯好飲!要讚!!個沙律一般般啦~好就好左佢d餐既配搭都幾彈性~~唔洗迫死你飲汽水~或者甜野個d~

小妹 平常光顧Triple O's Hong Kong較多Freshness Burger倒是在沙田光顧一次之多 記憶中下午菜很抵吃才$38元(好意頭><) 便當盒有沙律 薯角 漢堡 和飲料 除了有炸物滿足口慾 也飲食均衡 +5元能有鮮橙汁!很好! 今天 和朋友們逛累了 記起旺角新世紀也開了一間 決定去嘗一嘗 坐一坐位置比較難找 在百老匯和sasa對面地方還算闊落 "卡"位舒適 實屬聊天休息首選!!我們於非繁忙時間到達 此餐廳 標榜即叫即做 也不算等待太久 around 10分鐘有得吃反正 不能等的話 早去了"督"魚蛋了!本人點了 招牌和風肉汁鮮堡, 朋友分別要了 照燒雞肉鮮堡, 吉列明治鮮堡 和 特級雙層牛肉芝士鮮堡， 小食要了薯角，薯格 和 洋蔥圈， 飲品是橙汁，咖啡和百事。即叫即做的緣故 餐點送來的時間仍然熱騰騰 尤其是洋蔥圈 即叫即炸的才好吃!!才是皇道!!! 曾於其他快餐店吃過放了一段時間的洋蔥圈...差點要拆掉那兒的廚房!本人比較喜歡薯格多於薯角!!看見鄰桌吃日式布甸和芝士煙肉焗薯皮...好像很好吃~滿滿的芝士醬，下次要一試!飲品都是一般水準 百事...沒有

有幸得到OR送贈的$50 coupon, 即刻同埋阿媽去食。記得在TST 開業時幫襯過一次，印象中質素幾有保證的。我要了和風肉汁漢堡 + 芝士煙肉薯皮 + coke。俾完錢之後，坐番埋位，有服務員將食物送上。等了大概五分鐘就有得食啦。一打開，個和風肉汁漢堡嘅包已經有點淋，仲變咗形。面包幾軟熟；中間有大量洋蔥粒、醬汁同一塊牛肉。洋蔥粒實在多得滯，好辣；醬汁幾香幾惹味，唔會太稀；牛肉唔算太厚，只係比M記厚少許。一咬下，未見特別juicy，沒有爆汁情況，牛肉仲有羶味。蕃茄好淋，不過完全無味，唔酸又無甚味道。阿媽要了特級牛肉鮮堡 + cappuccino賣相也不太討好，牛肉凸晒出黎。阿媽話塊蕃茄破壞晒成個包...因為蕃茄無味之餘，蕃茄汁仲流晒出黎，搞到個包淋晒，好似發水麵包咁，所以佢話超難食。牛肉又太乾太羶，無醬汁。芝士煙肉薯皮呢個好味，雖然我唔鍾意芝士都覺得味道唔錯。炸得唔會太乾，又唔會太肥。裡面d薯仔熱熱淋淋，好味。環境幾舒服，人唔多。負責墊枱的服務員超有禮貌，又好笑容，真係要讚一下。

感謝openrice送左$50既freshness burger既優惠券，所以今日既午餐就呢度解決。雖然成十二點幾，但都唔係太多人。真係唔錯，又唔會唔到位。芝士牛肉漢堡等左差唔多兩個字，但都值得既。牛肉juicy非常，又有肉汁流出來，牛肉味又夠，好想食多次啊。煙肉薯皮呢個幾好食，薯皮好脆，配上沙律醬，簡直一流。凍朱古力一飲就知係用朱古力粉沖既，但個味都唔算太淡。我覺得可以接受既。不過下次都係要小冰，飲完都仲有半杯冰剩。整體上都唔錯，下次可以試下其他既漢堡。

與『Iker casillas』一齊食午餐叫了二個classic burger餐，burger加杯汽水、薯條點解好似無銅鑼灣果間咁好食？不過都好juicy，一不小心，噴到一身都係肉汁！慘！咁大個女食到好似小朋友咁！真係樣衰！好在坐得好後，無咩人見到我出洋相。下次都係去返銅鑼灣食。

昨日有時間，就試下呢度既burger。我實在太肚餓啦，就叫左個雙層芝士漢堡套餐、有煙肉薯皮，飲品就飲肉桂奶茶。我買左野食之後，等左兩個字到就有野食，即製果然係賣點。個雙層芝士漢堡真係好大，比M記聲稱既足三兩大得多，我相信牛肉既份量超過三兩。當我食食下，牛肉既肉汁不斷"必"出來，有肉味之餘又juicy....正。但蔬菜既份量就無咁多啦。個薯皮都唔錯，如果芝士味濃D就更好啦。玉桂奶茶就好似係加左奶精既紅茶，但飲落口，肉桂味就唔係好重。但都唔錯。雖然要等成兩個字，但都值得既。因為真係物有所值，但個價位可以低小小就好啦。

吃完帝京軒仍覺意猶未盡, 最後決定跟大人分享一直想試的漢堡飽.服務:很友善及會送到你檯效率:差不多15分鐘才有得吃, 雖然是即做, 但全店只得我一個顧客兼只落一個飽, 真的要這麼久嗎?多幾個客人豈不要半句鐘或一句鐘?食品質素:熱辣辣, 但一咬下牛肉肉汁即湧出來, 並不是說笑, 真的很澎湃, 可惜正因如此整片下層飽迅即濕透, 試問爛溶溶的飽怎會好吃? 亦因不想波及上層飽而要急急吃跟本嚐不出真味道!飲品質素:轉柚子梳打加5元, 即是18元一杯飲品, 份量超少應等於M記的細汽水, 冰佔了2/3, 大人喝了兩口我想試試已經到底暫時也找不到再去的理由.

放工後同男友趕住去gh睇戲, 於此"拿拿臨"搵間可以快d食完既餐廳食晚飯 去到發現間餐廳一半都坐唔滿, 心諗"唔通好難食??" 叫左兩個餐, 食落又好ok wor 吉烈鮮堡 + bacon potato skin塊吉烈豬扒又熱, 飽又新鮮, 好食 個 potato skin 太硬, 芝士唔夠香, 普通啦 雙層牛肉芝士burger + 粟米湯男友叫既, 我試左少少, 塊牛肉好juicy又有牛味, 不過食既時候有d"論盡" (好多肉汁個burger又厚), 粟米湯好香甜, 唔係金寳湯貨色 雖然係快餐店格局, 但係食物好好, 當然價錢唔可以同麥記比, 食物亦要等10分鐘先有, 但算物有所值

尋晚同媽媽行街, 但又唸唔到去邊度開飯...行行下就來到freshness burger la...記得佢開張o個時成$60-70 一個人,但睇在佢咁好食份上都去豪一豪...結果比我地想像中平!媽媽就咁叫左個包, 燒雞包, 散叫$25而我就要牛肉漢堡, 跟小食連飲品$46...一啖咬落去除左啖啖肉汁之外, 就係感覺到D 生菜好新鮮..."sork sork" 聲, 仲比平常gei 生菜甜tim!!!小食要左芝士煙肉局薯皮...芝士好溶, 薯皮又香又脆又多"肉"不過遺憾gei 係依家飲品唔可以揀粟米湯...粟米湯要加$5...

好味呀,未去食過的要去食下.岩岩新出左隻包-v-我試左.好好食.特別舊雞.d汁甜甜地.好味.跟住我仲跟左個小食.日式布丁.好味^v^.個樽仲好特別.好鍾意.呢間 Freshness Burger 值得去試下!

　重九登高，老友約先去Freshness Burger食早餐，貪佢近火車站。餐牌六個早餐之中，其一個是素食奄列、沙律加牛角包，咖啡或茶，睇落唔錯；重有一些小食同菜沙律是素食全堂衹有兩枱客，由落單至出餐總共１５分鐘，好彩冇趕時間。奄列煎過籠，好乾，奄列餡＝沙律；沙律大約有一湯匙滿的份量，是暖的；牛角包可能被翻釘，硬嗗嗗，卜卜脆；最詭異的是奄列下面那一塊西生菜，是透明的。老友話，重話Japan No 1 premium burger，一次就夠，以後唔會幫襯，費事老闆浪費好好的食物。我都係噉話，材料唔係唔好，不過整得好馬虎好馬虎，找不到絲毫日本人的細緻。洗手間在３樓，要行翻出大堂搭長的扶手電梯直上轉左。

放o左學, 想去行街但太早, 怕o的舖未開so... 搵個地方食o下o野~ 坐o下先~期待試Fresnhness Burger好耐ga la~叫o左個明治吉列漢堡加洋蔥圈&7up {$46}拎住個號碼牌, 等侍應拎過o黎個包熱辣辣, 塊吉列扒ok~ 薄薄o既脆外殼~ gd!!而個燒汁都ok~ 但最愛都係佢用上了蛋黃醬~ 好match!!至於洋蔥圈都ok~ 係多o的油~ 同份量比薯角少罷了~$46, 食個餐~ 仲要坐o左成個鐘有多先走~依餐都算係幾抵!!

星期四同朋友想坐下食點東西, 這商場好多間餐廳都食過, 不如試吓新店.我要了一個Teriyaki Burger, 加了$5配Organic Iced Latte, 朋友要了另一款牛肉漢堡同粟米忌廉湯, 購票後坐低邊傾邊等, 只是第二張單卻要等上十分鐘, 才由店員送上, 我的burger patty唔講得好juicy, 亦唔係好好肉味, 不難吃卻無特別, Organic Latte幾重草青味, 只可以說不合個人口味, 朋友說忌廉湯幾creamy, 應該真是有落light cream煮湯. 整體感覺唔到此burger店賣點為何, 那裡比競爭對手優勝? 可是價格不高, 坐下食吓無妨.